A. -

"Couche de tissu organique, membrane recouvrant le corps de l'homme et des animaux"

1.

[Peau humaine]

a)

Au propre : Et quant de ce siecle departent [li mondain], Ne sont leurs corps las ne leurs piaux Couvers fors des plus viez drapiaux (Mir. Barl. Josaph., c.1363, 269). ...sire, il [Ignace] ne vous doubte point, Et s'est de corps en meilleur point C'onques ne le vi, ce me semble. (...) Il a bien sa char revestue De bonne pel. (Mir. st Ign., 1366, 109). Or parle PILAS. Segnieurs, entendé moy. Tout ung pillon festes Et puis des corges pour le batre Tant qu'il n'y aye ny pel [ny] os Que tout n'en seroit ensagleinté, Et puis sauront la verité. (Pass. Autun Roman F., c.1400-1500, 191). Presnez gros nerfs de beuf tous cruz Et les nouhés et crochetés, Et que sy fort soient batuz Et derompuz et tourmentez Si que par dolz ne par costez Il ne demeuroit peaul entiere. (Myst. st Adr. P., c.1450-1485, 80). ...il [Pan] avoit la pel pintellee et tachettee (LA SALE, Sale D., 1451, 172). Aucuns dient qu'il fut aussi cause et donna conseilh que le roy Cambises fist escorcher le faulx juge, sur la peau duquel il fist asseoir son filz en la chaise de justice ad ce qu'il advisast à sentencier droit. (SIMON DE PHARES, Astrol., c.1494-1498, f° 46 r°). L'EVESQUE. (...) De belles verges pencez de le mener A la raison et si bien promener Que sur son corps ne reste pel entiere. (LA VIGNE, S.M., 1496, 341). EMPEREUR. (...) Haro, haro, haa ! Qu'esse cy ? Le feu me brusle, le feu m'art, J'ay le corps de chaleur transsi, Le cuyr me fend, la peau me part, D'icy me fault faire depart. (LA VIGNE, S.M., 1496, 507).

-

Jusques à la peau. "Complètement" : ...il fist trop grand pluye, dont elle eut bien sa part, car elle fut toute percée [var. et baignee jusques a la peau] (C.N.N., c.1456-1467, 276).

-

Avoir la peau vide. "Être très maigre" : Las, a ce povre aveugle né, (...) Vueillez quelque denier donner. Helas, il ne scet que disner, Et si a tout vuide la peau ! (Myst. Pass. Troyes B., a.1482, 443).

-

N' (y) avoir plus rien que la peau (et les os). "Être dépouillé de tout" : ...en tout son corps n'a que les os Et la pel (CHR. PIZ., M.F., I, 1400-1403, 104). SATHAN. Haro haro vous ne sçavés Dyables d'enffer le mal nouvel Nous n'avons plus rien que la pel Car ce Jhesu Crist nous derobe (OUDIN, St Genis M.S., c.1490, 76).

Rem. MOLINET, Faictz Dictz D., 1467-1506, I, 154.

-

Oster / tollir la peau. "Dépouiller de tout" : Veci un salut tres bel [ce que le roi prend pour le salut et la défense du pays] : vous me toullés la pel et la char avesques, et voulés ce salut appeller, et deffense ! (Songe verg. S., t.1, 1378, 38). Mais je doubte que a vous mesmes, sire, se pourroient adrecer lesdictes paroles, car par les taillez, aides et subsides que vous faictes soubz umbre de la guerre vostre peuple est pillé et robé en plusieurs et diverses manieres et tout destruit, et leur ostés ou voz officiers de par vous la peau de dessus eulx et la char de leurs os (JUV. URS., Loquar, 1440, 419).

b)

P. méton. [Désigne le corps, la personne] : GRIFFON. (...) Entens tu mon sermon ? BRAYART. Et, par ma loy, ce feras mon. Croy qu'il est maint plus beau chappeau Que d'avoir affublé ta peau : Jamais ne vueil telle affublure. (GRÉBAN, Pass. J., c.1450, 302). Dont s'aulcun garde ma brebis, Puis la touze, escorche ou la tue, J'ay sens plus froit que mabre bis Si par moy sa peau n'est batue (MESCHIN., Lun. princes M.-G., c.1461-1465, 53).

-

[À propos du corps de la Vierge, où Dieu a pris chair] : Lors fu nature esbahie et taisans, Quant deitez vint tel pel affubler Qui vierge estoit (Mir. st J. Paulu, c.1372, 147).

2.

[Peau de l'animal] : Car je say bien que la pratique Savez toute, et la theorique D'amour loial et de ses tours, Et ses assaus et ses estours Vous ont donné mainte frisson Plus poingnant que pel d'yresson. (MACH., F. am., c.1361, 197). ...et d'iceulx botereaux ne vit oncques saillir sanc ou venin quelconques, pour ce qu'ilz avoient la peau si dure que elle ne la povoit percier. (Reg. crim. Chât., II, 1389-1392, 331).

-

[Allusion à l'attirance de la peau féminine] : Dedans l'amoureuse cuisine, Ou sont les bons, frians morceaux, Avaler les convient tous chaux, Pour reconforter la poitrine. Saulce ne faut, ne cameline, Pour jennes appetiz nouveaux, Dedans [l'amoureuse cuisine, Ou sont les bons, frians morceaux.] Il souffist de tendre geline Qui soit sans octz, ne veilles peaux, Mainssee de plaisans cousteaux ; C'est au cueur vraye medecine (CH. D'ORLÉANS, Rond. C., 1443-1460, 453).

-

Prov. : Qui le leu ne veult resembler La pel ["la peau du loup"] ne doit pas affubler. (Liber Fort. G., 1346, 85).

Rem. Plus vit l'aignelet, plus empire la pel (GERS., 1406, éd. Glorieux, t. VII, 692). Quant de mal vient l'aigneau (...), A mal tourne la peau (Prov. rimes F.M., c.1485-1490, 78 ; Prov. H, 31b). Par allusion : Il m'a dit que jamais je ne marchandasse de la peau de l'ours jusques ad ce que la beste fust morte. (COMM., II, 1489-1491, 21).

3.

[Dans une comparaison] : Car de la terre il disoient que ausi comme une pel qui est fort tiree equalment de toutes pars ne pourroit estre rompue, et comme celui qui avroit tres grant fain et tres grant soif equalment et avroit pres de soy equalment a amengier [l. mengier] et a boire, semblablement il disoient que par tele indifference repose la terre ou milieu. (ORESME, C.M., c.1377, 550).

B. -

En partic. "Cette membrane quand elle est séparée du corps de l'animal et apprêtée"

1.

Au propre

a)

[Utilisée pour l'écriture] : ...[le] seigneur des Bouteilles, dudit lieu, marchant de peaulx de mouton à fere parchemin (Reg. crim. Chât., I, 1389-1392, 63).

-

Peau de parchemin. "Peau d'animal (mouton, chèvre, veau, porc, etc.) préparée pour recevoir l'écriture" : Jehan Huitasse, pour une main de papier et 1 peau de parchemin pour maistre J. le Royer, quant il estoit à Londres, 10d. (Comptes argent. rois Fr. D.-A., I, 1359-1360, 236). ...et pour la malice des gens fault hiis temporibus mettre une peau de parchemin où souloient souffire quatre lignes. (FAUQ., III, 1431-1435, 104). Mais qui le vouldroit faire en plat [la mappemonde], comme sur une pelz de parchemin, proprement il fauldroit que ce feust en la maniere que on fait l'instrument de la saphee. (FUSORIS, Traité cosmogr. G., 1432, 10).

b)

[Utilisée pour faire des chaussures] : On dit que un enfant qui onques n'aroit chauscié sollers, si les premiers qu'il chausce sont de pel de taisson, il garira les chevaus dou farcin s'il monte sus, mais ge ne l'aferme mie. (GAST. PHÉBUS, Livre chasse T., 1387-1389, 103). ...deux peaulx à faire bourgequins (Comptes roi René A., t.2, 1478, 69).

c)

PEAUSS. [Utilisée pour confectionner des vêtements, des doublures, des ornements...] : Encore vaulx tu mains q'ung aigneaul, Car de sa peau on fait des guans ! (Pass. Auv., 1477, 212).

-

Peau d'agneau : ...deux manteaulx de cuissetes d'aigneaulx noirs, prisez trois escus (...) Item, 48 peaulx d'aigneaux de Lombardie, prisé chacune peau, l'une portant l'autre, 3 s. (Aff. Jacques Coeur M., 1453-1457, 70).

.

Peau noire. "Peau d'agneau noire" : ...vendu à Grant Jehan, pelletier, 225 peaulx noires, tant de Lombardie que d'autres païs, dont il en y a de bien grosses en ce compris plusieurs petis morceaulx estimez 25 peaulx 13 l. 15 s. (Aff. Jacques Coeur M., 1453-1457, 33).

-

Peau de Bougie. "Peau d'agneau noire (primitivement du royaume de Bougie)"

Rem. Doc. 1453 ds B. Roy, Médiévales 29, 1995, 19 (quatre peaux de Bougie). R. Delort, Le Commerce des fourrures en Occident à la fin du Moyen Âge, t.1, 1978, 88-89.

-

Peau de chien. [Matériau utilisé pour la confection de lanières que l'on fixe aux tarses des oiseaux de chasse] : Item, pour faire loirer les oyseaulx d'icellui seigneur pour le temps, pour verveilles, grans gibessieres, chapprons d'oiseaulx, peaulx de chiens, longues, gets, opriment, sang de dragon, manne et generalment pour tout ce que ledit Olivier, ses gens et serviteurs pourroient demander a mondit seigneur (Comptes argentier Ch. le Téméraire B.F.L., t.3/1, 1470, 59).

-

Peau de mouton / de veau... / peau de léopard : ...une peau de veau (VILLON, Test. R.H., 1461-1462, 68). À Colas, le pelletier, baillé VI g. par le commandement de monseigneur, pour avoir fait corroyer une peau de lyopart (Comptes roi René A., t.2, 1478, 163). Au pelletier de monsr de Calabre, ledit jour, la somme de dix-huit escuz, à raison de XXX gros l'un, pour troys douzaines de jennètes grises, deux noires mouchetées et une peau de léopart (Roi René vie L., 1478, 378). ...une peau de mouton (Comptes roi René A., t.3, 1479, 51).

Rem. Doc. 1481 (Lille, peaux de moutons soufflees) ds GDC X, 408c s.v. preparatoire.

2.

P. méton.

a)

"Peau (de cuir) servant de protection (en partic. tablier)" : Une vielle qui chevauchoit Les undes de mer et avoit Ceint comme favresse une pel... (GUILL. DIGULL., Pèler. vie hum. S., c.1330-1331, 374). Et estoient lesdictes communes que on appelle Suisses, assez communement habilliez de jaques, de paus, de habregerie, de glachons et de chappeaux de fer à la fachon d'Allemaingne. (ESCOUCHY, Chron. B., t.1, c.1453-14, 21).

-

[Pour garnir une fenêtre] : Denys le Lombart, de Londres, charpentier, pour la façon de 4 fenestres pour la chambre du Roy en la Tour de Londres. C'est assavoir : pour le bois des 4 châssis, 3s. 2d. Item, pour cloux, 2s. 2d. Item, pour une peau de cuir, 5d. Item, pour 6 livres et demie de terbentine, 4s. 4d. Item, pour oile, 3d. Item, pour 7 aunes et demie de toile, 9s. 4d. (Comptes argent. rois Fr. D.-A., I, 1359-1360, 245).

b)

Peau de bouc. "Peau de bouc cousue en forme de sac, servant à conserver les liquides" : ...la somme de sept florins sept gros quatre patas pour deux quintaulx d'uille d'olive (...), en ce compris une canne de grosse toille et deux peaulx de bouc à porter ladite huille (Comptes roi René A., t.3, 1480, 316).

C. -

P. anal. "Enveloppe qui couvre les fruits et les légumes" : Et à pluseurs Sages il semble Que les figues et noix ensemble Par leur vertu et leur puissance Font à venim grant résistence, Et valent mieulx quant les noyaulx Des noix sont netoiez des peaulx. (LA HAYE, P. peste, 1426, 96). Et quant on les mengeue [les pois] a tout la piau ou l'escorce, il sont a blasmer pourtant qu'ilz sont inflatifz. Et pourtant quant on les prepare avecque l'escorce on ne les prepare pas artificielement ou selon l'art de medecine, car la substance ou la chair des pois est differente a l'escorce, car l'une des parties laiche le ventre, et l'autre partie restraint (Rég. santé corps C., 1480, 79).

D. -

[Valeurs symboliques (de la peau humaine)]

1.

"État dans lequel on se trouve" : Avez vous prisé ceste adresse De l'amer tousjours sans rappel, Et de renoncier a lïesse Pour demourer en ceste pel ? (CHART., D. Rev., a.1424, 315).

-

Estre vestu de ceste peau : Ne furent pas aussi vestus De ceste peau, or l'adevine, Tristan et Yseut la meschine, Ovide et Sardanapalus ? (TAILLEV., Congé am. D., p.1440, 255).

-

[En mourant] Morir en ceste pel : ...trop long sui de vo cointe corps gay, Dont en deus pars couvenra mon cuer vray Partir ou fendre, Se merci n'ay, qu'onques autre n'amay, Ne vueil amer, ne jamais n'ameray. Et, par ma foy ! en ceste pel morray, Sans rien mesprendre. (MACH., F. am., c.1361, 156). Douce dame dont je porte l'empreinte Dedens mon cuer figuree et empreinte Que fine amour y a mis et empreinte A un pincel De souvenir, mais tout entour enseinte De loyauté l'a qui garde l'enseinte, Qu'autre n'i soit figuree ne peinte, Dont trop m'est bel - Par souvenir vois tost a son appel ; Quant je l'aeur, mon dieu terrien l'apel. Sans li muer, morray en ceste pel, Car joie mainte M'ont fait si oueil qui ne sont fier ne fel - Souvent li di, souvent li renouvel, En lieu de vous, quant je sui en revel, Ceste complainte. (MACH., F. am., c.1361, 179). Et se me sera le partir si dur que, par m'ame, je ne sai comment je le porray porter ne endurer, ne comment je m'en conforterai, et c'est une chose que je ressoingne trop. Se vous prie pour Dieu que, tant comme je serai prés de vous, vous mettés paine de m'i conforter pour le temps advenir, car, par Dieu, il n'est biens ne joie ne confors qui me peust venir s'il ne venoit de vous ; n'onques mais dame ne fu tant amee ne si loialment desiree come je vous aim et desir sans partir ne muer. En ceste pel mourrai. (MACH., Voir, 1364, 314). Si que gaye me tenray Ne ja ne le guerpiray Heure ne journée, Car en ceste pel morray, Fors tant que je maudiray Longue demourée (MACH., Ch. bal., 1377, 632).

-

Vielle peau. "Manière d'être habituelle" : Je demourray quoy En ma vielle peau (CH. D'ORLÉANS, Rond. C., 1443-1460, 395).

.

Muer sa vielle peau : ...se vous voulez venir a la perfeccion (...), il vous convient muer la vieille pel et prendre toutes nouvelles coustumes (FRÈRE ROBERT, Chastel perill. B., c.1368, 418).

-

Sous la peau de. "Sous l'apparence de" : ...adfin que soubz la pel de brebis ou aignel il couvreist sa cruaulté lupine (MONSTRELET, Chron. D.-A., t.5, c.1444-1453, 364).

-

Ne se pouvoir tenir en peau. "Être impatient" : MACHECOTOM [un bourreau]. Je ne me puis tenir en peau Quant de mal feyre ouy parler. (Myst. st Sébast. M., c.1450-1500, 69).

Rem. Cf. OUDIN Curiositez 1640, 404 : Ne pouvoir tenir dans sa peau .i. estre ravy d'aise.

2.

"La vie d'une personne, la personne" : Et restraingnent dedans leur pel Les foulz desirs de leur couraige (DESCH., M.M., c.1385-1403, 224). Ilz n'ont la chair non plus que nous pourrie, Car au besoing chascun sa peau revanche, Qu'il leur fera quelque farfouillerie, Ilz monstreront qu'ilz ont bras en la manche. (LA VIGNE, Ress. chrest. B., 1494, 131). L'EVESQUE. Fol estourdy, glorieux loricart, Estes vous bien si arrogant coquart De vous venir en ce poinct blasonner ? Sçavez vous bien donner ung tel brancart ? Si vostre peau vault au jour d'uy ung cart, Je veulx mourir sans aultre mot sonner ! Sa, compaignons, veillez vous ordonner Appertement de tresbien luy donner La discipline devant et de costiere (LA VIGNE, S.M., 1496, 341).

-

Sur sa peau. "Sur sa vie" : Deffendu leur est sur leur pel Qu'ilz ne mangussent (DESCH., Oeuvres Q., t.6, c.1370-1407, 242).

-

Mal pour sa peau. "Tant pis pour lui" : Mais toutevoies a force leur estut faire, ou mal pour leurs peaulx (Bouciquaut L., 1406-1409, 247).

-

Avoir peur de sa peau / douter sa peau. "Craindre pour sa vie" : ...doubtans leur peau (LESEUR, Hist. Gast. IV, C., t.2, 1477-1478, 171). J'ay paour de ma peau, touttefois. Jehan, ce n'est pas jeu de parture ; Mais, au fort, voist a l'aventure : Je m'enhardiray avec vous. (Myst. Pass. Troyes B., a.1482, 716).

Rem. Ex. de GAGUIN ds DI STEF., 659a.

-

Garder sa peau. "Veiller à sa vie, à ne pas perdre la vie" : Toute beste garde sa pel : Qui la contraint, efforce ou lie, S'elle peut, elle se deslie. (VILLON, Poèmes variés R.H., c.1456-1463, 74). Mes clercs pres prenans comme glus, Se vous alez a Montpipeau Ou a Rüel, gardez la peau, Car pour s'esbatre en ces deux lieux, Cuidant que vaulsist le rappeau, Le perdyt Colin de Cayeulx. (VILLON, Test. R.H., 1461-1462, 129).

-

Laisser la peau. "Perdre la vie, mourir" : [Le roi de Chypre étant venu à Rome, le pape cherche à le décider à accepter les excuses de Florimont de Lesparre] Et Florimons y est, qui chace En toutes guises et pourchace Qu'il soit quittes de son appel, Où bien porra laissier la pel ; Car c'est son principal desir Qu'à honneur s'en puist departir. Et li papes de l'autre part Ne fait que penser main et tart Comment il les puist acorder. (MACH., P. Alex., p.1369, 236). Et cest commandement tenés Estroitement jusqu'au rappel Sur paine d'y laissier la pel ! (Pastor. B., c.1422-1425, 123). ...[Saint Jehan :] Puisque eschapés je m'an suis, Mieulx ayme estre despoillier Et laissier porpoint et coulier, Voyre, perdre robe et manteaul, Que ce qu'eusse laissier la peaul. (Pass. Autun Biard F., 1470-1471, 86). Qui ce congnoist se doit reprendre Sans entreprendre tel fardeau, Je tiens la chose par trop grande, Quant il y fault laisser la peau. (S. fol, c.1480-1490, 7).

Rem. Autres ex. ds DI STEF., 659a-b.