"Départ" : Si m'en alai bouter en cage Pour faire mon pellerinage ; Mais nonpourquant le partement De nous m'anoioit durement, Car tous mes cuers li demouroit, Qui la servoit et aouroit ([MACH., Voir, 1364, 260]). Et se vous dittes que vous ressoingniés le partement, je ne cuide mie que vous le ressoingniés plus de moy, car j'en ai tant de pensees que, en l'eure qu'il m'en souvient, je ne puis bien avoir ([MACH., Voir, 1364, 286]). Aprez le partement de ceste chevauchiée que les oncles du roy fissent vers Asquessuffort contre le duc d'Irlande et que touttes manieres de gens furent retrait en leurs manoirs, se tindrent le duc d'Yorth et le duc de Glocestre et l'archevesque de Cantorbie en la cité d'Asquesuffort, ([FROISS., Chron. M., XIV, c.1375-1400, 74]). Desesperez En sui et si forcenez, Quant si mal sui fortunez, Qu'à grief tourment M'ocira vo partement. Dire l'orrés, S'excusé ne m'en tenez Entierement. Dame, mon cuer emportez. ([MACH., Ch. bal., 1377, 623]). ...il print ladite sainture et la mist auprès de lui sur le banc ou sur la fourme sur lequel il s'estoit deschaussé, en entencion et voulenté de la prendre et trouver au lieu où mise l'avoit, afin que au matin à son partement il peust icelle prendre et emporter avec soy ([Reg. crim. Chât., II, 1389-1392, 364]). Nous avons entendu depuiz nostre partement de nostre ville d'Arras que on met suz une taille en ce royaume ([BAYE, I, 1400-1410, 35]). À Perrenet Boilet, qui, ledit jour, environ deux heures aprez le partement dudit Jehan Dyee, se parti pour hastivement de nuit et de jour à chevaulz de relais porter lettres closes de par mondit seigneur aux cappitaines tenans le siege devant Estan Saint Germain ([Comptes Etat bourg. M.F., t.1, 1420, 464]). ...je loe et veul que avant vostre partement un mois vous envoiez un roy d'armes ou herault a la court ([LA SALE, J.S., 1456, 81]). Et quant ils estoient au preau assemblé, dont pour le tres brief partement estoient mains durs soupirs et maintes larmes gectees. ([LA SALE, J.S., 1456, 94]). Aprés le partment de ces seigneurs de Poulaine, Saintré fut bien a lesir festoié du roy, de la royne, des dames, et de toute la court. ([LA SALE, J.S., 1456, 172]). ...il ordonna son partement et print congé de sa dame. ([C.N.N., c.1456-1467, 145]). ...puis son partement jusques a son retour, oncques son pere ne sa mere n'en eurent une seule nouvelle ([C.N.N., c.1456-1467, 324]). Et, si s'en alerent audit pays de Bretaigne, après ledit partement, aucuns particuliers pardevers mondit seigneur de Berry. ([ROYE, Chron. scand., I, 1460-1483, 38]). Et, quant lesdictes monstres furent faictes, le roy s'en retourna à Paris par eaue. Et, avant son partement et en sa presence, ledit seigneur de Charrolois dist à tous sesdictes gens de guerre ces motz : "Messeigneurs, vous tous et moy sommes au roy mon souverain seigneur, qui cy est present, pour le servir toutes les foiz que mestier en aura." ([ROYE, Chron. scand., I, 1460-1483, 130]). Et si perdi durant icellui temps grant quantité de son artillerie, que ceulx de la garnison d'Amiens pour le roy gaignerent dessus lesdiz Bourguignons. Et, depuis ledit partement desdiz Bourguignons, ilz s'en alerent boutans les feux es blez et es villages partout où ilz passoient ; et vindrent devant Saint-Walery lez le Crotoy, qui leur fut rendu par ceulx de dedens, pour ce qu'ilz n'estoient pas assez gens et que la place n'estoit point de tenir contre sa puissance. ([ROYE, Chron. scand., I, 1460-1483, 281]). Sy me souvient bien, Dieu mercis, Que je feiz a mon partement Certains laiz, l'an cinquante six, Qu'aucuns, sans mon consentement, Voulurent nommer testament ; Leur plaisir fut, non pas le myen. Mais quoy ! on dit communement Qu'ung chacun n'est maistre du scien. ([VILLON, Test. R.H., 1461-1462, 71]). Guillaume de Pontoise, archediacre de Rouen, homme de bonne licterature, fut envoyay en Espaigne et, avant son partement et depuis, prenostica par la science des estoilles la grande intemperance de l'air et les grandes pluyes que furent si vehementes que les blez demourerent germez et grenez aux champs. ([SIMON DE PHARES, Astrol., c.1494-1498, f° 119 r°]). Avecques cestui j'ay conversé souvent et ay veu par experience qu'il estoit bon astrologien et de subtil engin et lui feiz son partement ["je lui préparai son départ"] pour soy retirer à Romme, pour les envies que aucuns du Daulphiné orent contre lui ([SIMON DE PHARES, Astrol., c.1494-1498, f° 162 v°]). Et aussi comme le roy partit de son royaulme, quelz ordonnances il fist avant son partement, quelz gens il mena, quel train et comment il estoit ordonné. ([LA VIGNE, V.N., p.1495, 129]). Mais avant, le roy avoit prins d'assaut la ville et le chasteau Saint-Amant l'Alier, environ le jour de l'Ascencion. Et dimenche, XIIe jour de may audit an, après le partement de Mons. le duc de Berry, qui fut mené en Bretaigne par Odet d'Arrie, seigneur d'Escun, fut fait une ballade par escript, dont la teneur s'ensuit : Remettez sus chiens et oyseaulx, Aussi toute gaudisserie, Jusquez ad ce que Ode d'Airie Aura remis sus jeulx nouveaulx, Lesqueulx ne seront trouvez beaulx ([LE CLERC, Interp. Roye, c.1502, 165]). Hier arriva Mons. le president en ceste ville ; et depuis son partement de devers le roy est aussi retourné ung de mes gens, qui aussi arriva du jour de hier, par lequel j'ay sceu qu'il y a treves en Bretaigne pour six sepmaines, esquelles est comprins monseigneur de Bourgoigne, se comprins y veult estre ([LE CLERC, Interp. Roye, c.1502, 321]). |
