A. -

"D'une manière parfaite, sans défaillance" : ...Car, a voir dire, On ne porroit en tout le monde eslire Sa pareille, ne tous li mons souffire Ne porroit pas, pour sa biauté descrire Parfaitement. Car je la vi dancier si cointement Et puis chanter si trés joliement, Rire et jouer si gracieusement, Qu'onques encor Ne fu veü plus gracieus tresor. (MACH., J. R. Beh., c.1340, 68). Se vous voulez parfaittement Vivre et avoir vraie sagesce, (...) Aiez en vous la paour de Dieu (Mir. ev. arced., c.1341, 106). Biaus dous amis, parfaitement amés, À qui je sui entierement donnée, Vous ne poués de moy estre oubliés, Car vous avez mon cuer et ma pensée Loyaument, sans decevoir. (MACH., L. dames, 1377, 126). Il ne m'est pas tant dou mal que j'endure Comme de ce que je voy loyauté Par traïson mise à desconfiture ; Car j'ay long temps parfaitement amé, Loyaument, en bonne foy, Celui que plus au jour d'ui haïr doy Et qui mon cuer tient en plus grant soussi, Pour ce qu'il m'a mauvaisement tray. (MACH., L. dames, 1377, 230). Et quant Remondin l'ouy, si la regarde, et percoit la grant beauté qui estoit en la dame ; si s'en donne grant merveille, et ne lui semble mie qu'il eust oncques mais veu si belle. Lors sault jus du cheval appertement, et l'encline perfaictement en disant : Tres chiere dame, pardonnez moy l'injure et la vilenie que j'ay fait envers vous, car certes j'ay trop mesprins, et je vous jure ma foy que je ne vous avoye veue ne ouye quant vous me traïstes par la main. (ARRAS, c.1392-1393, 25). Ha ! mon bon amy, vous m'avez parfectement et de bonne amour amée, non pas deshonnestement, comme j'avoie presumée de vous amer. (C.N.N., c.1456-1467, 578). J'ay de bons chiens parfaictement, De grans, de petis largement, Entre lesquelz a une lice, La plus aspre, par mon serment, Qui soit dessoubz le firmament. (Sots mal., c.1480, 77).

-

Parfaitement + adj. : Mais je vi sëoir Dalés moy la plus bele dame Qu'onques mais veïsse, par m'ame, Fors ma dame tant seulement. Car tant estoit parfaitement Bele, gente et bien acesmée, Que se Dieus de ses mains fourmée L'eüst ; s'estoit elle d'affaire Bel, bon, gent, dous et debonnaire. (MACH., R. Fort., c.1341, 55). [Souffissance] Hors estoit des mains de Fortune Et de son perilleus dangier. De po se paissoit au mengier, Car plus refaite estoit d'un ouef Que ne fust un autre d'un buef. Tant par estoit bonne eüreuse Et parfaitement vertueuse ; Encor est et toudis sera, Tant com li siecles durera ; Que c'est, a droit considerer, Li biens qu'on doit plus desirer. (MACH., J. R. Nav., 1349, 181). ...autre corps sperique est qui est tout masseiz, si comme seroit une pelote d'or perfaitement ronde. (ORESME, C.M., c.1377, 490).

-

[Précédé d'un adv. marquant le degré] : ...pour ce la vertu des corps Nous avez tolu, sire Diex, Que noz ames vous puissent miex Servir et plus parfaitement. (Mir. ste Bauth., c.1376, 155). Sy comme estre et vivre est communiqué et donné de Dieu aus honmes plus clerement et plus parfaitement que aus bestes. Apres il desclaire une chose qu'il avoit dicte devant. (ORESME, C.M., c.1377, 164). Et c'est selon le Prophete qui dist : Quoniam bonorum meorum non eges, car Il est tres perfectement par Soy souffissant, et de ce dist l'aucteur Des Causes (ORESME, C.M., c.1377, 362). ...depuis ladite poudre bailliée et beue par sondit ami, elle s'est bien perceue que il l'a amée aussi parfaittement et de grant ardeur d'amour comme il faisoit paravant, et non plus. (Reg. crim. Chât., I, 1389-1392, 338). Encores se tenoient li rois d'Engleterre a Calais, pour entendre le plus parfaitement as besongnes de la ville, (FROISS., Chron. D., p.1400, 855). ...tint son royaume en grant magnificence et croissement de felicité de mieulx en mieulx, c'est assavoir par tenir justice tres parfaictement (CHR. PIZ., Paix W., 1412-1413, 69). Selon doncques les trois choses qui sont en ton ame cestassauoir memoire, intelligence et volente, tu dois penser que trop plus parfaictement sans comparaison ilz sont en Dieu car il a en soy et en son entendement la representacion et similitude de toutes les choses qui sont et iamais seront et ont este pour ce quil se congnoist parfaictement et quil a en soy toute perfection. (CIB., p.1451, 202). ...car en toy reluist la samblance de Dieu plus excellentement qu'en nulle aultre creature, come l'emprainture est plus parfaitement ou seel que en la cyre. (Somme abr., c.1477-1481, 112).

.

[Renforcé par bien] : Li rois conchut et entendi ces paroles bien parfaitement et senti assés que on li disoit verité, (FROISS., Chron. D., p.1400, 758). ...je veul et vous commande que (...) vous vous signez en faisant le signe de la croix bien parfaitement, et qu'elle ne soit ne par tors ne par biaiz (LA SALE, J.S., 1456, 44).

B. -

"Entièrement, complètement, totalement" : Quant la crise est en voye de faire, et quant elle est faicte parfaictement, le medecin ne doit neant faire, ne innover, ne user de laxative [ne] d'autres provocacions, maiz laissier nature faire son operacion. (SAINT-GILLE, A.Y., 1362-1365, 57). Car ilz [les autres bestes] sont parfaictement et du tout privees de tele operacion et ne pueent avoir speculacion. (ORESME, E.A., c.1370, 527). Aucunes eglises le dient parfaitement [le Gloria] (JEAN GOLEIN, Rational B.D., c.1370-1372, 290). ... les oncles du roy ont trop bel à la querelle, ... Ja ont-ilz osté les officiers du roy, moy et les autres, et remis ceulx de leur accord. Ilz ont envoyet le roy icy à l'ung des boutz de son royaulme ; on ne peut sur ce ymaginer ne supposer nul bien, ne nous ne povons savoir parfaictement à quoy ilz tendent. (FROISS., Chron. M., XIV, c.1375-1400, 60). Je vivroie liement, Douce creature, Se vous saviés vraiement Qu'en vous fust parfaitement Ma cure. (MACH., Ch. bal., 1377, 609). ...Et ne doubtés Que vrais seray et secrés, Puis qu'einsi mon cuer avez Parfaitement. Pour ce vous pri humblement, Ne m'oubliez, Qu'amée de moy serés Tres loyaument. (MACH., Ch. bal., 1377, 623). Amis, si parfaitement Sui à vous donnée Que c'est sans departement Et sans decevrée, Ne, tant com j'arai durée, Mes cuers ailleurs ne sera (MACH., L. dames, 1377, 179). Dame, à qui sui ligement, Vostre doulz viaire gent, A qui m'ottry, M'a d'esperence garny Si richement Que ne me puet nullement Mettre en oubly, Eins est en moy et je en li Parfaitement. (MACH., Les lays, 1377, 458). ...ainsy quant on oït parler de bonté ou de verité, qui osteroit toute imperfection qui est en la bonté et verité telle comme nous congnoissons en toy, mon Ame, nous verrions Dieu ; mais ne se puet faire icy parfaictement, fors en miroir ou en umbraige. (GERS., Trin., 1402, 169).

-

"Intensément, fortement" : Lors par ymagination Perçoit dedens s'entention Sa dame monter par humblesse Tout au plus haut air de noblesse. Quant monter la voit telement Des yeus de son entendement Et bien parfaitement y pense, Il meïsmes a son cuer tense, Que les vertus dou cuer procheinnes Ont moult grant debat aus foreinnes. (MACH., D. Aler., a.1349, 328). La luist li solaus clerement D'Amours, et si parfaitement Qu'il n'i est a nulle heure nuit, Ne nulle chose ne li nuit Que li rais sus lui ne descendent (MACH., D. Aler., a.1349, 352). Puis dist des oiseaus debonnaires Qui acueillent en leurs affaires L'aigle, de Nature ordenée, Qui fait par voie mesurée Les oiseaus leurs signeurs cremir Et sous sa puissance fremir. "Li gentil especiaument Le doubtent si parfaitement Que cis qui une aigle verra Ja puis ce jour ne volera, S'on ne le fait voler a force. Et s'il avient qu'on l'en efforce, N'i fera il chose qui vaille..." (MACH., D. Aler., a.1349, 359). ...i fut sy tresparfaictement et oultrageusement courroucié que... (Percef. I, R., t.2, c.1450 [c.1340], 759). SAINCT MARTIN. Je loue Dieu parfaictement De quoy il a ses gens osté De la voye de dampnement Et de toute incredulité. (LA VIGNE, S.M., 1496, 499).