I. -

Prép. "Avant, antérieurement à" : ...et ne soiens, nous ne les dictes gens d'armes, tenuz de rendre ne restituer ce qui paravant ledit défaut auroit des diz cent mille frans esté baillié à nous ne à eulx (Ch. VI, D., t.1, 1387, 78). Item, en la grant boucherie de Paris, à un jour de jeudi, au soir, un pou paravant sa premiere prinse, copa à une chamberiere une bourse de cuir qui pendoit à sa sainture (Reg. crim. Chât., I, 1389-1392, 80). ...et que paravant ce que dit est, il n'avoit oncques mais porté ou eu sur la teste signe de tonsure. (Reg. crim. Chât., I, 1389-1392, 403). ...et dit que paravant cedit jour et heure, il n'avoit esté en ladite ville de Fontenay. (Reg. crim. Chât., II, 1389-1392, 34). ...[ses voisins] luy dirent que le curé avoit prins accoustumance d'aller estaindre le feu en son hostel comme paravant la defense. [Le mari avait défendu au prêtre les visites à sa femme] (C.N.N., c.1456-1467, 441).

-

[Pour marquer une priorité] "Avant" : Chose certaine est qu'il convient mettre le salut du peuple par avant l'amour de touz ses enfans. (FOUL., Policrat., IV, 1372, 80).

II. -

Adv. "Auparavant, précédemment" : ...et, a la requeste et du consentement d'icellui procureur, en avons saisi le dit prieur acheteur, qui par avant nous avoit satisfait des ventes et saisines a nous dehues pour cause de ce (Chartes Abb. St-Magl. T.F., t.3, 1355, 210). ...la face est purgee qui par avant estoit soullee. (DAUDIN, De la erudition H., c.1360-1380, 435). Car quant une chose avient a l'aventure qu'ilz avoient denoncie paravant il samble qu'ilz sont trop vaillans et que leur science est vraye (ORESME, Divin. C., c.1366, 96). Et après ce qu'elles orent parlé à part ensemble et secretement bonne piece, ladite jeune femme envoïa querir une pinte de vin par ladite Margot, en faisant bonne chiere et liée, donc il qui parle se emerveilla, pour ce que paravant elle estoit cy corrociée, si comme elle disoit. (Reg. crim. Chât., I, 1389-1392, 349). ...car il avoit longtemps paravant, et bien IIJ mois et plus, que elle n'avoit veu sondit fiancé. (Reg. crim. Chât., II, 1389-1392, 145). Et aucuneffois aucunes se metent a l'aventure de essaier si les aultres sont de auxi petit pouoir come les mariz, et lors celle qui se met a l'aventure le croit mieulx que davant, car par aventure elle prent ung compaignon dont elle ne peut finer sinon a grant paour et a la goulee et est tout affamé et fait merveillez quant il y peut avenir, et si el avoit tenu son mary par avant meschant et de petit pouoir, elle le croit encore mieulx de present, car les plaisances presentes sont tourjours mieulx en souvenance que celles qui sont passees. (Quinze joies mar. R., c.1390-1410, 59). ...les maistres d'ostel (...) le firent servir comme paravant de pastez d'anguilles. (C.N.N., c.1456-1467, 82). ...il conquist bien meilleur butin, comme d'estre nommé coux, avec jaloux qu'il avoit nom paravant. (C.N.N., c.1456-1467, 435). Puis furent remis en l'estat en quoy ilz estoient et leur laissa l'en faire. Et chascun fit son effort, comme par avant. [Il s'agit d'un combat singulier] (BUEIL, II, 1461-1466, 110). En icelluy temps, pour ce que le duc de Nemours, auquel le roy paravant avoit fait de grans graces et pardons, de ce que combien qu'il eust fait le serement d'estre bon et loyal au roy, il avoit contendu par tous moyens à luy possibles de susciter divisions et mettre sedition ou royaulme, mesmement de faire eslever plusieurs seigneurs à l'encontre du roy (LE CLERC, Interp. Roye, c.1502, 241).

-

Paravant que + subj. "Avant que" : ...Bertrandon de Vez (...) lui envoya audit Roc de Vendas, de sa voulenté, et sanz ce qu'il feust envers lui, pour cause de patis ou autrement, tenu en aucune maniere, trois sommes de feves, paravant que l'en meist le siege au devant de lui. (Reg. crim. Chât., II, 1389-1392, 198). ...et est une chose tout separee, comme elle estoit par avant qu'elle feust oncques balliee a Rollo par Charles le simple. (JUV. URS., T. crest., c.1446, 71).

III. -

[Empl. subst.] "Ce qui a lieu antérieurement" : Et ceste vertu est premiere [i.e. Dieu], Donc de paravant nul n'enquiere Qu'il en puisse congnoissance avoir (LE FÈVRE, Vieille, trad. De vetula H., a.1376, 303).

-

Du paravant : ...[elle] fut par luy humblement saluée, et de rechef d'amours si doulcement priée que les requestes du paravant devoient bien estre enterinées par la conclusion de ceste piteuse et derreniere (C.N.N., c.1456-1467, 49).

-

Au paravant. V. auparavant : Pluseurs foiz la damoiselle se monstra, combien que ce ne fust au paravant sa coustume. (C.N.N., c.1456-1467, 570).