"Combat, escarmouche (principalement sous les murs d'une ville ou d'un château)" : Si cerchoient tous les destrois Des païs et des aventures, Dont il y avoit de moult dures. Et s'il y avoit poingneïs, Bataille ou paleteïs, Chastiaus assis ou guerre ouverte, Ne doubtoient gaaing ne perte, Qu'adès ne fussent des premiers. De c'estoient il coustumiers. ([MACH., D. Lyon, 1342, 207]). Mais onques n'en firent compte, ains vinrent tout le jour au piet du mont paleter as gens du roy, et li chevalier montèrent sur leurs chevaulx souvent pour aler voir le paletis ([Hist. chron. Flandres K., t.1, c.1342-1383, 344]). Les crestiens perdoient plus souvent que les Sarrasins aux paletis et aultres armes ([LE BEL, Chron. V.D., t.1, 1358, 219]). Ce siège pandant devant Durviel, il y eut pluiseurs assaus, escarmuces, paletis et grans fais d'armes ([FROISS., Chron. L., VII, c.1375-1400, 145]). Et comme il [Guy de Neelle] fut arrivé en Bretaingne, il chevauca sur les Angloiz et out devant Saint Malo ung dur paleteys ([Chron. Valois L., c.1377-1397, 20]). Les Angloiz et les gens du roy de Navarre et les archiers yssirent contre l'ost au duc de Normendie, et là oult paleteiz ([Chron. Valois L., c.1377-1397, 81]). Et par devant La Charité oult ung fort paleteis de Gascons, d'Anglois et de Navarrois contre les Françoiz ([Chron. Valois L., c.1377-1397, 157]). Lors ot ly soudans conseil de faire assaillir la ville. Lors fait sonner ses trompettes quant le soleil fu levé, et fait ordonner ses batailles et ses arbalestriers, et ses pavisiers, et s'en viennent aux fossés et aux barrieres. La commenca le paletiz fort. Arbalestriers traient de groz canons d'espringales. ([ARRAS, c.1392-1393, 110]). Et pour tant que en faisant ledit assault, ceulx de l'ost de ce advertis alèrent au secours en grand nombre, se retrayrent lesdiz Anglois en leur ville sans riens gagnier ; et en y eut pluiseurs navrés. Et lendemain y eut grand paletis, et pluiseurs journées ensievans. Dont à l'une desquelles fu prins ung sot saige, nommé le seigneur des Plateaux. ([MONSTRELET, Chron. D.-A., t.5, c.1444-1453, 250]). |
