A. - | "Faire violence à qqn, faire du tort à qqn (ou à une communauté, un pays...)" : ...et au commencement d'icelle [tresve], lesdiz Bourguignons firent de grans oultrages et dommages aux pays et subgetz du roy estans à l'entour desdiz Bourguignons ; dont aucune reparacion ne fut faicte par iceulx Bourguignons : laquelle chose demoura en grant esclande de veoir le vassal ainsi oultrager les pays et subgetz de son souverain seigneur. ([ROYE, Chron. scand., I, 1460-1483, 314]). Et de ce non content, icellui Meslon se print au corps dudit Regnart et s'efforça en tant qu'il peut de le vouloir oultrager, mais pour ce qu'il avoit aidé audit Beraut en la compaignie des autres assistans, ledit suppliant aida audit Regnart affin de garder que ledit Meslon, qui estoit fort esmeu et comme tout furieux et enragé, ne l'occist ([Doc. Poitou G., t.10, 1463, 425]). ...je vueil que (...) vous informez de ceulx qui firent l'assemblée et emoction derreniere, qu'ilz voulurent oultrager Giles Milon ([Lettres Louis XI, V., t.5, 1472-1475, 254]). Lequel, voyant que ledit Fauconnier avoit encore ledit penart en sa main, pour les oultraiger, et qu'il se relevoit, frappa d'un baston de boys qu'il avoit sur la teste dudit Fauconnier, et le retumba dudit coupt et autres qu'il luy bailla sur les jambes et aillieurs. ([Doc. Poitou G., t.12, 1475-1483, 141]). LE SECOND. Iray je querir ma hallebarde Car j'ay grant peur qu'il nous oultraige ? LE TIERS. Il te part d'ung maulvais couraige De t'armer contre ton seigneur. ([Rapp., c.1480, 61]). ...mais davantaige battent les povres gens et oultraigent et contraignent d'aller cercher pain, vin et vivres dehors ([COMM., II, 1489-1491, 216]). ...ce vous prenez tant soit peu de noize a eulx, ilz sont gens pour oultrager tant que vous estez. ([Jehan de Paris W., 1494-1495, 62]). Je croy bien qu'il ne regardoit que pour l'affere du siege du roy Philippe, et l'omme ne penseroit empiece que son filz le voulsit oultrager et que, s'il y eust pensé ou en eust esté adverti, ledit Neptanebus avoit bien science de soy en garder. ([SIMON DE PHARES, Astrol., c.1494-1498, f° 60 r°]). Le fait dudit Galyot est peu de chose par deçà, car la pluspart des gens qu'il avoit ont esté thuez les ungs, et les autres se sont venuz rendre, et encores il y a qu'il en a esté prins vingt chevaulx devant Valenciennes. Et a esté luy mesmes depuis peu de temps fort oultraigé, rebouté et rechassé dedens la ville et fort blecé. ([LE CLERC, Interp. Roye, c.1502, 373]). |
