|
NULLEMENT, adv. |
[T-L : nul (nulement) ; GDC : nullement ; FEW VII, 232b : nullus ; TLF : XII, 307b : nullement] |
"D'aucune manière, en aucune façon" |
| - | Ne ... nullement : Ce ne peut estre nullement. ([Mir. st Guill., c.1347, 47]). Et qui bien sert ceste vierge humblement, La vierge l'aime et foy li certiffie Que li bienfaiz ne perist nulement. ([Mir. chan., c.1361, 184]). Encore sembleroit il moins que eleccion fust yre, car les choses qui sont faites pour yre il ne semble nullement qu'ilz soient faites par eleccion. ([ORESME, E.A., c.1370, 185]). Mais toutesvoyes icelle Marion, lors et depuis, dist à elle qui parle que nullement elle ne povoit durer de la grant ardeur d'amour que elle avoit audit Hainsselin, son ami ([Reg. crim. Chât., I, 1389-1392, 354]). Et pour ce, elle veant que nullement ne povoit demourer avec sondit mary, pour les batures qu'il lui faisoit (...) pria et requist ledit Luciafer qu'il la voulsist aidier à mettre son mary en tel estat que à nul jour du monde il ne peust batre ou vilener icelle qui parle ([Reg. crim. Chât., II, 1389-1392, 328]). ...esploit d'armes sont si chierement comparet et achatet, ce sevent chil qui i travellent, que nullement on n'en doit mentir ([FROISS., Chron. D., p.1400, 35]). ...li aultre li (...) disoient que (...) nullement il ne se pooit esquser ne passer que il n'alast en Franche ([FROISS., Chron. D., p.1400, 484]). ...je diz que, attendu mon office, nullement ne povoie faire ce que l'en me requeroit sans parler à messeigneurs les presidens ([BAYE, II, 1411-1417, 28]). N'amours n'acorde nullement Que telles gens soient amez ([LA SALE, J.S., 1456, 17]). ...[la malade] ne se vouloit accorder nullement qu'on la meist en fasson que son mal fust apperceu ([C.N.N., c.1456-1467, 33]). ...[il] fist verser de l'autre vin a la damoiselle, qui ne vouloit nullement boire. ([C.N.N., c.1456-1467, 214]). ...par force d'armes ad ce la mena que refuser ne luy peut nullement ce que pluseurs devant et après ne peurent obtenir. ([C.N.N., c.1456-1467, 227]). |
| . | [Renforcé par point] : Ne quoi que li Englès et li Gascon les approçassent de si priès que je vous di, nullement point ne s'en effreoient, ne sus yaus rien on ne conqueroit ([FROISS., Chron. R., VIII, c.1375-1400, 13]). |
| - | [P. ellipse, dans une phrase sans verbe, dans une prop. coord. ou comparative, dans une réponse...] : Donques se ensuit il que celle chose est simplement parfaicte qui est elisible pour elle et nullement pour autre ([ORESME, E.A., c.1370, 118]). |
| . | [Avec valeur pleinement nég. (sans ne)] : Mon tres loyal amy, vous savez comment je couche avec la royne, et que nullement m'est possible, si je ne vouloie tout gaster, d'abandonner cest honneur et avancement ([C.N.N., c.1456-1467, 192]). |
| - | [Avec valeur positive en contexte "forclusif" (interrogatif, hypothétique, dans le champ d'une prop. nég. ...)] "Si peu que ce soit" : Me serez vous durs, qui a touz Estes piteables et doulx ? Je ne croy mie vrayement Que ce puist estre nullement. ([Mir. prev., 1352, 257]). Sa voy venir sa damoiselle ; Tempter la vueil, savoir mon s'elle Me pourroit aidier nulement. ([Mir. Oton, c.1370, 345]). Liquels papes par ses bulles prioit doucement à l'un roy et à l'autre que il vosissent faire comparoir leurs consaulz devant lui et le collège de Romme ens ou palais en Avignon ; et, se on pooit nullement, on les metteroit à pais ([FROISS., Chron. L., IV, c.1375-1400, 123]). ...et sachiés veritablement que se nous le poions nullement faire pour nostre honnour et nostres fois garder, nous le ferions ([FROISS., Chron. D., p.1400, 339]). ...il ne pooient veoir ne aviser que nullement il peuist aprochier les Englois, non que il ne perdesist ses gens d'avantage ([FROISS., Chron. D., p.1400, 829]). ...se le roy scet nullement Que j'aye son enfant occis, Il m'en fera donner au pris ([MARCADÉ, Myst. Pass. Arras R., a.1440, 60]). Reculer ne pouez arriere Et, se le faictes nullement, Pugnis en serés tresgriefment ([Myst. st Adr. P., c.1450-1485, 76]). ...et disoient les hayneulx que c'estoit impossible chose que ung tel homme comme Hanibal estoit peüt nullement vivre en paix comme ung aultre en sa cité ([LA SALE, Sale D., 1451, 37]). ...elle seroit tres contente d'oyr ce qu'il luy vouldroit dire, si nullement povoit ou savoit ([C.N.N., c.1456-1467, 257]). |
DMF 2020 - Synthèse |
Robert Martin |
|
|