"Marin qui dirige les manoeuvres, second des officiers dans la hiérarchie du bord" : Il est vray que en la mer de Egipte et de Surye, de Grece et de Ytalye, qui est appellee la mer Adriane, en chascune galee ou nave ou aultre vaissiau de mer, les patrons, comités [l. comites] ou nocliers, gouverneus des naviles susdis, ont une boiste qui est appellee la boiste ou aguille de navier ([MÉZIÈRES, Vertu sacr. mar. W., c.1384-1389, 316]). La grant montaigne, ardant de jour et du [l. de] nuyt de l'isle de Vulcan et gouffre de Sathanie est prins en figure pour les tormens d'enfer, en laquelle les maistres, les patrons, les conseillers, les nauclers, les arbalestiers et maligniers de la nef francoise qui, gouvernant mal, perseverent en leurs pechiez, chacun en leur office a la fin de leur voyage seront arrestez ou dit feue et pardurablement dampnez. ([MÉZIÈRES, Songe vieil pèl. C., t.1, c.1386-1389, 111]). Apres, pour le gouvernement praticien en la dicte nef, il y avoit un vaillant homme, saige et expert en fait de met et de bataille, qui avoit nom de comistre ou noclier ; lequel en paix et en guerre, en fortune et en chalme, il avoit la cure de toute la nef, voire tousjours par le commandement du patron ou patrons. ([MÉZIÈRES, Songe vieil pèl. C., t.1, c.1386-1389, 541]). |
