"Humidité" : Et, quant il le met a terre [le pied], la terre boit et tire toute la moilleüre et humour du cerf que chienz n'en peuent assentir, quar, quant le cerf a batu les yaues et il se ressiaue, l'yaue du corps et des jambes chiet sus les routes, si n'en peuent les chienz assentir, quar il est tout relavé, aussi come s'il estoit surpleü. (GAST. PHÉBUS, Livre chasse T., 1387-1389, 206). Se le roy songe qu'il chemine et que, par la pluie, il soit moillié ou moiste, signifie qu'il trouvera le contraire de sa volonté, selon la quantité de la moisteur ou moilleure de ses vestemens (Expos. songes B., 1396, 187). [Estonné vient de trébucher, dans le noir, sur un tas de fumier, alors qu'il était en train de suivre un homme qui devait le conduire vers le château, où Sorence chante aux créneaux] Quant Estonné se trouva en tel point, il fut tellement courroucié que ce ne fait a demander. Car il se redreça en maulgreant tous les dieux ou il creoit et puis dist sy hault que une damoiselle, qui a une fenestre estoit assez prez, l'entendy : "Mauldicte soit Sorence et toutes les dames et demoiselles du monde quant pour elles suys ainsi atourné !" Et quant la demoiselle l'eut entendu, elle luy respondy tantost : "Beau sire, que demandez vous aux dames et aux demoiselles ? Mauldissiez vous mesmes ! Par voz parolles appert que elles vous ont fait jusques a ores trop grant marchié de leurs deduitz, quant pour ung pou de mouilleure vous les mesoffrez ! ..." (Percef. II, R., t.1, c.1450 [c.1340], 166).