A. -

[Titre honorifique donné aux hommes nobles ou aux détenteurs d'offices importants]

-

[Noble de haut rang] : Et se vous volez dire le contraire, je le vous prouveray par mon corps contre le vostre, par devers le roy d'Engleterre, mon seigneur, ou par devant monseigneur le prince de Guienne, son fil, ou par devant le roy de France, le quel que vous vorrez de ces IIJ. (MACH., P. Alex., p.1369, 230). Avoecques lui estoient pluiseur bon chevalier (...) messires Bauduins de Belleborne, monsigneur Joffroi de le Motte, monsigneur Pepin de Were et pluiseur aultre chevalier et escuier. (FROISS., Chron. L., IV, c.1375-1400, 1). ...li rois d'Engleterre fu arrivés à Calais (...) et (...) troi de ses enfans, messire Leoniel, conte de Dulnestre, messires Jehans, contes de Ricemont, monsigneur Aymon, le plus jone des quatre (FROISS., Chron. L., V, c.1375-1400, 199). "...monsigneur mon père et cilz rois dans Piètres de Castille ont eu de grant temps, ce sai je de verité, alliances et confederations ensamble." (FROISS., Chron. L., VI, c.1375-1400, 202). ...monseigneur de Berry et monseigneur de Bourgoingne (FROISS., Chron. M., XIV, c.1375-1400, 13). ...monseigneur le connestable. (FROISS., Chron. M., XIV, c.1375-1400, 14). Si sommes chargiez de vous dire, et le vous disons (...) de par le roy nostre sire et nos seigneurs messeigneurs ses oncles (FROISS., Chron. M., XIV, c.1375-1400, 14). ...vous estes yci envoiez de par monseigneur le roy (FROISS., Chron. M., XIV, c.1375-1400, 15). ...là vindrent messeigneurs de Berry et de Bourgoingne (FROISS., Chron. M., XIV, c.1375-1400, 17). "Et oultre", dist messire Guillaume Heltem, "pour moi nettoier et purgier de tout blasme, s'il estoit en Angleterre et hors d'Angleterre nulz chevaliers ou escuier, excepté les corps de messeigneurs, monseigneur de Lancastre, monseigneur d'Yorth et monseigneur de Glocestre, qui voulsissent dire ne mettre avant que je me fusse desleaultez envers le roy (...) je suy tout prest de lever le gaige..." (FROISS., Chron. M., XIV, c.1375-1400, 38). "...le duc de Lancastre a tousjours esperé jusques à chi, que madamoiselle Phelippe sa fille aroit Guillaume, monsigneur vostre fil." (FROISS., Chron. R., XI, c.1375-1400, 193). ...ce qu'il a dit et cogneu par devant monseigneur Robert de Bethune, visconte de Meaulx, seigneur de Venduel, chevalier (Reg. crim. Chât., I, 1389-1392, 380). ...quant monseigneur le Dalphin fu crestienné, il porta une des torches et lors concueilly, et assembla du degout de la torche qu'il portoit, ycelle cire. (Reg. crim. Chât., II, 1389-1392, 464). Entre vous, barons de la noble conté de Poictou, plaise vous a entendre la requeste que j'entens a faire a monseigneur le conte, et, s'il vous semble qu'elle soit raisonnable, que lui priez qu'il me le veulle accorder. (ARRAS, c.1392-1393, 32). Tres chiers sires, je vous requier, en remuneracion de tous les services que je fiz oncques a monseigneur vostre pere, dont Dieux ait l'ame, qu'il vous plaise a moy donner un don, lyquelx ne vous coustera ne forteresse, ne chastel, ne chose nulle qui guerres vaille. (ARRAS, c.1392-1393, 32). ...je scay bien que monseigneur le roy, mon oncle, n'a talent de faire ne avoir autre hoir que moy. (ARRAS, c.1392-1393, 49). Et lors la dame lui dist [à Geoffroy] moult attrempeement : Sire chevalier, monseigneur n'est pas ceans, et pour tant vueil je aler par devers monseigneur nostre maistre, pour savoir que c'est qu'il lui plaist, car il me semble qu'il soit cy venus comme par maniere de faire guerre. (ARRAS, c.1392-1393, 207). LE SERGENT [à la contesse de Panice]. (...) Monseigneur le marquis vous prie Que cest enfant, qui sa fille est (...) Vous vueilliez garder et tenir (Gris., 1395, 56). ...et ceste ordonnance ont juré le Roy nostre Sire, messeigneurs ses frere, oncles, gens du Grant Conseil et de la Court de ceans (BAYE, I, 1400-1410, 33). Lors les assembla tous deux, puis lui et monseigneur de Berry se mirent devant, et ainsin jusques en son loigeis le conduirent. (LA SALE, J.S., 1456, 168). Au regard de monseigneur le conte, elle estoit celle (...) qui luy vouldroit obeir (C.N.N., c.1456-1467, 155). ...la bataille qui fut entre le roy de Hongarie et monseigneur le duc Jehan (C.N.N., c.1456-1467, 422). [Il] manda le cyrurgien de monseigneur le duc (C.N.N., c.1456-1467, 502). Et, en icelle entrée faisant, le roy estoit moult noblement acompaigné de tous les grans princes et nobles seigneurs de son royaume, comme de messeigneurs les ducs d'Orleans, de Bourgongne, de Bourbon et de Cleves, le conte de Charrolois, filz dudit duc de Bourgongne, les contes d'Eu, d'Angoulesme, de Saint-Pol et de Dunois, et autres plusieurs contes, barons, chevaliers, cappitaines et autres gentilzhommes de grant façon (ROYE, Chron. scand., I, 1460-1483, 25). ...noble et puissant seigneur, monseigneur de La Trimoille, premier chambellan du roy et chevalier de l'ordre (LA VIGNE, V.N., p.1495, 278). En ce temps envoya ledit duc de Nemours certains messagiers demandans au roy qu'il luy pleust luy donner la Bastide, pour luy et pour messeigneurs d'Armignac et d'Albret, et Corbueil pour leurs gens, affin que fussent en seurté contre les autres seigneurs contraires au roy. (LE CLERC, Interp. Roye, c.1502, 192).

.

En apostrophe : Un petit de lui s'eslongna, Et devant lui s'agenouilla, Si li a dit moult humblement Et moult très honnourablement : "Monseigneur, je vous ay meffait De cuer, de pensée et de fait, De volenté et par escript, Car mal à point vous ay escript. Dont je me repen, sans mentir, Tant com je m'en puis repentir..." (MACH., P. Alex., p.1369, 243). Dont respondirent les Londriens au duc de Glocestre et luy distrent : "Monseigneur, vous nous conseilliez loyaulment et bien..." (FROISS., Chron. M., XIV, c.1375-1400, 27). Ly chevaliers anciens congnust assez Remondin, et le salua moult honnourablement, et le conte, son frere, et leur compaignie ; et ilz le receurent tres liement. Monseigneur, dist ly anciens chevaliers a Remondin, faictes moy mener devers le conte de Poictiers, s'il vous plaist. (ARRAS, c.1392-1393, 38). Lors vint le chevalier de l'avant garde aux deux freres en disant : Messeigneurs, le plus de voz gens se tiennent a mal paiez de ce que vous les contraingniez de leur harnoiz porter, car il leur semble qu'il n'en soit nulle neccessité tant qu'ilz vendront a l'approuchier de la terre ou sont voz ennemis. (ARRAS, c.1392-1393, 155). LA MARQUISE [aux courtisans]. (...) A Dieu, messeigneurs, qui conduise Vous et la vostre compaignie Ou tant ay eu honneur ma vie. De vostre paine vous mercy (...) Et, pour Dieu, ne vous faigniez mie De servir, chierir et doubter Le marquis, que devez amer ; Ains le servez tres humblement De plus en plus plus loyalment, Et vous ferez vostre devoir. (Gris., 1395, 87). LA MARQUISE [au marquis]. (...) Mon seigneur, vous m'avez mandé. Que vous plaist il a commander ? (Gris., 1395, 89).

.

[Par abrév.] : Item, confessa que en alant aux noces mons. de Berry, et lui estant à Montbason, il print et embla en la male du sire de Partenay, une houppelande vert (Reg. crim. Chât., I, 1389-1392, 30).

-

[Cardinal, prélat, curé...] : SECOND CARDINAL. (...) Menons le devant le saint pére (...). Qu'atendons nous ? PREMIER CARDINAL. Nient ; alons, monseigneur doulx. (Mir. pape, 1346, 372). ...d'iceulz homicides il a esté purgiez, comme clerc non marié qu'il estoit lors, par monseigneur l'evesque de Paris comme son juge ordinaire, et desquelz il a purgacion. (Reg. crim. Chât., II, 1389-1392, 491). Monseigneur le curé (...) je scay que vous dictes au plusprès de verité (C.N.N., c.1456-1467, 296). Son mary avoit eu de bons amis entour monseigneur le cardinal (C.N.N., c.1456-1467, 389). Comme si pour une grosse matere fust allée devers monseigneur le chanoine... (C.N.N., c.1456-1467, 521). [Il] s'en alla devers monseigneur l'evesque (C.N.N., c.1456-1467, 540).

.

[L'évêque peut être appelé du nom de sa ville de résidence] : Force est que je m'en aille hastivement devers monseigneur de Noyon [D'un curé qui doit soumettre un problème grave à son évêque] (C.N.N., c.1456-1467, 287).

.

[Par abrév.] : ...maistre Robert Caret, promoteur de mons. l'evesque de Paris (Reg. crim. Chât., I, 1389-1392, 300).

-

[Haut magistrat, officier de haut rang civil ou militaire...] : ...moy Aleaume Cachemarée, clerc dudit monseigneur le prevost commis par lui à estre present à l'execucion dudit jugement faire (Reg. crim. Chât., II, 1389-1392, 514). ...honorable homme et sage maistre Jehan Truquan, lieutenant de monseigneur le prevost de Paris (Reg. crim. Chât., II, 1389-1392, 525). Ce jour, environ IX heures, vint en la Chambre monseigneur le Chancellier, et en sa presence fu plaidoyée la cause qui s'ensuit (BAYE, I, 1400-1410, 42). ...afin de avancier de rechief le paiement de mil frans pour les gaiges de messegneurs de la Court. (FAUQ., I, 1417-1420, 364). Monseigneur Talebot, a qui Dieu pardoint, capitaine anglais... (C.N.N., c.1456-1467, 54). Monseigneur le prevost, dit elle, je me plains a vous (C.N.N., c.1456-1467, 160). ...vingt ung des serviteurs de monseigneur le president le trouver (C.N.N., c.1456-1467, 313). Monseigneur le seneschal de Boulennois chevauchoit (C.N.N., c.1456-1467, 447). Monseigneur le bailly, je vous prie pour Dieu (...) que je puisse jouer une chanson (C.N.N., c.1456-1467, 452). Il fut cité a personnellement comparoir a l'encontre de monseigneur le promoteur, a la requeste de sa femme, et par devant monseigneur l'official. (C.N.N., c.1456-1467, 499). Quant des auditeurs messeigneurs, Leur granche ilz auront lambroissee, Et ceulx qui ont les culz rongneux, [Donne] Chacun une chaize persee (VILLON, Test. R.H., 1461-1462, 100).

.

[Par abrév.] : ...en jugement sur les carreaux, par devant maistre Jehan Truquam, lieutenant de mons. le prevost (Reg. crim. Chât., I, 1389-1392, 36).

-

[Devant le nom d'un saint] : [Il] fait faire pluseurs offrandes a divers sains de paradis, et entre aultres a monseigneur saint Michel (C.N.N., c.1456-1467, 85).

.

[Par abrév.] : ...ou jour d'yer, environ heure de vespres, elle estant en l'eglise de mons. Saint-Jehan en Greve, se tray près d'un homme qui estoit en ladite eglise (Reg. crim. Chât., I, 1389-1392, 324). ...que, en la ville du Mens, il alast à eulx à la mi-aoust prouchaine à venir et derrenierement passée, et il les trouveroit devant l'eglise mons. Saint-Julien (Reg. crim. Chât., I, 1389-1392, 424).

B. -

[Pour désigner un personnage de haut rang, un personnage important] : "Trimilien, quelle chose estes-vous vous venus querre en ce pays ? Que fait monseigneur ?..." (FROISS., Chron. M., XIV, c.1375-1400, 56). ...vous nous avez fait biaucaup d'annoy à mon frere et à moy, et avez tourblé à vostre povoir et fourconseillié monseigneur et les nobles aucuns de ce pays et les bonnes villes envers nous. (FROISS., Chron. M., XIV, c.1375-1400, 57). ...ce que ledit Hennequin, lesdis mons. le bailli, mons. le visconte prevost de Saint-Quentin, et autres dessus nommez, envoient par devers nos très-chiers et grans amis nosseigneurs tenant le present parlement du roy nostre sire (Reg. crim. Chât., I, 1389-1392, 386). Comment, dist il, faulx traitre, avez vous esté si hardy de dommager ne faire molester le pays ne les gens de monseigneur mon pere, vous qui devez estre son homme ? (ARRAS, c.1392-1393, 205). La Secunde Nouvelle par Monseigneur (C.N.N., c.1456-1467, 31). Or ça, m'amye, je suis bien joyeux que monseigneur nous a fait ce plaisir. (C.N.N., c.1456-1467, 42). Monseigneur mist assez longue espace a soy deshabiller tout a propos (C.N.N., c.1456-1467, 75). Tantdiz que monseigneur jeune et fait penitence, madame fait gogettes avecques l'escuier. (C.N.N., c.1456-1467, 110). ...si elle [la chambrière] ne doubtast mettre male paix entre monseigneur et madame, il ne luy chauldroit guere de la desloyaulté de monseigneur (C.N.N., c.1456-1467, 116). S'ensuyt comment le roy entra dedens Quiers, de l'onneur qu'on luy fist, la maniere de son recueil, de l'entree que messeigneurs de la ville luy preparerent et du triumphe que les dames luy firent (LA VIGNE, V.N., p.1495, 163).

C. -

P. ext. [En apostrophe, au plur., sans valeur soc. partic., comme forme allocutive de respect] "Messieurs" : Messeigneurs, pour Dieu faictes pause ; Or entendez ce que veulx dire. (LA VIGNE, S.M., 1496, 413).

V. aussi messire, monsieur