B. - | "Devenir fou, devenir comme fou (sous l'effet du souci, de la douleur, de la colère...)" : Ce qui me het, c'est ma dame au corps gent, Qui est ma mort et mon destruisement, Quant je li voy Autrui amer, et n'a cure de moy Qu'elle deüst amer en bonne foy, Si qu'a peinne que tout ne me marvoy [var. que tout mort ne me voy] De ceste amour. ([MACH., J. R. Beh., c.1340, 94]). Ce n'est pas ton honneur, ce croy, Quant je te ser en tele foy Qu'humblement a morir m'ottroy, Se c'est tes grez, Pour ma dame que plus ne voy. Car doubte ay, dont je me marvoy, Que ses gentis cuers envers moy Ne soit irez. ([MACH., R. Fort., c.1341, 45]). Et quant le hestal lui failly, si en print un autre et fery ça et la, si que a paine l'osoit nul approuchier, car ilz cuidoient que il feust marvoié et que deables feussent entrez en son corps, et disoient que nul homme naturel ne pourroit ce faire ne souffrir ([Bérinus, I, c.1350-1370, 372]). LE MARI. (...) de douleur suis envahiz Dure et cruelle. (...) Las ! A po que je ne marvoy. ([Mir. enf. ress., 1353, 63]). J'ay sy grand duel au cuer, a poy que ne marvoie, Quant sotie m'asaut et amours me desvoie ([God. Bouillon R., t.2, c.1356, 392]). Las ! cilz desirs ne laist amenuisier La grant doleur qui longuement me dure, Einsois la fait toudis monteplier En acroissant ma langour et m'ardure, Si que mes cuers qui aimme outre mesure En desirant se despoire et marvoie, Quant je ne voy ma dame simple et coie. ([MACH., L. dames, 1377, 37]). Et si cognoy Qu'onques n'oy Tant d'anoy. Si m'en marvoy, Quant je voy Bien qu'avoy N'arai n'ottroy, Ne qu'Amours ne m'yert tendre ([MACH., Les lays, 1377, 306]). Et le roy prist l'espée, et, d'ire et de couroult, se marvoya ou desespera, ou il fut empoisonnéz ou ensorceléz ou entaraudéz, comme l'en tenoit ([Chron. Valois L., c.1377-1397, 324]). Amis, gaires ne demourra Que delivré seras de ci (...). Garde que plus ne te marvoies, Pren confort en nostre presence, Et en joieuse pacience Porte ce qu'avenir te peut. ([Mir. fille roy, c.1379, 107]). Merveille est que ne marvoy, Quant je voy Morte la plus gracieuse Et la mieudre en bonne foy Qui, je croy, Fust onques, ne plus joyeuse. ([DESCH., Art dictier R., 1392, 282]). Lors l'amant qui pres se marvoie, En souspirant le mort ymage Baise cent fois ou bois ramage, Et son doel, quant la troeve froide Com marbre... ([Pastor. B., c.1422-1425, 84]). Quant Englentine l'oÿ, pou s'en failly que de couroux et d'ire ne marvoyast, mais oncques samblant n'en oza monstrer ([Gérard de Nevers L., c.1451-1464, 68]). |
