A. -

"Mort endurée pour la foi chrétienne, martyre" : ...qu'il s'appareille et atire D'aler au chemin du martire Saint Pére et saint Pol (Mir. Theod., 1357, 91). ...Que tu t'en voises en la voie C'on dit le martire saint Pére Et saint Pol (Mir. Theod., 1357, 91). Pol, or me dictes pié estant Pour quoy vostre Dieu amez tant Que vous souffrez pour ly martire ? (Mart. st Pierre st Paul R., c.1430-1440, 146). Il a ses compaignons laissiez, Et le mertire a renuncer, Et je cuydoye qu'il deust attandre Pour soy saulver et laissus tendre En la joye de paradis ! (Myst. st Adr. P., c.1450-1485, 117). LUCILLE (en montant sur le decolouer). Par toy me soit grace donnee, Mon amy, je le te requier, Tant que je puisse mercier Mon Dieu pour qui souffre martire. (Myst. st Laur. S.W., 1499, 266).

-

Prendre martyre. "Subir le martyre" : MERCUS. Je vous jure en bonne foys, Pour la foys en que je croys, Je dis que tu es de ses disciples. Avecque luy prandra martire ! (Pass. Autun Roman F., c.1400-1500, 186).

-

[Représenté par la couleur écarlate] : ...celui qui donne le bougueran de continence, la pourpre de pacience, (...) l'escarlate de martire (Mir. st Val., c.1367, 123).

-

Palme du martyre. "Récompense céleste des martyrs" : Ainsi, si mon corps naturel Qui est la paille, n'est foullé Et battu de long et de lé, Mon esprit qui est le grain dur Ne serait point proprement mûr Ne a la palme du martire. (Myst. ste Barbe P., 1493, 57).

B. -

P. ext.

1.

"Supplice" : LA DAME. (...) Mais encore vous doublera La douleur, quant vous orrez dire La mort amere et le martire Qu'a souffrir pour ce fait attens (Mir. enf. ress., 1353, 41). Li ennemi de Dieu estoient trop fort revelé contre le Sainte Terre, et avoient reconquis priès que tout le royaume de Rasse, et pris le roy qui s'estoient de son temps crestiennés, et fait morir à grant martire. (FROISS., Chron. L., I, c.1375-1400, 115). Puis tuèrent la dame, qui estoit enchainte, et se fille et tous les enfans, et puis le dit chevalier à grant martire, et ardirent et abatirent le chastiel. (FROISS., Chron. L., V, c.1375-1400, 99). Certes, tuit cilz qui orront parler de ceste mes prison [tuer son seigneur], me jugeront, et auront droit, a mourir de honteuse mort et en grief martire, car plus fausse ne plus mauvaise trahison ne fist oncques pechierre. (ARRAS, c.1392-1393, 22). L'EMPEREUR. (...) Singuliers sommes, et n'est nulz Qui nous osast contrarier Que tantost ne luy fust monstrer S'il debvroit a nous contredire, Car souffrir luy ferions martire Le plus grief que penser pourrions (Myst. st Adr. P., c.1450-1485, 67). De tristesse le cuer me casse, Car de vous suis tant amoreuse Que, quant vostre cher precïeuse Voy souffrir ung si grant martire, La passion m'est si trespeneuse Que d'eure en heure, las, j'espire. (Pass. Auv., 1477, 220). Lequel duc trespassé estoit indigne de celluy meffait et martire, et requiert et peult requerir son ame à Dieu que justice en soit faicte. (LE CLERC, Interp. Roye, c.1502, 286).

-

Mettre qqn à martyre. "Martyriser" : Nous sommes les dolentes méres Qui avons porté (...) ces petiz enfans Que mettre voulez a martire. (Mir. st Sev., 1362, 198). ...les tyrans laissoient faire leurs prieres aux sains qu'il mettoient a martire (JEAN GOLEIN, Rational B.D., c.1370-1372, 534). Delivre, biau sire, Ton peuple de l'ire Du faulx ennemy, Que ne fait qu'atire Et mectre a martire Ton peuple au jour de huy. (Myst. st Bern. Menth. L., c.1450, 120).

.

Mettre qqn à martyre de (la) mort. "Faire subir à qqn le dernier supplice" : Quant la segoingne se fourfait, Et ses males en scet le fait (...) il s'en va tantost en serche ; Par les nis des oiseaus reverche A ceuls qui sont de sa samblance, Tant qu'il en a grant habondance ; Puis entour son nif les assamble, Et quant il sont la tuit ensamble, Il y tiennent un grant concire, Puis metent celui a martire De mort qui l'a, ce dit, forfaite ; La est devourée et deffaite. Or a cils ses maus alegiés Qui en ce point en est vengiés. (MACH., J. R. Nav., 1349, 195). Vous avez un point soustenu Dont po d'onneur vous est venu, En ce que ma dame de pris Avoit seur la segoingne pris, Comment elle est a la mort traite, Quant envers son male est forfaite. Cuidiez vous qu'elle vosist dire Qu'on meïst la dame a martyre De la mort, qui se mefferoit Envers celui qui l'ameroit ? Nennil ! voir ! ce seroit folie. (MACH., J. R. Nav., 1349, 199).

.

Mettre à mortel martyre : Cis roys ce faus oisel demande Qui avoit contre sa commande Celle aigle d'onneur mise a mort Par langue qui trop griefment mort. Lors la teste dou corps li tire Et le met a mortel martyre : Sa teste, ce sont ses paroles, Nom pas tant seulement frivoles, Mais parlers de detraction Qui met gens a destruction. Celle teste est tost esrachie (MACH., D. Aler., a.1349, 361).

-

Mourir à martyre : Sa, maistre, sa, passez avant ! Morir vous convient a martire, Puis qu'il plaist au roy, nostre sire (Mir. st J. Cris., c.1344, 275). Chils feus monta tantos amont, qui s'esprist ens es couvretures dou moustier : là moroient li Gantois qui estoient ou moutier à grant martire, car il estoient ars, et, se il issoient hors, il estoient esboullé et regetté ou feu. (FROISS., Chron. R., X, c.1375-1400, 70).

2.

"Carnage" : D'ambedeux pars ot grant martire ! (CHR. PIZ., M.F., II, 1400-1403, 309).

-

Mettre à martyre. "Massacrer" : Troylus, qui riens ne cremoit, Tous mettoit Grigois a martire. (CHR. PIZ., M.F., III, 1400-1403, 119).

3.

"Souffrance extrême (physique ou morale), tourment" : Si que, biau sire, Uns tels juges seroit bons a eslire Qui vous saroit bien moustrer et descrire Li quels de vous sueffre plus de martire ; Si le prenez. (MACH., J. R. Beh., c.1340, 108). Quant mon dolent cuer fais defrire Et fondre en amoureus martire, Est ce bien fait ? Helas ! que me demandes tu ? Je t'aim de toute ma vertu. (MACH., R. Fort., c.1341, 44). N'as tu mie dit en ton lay - Si as, se bien retenu l'ay - Qu'Amours, que tu en supplioies, A ta dame que tu amoies Porroit bien dire ton martyre, Car tu ne li savoies dire ? Et elle, com franche et honneste, A oy et fait ta requeste, Car elle a dit et descouvert L'amour que tu as tant couvert (MACH., R. Fort., c.1341, 61). Portons devant la trinité, Gabriel, ceste ame en chantant, Qui en ce siécle a souffert tant Paine et martire. (Mir. st J. Cris., c.1344, 307). Et que de ce mieus nous remorde, Je vous en diray qu'il avint D'un chien qui enragiez devint, Amez en l'ostel d'un riche homme. Or entendez, s'orrez la somme. Li riches homs ot oy dire Dont venoient si fait martire ; S'en vout vëoir l'experience Pour mieus avoir en congnoissance. Se fist son chien par force prendre, Loier, bersillier et estendre Et sa langue sachier a plain, Tant qu'on vit le ver tout a plain. (MACH., J. R. Nav., 1349, 228). Si que, Guillaume, j'ose dire Que plus de peinne et de martire Cent fois les dames soustenoient Que leurs amis qu'elles faisoient, Qu'elles avoient les griés pensées Et les paours desordenées, Les paroles de mesdisans. (MACH., J. R. Nav., 1349, 238). Dieus li peres ne voloit mie Oublier sa serve [Susanne] et s'amie Endurer, voloir, ne souffrir Son corps a tel martyre offrir Sans raison nulle et sans desserte, Eins fist pour li miracle aperte, Et de fait oy sa priere, De cuer faite et d'amour entiere. (MACH., C. ami, 1357, 11). Et scez que Herculès devint ? Il vesqui des ans plus de vint En si grant saut, en si grant bruit Que tous li mundes de li bruit. Mais la belle Deyamire Le fist morir a grant martyre, Nom pas malicieusement, Einsois le fist ignoranment Par la chemise envenimee Qui li fu d'elle presentee. (MACH., C. ami, 1357, 96). Hé las, or voy tire a tire Meschief, langour et martyre De tous lieus a moy venir (MACH., Voir, 1364, 734). Et si veoient le martyre De ceuls qui estoient bleciez, Dont c'estoit pitez et meschiez. (MACH., P. Alex., p.1369, 154). Li roys la fist, sans detrier, Devant chascun, penre et lier, Seur une eschiele, et puis estendre. Et la dame avoit la char tendre ; Si souffroit mervilleus martyre ; Des yeux pleure, dou cuer souspire. Et certes c'estoit grant durté, Et très grant inhumanité, De creature femenine Faire estendre et mettre à gehine. (MACH., P. Alex., p.1369, 260). Or vous vueil deviser et dire Ce qu'il [le roi Pierre] disoit en son martyre. Moult devotement reclamoit Nostre Dame que moult amoit, Et li disoit : "De Dieu ancelle, Vierge, glorieuse pucelle, Vierge pucelle, vierge mere, Mere dou fil, et fille au pere, M'amour, ma deesse, ma dame, Au jour d'hui recevez mon ame Et metez en vo compaingnie." Et a ce mot perdi la vie. (MACH., P. Alex., p.1369, 271). Riens ne me puet anuier ne desplaire Que je puisse pour ma dame endurer, Fors tant que loing de son plaisant viaire, Sans joie avoir, me convient demourer. Et si ne sçai terme de retourner Par devers li, dont j'ai tant de martire Que je ne sçay congnoistre joie d'ire. (MACH., L. dames, 1377, 44). Gentil dame, simple et coie, Pour moy nelui ne lairay Qui ramentevoir me doie, Ne fier ne m'oseroie En nul qui vous peüst dire Ma dolour et mon martire. Helas ! einsi languiray Tous seus, sans cuer et sans joie, Et en doubtance seray De vous qu'oubliés ne soie. (MACH., L. dames, 1377, 105). Li plus grans biens qui me veingne d'amer Et qui plus fait alegier mon martyre, C'est de mes maus complaindre et doulouser Et de mon cuer qui pour les siens souspire. Autrement ne sçay merci Rouver à vous que j'aim trop miex que my ; Mais bien poués veoir à mon samblant Qu'assés rueve qui se va complaingnant. (MACH., L. dames, 1377, 163). Mais cilz desirs n'atent pas qu'il adjourne Pour miex faire maint amoureus estour ; Dont mes vrais cuers qui demeure et sejourne En vo prison qui n'est chastiaus ne tour, Et s'est plainne de joie et de tristour, Reçoyt pour vous souvent joie et martyre. Pour ce toudis ma pensée à vous tire [le ms. (consulté par G. Roques) porte Pour moy faire maint amoureus estour (et non : Pour miex faire...)]. (MACH., L. dames, 1377, 212). Helas ! pour quoy virent onques mi oueil Ma chiere dame au tres plaisant accueil, Pour qui je vif en tel martire Que je ne congnois joie d'ire ? N'onques Amour ne me vost enrichir Tant que j'eüsse un espoir de joïr, Ne je ne puis encor rien esperer Que tout ne soit pour moy desesperer. (MACH., Motés, 1377, 505). Si n'est nul qui vous sceüst dire Le plour(er), le dueil et le martire, Que les dames vont demenant (CHR. PIZ., M.F., II, 1400-1403, 322). Qui fit a Hanibal guerroyer Ytalie, passer les montaignes, souffrir extremes froidures jusques a perdre l'ueil ? Amour de vaine gloire. Qui feit a Cathon se tuer, a Darius, a Lucrecce et autres sans nombre ? Amour de vaine gloire. Aucuns mesmement en ont souffert martire mais dampnez sont. (GERS., Concept., 1401, 412). ...le dolereux martir que Amours li faisoit souffrir et endurer pour l'amour d'elle (WAUQUELIN, Manequine C.T., a.1448, 127). ...il avoit souffert par batures ung tresgrief martire (WAUQUELIN, Belle Hélène Const. C., c.1448-1452, 379). ...si par aucune fasson je ne parvenoye a vostre bonne grace, il ne m'estoit pas possible de longuement vivre en ce doloreux martire. (C.N.N., c.1456-1467, 210). ...la pouvre femme (...) s'en alla tantost a sa maison plaindre son mal et son martire (C.N.N., c.1456-1467, 265). ...pluseurs ans exercea ledit office [d'esclave], qui ne luy estoit pas petit labeur, mais martire intollerable (C.N.N., c.1456-1467, 422). Ne de ce jour plus avant il alla, Pour soulager gendarmes et chevaulx Qui avoient tant soustenu de travaulx, Tant de misere, de peine et de martire, Tant de souffrance, de dangers et de maulx, Qu'il n'est possible de la disme en escrire. (LA VIGNE, V.N., p.1495, 281).

-

Avoir martyre : La souspire, La s'aïre Mes cuers qui tant a martire Et de mortel peinne Et tant d'ire, Qu'a voir dire Son mal ne porroit descrire Creature humeinne. (MACH., L. plour, 1349, 288).

-

Estre à martyre : Car je fusse, lonc temps ha, mors, S'il ne fust à martire, Par l'ueil qui trait a en mon corps De desir une vire, Qui ja n'en sera traite hors, Se m'amour ne l'en tire Ou bons Espoirs qui m'a dès lors Viseté com dous mire Et conforté mes desconfors Doucement, Diex li mire. (MACH., Les lays, 1377, 432).

-

Faire (peines et) martyres à : Il y avoit un sien cousin Que bien congnoissent Sarrasin Aus grans cops qu'il leur donne et baille De son espée qui bien taille, Moult leur fait peinnes et martyres, C'est de la Vote li drois sires. (MACH., P. Alex., p.1369, 144). Et la dame li respondoit, Endementiers qu'on l'estendoit : "Sire, vous estes mes drois sires, Faire me poez tous martyres, Crucefier, morir ou vivre, Et hors de ci mettre à delivre ; Mais ja ne diray de ma bouche Chose dont autres ait reprouche, Ne dont, sans cause, vaille pis..." (MACH., P. Alex., p.1369, 261).

-

Se mettre à martyre : Et d'ou te vient ceste dolour Qui einsi desteint ta coulour ? Certes, je croy qu'elle te teingne Au cuer et que d'amer te veingne. Si ne te dois pas desconfire Einsi, ne toy mettre a martyre, Car c'est grant honte et grans deffaus, Puis que tu n'ies mauvais ne faus Envers ta dame que tu aimmes, Quant pour li amer las te claimmes. (MACH., R. Fort., c.1341, 58).

-

S'offrir à martyre : Et s'on te dit parole dure Ou fait de fait aucune injure, Souveingne toy que Dieus souffri Pour nous, et comment il s'offri A peinne, a dueil et a martyre. (MACH., C. ami, 1357, 62).

-

Vivre à martyre : Et pour ç'avoir dois de mercy Bonne esperence. Mais qui autre mercy desire Et qui dit qu'il pleure et soupire, Dont il le couvient a martyre Vivre et manoir, Il a tort et assés s'empire. Venus scet bien ceste matyre. (MACH., F. am., c.1361, 226). Car, pour doubte d'escondire, Je n'os à ma dame dire Comment je vif à martire Pour s'amour, Pour ce que, s'elle desdire M'en voloit ou contredire, Certes, mes cuers morroit d'ire Sans demour. (MACH., Les lays, 1377, 295).