"Navigation, façon de naviguer" : Combien je dis alla Mecqua, je dis au port de la Mecqua, pourquoy la cité de la Mecqua est en terre bien deux jornées loings dudit port. Pour quoy la grant quantité de espice se chargent sus navilz, et si se partent tous ensamble de compaignie. Et vont tousjours par rivière, ne jamais ne s'alargent de la terre, et tout lez soir du monde gettent lez leurs ancres jusques au matin qu'il est jour, et vont chaminant à voilles et à rièmes, si comme le temps le donne. Et en ceste façon de leur maronagerie, qui a pou de raison en soy, souventefois se rompent lezdis navilz, et perdent lez navilz et toutes les espices : et raison pourquoy que ilz treuvent secques et pierres couvertes, et vont par desus, et ne le voyent, et celle lez fait périllier. (Passage Terre Sainte Piloti D., 1441, 105).