Empl. trans.

A. -

"Soumettre à son autorité, dominer" : Il n'est nuls qui par force le puisse maistrïer [,] D'estour ne de bataille ne traire ne trïer, Se pour ses rutes cops n'a touz jourz la victoire (Gir. Ross. H., c.1334, 132). Einsi par sa noble maistrie La dame le lion maistrie Seulement par son dous regart, Car il n'a paour ne regart Qu'il ne soit de tous maus gardez, Quant il est de li regardez. (MACH., D. Lyon, 1342, 182). Qui bien aimme a tart oublie, Et cuers qui oublie a tart Ressamble le feu qui art, Qui de legier n'esteint mie. Aussi qui a maladie Qui plaist, envis se depart. En ce point, se Dieus me gart, Me tient Amours et maistrie. Car Plaisence si me lie Que jamais l'amoureus dart N'iert hors trait, a tiers n'a quart, De mon cuer, quoy que nuls die. (MACH., L. plour, 1349, 283). C'est cils qui nulle fois ne faut Aus siens, car de riens n'ont deffaut ; C'est cils qui le monde forma De nient et qui sa fourme a Pris de li seul, sans autre aïe. C'est li sires qui tout maistrie. Son bien n'aroie jamais dit, Qu'en li n'a deffaut ne mesdit. Tout puet, tout vaut, tout scet, tout a. (MACH., C. ami, 1357, 48). ...Fortune qui rit et pleure Et tume les siens en po d'eure, Qui a tel force et tel maistrie Que tu vois que pluseurs maistrie Qui furent riche et noble né, Et si ne leur a riens donné, Mais quant li plaist, elle moult tost Ce que pas n'a donné tout tost. (MACH., C. ami, 1357, 68). ...Et de ce tray je à tesmoing vraie Amour Qui scet comment ma dame me maistrie, Sans esperer garison ne aïe. (MACH., L. dames, 1377, 86). Et senefie que cellui qui premier le porta en armes [le bar] estoit fort de bouche c'est a dire de vertueuses parolles et de grant force par quoy il detrenchoit et maistrioit plus grant et plus dur que soy. (Best. hérald. H.E., c.1435-1450, 498). Ledict roy Loys, qui de tout temps avoit blasmé ceste façon, print tant à cueur que à merveilles ce que on l'avoit tenu par force, et en faisoit plus de semblant qu'il ne luy tenoit au cueur, car le principal fons de ceste matière estoit de peur qu'on ne le voulsist maistrier, et entre autres choses en expedicion de ses affaires et matières, soubz couleur de dire que son sens ne fust pas bon (COMM., II, 1489-1491, 283).

Rem. Jourd. Blaye alex. M., a.1455, gloss.

-

P. métaph. : En milieu estoit atachiez Uns serpens d'or a douze chiés Qui par engiens et par conduis Estoient ad ce faire duis Que la fonteinne sans sejour Gettoient de nuit et de jour. Prëaus avoit entour le marbre Trop bien ordenés, et li arbre Planté furent par tel maistrie Que le soleil point n'i maistrie, Einsois estoit tout a couvert, Tout fait par mesure et tout vert. (MACH., F. am., c.1361, 191).

B. -

En partic.

1.

"Gouverner, diriger la conduite de qqn" : La aprent il sans mespresure De tous biens la bonne apresure, Et la parfaite congnoissance D'onneur et de toute vaillance. Car je le met en la maistrie De Science qui le maistrie ; Cremour et Honte de meffaire Et Congnoissance, a lui parfaire, Sont ordené et establi. (MACH., D. verg., a.1340, 25). Or tien dont son pooir si vil Qu'aies de toy la signourie. Garde que Raisons te maistrie Et qu'aies en toy pacience Et la vertu de souffissance, Car bonneürtez vraiement Vient de souffrir pacienment, N'il n'est homme, a mon essient, Que quant il est impacient, Qui ne vosist avoir fait change De son estat a un estrange ; Et ce le fait maleüreus Et vivre en estat perilleus (MACH., R. Fort., c.1341, 91). Si me tray près de la danse Com cils qui a sa dame pense. Mais la bonne et bien enseignie Que Raison gouverne et maistrie, Qui tant scet, tant puet et tant vaut Que riens de bien en li ne faut, De sa bonté tant m'enrichist Que ses dous yeus vers moy guenchist. (MACH., R. Fort., c.1341, 125). ...ung conseillier doit gouverner et maistrier les affections, adressier ce qui est affaire, corriger les excés, concepvoir les meurs, ordonner en honneur la vie, determiner les choses confuses, les volans et orguillieux restraindre, les choses dispergees et separees assembler et recuillir, les secrés sur quoy on doit deliberer bien ruminer et y penser, avant que on dye son oppinion (JUV. URS., Verba, 1452, 314).

2.

"Se rendre maître de qqn, malmener, tourmenter qqn (physiquement ou moralement)" : Lors se treï vers moy la simple et coie, Pour qui Amours me destreint et maistroie, Et dist : "Amis, certes, riens ne vorroie Faire a nelui, Dont il eüst grevance ne anui ; Ne l'en ne doit faire chose a autrui Qu'on ne vosist que l'en feïst a lui..." (MACH., J. R. Beh., c.1340, 77). Es Champingnois se fiert, si forment lez maistroie De l'espee tranchant qu[e]... (Hugues Capet Lab., c.1358, 123). Seigneurs, a vous renduz nous sommes. D'une chose vous vueil prier, Que ne nous faciez maistrier, Ne ne mettez en autruy mains Qu'es vostres meismes ; ou au mains, Se de moy voulez raençon, Je vous donrray sanz contençon Tantost soixante mille livres (Mir. Amis, c.1365, 12). Et ainsi, com partir voloit, Li prist une grant maladie, Qui si le contraint et maistrie Que tout son fait fu depecié A ceste fois et empeeschié. (MACH., P. Alex., p.1369, 130). Et vostre gentil corps gay Serviray Humblement et à s'onnour ; Si que durer ne porroie, Se n'avoie Confort de vostre valour Contre desir qui guerroie Et maistroie Mon cuer et tient en langour. (MACH., Ch. bal., 1377, 603). ...sy avray maistrié tous ceulx de ceans et pendus par leurs gueules (Percef. I, R., t.1, c.1450 [c.1340], 336). ...elle de son esmouvement a dit par pluseurs foiz à gens de bien qu'elle estoit cause de son mal ; et à ceste cause, pour ce qu'elle disoit qu'elle en estoit cause, la mère d'elle la tensa par plusieurs foiz en lui donnant charge et la blasmant de ce qu'elle avoit esté si rigoureuse et voulu maistrier ledit suppliant. (Doc. Poitou G., t.9, 1453, 348).

C. -

Au fig. [D'une chose] "Dominer qqn ou qqc. ; subjuguer qqn" : Einsi longuement, sans doubtance, Pensay, qu'onques je n'os plaisance A chose qu'ou vergier veïsse, Par quoy mon penser y tenisse ; Car par pensée remiroie La grant biauté qui me maistroie, Le scens, la valeur et le pris Par qui je sui d'amer espris, Et le plaisant viaire dous De ma dame a qui je sui tous. (MACH., D. verg., a.1340, 17). L'ABBEESSE. (...) vostre amour si me maistrie Que tout mon sens surmonté a : Faites tout quanqu'il vous plaira, Amis, de moy. (Mir. abbeesse, 1340, 72). ...par la vertu dou deable les ydoles se jettent hors dou feu. Mais les freres l'espargent d'eaue benoitte, et tantost le feux les mestroye. (JEAN LE LONG, Voy. Odoric A.M., 1351, 61). Reculler lez couvint, car forche lez mestroie (Hugues Capet Lab., c.1358, 123). Et voy qu'Amours pert toute seigneurie, Quant povres homs, pour bien qui soit en li Ne loyauté, est nyce, s'il se fie Qu'il soit amez. Dont ne m'atent je mie, Se n'enrichi, que soie ami clamé ; Car puis qu'argent vaint amour et mestrie, Ja povres homs ne sera bien amé. (MACH., App., 1377, 641). Mais vo douce maistrie Maistrie mon cuer si durement Qu'elle le contralie Et lie En amour tellement Qu'il n'a de riens envie Fors d'estre en vo baillie (MACH., Ch. bal., 1377, 584). Helas ! douce creature, C'on ne porroit comparer, Sentés vous dont la pointure De vostre ami desirer ? Certes, or doit bien doubler La dolour qui me maistroie, S'ainsi est que ne vous voie. (MACH., L. dames, 1377, 41). Gentil dame de tres noble figure, Je vous aim miex et de plus vraie amour Que je ne fais toute autre creature, Pour la bonté qui tant vous fait d'onnour ; Et sachiés bien que vo fine douçour Tant doucement me maistrie et demainne Que de mon cuer estes la souverainne. (MACH., L. dames, 1377, 127). Aveuc ce, douce anemie, Honte me maistrie, Paours me chastie, Desdaing me deffie Et Dangiers m'escrie Que nulle chose ne die Pour Refus qui m'assaudroit (MACH., Les lays, 1377, 302). Si n'est vie Si jolie Com de desirer amie En Espoir Qui chastie Et maistrie Desir, si qu'il n'ait maistrie Ne pooir, Qu'il detrie Vie lie, Quant Espoirs ne s'amolie. (MACH., Les lays, 1377, 431).