"(Celui) qui médit, médisant" : J'ay, passét a plus de .X. ans, Oy dire que mesdisans Sont necessaires en amours Et que leurs jangles et leurs mours Font estre meinte bonne dame Nette de corps, de cuer et d'ame Et garder bonne renommée En fait, en dit et en pensée, Et les amans mettre à mesure, Quant desirs trop les desmesure. ([MACH., Compl., 1340-1377, 267]). Car qui en amours ne scet feindre, Il ne puet a grant joie ateindre, N'il n'a pooir de bien celer Ce qu'il ne vorroit reveler ; Car li mondes est si divers, Si mesdisans et si pervers Et pleins de si fausse contrueve Qu'au jour d'ui on dit et contrueve Ce qui onques ne fu pensé. ([MACH., R. Fort., c.1341, 154]). Helas ! mére, li medisant Diront, par leur male goulée, Que vous vous en serez alée Par mauvaistié. ([Mir. st J. Cris., c.1344, 265]). Et si fis je ; je le doubtay, Quant ces paroles escoutay, Nom pas pour cause de meffait Qu'endroit de moy eüsse fait, Mais je doubtay pour mesdisans Qui sont aucunes fois nuisans Par fausseté et par envie Aus bons qui mainnent bonne vie. ([MACH., J. R. Nav., 1349, 165]). Car vraiement Loing et pres plus aaise en serons Et meins assez en doubterons Des mesdisans faus et felons Le parlement. ([MACH., F. am., c.1361, 224]). ...en plourant furent maudittes Les langue[s] des faus mesdisans Si fort que passét a .X. ans Ne vi chose si fort maudire ([MACH., Voir, 1364, 744]). Par trois resons c'on puet prouver Legierement, Vueil aus medisans clerement Dire et prouver Qu'il sont assez pires qu'Enfer Ne son tourment. ([MACH., App., 1377, 650]). Las ! j'ay failli à mon tres dous desir, Pour ce que trop m'est Fortune contraire, Et tant redoubt le veoir et l'oïr Des mesdisans qui tant me font de haire Que je ne m'os devers ma dame traire ; Dont je me muir à dolour et langui, En desirant de li joie et merci. ([MACH., L. dames, 1377, 81]). Hé ! mesdisans, com je vous doy haïr, Quant j'ay perdu par vous le dous repaire Où celle maint qui me fera fenir, S'elle vous croit, par mort crueuse traire. ([MACH., L. dames, 1377, 122]). Pour Dieu, frans cuers, soies mes advocas Vers mesdisans qui de mon bien n'ont cure, Puis que tiens sui et seray en tous cas. Pour Dieu, frans cuers, soies mes advocas. ([MACH., L. dames, 1377, 166]). Douce dame, savoir ne puis n'oïr Ceaus qui vuelent fortraire mon honnour ; Mais se vos cuers me deingnoit resjoïr Et moy faire certeins de vostre amour, Ne me vueilliez estrangier Pour mesdisans de vostre dous dangier, Car riens fors vous ne me porroit deffendre : Si m'en estuet dou tout à vous atendre. ([MACH., L. dames, 1377, 169]). Et de ceulx qui, en dit et fait, Sont mesdisans, et qu'en diroie ? Est ce droit qu'ainsi se desroye Noble homme, par villain lengage ? ([CHR. PIZ., M.F., II, 1400-1403, 35]). Car se tu refuis devotement aux plaies et aux precieux stigmates de Jhesucrist, tu sentiras moult grant confort en ta tribulacion et ne te chaura gueres des despections des hommes et legierement porteras les paroles des mesdisans ([Internele consol. P., 1447, 6]). Ne croiez pas les mesdisans, Mon bon seigneur, car, par ceste ame... ([Path. D., c.1456-1469, 140]). |
