I. -

(Synon. de mauvais)

A. -

[Idée de malveillance, de malfaisance, de nocivité]

1.

[D'une pers., d'un aspect de la pers.] "Malveillant, malfaisant, mauvais" : LA FILLE AU ROY. Meschant prestre, je t'essaioie. Cuides tu que tant m'avillasse, Que je mon corps t'abandonnasse... ? (Mir. st J. Cris., c.1344, 269). C'est une bougre meschant garce Qui a bien desservi estre arse, Tant a meffait. (Mir. roy Thierry, c.1374, 277). ...icelle Marion vint à son huys et appella elle qui parle, qui estoit enmi la court, et lui dist que celui qui demandoit ces choses estoit un meschant, et que lui-mesmes avoit emblées les choses qu'il demandoit (Reg. crim. Chât., II, 1389-1392, 283). Mais, pour pitié que j'ay de mettre a mort un si vaillant chevalier que tu es, je te donne congié, va t en. Et, pour l'amour de toy, je quicte les gens de ton pere jusques a un an le treu qu'ilz me doivent. Quant Gieffroy ouy que cil [le géant] le prisoit si pou, si fu moult doulent. Si lui dist : Meschant creature, tu as paour de moy. De ta courtoisie ne t'ay je cure, car tu le fais par doubte. (ARRAS, c.1392-1393, 246). O meschant fol, plain de rudesse, Bien petit de chose t'encombre ! (Narcissus, p.1426, 310). N'estes vous pas bien putier, recreant, lasche et meschant (C.N.N., c.1456-1467, 76). Paillarde, meschante que vous estes (C.N.N., c.1456-1467, 244). Ha ! meschant courage, comment as tu mis en nonchalloir ce a quoy tu devois donner entente singuliere ? (C.N.N., c.1456-1467, 556). Tu es tres meschante personne, Au surplus, tu n'es que une beste. (Feste roys, c.1475-1500, 304). Mais soubz umbre d'eulx, plusieurs paillars et meschans gens qui conduysoient et menoient les dictz bagaiges, firent la plus grant partie du dict pillage, et rompoient les coffres et bahus de leurs dictz maistres pour prendre ce qui estoit dedens. (LA VIGNE, V.N., p.1495, 290).

-

Empl. subst. : Mais il y en a de si bestes qu'ilz promettent et jurent n'en dire riens, et par ce moyen en portent aulcunes foiz ces angoisses dont je parle et si haient le plus de foiz les meilleurs et les plus loyaulx serviteurs et leurs font des dommaiges à l'appetit et rapport des plus meschans, et de grans torts et de grans griefz à leurs subjectz. (COMM., III, 1495-1498, 260).

-

Meschantes gens. "Gens du peuple coupables de violences" : ...li contes de Flandres (...) fist (...) decoller mescheans gens, tels que foullons et tisserans qui avoient mors ses chevaliers et ouvert les portes à l'encontre de chiaulx de Gaind. (FROISS., Chron. R., IX, c.1375-1400, 226). Ches meschans gens en es contrées que j'ai nommées se commenchièrent à eslever, pour che que il dissoient que on les tenoit en trop grande servitude. (FROISS., Chron. R., X, c.1375-1400, 95). Et ces mescheans gens assamblés, sans chiés et sans armeures, reuboient et ardoient tout, et occioient tous gentilz hommes que il trouvoient, et efforçoient toutes dames et pucelles, sans pité et sans merci, ensi comme chiens esragiés. (FROISS., Chron. L., V, c.1375-1400, 100). Ensi fina d'Artevelle, qui en son temps fu si grans mestres en Flandres. Povres gens l'amontèrent premierement, et meschans gens le tuèrent en le parfin. (FROISS., Chron. L., III, c.1375-1400, 103). Et, par la mort bieu, vous estes bien meschantes gens, et a vostre fait mal regardans (C.N.N., c.1456-1467, 432). Et de la vint le dict seigneur de Cernon compter au roy l'infamie de ces meschans gens et comment il les avoit pugnis de leur oultraige (LA VIGNE, V.N., p.1495, 301).

.

Empl. subst. : Pour debat de meschans enivrés en foires et en marchiés, et pour pillages de biestail triewes ne se rompoient mies. (FROISS., Chron. R., VIII, c.1375-1400, 121).

2.

[D'une chose]

-

[D'un acte, d'une parole...] "Mauvais" : Et encores fit le dit Edouart filz de la dicte Ysabeau ung aultre meschant fait et deshonneste, et grant crisme et malefice, car il fit prendre sa propre mere et mettre en prison, la quelle l'avoit porté et fait nourrir si doulcement que mere peult faire filz, soubz une couleur espoir non veritable, et se elle eust esté veritable, si la deust il pour son honneur avoir teue et couverte (JUV. URS., T. crest., c.1446, 28). Je vous metray, Home, je croy, - Se vous voulés croyre mes dis - Bien vistement en aultre erroy ! (...) Par meschant conseilh gouverné Avés esté, je le voy bien (OLIOU, Mess. Arg. A., c.1470, 475). SAINCT MARTIN. Mieulx que jamais ton erreur est notoire Et par raison je le te veulx prouver. Ou pence tu escriptures trouver Qui veriffient telz meschantes parolles, Telles maulvaises indehues parabolles A qui le feu seulement apartient ? (LA VIGNE, S.M., 1496, 338).

.

"Malveillant" : Et ne le dis pas sans cause, car je croy que aurez des hayneurs, envieulx et baveux qui diront espoir de meschans parolles de vous et a vous mesmes, pour ce que ne pourrez, saulve vostre honneur, faire ce qu'ilz demanderont et vouldroient bien avoir, ou que vous ne leur ferez pas responces aggreables (JUV. URS., Nescio, 1445, 472).

-

[D'un sentiment] "Qui fait mal, douloureux" : Et sont telz melancolieux souuent degectez de vne meschante tristesse et ont paour sans cause et sont souuent si tristes que se tu leur demandes pour quoy ilz sont tristes et de quoy ilz se deulent, ou de quoy ilz ont paour, ou de quoy ilz ont desplaisance, ilz ne sceuent que respondre et ne sceuent quilz ont. (CIB., p.1451, 219).

-

[De ce qui advient, d'un état] "Mauvais, funeste" : Tu crois que l'en te monstre service et familiarité [en te flattant], et tu es gecté et sousmis a tres ville et mescheant et derreniere servitute (FOUL., Policrat. B., III, 1372, 217). ...Et pour ce seront malostruc, Car quant leur fauldra telz estas, Feront larrecins ou baraz, Dont vendont a meschante fin (BOUVET, Appar. Meun A., 1398, 29). "Beau sire, vous ne devez mie Vous eslïessier d'oïr dire Q'ung homme de meschante vie Face meschant fin, ou mal muyre." (CHART., D. Her., p.1415, 427). Je croy que vous ne savez riens Du sire de Gres, qui est mort, Qui estoit mis jusques dedans Leur ville par son grant effort, Son estandart mis sur le bort Des foussez, au pres de la porte ; Mes est venu par meschant sort Ung canon qui sa teste emporte. (Myst. siège Orléans H., c.1480-1500, 404).

-

[D'un lieu] "Hostile" : Las ! qui est ce qui de ce val Meschant [le purgatoire], chetif, lait et hideux (...) Me veult oster ? (Mir. prev., 1352, 262).

3.

[D'un animal] : Passez, passez, orde caigne que vous estes ; par Dieu, vous n'y entrerez meshuy, meschante beste que vous estes ! (C.N.N., c.1456-1467, 196).

B. -

[Idée de contradiction avec la morale, les commandements de la religion, les lois humaines]

1.

[D'une pers.]

-

"Qui est enclin à mal agir, malhonnête" : Et son contraire [de connaissance] est ignorance et sa tres mescheant ligniee, qui est vraie ennemie as bons et adversaire (FOUL., Policrat. B., III, 1372, 209). Et aucunes foiz se acointent [les maris] de meschans et deshonnestes femmes qui les obeissent en toutes choses et honnorent plus qu'ilz ne sont honnorez de leurs preudefemmes. (Ménagier Paris B.F., c.1392-1394, 83). Je voy les meschans et les reprouchables personnes comblés et abondans, lez preudes et honnestes hommes mendians et diseteux (CHART., L. Esp., c.1429-1430, 48). Mais, à la verité, la chose estoit à ce venue que les gens de bien n'avoient à Gand plus de povoir ne d'authorité en icelle ville, et gouvernoient les meschans et les gens voluntaires (LA MARCHE, Mém., II, c.1470, 222).

-

"Qui s'adonne à un vice" : Car quant la meschant personne a bien beu et mengié, et plus qu'elle ne doit, les membres qui sont voisins et prez du ventre sont esmeuz a ce pechié et eschaufez. (Ménagier Paris B.F., c.1392-1394, 37). O yvroingne, ton corps nourris Tant ayse, dont aprés nous ris Quant le vin au front t'a feru. De plusieurs a Lucifer eu Par telz defaulz et ame et corps. Ceulx sont bien que meschans et que ors Qui n'ont de sobrieté cure, Car santé garde et le mal cure. (MESCHIN., Lun. princes M.-G., c.1461-1465, 48).

-

Prov. A meschantes gens chestive serte. "À personnes malhonnêtes petit salaire" : Les vices leurs maistres accusent : Si les larrons aultres accusent, Neantmoins ilz ont leur deserte : A meschans gens chestive serte. (MESCHIN., Lun. princes M.-G., c.1461-1465, 64).

-

"Déloyal" : Puis que ma douleur Me fait mon honneur, Que j'ay par erreur, Simplesse et foleur Ainsi mis arriere, J'ay fait deshonneur Aux dames quant leur Maistrise et valeur Et excellant eur Je lessé derriere, Car d'ung traÿteur, Meschant serviteur Fis maistre et seigneur De mon doulent cueur Par folle prïere. (Narcissus, p.1426, 302).

-

"Présomptueux" : Du premier, asscavoir qu'il doit avoir maistre, saint Jherome escripvant a Paulin l'enorte qu'il congnoisse et entende qu'il ne puet entrer ou chemin des Escriptures se aucun ne va devant pour luy moustrer la voie. Il dist aussi ou livre des Nobles hommes que "cilz qui nul ne sieut se fait alant devant soy, et se moustre tres meschant". (DAUDIN, De la erudition H., c.1360-1380, 50).

-

[Qualifie une personne désignée par le défaut qu'on lui reproche ; accentue la portée du reproche] : Je sui le meschant maloustru Desloyal qui ay conversé En ce boys, maint jour a passé, En larrecin, en roberie. (Mir. march. larr., c.1349, 115). Vous mourrez en dueil et soussi Pour la cause, meschant poulleux, Que par vostre cueur orgueilleux Vous avez reffusé la dame Qui vault mieux que vous, par mon ame: Ainsi Amours s'en vengera Et de Pitié vous bannira. (Narcissus, p.1426, 314). Que ne viens tu quand on t'appelle Tant de fois, meschant estourdy ? (Roy sotz, c.1450-1500, 213). Si l'en fist a haste saillir, et dist au chareton : "Que faictes vous, meschant coquart ? Vous estes, par ma foy, bien enragé, qui a ma femme vous prenez..." (C.N.N., c.1456-1467, 67). Et qu'avez vous, meschant yvroigne, ce dist elle, fault il que je compare le trop de vin que vostre gorge a entonné ? (C.N.N., c.1456-1467, 244). Pour promesse ou don qu'on te baille Je te prie ne torne a l'esquart, Car tu te damneroys sans faille Et ferois que meschant coquart. (MESCHIN., Lun. princes M.-G., c.1461-1465, 61). JUDAS. ...Le dyable te tient en ses las. Meschant traistre, larron, helas As tu telle offense pensee ? (MICHEL, Myst. Pass. J., 1486, 270).

-

Empl. subst.

.

"Damné, réprouvé" : ...car il [Jésus] le fist trabuchier [Lucifer] plus bas que nul autre, c'estassavoir ou plus parfont d'enfer, ou il est plus ort et le pire et le plus meschant des meschans. (Ménagier Paris B.F., c.1392-1394, 76).

.

Au fém. "Misérable, pécheresse" : Elle en eust tel[le] paour que tantost s'en ala a confesse et se corriga. L'autre en samblabe vice ouy une autre vois en disant : "Fais, meschante, ce que tu fais, tu en auras bien ton paiement". Elle vint a confesse, et de grant paour mouru un peu aprés, et perfina sa penitance en purgatoire moult durement. (GERS., Pent., p.1389, 77).

.

"Prostituée" : Une qui sert de beaulx messaiges, Une courtiere qui ne vit D'autre chose que de courtaiges, Encontre, faisant ses messaiges, Une meschante deschiree Qui a couru bourgs et villages Et est a tous habandonnee. (COQUILL., Oeuvres F., 1478-p.1494, 224).

2.

[Dune chose] "Voué au mal"

-

"Qui détourne de la recherche du bien, du salut" : ...La cure de terre est premiere, Celle du ciel est la segonde. Des biens de cest meschëant monde Sunt, ce semble, en greignour friçon. Pour ce lor vient la mauldiçon Qui a Adam fut proposee (Tomb. Chartr. Trois contes S., c.1337-1339, 106). Et encores de ce meschant pechié de paresse dit saint Bernart : Vidi stultos se excusantes sub fortuna (LA SALE, J.S., 1456, 24).

-

[D'un comportement] "Mauvais, immoral, dissolu" : Pourtant s'aucuns s'en sont joye tollue Par conduite meschante et dissolue, S'ilz se deçoivent Par en user autrement qu'ilz ne doivent Et maulouyer en la fin en reçoivent -- Ilz l'ont brassé, c'est raison qu'ilz le boivent. (CHART., D. Fort., 1412-1413, 192). "Beau sire, vous ne devez mie Vous eslïessier d'oïr dire Q'ung homme de meschante vie Face meschant fin, ou mal muyre." (CHART., D. Her., p.1415, 427). Et en faisoit forteresses et chasteaux, et en soustenoit houriers, couratiers et gens de meschante vie, comme dansseurs, flateurs et gens de nient. (Chron. anon. Ch. VI, D.-A., c.1431, 195). ...je voy bien que vous estes obstinée en vostre meschante vie, et que, a quelque menasse ou punicion que je vous face, vous n'en comptez non plus que si je me taisoie. (C.N.N., c.1456-1467, 519). ...Car j'eusse plus cher qu'on m'eust arse Que de mener meschante vie. (Colin loue dép. Dieu T., c.1485, 175).

-

Prendre le meschant chemin. "Faire qqc. qui est contraire à la vraie religion" : Bien devoit estre celui despouillé de cel habit royal, qui prenoit le mescheant chemin pour aler servir as ydoles et non pas a Dieu. (FOUL., Policrat. B., II, 1372, 192).

C. -

[Idée d'imperfection, d'insuffisance, de mauvaise qualité]

1.

[D'une pers.]

-

"Incompétent, incapable, stupide" : ...dist en ceste maniere : "Je fus donné a l'escole pour lettres aprendre esquelez, je meschant, ne scavoie quel prouffit y estoit..." (DAUDIN, De la erudition H., c.1360-1380, 14). Ce duc d'Irlande fait en Angleterre et du roy ce qu'il vuelt, et n'est le roy conseilliez fors de mesceans gens et de basse venue ens ou regard des princes. (FROISS., Chron. M., XIV, c.1375-1400, 19). Et se tu as un filz marchant, S'il pert le sien, c'est un meschant (DESCH., M.M., c.1385-1403, 74). Qui est celluy qui s'en tendroit De bouter hors Merancolie, Quant toute chose reverdie, Par les champs, devant ses yeulx, voit ? Ung malade s'en gueriroit, Et ung mort revendroit en vye. Qui est celluy [qui s'en tendroit De bouter hors Merancolie ?] En tous lieux on le nommeroit Meschant, endormy en follie (CH. D'ORLÉANS, Rond. C., 1443-1460, 438). Et disoit qu'il estoit bien fol et meschant quant par sa simplesse il avoit perdu la damoyselle, et qu'il ne s'en sçavroit excuser (Percef. III, R., t.1, c.1450 [c.1340], 6). ...il lui ala souvenir de la damoiselle messagiere qui la amené l'avoit et qui tant estoit belle qu'il se tint a meschant quant requise ne l'avoit de son amour tandis qu'il cheminoit seul avec elle (Percef. IV, R., c.1450 [c.1340], 1035). Soubz une meschante paincture faicte de mauvaises couleurs et du plus meschant peinctre du monde, par maniere d'yronnie par maistre Jehan Robertet. (ROBERTET, Oeuvres Z., c.1450-1500, 185).

.

Prov. À un meschant ouvrier fait petite chose encombrier. "Pour le mauvais ouvrier le moindre chose est un obstacle" : Icy ne fault point enquerir S'il est vaincu sans coup ferir : Tousjours a ung meschant ouvrier Fait petite chose encombrier. (Barbes brayes A., a.1450, 257).

.

Empl. subst. : Faultes de foys et d'ommages, Meschans mis en haulx estages, Cuers volages, Foulx messages, Faulx langages : Si pensez en voz courages Que trop durent telz esbas. (CHART., L. Paix, a.1426, 414).

-

"Physiquement faible, débile" : Et est vray qu'ilz furent plus d'un mois prisonniers, ains qu'ilz furent delivrez, en grant disette de boire et de mengier, tellement qu'ilz devindrent maigres et meschans (Percef. III, R., t.1, c.1450 [c.1340], 198). Il fault que vous me soulagiés, Car je suis tres foible et meschante. (MOLINET, Myst. st Quentin C., c.1482, 322).

.

MÉD. "De complexion déficiente" : ...et moult de hommes meschans qui n'ont ne poil, ne barbe, ne challeur, et sont tous effeminés, et sont comme une dame Jehanne (SAINT-GILLE, Comment. A.Y. L., 1362-1365, 129).

-

"Insuffisant, déficient" : ...mais sachez : de quelle condicion qu'elle soit, proude femme ou aultre, il y a une reigle generalle en mariage, que chacune croit et tient que son mary est le plus meschant et le moins puissant au regard de la matere secrete que touz les autres du monde. (Quinze joies mar. R., c.1390-1410, 57). Et aucuneffois aucunes se metent a l'aventure de essaier si les aultres sont de auxi petit pouoir come les mariz, et lors celle qui se met a l'aventure le croit mieulx que davant, car par aventure elle prent ung compaignon dont elle ne peut finer sinon a grant paour et a la goulee et est tout affamé et fait merveillez quant il y peut avenir, et si el avoit tenu son mary par avant meschant et de petit pouoir, elle le croit encore mieulx de present, car les plaisances presentes sont tourjours mieulx en souvenance que celles qui sont passees (Quinze joies mar. R., c.1390-1410, 59).

-

"Bon à rien"

.

Empl. subst. : Mais quant un noble homme estudie Au jour d'ui, en moque de li Et dit on qu'il a cuer failli : C'est uns coquars, c'est uns meschans, Il ne scet aler par les champs, C'est uns prestres, c'est uns chetis, Il deust porter un superlis, Il ne vauldra ja un grain d'orge (DESCH., M.M., c.1385-1403, 263). Quant il vint devers Robinette, et elle le vit ainsy mal vestu, en disant qu'il avoit tout perdu aux dez, elle luy ferma l'uys (...) et luy dist (...) qu'il alast devers sa femme, et qu'elle n'avoit cure de luy, et qu'il n'estoit que ung meschant et ung paillart. (Nouvelles inéd. L., p.1452, 41).

-

"Lâche, poltron, pleutre" : Il dist ou deubt avoir dit à chiaus de Roem qu'il seroient bien serf et bien meschant, se il s'acordoient à celle gabelle. (FROISS., Chron. L., IV, c.1375-1400, 175). ...de deux cens chevaliers ou plus qui estoient en celle assamblee, il n'en demoura que cincq a cheval, lesquelz estoient tenus pour laschez et recreans et pour chevaliers faintifs et meschans. (Percef. III, R., t.1, c.1450 [c.1340], 66). Se ilz ont eu vaillant courage, par non usager et eulx destituer de l'excercite de guerre, devendront laches et meschans (JUV. URS., Verba, 1452, 262). Dieu ! dit il, ce vous est grand reprouche qui estiez tant de gens et n'avez sceu rescourre la pouvre femme qui trestant vous amoit; vous estes lasches et meschans, et l'avez bien monstré ! (C.N.N., c.1456-1467, 314). Ce n'est pas mestier que entre nous en soit congneu ung seul desloial, car aulcune fois pour ung meschant quelque valleureux est en dangier. (BAGNYON, Hist. Charlem. K., c.1465-1470, 107).

-

"Grossier" : Et, mon doulz cuer, vos douces lettres m'ont telement resjoÿ, que (...) toutes les fois que je les lis, les larmes me viennent aus yeus de droite fine joie, car c'est un val plain de joie, un flun de douceur (...), et se les ay leues plus de .XX. fois ; et qui onques n'aroit amé, par ma foi, s'il les ooit, il ameroit, s'il n'estoit trop rudes ou trop meschans. (MACH., Voir, 1364, 448).

2.

[D'une chose] "De mauvaise qualité, médiocre" : Item, neuf autres pieces de pierrerie de meschantes esmeraudes, jaspes et autres. (FAUQ., II, 1421-1430, 118). ...vestus de meschans pourpoins de viex coustiz de lit, unez poures coyffeites de fer sur leur testez (COCHON, Chron. norm. B., c.1430, 277). ...mais vous faictes tout le contraire, qui m'est chose tres piteuse a reciter, car vous voulez estre mussé et caché en chasteaulx, meschans places et manieres de petites chambretes, sans vous monstrer et ouir les plaintes de vostre peuple ainsi tourmenté que dit est, et sera cy aprés (JUV. URS., Loquar, 1440, 323). Dieu aucunesfoys se courousse de telz ordures et brouillis, c'est assavoir de la forme d'aler des femmes, de la maniere de regarder de leurs paremens, et dit Dieu par la bouche du prophete que il les fera cesser de mittres, qui sont leurs grans cornes, et pour abresger toutes leurs superfluités, et sera qu'elles auront pour odour, punesie, sainture de corde et vestir de meschans draps. (JUV. URS., Verba, 1452, 281). ...et estoit le Roy demy couché, demy levé, et appoyé à l'encontre d'un povre meschant desrompu oreillier de plume. (LA MARCHE, Mém., I, c.1470, 194).

-

"De peu de valeur" : Telz sont samblables a Esaü, qui donna sa dignité qui lui appartenoit comme premier né pour ung peu de meschant viande, comme on list en Genese ou .XXVe. chapitre. (DAUDIN, De la erudition H., c.1360-1380, 329). Ung cheval, une asne, ung beuf, ung chien et plusieurs meschans utensiles de mainage, vestemens, ung chaudron, ung hanap, ung pot, premiers on les expreuve et ainssi on les achate. (DAUDIN, De la erudition H., c.1360-1380, 405). ...en conclusion s'est condescendu de donner desdiz gros balay et 7 autres balaiz, de deux gros saphirs et des 16 meschans petis saphirs mil et cinq cens escus (Aff. Jacques Coeur M., 1453-1457, 110). ...ung lit et deux meschantes couchectes avec les couvertures et cinq meschant paires de gros draps et du gros linge de table et une partie de la vesselle de cuisine pour la provision et estorement de celuy qui gardera ladicte place (Aff. Jacques Coeur M., 1453-1457, 129). Et à ceste cause furent ceulx de Paris contrains de vendenger les autres vignes partout autour de Paris, qui n'estoient pas à demy meures, et aussi le temps leur fut fort contraire. Et fut ladicte année la plus meschante et povre vinée qui longtemps fut sceue en France, et l'appelloit on le vin de l'année des Bourguignons. (ROYE, Chron. scand., I, 1460-1483, 103). Les grans pillent les moyens et plus bas, Les moyens font aux maindres maint cabas Et les petis s'entrevueillent destruyre : Telz, qui n'ont pas vaillant deux meschans bas, Voit on souvent avoir mille debas, Aulcunesfois se navrer et occire. (MESCHIN., Lun. princes M.-G., c.1461-1465, 4). Puis, quant Martin lievera les bras pour dire : Gloria in Excelsis Deo, les bras tous nudz jusques au coute pour ce que sa robe est si meschante et si courte qu'elle ne luy peult venir plus avant, pour quoy deux anges subtillement et soubdaynement luy apporteront deux pongnetz de drap d'or et pierres precieuses. (LA VIGNE, S.M., 1496, 552). Si les eussiez entretenuz [vos souliers], Ilz ne fussent pas si meschans. (Arq. P., c.1500, 415).

-

"Peu important, peu intéressant" : Si nous n'y advisons, nous serons enfermez dehors, et nous fauldra gesir en ung meschant village et tous morir de faim. (C.N.N., c.1456-1467, 475). Toutesfois, voyant qu'il ne la povoit avoir, alla mettre le siège devant ung meschant petit chasteau appellé le Tronquoy et estoit jà commancé l'an LXXV, tout au plus beau et au commencement de la saison. (COMM., II, 1489-1491, 18). Le jour que ledit gouverneur se mist aux champs pour aller devant une petite meschante ville appellée Verdun, qui alloit bien informé de leur estat, eulx y entrèrent, cuydans aller à Beaulne pour se mectre dedans (COMM., II, 1489-1491, 267).

-

"Qui ne convient pas, déplacé, incongru" : Et il y vint moult apertement, en tel habit comme il estoit a faire ses pos, si que tous ceulx qui la estoient, le regardoient a merveilles pour le meschant et paillart atour de lui. (Bérinus, II, c.1350-1370, 132).

3.

[D'un animal] "De piètre qualité" : Lequel avoit souvent quarante ou cinquante paysans, une foiz plus une autre foiz moins, armez et habillez de vielz haubergons, jacques vielles, haches et demi-lances où il avoit massues au bout, et autres habillemens de povre estat, à tous lesquelz s'en aloient les ungs sur meschans chevaulx ou jumens, et les autres à pié, embuscher ès bois vers où se tenoient les Anglois, et quant ilz en povoient aucuns prendre, ledit Tabari leur copoit les gorges, et pareillement faisoit à ceulx tenans la partie du Daulphin. (MONSTRELET, Chron. D.-A., t.3, c.1425-1440, 283). Car il fist venir deux chevaulz devant eulz, l'un trespuissant et fort et l'autre foible, mesgre et meschant (LA SALE, Salade, c.1442-1444, 27). Et quant de celles [femmes] qui ont ses horribles et detestables estas, elles en sont plus gentes et habilles que d'avoir si grans heaulmes ne queues pesantes que il faut porter, trayner ou faire porter, qui chet en ung grant abhominacion de desplaisance au peuple ; et se elles le consideroient elles en seroient aussi plus belles, car tant a une femme plus humble abit, tant plus est plaisante. Il semble de beaucop que ce soient vielles mulles ou meschans chevaulx, enfrenés de grans paremens pour estre mieulx vendables, et puis monstrent leur sain ou tetins : il est grant besoing de donner appetit aux compaignons. (JUV. URS., Verba, 1452, 280).

II. -

(Synon. de malheureux)

A. -

[D'une pers.]

-

"Malheureux, infortuné, qui n'a pas de chance" : "Dieu, comme je sui meschant et entrepris, quant je ne truis ou me conseillier" ! (Bérinus, I, c.1350-1370, 60). Cilz meschans soz yci presens Reçoit tant de cops et d'ordure Que je ne scé conment il dure. (Mir. parr., 1356, 17). ...tu trouveroies devant toy ung homme nud et povre et miserable et meschant, ung homme aiant deul qu'il est homme, aiant honte de che qu'il est nud, plourant qu'il est néz, murmurant qu'il est homme néz a labeur non pas a honneur (DAUDIN, De la erudition H., c.1360-1380, 334). Donques, se nous disons que la felicité de celui qui est bien mort est variee ou muee par teles transmutacions, il s'ensuit inconvenient, car il seroit aucune fois beneuré et aprés autre fois maleureus et mescheant. (ORESME, E.A., c.1370, 132). LA MÉRE DU ROY D'ESCOSSE. (...) J'avoie grant dueil qu'aviés pris Une femme de si bas pris (...). Encore si meschant estoit Qu'elle avoit perdu une main (Mir. fille roy Hongrie, c.1371, 72). Quelle difference il y a entre sage et fol, entre riche et povre, entre mescheant et beneuré, se tu es sage, tu le vois ici. (FOUL., Policrat. B., I, 1372, 91). ...or est cilz plus meschans Qui entre avec femme en ce gaige, Car l'en voit bien un mariaige Durer souvent .XXX. ans et plus. (DESCH., M.M., c.1385-1403, 21). Je suis la plus deshonnoree Femme qui soit au monde nee Et la plus meschant, maleureuse. (Narcissus, p.1426, 300). Ilz [les Juifs] se rejouissent en la lecture et interpretation faulse, et leurs predecesseurs ont ja eue la joie du vray fruit. Par ceste opinative esperance demeurent ilz meschans, serfz et aveuglés puis que Tytus destruisy Jherusalem le .XLe. an aprés la passion de Jhesu Crist (CHART., L. Esp., c.1429-1430, 109). Las ! homme meschant et infortuné, dont procede et vient que tu es maintenant ainsy mescheu ? (Percef. III, R., t.1, c.1450 [c.1340], 150). C'est a dire, mon ami, que par vin, par jeu de dez, et compaignie de femmes foles, se les hantes, seras tousjours pouvres, meschans et mal eureux, et haÿs de toutes bonnes gens. (LA SALE, J.S., 1456, 21). Mais moy, tant plain de desolation, Meschant nasqui soubz constellation D'Infortune, qui ne vault tant soit poc, Et ay vescu du vent de elation, Rempli d'orgueil et cavilation : Suis mieulx pugny que ceulx qu'on mect au croc. (MESCHIN., Lun. princes M.-G., c.1461-1465, 13). JUDAS. Je suis bien meschant d'ainsi vivre Comme je vis. Vrayment, mon maistre, Quant j'y pense, me fait bien paistre Et me travaille bien en vain. (MICHEL, Myst. Pass. J., 1486, 245).

.

Prov. L'homme est meschant Qui trop se fie en femmes : Si dist une parole : que li hommes est mesquans, Qui trop se fie en femmes : car leurz engiens est grans. (Baud. Sebourc B., t.1, c.1350, 142).

-

"Dans un état misérable" : L'EMPERÉRE. Tu es envers ton Dieu trop fin ; Et scez tu qui t'en avenra ? Le dos on te descirera A ongles d'acier bien tranchans ; Et quant ainsi seras meschans, Tes plaies te seront lavées De vinaigre et de sel salées (Mir. st Ign., 1366, 97).

-

"Mal inspiré" : "Denis, tu m'as bien traÿ et ma fille deshonnoree, et moult fuz meschant quant oncques ton conseil creüz". (Bérinus, II, c.1350-1370, 48).

-

Estre le plus meschant de la feste. "Être celui à qui arrivent toujours les aventures fâcheuses"  : S'yl n'y avoit que une mesaventure au bout du monde, sy acourroit a toy comme au plus meschant de la feste ! (Percef. III, R., t.1, c.1450 [c.1340], 350).

-

Empl. subst. : Et aprés ces choses il contraignoient yceuls povres mechans de faire aucuns pains ou tourtiaux de farine. Car les pillars qui ainsi les tourmentoient n'avoient point de fain. (FOUL., Policrat. B., II, 1372, 141). Or est aveuglés ly meschans : Or va sa femme ou elle veult (DESCH., M.M., c.1385-1403, 117). Or prent son deduit a faire d'un chetif mescongneu ung puissant orguilleux, qui tout descongnoist, et d'un hault satrappe eslevé en vaine gloire et en pompe ung meschant foullé et deffait, qui depuis vit en vergoigne du dechiet de son estat et en deffiance de sa vie. (CHART., L. Esp., c.1429-1430, 8). Quoy ? Dea, chascun me paist de lobes, Chascun m'enporte mon avoir Et prent ce qu'il en peult avoir. Or suis je le roy des meschans... (Path. D., c.1456-1469, 138). Le front ridé, les cheveux griz, Les sourciz cheux, les yeulx estains, Qui faisoient regars et ris Dont mains meschans furent actains, Nez courbes, de beaulté loingtaings, Orreilles pendentes, moussues, Le visz paly, mort et destains, Menton froncé, levres peaussues - C'est d'umaine beaulté l'yssue... - (VILLON, Test. R.H., 1461-1462, 56).

.

Au fém. : Mon nepveu pers que tant amoys ! Or suis je la pouvre meschante, Que n'ay plus chavance ne rente. (Pass. Auv., 1477, 182).

B. -

"Misérable, pauvre"

-

"De basse condition, pauvre" : Il n'y a si meschant homme mescanique qui ne veullent porter martres, et leurs femmes gris ou menu ver, voire les fillettes vendans amourettes en gros et en detail (JUV. URS., Nescio, 1445, 547). Et quant place pour vous aroye, Pour tant ne vous y logeroye : Ce n'est pas icy hospital ; C'est logeis pour gens de cheval Et non pas pour gens si meschans. Allez logier avau les champs Et vuidez a coup ma maison. (GRÉBAN, Pass. J., c.1450, 64).

.

Empl. subst. "Personne de basse condition, pauvre" (synon. vilain) : Et se tu me diz que trop dure Mariages est aux meschans, A ceuls qui n'ont vignes ne champs. Rentes, meubles ne revenue, Ainsis que celle gent menue Qui vont devant autrui ouvrer, Et leurs femmes vont labourer... (DESCH., M.M., c.1385-1403, 288). Doncques ils s'en vont à l'ostel pour dyner ensamble ; et quant ils seront venuz, ils seront serviz des chous lardé bien gras et bure ensamble, et aussi du lart, et des oefs avec les coques, l'aubuns et moeilles ; et ces deux meschans seront si friandes de leur viande, qu'ils le transgloutent sans maschier, à cause d'estaindre plus tost leur grant fain. (Man. lang. G., 1396, 71). Regarde a qui tu as affaire, Regarde qui sont tes marchans. Tu n'as pas affaire a meschans, Car tu as affaire aux seigneurs, Aux princes et aux gouverneurs De la loy (MICHEL, Myst. Pass. J., 1486, 270).

.

Riches et meschants. "Riches et pauvres" : Et noz trois, par les boys marchans, Trassant et chassant noz lippees, S'il venoit riches ne meschans, Tout passoit dessoubz noz espees. (LA VIGNE, S.M., 1496, 314).

-

[D'un état] Misérable : Et donques, comme soy avoir et estre disposé en ceste maniere senz amiableté a soy meïsmes soit une chose tres mescheante et tres miserable, il s'ensuit et appert que l'en doit bien fuir et eschiver malice et vice a tresgrant effors. (ORESME, E.A., c.1370, 468).

-

[De la vie] "Misérable, malheureux" : Si pry Dieu qu'Il me desherite De ma meschant vie maudicte Qui tant me greve Et qui a la mort a prins treve A celle fin qu'el ne l'aggreve (CHART., L. Dames, 1416, 229). ...il pert ses forces, il est maintenant joyeux et tantost triste et plus souvent malade. O condicion miserable ! pour quoy ne te recordes tu comme miserable et meschante est ceste vie mondaine ! (COLART MANS., Dial. créat. R., 1482, 275).

.

[D'une chose] : Pulces, cyrons et tant d'aultre vermine Nous guerroyent : bref, misere domine Noz meschans corps dont le vivre est trescourt. (MESCHIN., Lun. princes M.-G., c.1461-1465, 4).

-

Prov. Sur le plus meschant chiet la flesche. "Le malheur frappe le plus misérable" : Sur le plus meschant chiet la flesche. (MIÉLOT, Prov. U., 1456, 198).