A. -

"Travail de la terre, travail agricole" : Il regarderent pou a ce que le sage Salemon dist, lequel raconte que nourreture sanz dottrine est aussi comme herbe sanz racine et comme terre sanz labour (Bérinus, I, c.1350-1370, 13). Economiques, qui traicta Et qui moult sçavoir couvoita Des livres sur tous mariaiges, Dit que sur les communs ouvraiges Homme et fame ont labour pareil : Dehors fait l'omme l'appareil Des charrues et des labours Aux champs, aux vignes et aux bours (DESCH., M.M., c.1385-1403, 179). ...mais quant ilz ont guerre, Cesser fault le labour de terre Et estre povrez mendiens, Car il ne leur demeure riens (DESCH., M.M., c.1385-1403, 257). Cogneut, avec ce, avoir mal prins et emblé à plusieurs fois, et sur l'anuytant, en l'ostel d'un nommé Jehan Moriset, demourant en icelle ville, plusieurs osiers à lyer vignes, sans le sceu des gens dudit hostel, et lui saichant les gens d'icellui hostel estre encores en leur labour aus champs (Reg. crim. Chât., II, 1389-1392, 161). Item, une autre porcion de peuple fu par lui commis au labour et coultivement des terres, pour la nourriture et soustenance de corps humain. (CHR. PIZ., Faits meurs Ch. V, S., I, 1404, 113). Avec ces choses lui affiert estre tres bonne mainagiere, se cognoistre en labour, en quel temps et en quel saison on doit donner aux terres les façons, de quel maniere est le meilleur que les sillons aillent selon l'assiete du garait (CHR. PIZ., Trois vertus W.H., c.1405, 153). ...les dictateurs et les conseulz qui conduisoient les batailles rommaines estoient souvent esleuz a Romme de vaillanz hommes que on envoioit querre es champs ou ilz faisoient les labours des terres, comme il avint de Fabricius, de Lucius Quintus et de pluseurs autres (CHART., Q. inv., 1422, 59). ...la terre de maritime, la quelle est a present nommee Normendie, les bois y estans creuz de toutes pars, estoit demouree vacant de tout labour par la longue duree des courses des payens. (JUV. URS., T. crest., c.1446, 66). Et sçay de vray que ceulx qui sont aux champs au labeur et aussi ceulx qui sont espars es pastures et en la forest atout le bestail revenront sus le soir (Percef. III, R., t.1, c.1450 [c.1340], 219). Prenostica aussi la cherté des vivres qui vint à faulte que les labeurs demourerent, qui fut si grande que le septier de blé se vendoit dix livres t. (SIMON DE PHARES, Astrol., c.1494-1498, f° 130 r°).

-

[Dans un contexte métaph.] : Et combien qu'elle soit a tous contraire, toutesvoyes est elle formelle ennemye de jeunesse et de adolescence, a qui le temps de labour et de semaille appartient, pour preparer les moissons en veillesse. (CHART., L. Esp., c.1429-1430, 102).

-

Labour de vignes. "Culture de la vigne" : ...pour ce que à labour de vignes il ne povoit si grandement gaignier comme besoing lui feust, veant que, six ans a ou environ, que chascun aloit ès guerres, se mist à suir et frequenter routes de gens d'armes (Reg. crim. Chât., II, 1389-1392, 166). ...ilz se partirent acompaigniez d'un nommé Jehan Paradis, charpentier, demourant à Laval-Guyon, avec lequel ilz avoient par longtemps ouvré de labeur de vignes oudit lieu et pays d'Amboise, en entencion d'aler ou pays d'Olenois, pour gaignier leurs vies à la peine de leurs corps à labourer vignes (Reg. crim. Chât., II, 1389-1392, 265).

-

Cheval de labour : ...tout le temps de sa vie il a esté et est chartier, et mene chevaux de labour (Reg. crim. Chât., I, 1389-1392, 191). Se voise souvent esbatre aux champs veoir comment ilz labourent, car assez en est qui volentiers se passeroient de grater sans plus la terre dessus pour eulx delivrer se ilz cuidoient que on ne s'en prenist garde, et qui bien scevent dormir soubz l'ombre d'un saulz aux champs et laissier les chevaulx du labour ou les buefs en ce tendis paistre en un pré, et ne leur chault mais que ilz puissent dire au soir que ilz ont fait leur journee. (CHR. PIZ., Trois vertus W.H., c.1405, 154). ...et n'y demouroyt cheval de labour ne aultre beste. (JUV. URS., T. rever., 1433, 57).

-

[D'un cheval] Faire le labour. "Labourer, tirer la charrue"

B. -

P. méton. "Terre labourée, cultivée" : Lequel de Ruilly, son mary, est homme qui se gouverne ou pays de ses terres et labeur, et aussi de la prevosté de Guerart, qu'il a tenue par longtemps à ferme. (Reg. crim. Chât., II, 1389-1392, 316). Fabius Maximus, conssulle des Rommains, vault assiegier Capua. Mais premierement il gasta les biens des champs des labours tout entour la cité ; par quoy sembla qu'il ne la vaulsist pas assiegier. Et puis s'en partist et actendist a revenir, jusques ad ce qu'ilz eussent arriere semé les terres par tout le païs. Et puis quant il vist qu'ilz avoient employé leurs bledz en semence, tant qu'il leur en estoit pau ou neant demouré, sy retourna mettre son siege et gaster leur semence ; et les prist et concquist par famine. (LA SALE, Salade, c.1442-1444, 59). Car il y avoit bois, prés, pastourages et aultres labeurs (MIÉLOT, Mir. N.D. L., 1456, 123).

-

Terre de labour. "Région où la terre est cultivée" : C'est assavoir Sicile, Puille, Calabre, Aprusse, terre de labour (LA SALE, Salade, c.1442-1444, 162).