"(Chrétien) de la confession de Jacques Bar-Addaï, (chrétien) copte" : Icellui patriarche fut frere au roy d'Armenie qui morut en France derriennement. Icellui patriarche a la gouvernance des chrestiens Yaccoppites [var. (ms. XVe s.) jaicobin] qui habittent par dela, et est moult bonne et charitable personne, si comme l'en dit et ainsi come il le demonstre en certaine maniere, car il fait donner a manger tous les jours a mille povres et plus. (Voy. Jérus., c.1395, 64). Dedans cestedicte abbaye sont residens et demorans cent freres et plus, lesquelz mainent tressaincte et tresbonne vie, car en nul temps ilz ne boivent vin ne jamais ne menguent char ne poisson, ne vestent draps de lin. Et en verité ilz monstrent bien qu'ilz soient bonnes gens, car ilz font tresbonne chere aux pelerins et leur donnent ce qu'ilz pevent recouvrer de vivres tresvoulentiers et sens riens demander. Iceulx freres dont nous parlons, sont chrestiens Yaccoppites [var. (ms. XVe s.) jacopin], car ilz sont circoncis et puis sont baptisés come nous, et chantent et font le service tresdevostement en leur langage ; et ne font point le service de Nostre Seigneur selon nostre usage ne selon l'usage des Grecs, mais ont autre usage differant auques semblable aux chrestiens de la terre Prestre Jehan (Voy. Jérus., c.1395, 71).

REM. Dict. encyclop. du Moy. Âge, t.1, 1997, 798-799.