"De manière incomparable" : ...aussy que se les anciens voulsissent dire que l'entendement qui bien parfaictement comprendroit et congnoistroit ycelle tres merveilleuse armonie du ciel, il se delicteroit tres incomparablement plus que en quelconque melodie ([EVR. CONTY, Harm. sphères H.P.-H., c.1400, 65]). Et la tierce ame, c'est l'ame raisonable ou l'ame intellective qui est deue as homes, et ceste ame est incomparablement la plus noble de toutes, car elle en soy comprent la vertu des deux autres et avec ce l'entendement humain dont la noblesce ne peut estre nombree, car par ceste vertu est ly hons resemblable aux angres et mesmez a Dieu, sy come il a esté par devant dit. ([EVR. CONTY, Eschez amour. mor. G.-T.R., c.1400, 229]). ...la prescience de Dieu voit et congnoist certainement et determineement les choses qui n'ont point de certain advenement, car elle excede et trespasse incomparablement toute raison humaine ([Böece Conf. reman. C., c.1400-1500, 166]). Je dis que, se aucuns biens procedent ou peuent proceder de sy male mort, que le bien qui en procede est aussi grant que la destruction de celui homme, et que le bien incomparablement est plus grant que tous les maulx et que tous les pechiés, lesquelx celle mort supere sans extimacion. ([CRAP., Cur Deus, De arrha B.H., c.1450-1460, 232]). CONSCIENCE : Je respons qu'il me samble bien que incomparablement il doibt plus soy confier en misericorde que desfier : car infiniement la pitié et misericorde de Dieu excede toutes noz miseres et pechiez ([Traité S. Sacr. B., c.1450-1500, 172]). |
