A. -

[Idée dominante d'élégance et de grâce]

1.

[À propos de l'apparence] "Élégamment, joliment" : Aprés met paine a songier et viser De quelque habit tout nouvel adviser, Et s'estudie a bien le deviser Nouvellement, Et le vestir et porter gentement, Et d'assez peu soy tenir nettement, Marchier a droit, chevaucher seurement Sus fiers chevaulx (CHART., D. Fort., 1412-1413, 169). Item, en cest an, le duc Phelippe de Bourgongne mist sus en l'onneur de Dieu et de monseigneur saint-Andrieu, duquel en armes il portoit l'ensaigne, une ordre et fraternité de vingt quatre chevaliers sans reproche, gentilz hommes de quatre costés. Auxquelz il donna à chascun d'eulx ung colier d'or moult gentement ouvré de sa devise, est assavoir du fusil. (MONSTRELET, Chron. D.-A., t.4, c.1444-1453, 373). ...pource que chacun jour il ne failloit point de passer devant son huys, allant au marché, elle se mectroit au perron, parée le plus gentement qu'elle pourroit (C.N.N., c.1456-1467, 570). Et si en avrez quatre paires de draps linges et IIIJ couvrechiez bien deliez, des soulers et des patins qui soient bien faiz, et que je vous voye bien joly dimanche prouchain. Et se de cecy vous vous gouvernez bien et gentement, bien brief, au plaisir de Dieu, je vous feray mieulz. (LA SALE, J.S., 1456, 50). ...aux unes les gracieux diamans et rubis et aux autres les verges d'or gentement esmaillies (LA SALE, J.S., 1456, 72). Après se trouva sur les rens messire Jehan de Montfort, gentement houssé de soye et de bordure [var. brodeure]. (ESCOUCHY, Chron. B., t.2, a.1465, 127). Après vint messire Jehan de Monfort, moult gentement houssé de soye et de bordure. (LA MARCHE, Mém., II, c.1470, 347).

-

P. iron. : Heu ! ce las cy ne veult courir, Mauldis soit qui fist le luicol ! Or met ceste esquierpe a ton col, Il te siet bien et gentement ; Prendez cel autre, alons nous ent. Monseigneur, ve cy ces larrons. (MARCADÉ, Myst. Pass. Arras R., a.1440, 178).

2.

[À propos du comportement] "Noblement, aimablement" : La sëoit la plus gente dame Et la plus gaie qu'homs ne fame Veïst onques, a mon devis, De corps, de maniere et de vis, De dous regart, de simple chiere, De maintieng, de sage maniere, De rire et jouer gentement Et de tout autre esbatement Que bonne dame doit savoir. (MACH., D. Lyon, 1342, 175). Mais si gentement se maintegne Qu'adès honneur en sa main teingne, Humbles, amiables et cois A toutes gens (MACH., D. Lyon, 1342, 262). ...il couvint la danse laissier, combien que mieulx leur eust pleu danser que le reposer ; sy fist lez honneurs le conte tant gentement que c'estoit ung grant soulaz et la belle de son costé pareillement (Comte Artois S., c.1453-1467, 7).

-

P. iron. "Gracieusement, gentiment" : Or fourbissons Dont ung petit nos alemeles, Pour trenchier couppeurs de semeles, Il en mouront plus gentement. (MOLINET, Myst. st Quentin C., c.1482, 303). ...Et ses maistres cardinaulx dissolus, Par bou(r)gerons en mes las les actrappe, Puis je les mectz gentement soubz la trappe Ou ilz sont tous de leurs cas absollus Es chauldieres du loudier Tantallus Et es fours chaulx des infernaulx palus (LA VIGNE, S.M., 1496, 478).

B. -

[Idée dominante de savoir-faire]

1.

"Avec facilité, aisance" : Si dit Tulles en sa Rethorique, en louant façonde et maniere de parler, que ja soit ce que un homme ne sceust dire ses motz biaulx ne polis, et il savoit les proferer gentement, de belle maniere, et par biau point, si seront ilz louéz, et s'il les dist sans ordre, quelque la matiere fust belle ne seroit ja à ouir plaisans. (CHR. PIZ., Paix W., 1412-1413, 167). Cleriadus appelle ung de ses gentilzhommes, (...) et ung de ses escuiers pour dire la teneur à lui et à l'enffant. Adonc commence Cleriadus la chançon si bien et si gentement et d'une si belle voix, si haulte et si necte que le roy l'escoutoit moult voulentiers chanter et la royne aussi. (Cleriadus Z., c.1440-1444, 492). Après lequel cry dessusdit, Maillotin de Bours, qui estoit appellant, commença à marcher tout premier, et après messire Hector vint contre lui, chascun d'eux paumoiant leurs lances gentement. (MONSTRELET, Chron. D.-A., t.4, c.1444-1453, 438). Ou service de ce cardinal se maintint et conduisist gentement nostre bon clerc. (C.N.N., c.1456-1467, 284).

2.

"Selon les règles de l'art, bien comme il faut" : Si cheminay longuettement, En regardant com gentement Li vergiers estoit compassé ; Car d'arbres y avoit assés, Mais de groisseur et de hautesse Furent pareil et par noblesse Planté, si que nuls ne savoit Com plus de l'un a l'autre avoit. (MACH., D. Lyon, 1342, 166). La a de povres maisonnettes, Mais moult sont jolies et nettes (...) Et moult gentement maçonnees (CHR. PIZ., M.F., I, 1400-1403, 124). Et d'icelluy cousté est le ditte cipté plus haulte que de nulle autre part et par de dens sont quatre rues principaux, toutes d'un renc et longues tant comme ung home pourroit tirer la pierre en deux traitz et par dessus sont toutes voutees de belle pierre bien gentement et au chief de ceste cipté devers le Mont Dession est le chasteau du roy David. (CAUMONT, Voy. N., p.1420, 37). Item, ung eschequier, d'un costé d'ivoyre entaillé à l'entour bien et gentement et de l'autre costé tablier (Arch. Nord, c.1450, B 3501, n°123745, f° 30 v°, IGLF). Et au dessus [d'un chêne] estoit la maysoncelle d'un hermite bien gentement assise, ou huit personnes se fussent bien logiez a ung besoing. (Percef. III, R., t.1, c.1450 [c.1340], 27). ...l'eglise et tout le pourpris de leans estoit tout fondé sur une roche d'aymant fin, et les murs furent tous faiz par desoubz de marbre bis et par dessus de jaspe bel et cler, et fut tout couverte de platines de fin argent gentement esmaillé a estoilles d'azur, sicque quant le souleil rayoit dessus, c'estoit belle beauté a veoir. (RENÉ D'ANJOU, Cuer am. espris W., 1457, 110). ...au matin, qu'elle eut blanchy ces chemises, couvrechefs et petiz draps, les sechez au feu, et ploiez bien et gentement, elle fut [appellée] de sa maistresse (C.N.N., c.1456-1467, 397). Mes quoy ! Y nous fault tenir tous Et faire bon guait jour et nuyt, Garder noz murailles et tours Tres gentement, sans mener bruit. Que chacun de noz gens soit duit A gouverner l'artillerie Pour bien la tirer a proffit, Et que on ne leur faille mie. (Myst. siège Orléans H., c.1480-1500, 530).

-

P. iron. : Jehans de Castiel Morant assegna le chevalier moult gentement et li donna grant horion enmi le poitrine tant que messires Guillaumes de Ferrinton fleca. (FROISS., Chron. R., X, c.1375-1400, 39).