A. -

"Jouisseur" : Vous, gaudisseurs, avés habis divers, Blancs, bruns, bleux, vers, chaines et grandz tresors, Et nous avons tous les os descouvers, Ventres ouvers, pieds et mains a revers, Rongiés de vers fort puans et tres ors (MOLINET, Faictz Dictz D., 1467-1506, 433). Et lors commencha à avoir son cours, en Haynau et marches voisines, une manière de meselerie fort horrible et abhominable maladie, nommé pocques, grosses veroles et la grand gaurre ; autrez les nommoyent la maladie de Naples, pour ce que pluseurs gaudisseurs de France, au retour dudit Naples, en furent entechiéz. (MOLINET, Chron. D.J., t.2, 1474-1506, 427). Que feront donc gaudisseurs enchainéz, mignons des dames, gorriers de court dupés et fars et perrucquetz enpatouffléz de quoquardise ? (MOLINET, Chron. D.J., t.2, 1474-1506, 567). Que est contre ceulx Que demandent se en paradis a queux Pour abiller la viande d'entr'eulx Et s'on y treuve point de bons gaudisseux [à la rime]. Ellas, quel signe ! (MART. D'AUV., Mat. Vierge L.H., c.1477-1483, 149). Assavoir mon s'on doit celuy Qui est evesque ou grant seigneur Laissser seul, pour aller ainsi Entretenir ce gaudisseur ? (COQUILL., Oeuvres F., 1478-p.1494, 171). Plusieurs mignons, se donnans du bon temps, Grans gaudisseurs et gasteurs de pavé, De l'escouter ne furent contens, Combien que lors se monstrèrent constans, Veu que chascun se y trouva bien lavé (MAXIMIEN, Avocat dames Paris M.R., c.1485-1490, 16). C'est la riviere de promesse, Qui arrouse et lave les cueurs Des prodigues et gaudisseurs [le grand port de Joie Mondaine]. (SAINT-GELAIS, Séj. honn. J., c.1490-1495, 73). Iceluy Apollo, qui congneut et aperceut la malicieuse et fraudulente callidité et irreverence du dit gaudisseur, luy dist... (TARDIF, Apologues R., c.1493-1498, 77). ...Nous serons fermes gaudisseurs, En demenant vie mondaine. (Folle Bob. P., c.1500, 247).

B. -

"Parvenu" : TESTE. Chacun contrefait le seigneur, Chacun fait maintenant du sage. FINE. Chacun fait du grant gaudisseur, Par le sang bieu, Chacun fait raige. (Sots triumph., c.1475, 39).

-

[Nom d'un personnage de sottie] : LE GAUDISSEUR. On me fist assoir a la table, Comme ung roy ou ung connestable, Et servir a mode de court. LE SOT. Par ma foy, vecy bonne fable, On le fist mettre en une estable Prés les latrines de la court. (Gaud. sot, c.1450, 12).

C. -

"Profiteur" : MARTIN. A noblesse, foy et hommage ; Mais telz gaudisseurs, je suis seur, Ne pensent rien que de lengaige. GAUTIER. Flater en court MARTIN. Trancher du saige. MARTIN. Les ungz gours. GAUTIER. Aultres droguellés. (Gaut. Mart. A., c.1480-1500, 180). CLAQUEDENT [prend ung lot des robes des larrons] : Quel gaudisseur ! Et puis que chascun prent la sienne, j'auray ceste. (MICHEL, Myst. Pass. J., 1486, 411). Je n'escriptz point ung grant tas de galiers Comme escuyers, panetiers, eschançons, Enfans d'onneur, huissiers, paiges, garçons, Tabourineux, harpeux, saulteurs, danceurs, Ne ung grant tas de rustres gauldisseurs Qu'on voit souvent suivre et hanter la court (LA VIGNE, V.N., p.1495, 152). Son bon mary, qui a esté Aultreffois ung grant gaudisseur, A esté tousjours substanté De mes biens et de ma sueur. Il vouloit faire du monsieur Et du gallant semblablement, En façon que je suis bien seur Qu'il est mon tenu grandement. (LA VIGNE, S.M., 1496, 519).