A. -

"Domestique ; p. ext. homme vil et grossier"

1.

"Valet (à l'armée, à la cuisine, à la chasse, ...)" : ...Et font de bien tout le contraire. Ilz font des vilains chevaliers, Et font des garsons escuiers Et des sergens juges ordinaire. (DUPIN, Mélanc. L., c.1324-1340, 80). C'est l'art qui fait seigneurs garsons Et garchons monter es archons (Renart contref. R.L., t.1, 1328-1342, 4). Tu fais de grans seigneurz garchons Et les chetifs mès es archons (Renart contref. R.L., t.1, 1328-1342, 151). J'ay ung fil grant et parcreü, Mais nulz ne le poeut dessevrer, Pour descompagnier ny hoster, De le compagnie as garchons, Et s'est telle m'opinions Que no plus petite maisnie Enpire de se compagnie ; Car ly garchon qui nuement Voient tout plain de bonne gent Pour le cause de leur serviche Sy qu'il demeurent sage et riche... (Dit prunier B., c.1330-1350, 46). ...a loy de gharchon ne volrent point aler, Mais bien et noblement con riche bacheler. (Flor. Rome W., c.1330-1400, 137). Avec moy n'ay ne vin ne pain, Sergent, escuier ne garçon (Mir. femme roy Port., c.1342, 154). Et Ernault descendi et vindrent li garçon, Qui prindrent son cheval sans point d'arrestoison (Hern. Beaul. D.B., c.1350-1400, 5). Oncques ne demoura ne varlet ne garçon, Ne femme në enffant ne petit varleton (Hern. Beaul. D.B., c.1350-1400, 55). De piement, de clarés ont teille livreson Qu'a grant planteit en ot li plux povre guarson. (Lion Bourges K.P.F., c.1350, 177). Vous n'avez pas logé cy dedens ung garçon, Le duc des Genevois avez en vo maison (Ren. Gennes D.B., c.1350-1400, 103). Mais je te pri trop chierement Que ne croies legierement Et que de garçons ne t'acointes, Car c'est trop perilleus acointes, Et que tu t'armes volentiers, Car c'est tes souvereins mestiers, N'autre honneur n'as, n'autre science Qu'armes, dames et conscience. Fay toy servir par bonne gent Et leur donne de ton argent... (MACH., C. ami, 1357, 125). Lors s'amonstra ly rois à maint noble baron, (...) Et lez fist hors issir, (...) [Armés] de toutez armez et au col le blason, à piet et à cheval, escuiier et garchon. (Hugues Capet L., c.1358, 225). ...quant ly universiteit de la dicte citeit [de Liège] est ensemble por alcun cas notable ou les mestiers sont ensemble por fair leur offichiens, les garchons servans et les apprendiches ont ortant de vois, en la siiet faisant, comme ilh ont les maistres et les chiefs d'hosteit. (HEMRICOURT, Patron Temp. B., c.1360-1399, 56). Quant il furent tuit assamblé, Tant ont pillé, tant ont emblé, Qu'il n'i avoit garson ne page Qui ne fust chergiez de pillage, Et qui n'eüst très grant richesse. (MACH., P. Alex., p.1369, 209). Je n'ay mestier de chausser esperon, Maiz trotteray à piet comme un garson. (DESCH., Oeuvres Q., t.4, c.1370-1407, 128). Et en y eut un entre les aultres, que on clamoit Crokart, qui avoit esté en son commencement uns povres garçons, et lonc temps pages au signeur d'Ercle en Hollandes. (FROISS., Chron. L., IV, c.1375-1400, 69). Li rois d'Engleterre et ses consaulz prisent en grant despit et desplaisance les deffiances aportées par un garçon ; et disent que ce n'estoit pas cose apertenans, que guerre de si grans signeurs, comme dou roy de France et dou roy d'Engleterre, fust nonciée ne deffiiée par un varlet. (FROISS., Chron. L., VII, c.1375-1400, 110). "Baille moi celle espée." - "Non ferai, dist li escuiers, c'est li espée dou roi ; tu ne vaulx mies que tu l'aies, car tu n'ies que uns garchons." (FROISS., Chron. R., X, c.1375-1400, 120). Pendant laquelle nuit, ycellui chevalier requist Margot d'estre s'amie ; maiz pour ce que elle et ladite Margot ne vouldrent accorder plenement la volonté dudit chevalier, il dist à elles que se elle ne faisoit sa volenté, que il la bailleroit à ses varlez et garçons, qui en feroient tout leur plaisir. (Reg. crim. Chât., I, 1389-1392, 45). ...et si n'avoit denier ne maille, et aloit à piet en guyse de varlet ou de garçon. (Reg. crim. Chât., I, 1389-1392, 386). Et ne creez ja conseil de garcon, ne ne trayez ja trop privé de vous homme que vous n'aiez bien essayé ses meurs et ses condicions. (ARRAS, c.1392-1393, 85). Neïs ly prinches n'ont atres habit, excepteit que leurs desoirtrains warnimens est overeis d'alconne envozure, sains atre connissance, si qu'il ne semblent nint saingnors ne gens d'armes, mais garchons. (HEMRICOURT, Guerres Awans B., c.1398, 40). ...par les blasphemes horribles qui ont cours en ce royaume, de renier et maugrayer Dieu au premier mot, voire par les plus grans, tant juges que autres garsons et enfans et gens d'eglise (BAYE, I, 1400-1410, 333). Ce n'estoient mie garçons, Ne villains (...) Mais roys et ducs (CHR. PIZ., M.F., I, 1400-1403, 65). Bien estoient X mile, sans nombre de garson (Galien D.B., c.1400-1500, 126). Si ordonnerent li Englés entre euls trois batailles et se rengierent sus trois lieus devant leurs logeis, et fissent grant fuisson de feus pour veoir plus cler autour de euls. Et fissent demorer tous les garçons en lors logeis pour garder les chevaus. (FROISS., Chron. D., p.1400, 149). ...elle et ses gens (...) s'en vinrent par derriere bouter et fraper ens es logeis des François, qui n'estoient pour l'eure gardé que de varlés et garçons, car tout honme d'armes entendoient a l'asaut ou ils les regardoient. (FROISS., Chron. D., p.1400, 514).

-

Garçon d'armes : Les chevaux trouva avoyez, Et bachelerz et escuierz, Garchons d'armes et armurierz Qui estoient moult curieux D'eux haster pour estre as hosteux A Sissongne et a Montagu. (Dit prunier B., c.1330-1350, 72).

-

Garçon de cuisine. "Marmiton" : C'est lourt et rude proverbe et, par aventure, des garçons de cuisine (FOUL., Policrat. B., II, 1372, 133). ...laquelle cédulle (...) l'avoit ledit messire Loys recouvrée, comme il disoit, d'un garson de la cuisine de madamoiselle de Villequier qui l'avoit trouvée, comme disoit ledit garson, en ung comptouer bas de la maison de Pierre Berart, à Tours. (Aff. Jacques Coeur M., 1453-1457, 463).

-

Garçon d'estables : Chascuns a son office accourt, L'un devers la paneterie, Et l'autre en la boutillerie, Li autre vont en la cuisine, Selonc ce que chascuns cuisine. Messagiers et garsons d'estables Dressent fourmes, trestiaus et tables. (MACH., R. Fort., c.1341, 143).

-

Garçon à/de pied : Et atant se parti, entre lui et Gallopin, sans nulle autre compagnie, fors seulement d'un garçon a pié que Danemont leur bailla (Bérinus, I, c.1350-1370, 293). Aprés ce, il me fist estre son garçon a pié et moult villainement me demena, et me batoit et laidengoit. (Bérinus, II, c.1350-1370, 14). ...je me partis a son congé et me mis au chemin celle part, acompaigné d'un garsson de piet qui vient avecq moy et qui garde mon palefroy en celle praierie. (Percef. III, R., t.2, c.1450 [c.1340], 224).

2.

P. ext. péj.

-

"Homme au comportement vil et grossier, mauvais sujet" : "Ha ! Faulx garçon,"dit il, "ne vallez ung denier..." (Gir. Vienne D.B., c.1350-1400, 130). Quant venistes servir le roy qui est puissants N'estiés que garçons et quoquins et truants, De terre n'aveëz qui vaulsist deux besans (Gir. Vienne D.B., c.1350-1400, 173). Ernault est cy venus, ung orgueilleux garçons, Moult fel et despiteux (Hern. Beaul. D.B., c.1350-1400, 43). Si y eut dedens le ville de Kem moult de villains fais, de mourdres, de pillemens (...), car il ne poet estre que, en une tèle host que li rois d'Engleterre menoit, qu'il n'i ait des villains, des garçons et des maufaiteurs assés et gens de petite conscience. (FROISS., Chron. L., III, c.1375-1400, 146). Tu dois garder mes vergiers et mes gars ["jardins"], Par tes regars et en ta sauvegarde ; Mais tes gallans, gaillars, garchons et gars Frés espringars, plus fins que gays ou gars [jars, "mâle de l'oie"], Et tes fringars en ont fait male garde. (MOLINET, Faictz Dictz D., 1467-1506, 96). LE SAVETIER. Tu as menti, ort, viel cabas, Tu ne di pas parolle vraye. Veez ma dame de la Haye, Comment simplement se demaine. LA LAICTIERE. He ! je suis, ta fievre quartaine, Dame de la Haie ? garson Tu mens, je suis de bon regnon, On me congnoit bien en ma ville. (Sav. serg. D.L., c.1480-1490, 32). Mais baillez moy gens en grant nombre, Faictes sallir souldars pietons A tout arcs, a tout viretons, Gens de commun et bons hommiaulx, Soit des fors bourgs ou des hamiaulx, Bedeaulx, garsons et quoquinaille : N'y aura sy meschant merdaille Que tout ne viengne a bon proffit. (Myst. Pass. Troyes B., a.1482, 675). LE PELERIN. (Et) pourtant, se j'advise Aulcun paillard garson sergent Qui me void ung baston portant Et me rencontrë en chemin, Je diray que suis pelerin. (Sots gard., a.1488, 107). Je n'escriptz point ung grant tas de galiers Comme escuyers, panetiers, eschançons, Enfans d'onneur, huissiers, paiges, garçons, Tabourineux, harpeux, saulteurs, danceurs, Ne ung grant tas de rustres gauldisseurs Qu'on voit souvent suivre et hanter la court (LA VIGNE, V.N., p.1495, 152).

-

[Terme de mépris et d'injure] : Qui prodoms fust, en leurs maulx pugnissant On les feist estre de bon renon ; Aises fust lors soubz eulx la povre gent, Et que flateur, menteur, ribault, garçon, N'eussent plus lieu, ne n'oissent leur son, Ainçois fussent rebouté comme chien D'entour telz gens ; or court ceste chançon (DESCH., Oeuvres Q., t.1, c.1370-1407, 167). Les quatre fers qu'il a [le cheval] font de la pouldre menue ; La dame du chasteau est aux creneaux venue. "Qui est ce garson la qui point ne me salue ?" Qui belles amours a souvent sy les remue. "Tel garson que je suis, ailleurs vous ay tenue, Et dessus vostre lit ay laissé ma saincture Et a vostre chevet mon espée esmoulue." Qui belles amours a souvent sy les remue. (Chans. XVe s. P., c.1430-1500, 102).

.

En appellatif : Li contes de Triple l'oy, Qui onques ne s'en resjoy ; Et li dist à moult très haut son : "Henri, m'apelles tu, garson ?" Et il respondi : "Nennil, sire, Car quan que j'ay, sans contredire, Est à vous et à mon signeur, à qui Dieux doint joie et honneur..." (MACH., P. Alex., p.1369, 257). ...Jehan Vayron survint ou lieu ou il estoient et par avant les avoit pousuiz, et le quel meuz de sa voulenté leur dist pluseurs injures et villenies, et les menassoit et mesmement en disant qu'il estoient garsons, truans, ribaux (Doc. Poitou G., t.5, 1377, 31). ...les injuriant moult grandement et les appelant truans, garçons et plusieurs autres paroles injurieuses et minatoires. (Doc. Poitou G., t.6, 1390-1403, 146). On te puist les membres detraire ! Crapaut, garchon, dyable boully, Si je peusse avenir a ty, Je te monsteroie que j'ay. (MARCADÉ, Myst. Pass. Arras R., a.1440, 13). Lors comme par couroux lui dist : "Allez vous en, garçon, car jamaiz ne vauldrez riens !" (LA SALE, J.S., 1456, 49).

-

Faux garçon. "Traître" : Et si tost com li roys le vit, De son lit en gisant li dist : "Estes vous là, sires d'Absur, Faus garson, traïtre, parjur. Qui vous fait entrer en ma chambre ?" (MACH., P. Alex., p.1369, 269). Certes, faux garçons, vous sereiz pendut tout en despit vostre grant linaige. (JEAN D'OUTREM., Myr. histors G., a.1400, 25). Alors Madame d'estre assise se lieve et tout hault a ses femmes dist: "Et que cuidiez vous de ce faulz garçon ?" (LA SALE, J.S., 1456, 49). Sy vous fist tesmoingnier, ce fait est veritéz, Par ung faulx garchon qui fu lere prouvéz Que par lui devoit estre vo corpz enerbéz Du voloir de ma mere. (Enfances Garin de Monglane K., p.1400, f°92v).

-

Mauvais garçon. "Malfaiteur, vaurien, lâche" : Dit aussi, (...) que, (...) il ne fery aucunement nul d'iceulx deux compaignons, et que quant il vit que ledit Eustace l'aisné s'enfuïoit, il est vray qu'il cria au filz dudit Huitasse, qui demouroit auprez de la maison dudit Eustace, son pere, et de lui qui parle, qu'il descendeist aval, alast avecques lui, et qu'il faisoit que mauvez garçon de s'enfouir et lessier son pere en cest estat. (Reg. crim. Chât., I, 1389-1392, 411). ...ledit Village n'estoit pas personnage pour qui il en deust faire difficulté, mais estoit ung mauvais garçon qui avoit fait et commis plusieurs offenses et maléfices contre le Roy (Aff. Jacques Coeur M., 1453-1457, 202). Et, pour faire par icelluy Sanglier sa dampnée entreprise, le roy lui fist delivrer argent et gens de guerre en grant nombre, au moien desquelz et aussy de certain nombre de mauvais garsons, larrons, pipeurs et pillars qu'il print et assembla tant en la ville de Paris que en aucuns des villaiges voisins d'icelle ville jusques au nombre de deux à trois mil (ROYE, Chron. scand., II, 1460-1483, 118). Celluy assembla tous les mauvais garsons de Gand et saillit de la ville, prit Hulst et Ascelle, et vint à puissance devant la ville d'Allost (LA MARCHE, Mém., II, c.1470, 286). Peu de jours aprèz, ung très malvais meutin et hardy langagier nommé Anthoniis Willemz (...), ung aultre garnement nommé Wallin de Brederode (...), assocyéz d'ung tas de malvais garchons paysans, pillars et paillars, rompirent de nuit huys, fenestres et verraulx de la maison dudit Clais Ceurf pour le tuer murdrièrement (MOLINET, Chron. D.J., t.2, 1474-1506, 285). ...le frere de feu Jehan de Chaumont est venu devers moy se plaindre que vous ne voulez pas seeller les deux commissions que j'ay commandées pour prendre au corps ung Briçonnet, Robinet, et ung tas de mauvais garçons qui le broullent (Lettres Louis XI, V., t.7, 1478-1479, 129). Hay, tais toy et n'en dis plus mot. Tu gastes tout, maulvais garson... (Sots mal., c.1480, 80).

.

[Associé à d'autres termes péj.] : Si fait bon avoir droicte ligne Et espouser femme benigne D'onnestes parens et de bons Tant qu'a merdailles n'a garsons Par deffault d'oirs ne soit donnée Terre d'autruy n'abandonnée. (DESCH., M.M., c.1385-1403, 15). ...Afin que mon renom ne faille Et que garçon ne truandaille N'aient après ma mort le mien (DESCH., M.M., c.1385-1403, 37). ...Varletz, foulons, gardechevaulx, Bedeaulx, garsons et coquinaille : N'y ara si meschant merdaille Que tout ne nous viengne a prouffit. (GRÉBAN, Pass. J., c.1450, 246). ...Truans, paillars, pandars, bourreaulx, Belistres, garssons, coquinail[l]e. N'y a si meschante merdaille Que tout ne vous viengne a profit (MICHEL, Myst. Pass. J., 1486, 277).

B. -

"Enfant de sexe masculin, jeune homme" : [En parlant de Jésus à douze ans, parmi les docteurs] PREMIER MAISTRE. Seigneurs, je ne tiens pas a jeu Ce que ce garçon dit nous a (Mir. nat. N.S.J.C., c.1343, 242). - Mon signeur, vostre petit garçon m'a ainsi frotee, acrachee, buffatee et batu qu'il me fist saingner la voisie. (Man. lang. G., 1396, 81). ...la cause principal de tout ce que dit est, est defaut de justice quoad Deum par les blasphemes horribles qui ont cours en ce royaume, de renier et maugrayer Dieu au premier mot, voire par les plus grans, tant juges que autres garsons et enfans et gens d'eglise, et autres pechiez non dicibles (BAYE, I, 1400-1410, 333). Car sachés que c'est le meilleur [haubert] que oncques mais veissiés, car pour cop que on luy sache donner ne de lance ne d'espee, il ne pouroit enpirer vaillant ung seul denier, et si est si legiers que ung petit garçon le pourroit bien pourter toute jour et journee (Chev. papegau H., c.1400-1500, 49). Seigneurs, gardés bien la porte contre ceulx de dehors tandis que celle tourmente dure, car les deables ont appourté ceans le garçon Passelyon. (Percef. IV, R., c.1450 [c.1340], 293). À deux petitz garçons qui ont peschez des ostiez et des calmars pour le roy (Comptes roi René A., t.3, 1451-1480, 294). En après, le plus grant plaisir qu'il peult avoir c'est en femmes et en garçons jeunes sodomites ; et a bien IIIc femmes ou plus (LA BROQUIÈRE, Voy. Outr. S., c.1455-1457, 184). ...c'est ung let et ort garson, trestout roigneux et contrefait. (C.N.N., c.1456-1467, 148). Hee ! ma dame, veez ce petit garçon Saintré, comment il est jolis ! (LA SALE, J.S., 1456, 54). A maint homme [moi, la belle Heaumière] l'ay reffusé [mon amour], Qui n'estoit a moy grant sagesse, Pour l'amour d'un garson rusé, Auquel j'en feiz grande largesse. A qui que je feisse fynesse, Par m'ame, je l'aymoye bien ; Or ne me faisoit que rudesse Et ne m'amoit que pour le mien [mon argent]. (VILLON, Test. R.H., 1461-1462, 53). Et ala aussy ladicte boule tuer et mettre en pieces et loppins ung povre garson oyselleur qui tendoit aux champs aux oyseaulx. (ROYE, Chron. scand., II, 1460-1483, 82). Laquelle femme se conduisit en la lescherie de sa pute charongne avecques ribaulx particuliers durant sondit mariage, et entre autres entretint en sa dicte lescherie ung jeune garsom, filz d'une venderesse de poirées et poisson de mer des halles de Paris, nommé Regnault la Pie (ROYE, Chron. scand., II, 1460-1483, 114). LE CAPPITAINE. (...) N'aviez [...] en nulz enfans ? LA CHOSE PUBLICQUE. Si ay, de vray, j'en ay eu ung (...) L'AFFINEUR. Comme(nt) a il non ? LA CHOSE PUBLICQUE. Mal importable. FINE MYNE. Quoy ? avez vous eu ung garson ? (Sots mal., c.1480, 89).

-

[Employé ici avec une valeur laudative exceptionnelle] : Dame, se dist ly enffes, Dieu vous croisse vo nom, De l'onneur que me fettes nous vous en mercïon, Partout me pouvés prendre comme vostre garçon. (Flor. Octav. L., t.1, c.1356, 220).

-

Vieux garçon. "Célibataire" : Et, morbieu, que ne m'asomme on D'avoir si long tamps attendu, Qui suis desja un vieu garchon Et si n'i ay point contendu ? (Serm. plaisant K., c.1500, 466).