A. -

Subst.

1.

[Idée de jeunesse et de belle apparence] "Jeune homme élégant, aimable, alerte" : Ilz [certains membres du clergé] vuelent contrefaire les galans, et portent robes courtes, et laissent leurs rocqués. (JUV. URS., Aud. celi, 1435, 243). ...ung jeune galant venu a la feste n'estoit gueres loing de ces deux amans qui oyt et entendit toute leur conclusion. (C.N.N., c.1456-1467, 307). Car, a vrai dire, la vielle estoit toute impaciente d'avoir le jeusne gallant, povre compaignon qui la tempesteroit a l'aventure et lui donroit dur temps en despendant le sien, et la jeusne fille estoit courcee a l'aultre léz d'avoir ce viellart usé a barbe grise qui povrement luy feroit ses besongnes. (CHASTELL., Chron. IV, D., c.1461-1472, 231). SOTIE. Mes assotez n'en parlez plus, Le Temps desormais si fera A vostre gré, et, au surplus, Au grant jamais ne vous lerra. LE TEMPS. Or ça, ça, gallans, qui l'aura Ceste grant trompe renforcee ? (Sots triumph., c.1475, 47).

-

Gentil galant : Je my souloye aller esbatre Avecques ces gentilz gallans ; Mais maintenant suis a mon atre A nourir mes petiz enffans (Vir. H., c.1400-1500, 72). Et messire Simon de Lalaing fut prins prisonnier. Et eut la vie sauvée par le moyen d'un gentil galant de la garnison, nommé Archenciel, qui estoit bien amé desdictes communes. (MONSTRELET, Chron. D.-A., t.4, c.1444-1453, 432). LE ROY. Tu es tres gentil galant. Par Tarvargant, tu es mon amy. Je te jure et certiffy Que de moy tu auras bons gaiges (Pac. Job M., c.1448-1478, 249). ...une jeune fille d'Alemaigne (...) se maria a ung gentil galant (C.N.N., c.1456-1467, 17). "Esope, gentil gallant, dis moy, pour quelle cause as tu rit si fort ?" (MACHO, Esope R., c.1480, 15). Pour passer temps et gayement s'esbatre, Aprés disner ung jour s'acompaignoyent, Ainsi qu'on fait, environ troys ou quatre Gentilz gallans, qui en mer se baignoient. (LA VIGNE, V.N., p.1495, 177). S'il vient quelc'un pour le deffaire, Monstrons nous tous gentilz gallans. (LA VIGNE, S.M., 1496, 270).

-

Loc. adv. Sur le galant. "Galamment, élégamment" (Éd.) : Il fault que aultremant ung se veste, Bernard ; ces robes sont trop longue. Ilz ne fault plus que tu me songe Sur ton livre ; estat fault changier. Vest celle robe sans tarsier, Et t'abillie sur le galant. (Myst. st Bern. Menth. L., c.1450, 16).

2.

[Idée d'amusement et de débauche] "Celui qui s'amuse, mène joyeuse vie, bon compagnon, noceur (sur galer, "s'amuser")" : [Sur la défense faite par le médecin d'assister au repas du roi] C'est un dur mot aux compaignons galans Qui de ce plat avoient benefices, Le temps passé ; tristes sont et dolans Qu'en un seul lieu est tourné li esclipces (DESCH., Oeuvres Q., t.5, c.1370-1407, 302). ...deux varlés faisans soulliers, l'un appellé Regnault Moraut et l'autre Denis Durant, aus quelz icellui suppliant qui ne pensoit en aucun mal, dist : "Dieu gart, les galans !" Et lors ledit Regnault se leva et dist au dit suppliant qu'il se moquoit d'eulx et que, se il sonnoit mot, il seroit batu, en l'injuriant grandement de paroles. (Doc. Poitou G., t.7, 1409, 168). ...certaines gens fussent establis par belle justice pour tousjours encerchier et prendre garde que aucun desroy ne fust machiné en ville, et que telz folatres gallans oyseux qui vont ça et là ou par ces tavernes sans riens faire ne leur fust plus souffert, ains bien enquis fussent de quoy servent et que vont faisant mis en prison s'ilz ne vont à leurs mestiers s'il est jour ouvrier. (CHR. PIZ., Paix W., 1412-1413, 137). Priez, galans joyeux en compaignie, Qui despendre desirez a largesse, Guerre vous tient la bourse desgarnie (CH. D'ORLÉANS, Ball. C., c.1415-1457, 124). Or ont tant bien retenu l'emprainte de legiere vanité que ilz ont voulu vivre comme gallans en prodigalité oyseuse, et soy vestir comme jugleurs en habit desroyé (CHART., L. Esp., c.1429-1430, 66). Et encores, par maniere d'esbatement, prenons que le gras mardy de quaresme Jehan, comme galant et gourmant, aprés souper dit que il n'yrat pas dormir jusques a la myenuit que quaresme encommencera, et que il veult galer, et gourmander, et mengier viandes de charnage si longuement qu'il poura jusques a myenuit ; et adoncques il sera en quaresme. (FUSORIS, Traité cosmogr. G., 1432, 10). Chantres chantans à plaisances, sans loy, Galans rians, plaisans en faiz et diz, Coureux alans, francs de faulx or, d'aloy, Gens d'esperit, ung petit estourdiz, Trop demourez, car il meurt estandiz. Faiseurs de laiz, de motés et rondeaux, Quant mort sera [le povre Villon], vous lui ferez chaudeaux ! (VILLON, Poésies diverses T., c.1456-1463, 293). Ou sont les gracïeux galans Que je suivoye ou temps jadiz, Si bien chantans, si bien parlans, Sy plaisans en faiz et en diz ? Les aucuns sont mors et roidiz, D'eulx n'est il plus riens maintenant - Respit aient en paradis, Et Dieu saulve le remenant ! (VILLON, Test. R.H., 1461-1462, 37). Ces gualans sont tresbien lougés ; La damoiselle est fort doulcete ! (Pass. Auv., 1477, 91). TESTE CREUSE. Dieu gard les gallans. MALOSTRU. Et vous doint A ung chascun cent mile escus. (Copp. lard., a.1488, 162). Puis se retira vers ses barons en disant et riant : "N'avez vous pas bien ouy se que ce gallant a dit ? Ce monstre il pas bien que c'est ung follastre ?" (Jehan de Paris W., 1494-1495, 39). AVEUGLE. Allons ! BOITEUX. A quel part ? AVEUGLE. Droictement Ou le gallant joyeux s'iverne. BOITEUX. J'é vella parlé saigement. Ou yrons nous ? AVEUGLE. En la taverne : J'y voys bien souvant sans lanterne. (LA VIGNE, Aveugle boiteux D., 1496, 65).

-

Trancher du galant. "Faire l'habile homme" : L'un fait parler seul en alant, L'autre prendre la course, A l'autre trencher du galant Et n'a denier en bourse. (Myst. Résurr. Angers S., 1456, 720).

-

"Jeune homme, porté sur les relations amoureuses" : Lors la chamberiere s'en va au matin a la fontaine et rencontre le gallant, qui la actent passé a trois heures, et auxi elle le fait actendre tout a essient, car, s'il ne achaptoit bien les amours, il ne les prisseroit riens. (Quinze joies mar. R., c.1390-1410, 42). La onziesme joye de mariage si est quant ung gentil gallant, jeune et jolis, s'en va par païs gaiement et est en franchise et peut aller de lieu en lieu a son plesir sans nul empeschement (Quinze joies mar. R., c.1390-1410, 82). ...les jeunes galans, luy present, estoient coustumiers de passer souvent devant son huys pour la veoir [Un mari quitte sa femme pour ses affaires] (C.N.N., c.1456-1467, 559). Alors vindrent tous les galans de Romme, qui lui baillerent en sa main une branche de lorier en signe de sa victoire sur celle qui avoit desconfit vint deux maris (LA SALE, J.S., 1456, 5). LA FEMME. Je vous prie, rendez le luy ; Et demain en aurez un autre. LE BADIN. Ma maistresse, parlez moy d'autre ; Car, par bieu, il ne l'aura ja. LE MARY. Ho, ho ! quel bonnet est-ce là ? C'est le bonnet en grand gallant [Faut-il comprendre d'un grand galant ?]. (Bad. loue T., c.1500, 62).

.

En partic. "Amant, amoureux" : S'en vostre hostel suys venant et allant, Et aucun dit que vostre amour m'y tire (...) Ce n'est qu'honneur au moins pour le gallant, Mais vostre nom en pourroit estre pire. (Au grey d'amours F.-H., c.1400-1500, 170). ...Mais chieulx la cui pucelle ottroy volt faire De mieulx amer por ce qu'ot nom sanllant A son amy n'est pour ce son canllant. (Percef. lyr. L., c.1450 [c.1340], 85). Je trouvis l'autre jour ma femme Couchee avec ung galant Qui avoit de vit vraymant Bien une aulne et dymye (Myst. st Sébast. M., c.1450-1500, 45). ...il vit et apperceut souvent le galant entrer de nuyt et saillir hors de l'ostel au marchant. (C.N.N., c.1456-1467, 378). ...le galand, a qui la damoiselle avoit fait savoir que son mary estoit hors, passa ung tour ou deux par devant l'ostel de la belle (C.N.N., c.1456-1467, 379). ...le galant print congé d'un doulx baiser et se partit en ce point par une yssue de derriere, et la damoiselle s'en alla prestement coucher. (C.N.N., c.1456-1467, 381). L'AMANT. (...) Et, s'il y a paillard ou sergent Qui mal ou desplaisir vous face, Venez à moy. Je suis regent Des galans ; chacun me faict place. LA FEMME. Mon bon seigneur, de vostre grace Vous mercye. (Colin loue dép. Dieu T., c.1485, 157). Helas, qui ne les congnoistroit Qu'elle voise en devotïon, Quant telle est leur entencïon Il n'y aura si bon couvent Qui ne soit visité souvent ; Puis a Nostre Dame des Champs S'en vont avecques les gallans (P. Jouh. D.R., a.1488, 34). LE MOUNYER. Et qui, tous les deables, a mys Ses galans là parmy mes poules ? Par la mort bieu ! sy je ne bredouiles Vos testes à ceste heure icy ! (Gent. moun. T., c.1500, 389).

3.

[Idée de force et de courage] "Homme vaillant" : Et alors Henry, Jehan, Richard et Thomas, véans de leurs murailles l'esbatement d'yceulx galans et la manière qu'ilz tenoient, désirans de les aler aidier et souscourir, mais non pas au plaisir d'yceulx travillans, mais pour vouloir conquerre proie, saillirent hors sans délay et coururent vers ycelui batel pour le prendre. (MONSTRELET, Chron. D.-A., t.5, c.1444-1453, 261). Alés ce gualant appeller, Qu'il vieignhe porter ceste croix. (Pass. Auv., 1477, 192). Avez vous mengé la dodine ? Il fault servir d'un autre metz. Comment se galant la choppine ! (Myst. Pass. Troyes B., a.1482, 139). [Le Maître aux serviteurs :] "Pour ce que je n'ay trouvé nulle beste pour vous aider, j'ay acheté cestuy gallant pour vous aider a porter ma voiture et pour porter ses fardeaulx icy et ce qui est necessaire, car demain fault aler a Ephese." (MACHO, Esope R., c.1480, 11). CONNESTABLE. Si quelque lieu je suis plus assaillant, A la muraille ou devant quelque porte, Et je ne monstre que vecy ung gallant, Je suis contant que le deable m'emporte ! (LA VIGNE, S.M., 1496, 235).

-

Galant de guerre. "Celui qui aime le métier des armes" : ...lesquelles [places], toutes prises et submises en leurs mains, [ils] firent pendre les deffendeurs d'icelles, gentils gallans de guerre beaucoup, dont pitié estoit et dommage grant de le voir (CHASTELL., Chron. K., t.2, c.1456-1471, 90).

-

En appellatif : Sus, gallans, virez la brigade Aux autres plus tost ; il est temps. (GRÉBAN, Pass. J., c.1450, 105). Galans, vous estes mal lougés. Salhés de leans (Pass. Auv., 1477, 172). Or tost ! gallans, chascun s'avance De s'abiller, il en est heure (Myst. st Laur. S.W., 1499, 138).

-

Pauvre galant. "Pauvre diable" (Heilemann) : Je fus hier assis en haute roue de fortune, et aujourd'hui je suy un povre galant en l'estat où vous me voiez, inseur de ma vie et constraint de m'en aller, ne sçay où, hors du monde. (CHASTELL., Chron. K., t.4, c.1456-1471, 176).

-

Péj. "Gaillard, brigand" : ...je vous prie qu'incontinent ces lettres veues, vous me l'envoyiez si bien lié et garrotté, et si seurement accompagné qu'il ne s'echappe point, ensemble les informations qui ont esté faites à l'encontre de luy (...) et me faites soudain sçavoir de voz nouvelles pour faire les preparatifz des nopces du galant avec dame potence. (Lettres Louis XI, V.M., t.10, 1446-1483, 286). ...l'oste fist saillir quatre ou cinq roiddes galans hors d'une chambre, tous advertiz de leur fait, et prindrent beaulx moynes, et (...) les bouterent hors de l'ostel. (C.N.N., c.1456-1467, 377). ...fut le galant puny par faulx donner a entendre de son compaignon ; et fut contraint de venir demourer sur son benefice [Sur la foi d'un faux renseignement un clerc a intrigué pour se faire donner une cure] (C.N.N., c.1456-1467, 288). ...le galant susdit estant en garnison avec les Bourgoignons a Sainte Manehot, mist une journée en termes avec ses compaignons [Un "demi fol" veut piéger les habitants de Troyes] (C.N.N., c.1456-1467, 449). ...ilz lui distrent telles parolles ou en substance : «Galant, rendés les souliers que vous avez osté à ung pouvre enfant illec ou chemin.» Lequel compaignon alors tout rigoureusement leur dist : «Que randré je ?» (Doc. Poitou G., t.11, 1465-1474, 34). Mal soyés venu desloyal gallant Dieu vous envoye fievre quartayne (OUDIN, St Genis M.S., c.1490, 58). ...Dont tant quist on, et vint on ça et la Que six galans au fait des armes destres, Et pour telz cas subtilz ouvriers et maistres, En Camp de Fleur fist on soubdain sengler, Puis aux creneaulx de deux grandes fenestres Incontinent tous pendre et estrangler. (LA VIGNE, V.N., p.1495, 233).

.

Galant de (la) feuillee. "Bandit qui se tient dans les bois"

Rem. Doc. 1471 (...se sont mis sus en armes avec autres que communement on appeloit les galans de la feuillie) et 1472 (...il avoit esté galant de feuillee) ds GD IV, 207a.

B. -

Adj. : Et pour ce doncq ne soyons en soucy D'aller a Napples pour faire du Rolant, Car tel se dit plus qu'Ercules vaillant Ains qu'il y soit, qui sera bien pesneux, Et tel yra gorrier, gentil, gallant [mais ne faudrait-il pas supprimer la virgule ?], Qui s'en viendra peult estre maleureux. (LA VIGNE, Ress. chrest. B., 1494, 135).

-

Au fém. "Gaillarde, amoureuse" : [Texte d'une chanson] CALBAIN. Je suis allemande, friscande, gallande. Je suis allemande, fille d'ung Allemand. LE GALLAND. Calbain, mon amy, comment ! Estes-vous fol ? Qu'esse qu'il vous fault ? (Sav. Calb. T., c.1475-1500, 153).