A. -

"Affamé" : Mon nom se savoir vous voulez, Charite vous m'apeleres, Quar Charite tient en chierte Ceuz que li autre ont en vilte. Je repais les gens familieus Et visite les langoureus (GUILL. DIGULL., Pèler. vie hum. S., c.1330-1331, 76). ...si estoient moult familleux et desirans de mengier (Bérinus, I, c.1350-1370, 304). ...c'est trop cruel vice De tant vouloir mangier a deux, Qu'ilz en font mille fameilleux (DESCH., M.M., c.1385-1403, 165). Ilz jugent nices ceulz qui mettent toute leur cure a oÿr parler de Dieu par Escripture ou sermon, a parler a luy par saincte oroison et meditacion, et sont nus, familleux, povres, souffreteurs, angoisseux, haÿz, moquez pour son amour (GERS., P. Paul, a.1394, 515). ...la terre est semee comme de langoustes qui par leurs tourbes gastent les regions et les laissent en desert et en freche : dont je conclus par necessaire consequence que lez champs inhabitez feront les cités familleuses (CHART., L. Esp., c.1429-1430, 13).

-

[D'un animal, du lion, du loup...] : Et il, li trés dous savoureus Espriviers, gens et amoureus, Prist entour li a colier, Et je a merencolier, Pensant qu'il estoit familleus ; Car il n'estoit pas sommilleus De querir se trouver peüst Oysel dont il se repeüst. (MACH., D. Aler., a.1349, 271). Adont fu une pierre ostee Qui moult estoit pesant et lee, Si le mirent [Daniel] sans demourer, Pour li mangier et devourer, Comme l'aignel entre les leus, Avec les lions familleus. Daires commanda qu'on preïst La pierre et qu'on la remeïst Dessus l'entree de la fosse. (MACH., C. ami, 1357, 40). ...et ferirent entre les Sarrasins comme les loups familleux entre ung tropeau de brebis (LE BEL, Chron. V.D., t.1, 1358, 217). Lors fu Gieffroy assailliz de tous costez, et il se deffent hardi comme lyon, que mal soit du Sarrasin qui a coup l'oze attendre, mais lui gettent de loing lances et dars, et lui traient sang en pluseurs lieux. Mais il ne semble pas qu'il lui en soit a riens, ains leur court sus comme le loup familleux fait a la brebis. (ARRAS, c.1392-1393, 232). ...comme loups fameilleux ou enragiez (Bouciquaut L., 1406-1409, 265). ...ainsi que les loups familleux se frappent sur le soir es brebis (JUV. URS., T. crest., c.1446, 64).

-

[De la bouche] : Comme peult estre ta langue sans clameur et sans plaintez, quant la bouche ou elle siet est fameilleuse par souffrete, et les aultres sont aouilliés sans desertes dez biens que tu cuides avoir desservis ? (CHART., L. Esp., c.1429-1430, 10).

-

[Dans un cont. métaph.] : [Dieu] Fist la mort issir de sa cage, Pleinne de forsen et de rage, Sans frein, sans bride, sans loien, Sans foy, sans amour, sans moien, Si trés fiere et si orguilleuse, Si gloute et si familleuse, Que ne se pooit saouler Pour riens que peüst engouler. Et par tout le munde couroit, Tout tuoit et tout acouroit, Quanqu'il li venoit a l'encontre, N'on ne pooit resister contre. (MACH., J. R. Nav., 1349, 149). ...car par ma deffaulte je suis demourés longuement familleux du biau blanc Gastelet alis [et] de l'escherpe aus pecheurs perilleux, par la vertu duquel Hely le prophete ala .XL. jours sans boire et sans mengier et sans avoir fain jusques a la montaigne d'Oreb (MÉZIÈRES, Vertu sacr. mar. W., c.1384-1389, 382).

-

Empl. subst. : Et de Fortune amis et à mon gré, Com diseteus richement secourus Et familleus largement repeüs De tous les biens que dame et bonne Amours Pueent donner à amant par honnour Suis, et Amours m'est en tous cas aidans (MACH., Motés, 1377, 510). Si gardes doncques que le pain du familleux ne moisisse en ta huche, que la cote du nu ne laisses mengier aux vers, que tu ne tiengnes enclos les soulers des deschaulx, et que tu ne possedes l'argent du souffraiteux ; car saches de vray que les biens que tu as trop grant largece sont aux povres et non pas tiens. (CHR. PIZ., Trois vertus W.H., c.1405, 37). Car lui qui assouvist les familleux n'a pas fain de mengier la chair de tes aigneaux, et tes chandelles ne donnent pas clarté a la lumiere de luy qui est souverain soleil. (CHART., L. Esp., c.1429-1430, 173). ...repaistre les fameilleux, abeuvrer ceulx qui ont soif, vestir les nudz, herbergier les povres... (MIÉLOT, Spec. hum. salv. L.P., 1448, 130). ...il donnoit refection aux famileux, recreance aux coeurs desolés, protection aux envaÿs et asseurance aux espantés (MOLINET, Faictz Dictz D., 1467-1506, 233).

B. -

P. anal. "Avide" : Je say bien que Salemon fu de si grant sapience plain que onques il ne doubta que or ne argent faillist a ses enfans ne a ses successeurs ne leur deust avilir, car il savoit leur nature estre fameilleuse et, pour la plus grant partie, seelant et desirant monnoie sur toutes choses. (FOUL., Policrat., IV, 1372, 34). [Jason à Medee :] Vous avez ochis mon filz, oultre ce celle assamblee de sang noble. Hellas, quelle cruaulté ! Vous n'avez pas cuer de femme, mais de familleux tirant. O, terrible cuer et envenimé courage... (LEFÈVRE (R.), Hist. Jason P., c.1460, 228).

-

Fameilleux de. "Avide, désireux de" : ...C'est vostre amour dont je suis famillieux. (GRANDSON, Poés. P., c.1360-1397, 357). Souvent me fais, bien l'ay aperceü, Pleindre mes jours et enhaïr mes nuis, N'encor ne m'as nulle fois repeü Des biens dont tant sui familleus et vuis, Que tant desirer me fais Qu'il me vaurroit mieus morir à .J. fais Qu'einsi languir en desirant mercy. (MACH., L. dames, 1377, 162). Pour ce mesprendroie, S'en mon lay disoie Que j'oie De joie, Ou se de samblant joieus Faire le voloie, Qu'Amours qui me loie Desvoie La voie Des biens dont sui familleus. (MACH., Les lays, 1377, 322).

.

"Désireux de (privé de)" : Agea, ma tres chiere mere, que feray je, que diray et ou iray je, qui sui povre, nuz, tristes et mendiz, familleux et souffraiteux d'amis et de conseil, si comme droiz est, car bien l'ay desservy (Bérinus, I, c.1350-1370, 30).

-

Fameilleux de + inf. : Des oysiaus qui la s'assambloient, Qui de toutes pars avoloient, Adonques tous les enchassay ; A mon pooir nuls n'en laissay, Pensant que, se li espriviers Venist, familleus et louviers De prendre seur eaus sa pasture, Qu'il n'aroit d'autre chose cure, Dont il metteroit en oubli L'oisel que j'avoie establi A li prendre, a grant amité, Par courtoise subtilité, Et que si s'en säouleroit Que sans plus faire s'en iroit. (MACH., D. Aler., a.1349, 266). Riches d'amour et mendians d'amie, Povres d'espoir et garnis de desir, Pleins de dolour et disiteus d'aye, Loing de merci, familleus de merir, Nus de tout ce qui me puet resjoïr Sui pour amer et de mort en paour, Quant ma dame me het et je l'aour. (MACH., Bal., 1377, 540). Gais et jolis, liés, chantans et joieus Sui, ce m'est vis, en gracieus retour, Pleins de desirs et en cuer familleus De reveoir ma dame de valour, Si qu'il n'est maulz, tristesse ne dolour Qui de mon cuer peüst joie mouvoir : Tout pour l'espoir que j'ay de li veoir. (MACH., L. dames, 1377, 52).