I. -

Empl. trans. "Troubler, inquiéter" : Et ce m'esmaie moult le cuer (Mir. ev. arced., c.1341, 105). La paour de Dieu trop m'esmaie (Mir. nonne, 1345, 347). "...Si vous pri qu'il vous viegne apoint Que vous regardés sur che point Par quoi briefment reconfort aie De che mal qui si fort m'esmaie ". (FROISS., Joli buiss. F., 1373, 166). Si ne sçay, s'Amours m'essaie, Qui tant me grieve et esmaie, Ou s'il li plaist que je traie Toudis mal qui me detraie. (MACH., Les lays, 1377, 319). Mais ce durement m'esmaie, Que ne say Se ceste amoureuse plaie Qu'au cuer ay Vient d'amours ou de cuer vray, Car dous regars maint cuer plaie, Qu'ailleurs dame amy a gay. (MACH., Les lays, 1377, 426).

II. -

Empl. pronom. "Se troubler, s'inquiéter, s'étonner" : "Dame, or oiez Ce que diray et a mal ne l'aiez : N'est merveille se vous vous esmaiez, Car bien est drois que dolente soiez. Mais vraiement On trouveroit plus tost aligement En vostre mal qu'en mien". (MACH., J. R. Beh., c.1340, 66). Qu'en puet dont mes cuers, s'il s'esmaie ? Car navrés sui de mortel plaie Pour amer d'amour fine et vraie ; C'est le treü De mon service c'om me paie. (MACH., Compl., 1340-1377, 248). Car mes dolens cuers tant s'esmaie [var. trop sesmaie], Pour ce que m'esperence vraie N'est pas, qu'il n'est joie que j'aie. (MACH., R. Fort., c.1341, 48). Je t'ay pluseurs fois oÿ dire Que tu ne vosisses eslire Autre bien n'autre souffissance, Fors que de sa douce sanlance Souvenirs et douce Pensée Fussent en toy sans dessevrée, Et que cil dui te garissoient De tous les maus qui te venoient. A qui tient il que ne les aies ? Il tient a toy qui trop t'esmaies ; Car ta dame, de jour en jour, Croist en biauté, sans nul sejour, En douceur et en tout le bien Qu'on puet penser, ce sai je bien. (MACH., R. Fort., c.1341, 59). LE MARI. (...) Conment sanz mort portera Mon povre cuer le dueil que j'ay ? Las ! Se m'esbahis et esmay, N'est de merveille. (Mir. enf. ress., 1353, 58). Quant li roys perçut le barnage, Il tourna vers eaus son visage, Et tantost à sa gent commande Que chascuns à bien faire entende, Et que vers la porte se traient, En combatant, et ne s'esmaient, Que là Dieux se combatera Et de leur partie sera. (MACH., P. Alex., p.1369, 94). Et nompourquant trop m'esmay, Car je me deliteray En remirer Son doulz vis riant et gay, Trop plus doulz que rose en may à odorer. (MACH., Ch. bal., 1377, 626). Et se vos cuers est à vos yex onnis, Li miens dolans n'en puet mais s'il s'esmaie ; Car il ne puet jamais estre garis, Se par vous n'est, de l'amoureuse plaie Que vos regars li fist. Or le deplaie Plus mortelment c'onques mais et plus fort, Quant pour ma mort plaisance ailleurs l'amort. (MACH., L. dames, 1377, 65). ...aultres enghiens (...) continuelment jettoient contre les murs, les tours et les portes, pieres de faix, et travilloient durement ceuls de Hainbon. De quoi chil qui dedens estoient, li auqun se conmenchierent a esmaiier, car seqours ne lor aparoit de nul costé. (FROISS., Chron. D., p.1400, 522). Si s'esbahist tant que mot dire Ne sçot, mais durement souspire De cuer parfont et trop s'esmaye. (CHR. PIZ., M.F., II, 1400-1403, 294). En ce temps, les Brughelins qui se sentoient grandement avoir offensé vers le duc de Bourgongne leur seigneur (...) se commencèrent fort à esmayer et avoir doubte que au long aler ne peussent résister ne eulx deffendre contre le dessusdit duc. (MONSTRELET, Chron. D.-A., t.5, c.1444-1453, 307).

-

S'esmaier de/pour qqc. : Or pri Amours que si le face Que n'i mesprengne, ne mefface, Car il n'est riens dont tant m'esmaie, Ne de quoy si grant doubtance aie, Que de ce que trop po ne dure Pour li servir sans mespresure ; Et j'en ay bonne volenté. (MACH., D. Lyon, 1342, 236). ...Uns amis qui tant bien m'ama Que de tous poins m'en enfourma, Nom pas par favourableté, Mais de sa debonnaireté, Afin que point ne variasse Et que de riens ne m'esmaiasse, Par quoy je preïsse maniere Uniement toudis entiere ; Qu'autel samblant devoie faire Dou droit pour moy com dou contraire. (MACH., J. R. Nav., 1349, 254). Il avoit là, de la galée Monstry,VJ.xx hommes armez, Mais si estoient entamez, Si bleciez et si mal traitiés Qu'il n'en y ot pas XX. haitiés. Chascuns fist remuer sa plaie, Po en y a qui ne s'esmaie Pour le chaut qui trop les grevoit ; Et po de mires y avoit. (MACH., P. Alex., p.1369, 158). N'onques en jour de ma vie Ma pensée en vilonnie Ne prist son ressort. Se mesdisans en acort. Pour ce de riens ne m'esmay Qu'en loyauté fiance ay, Et, quoy que nulz die, Tant com mon devoir feray, Leur parler ne doubteray, Que pas ne deffie Et en derrier point et mort. (MACH., Ch. bal., 1377, 599). Las ! non feray, Eins me tairay ; S'esploiteray Qu'elle sache seürement Que pour li durement m'esmay Et qu'en esmay Sui et seray, Dont je n'aray Jamais cuer gay, Einsois morray... (MACH., Les lays, 1377, 296). Mais de quoy servirons nous donc ? Irons nous escumer le pot Ou nous esbattre en ung trippot, Nous, sept ou huit ? Je m'en esmaye. (Myst. Pass. Troyes B., a.1482, 709-710).

-

S'esmaier que : Nous vëons un chien qui enrage, De quel cause li vient la rage ? D'un ver qui la langue li perse. Or est la cause si desperse Qu'il pert le boire et le mengier, Et puis le couvient enragier. Or est dont li commencemens De quoy vient li enragemens. Et quant il en pert l'abaier, Adont se puet on esmaier Dès ce point, que la gent ne morde. (MACH., J. R. Nav., 1349, 228).

.

Ne pas s'esmayer que. "Ne pas s'inquiéter que, n'en pas douter" : ...ne Gieffroy ne autre ne puet pas dire que nous en meissions oncques bacinet sur teste, ne en yssissions un seul pas de nostre hostel pour lui conforter [à Claude] contre Gieffroy. Cela ne sera ja sceu ne trouvé. Donques alons seurement, et m'en laissiez convenir, car je ne m'esmaye pas que nous n'ayons bon traictié a lui [Geoffroy]. (ARRAS, c.1392-1393, 210).

-

[Dans des tournures nég. d'exhortation] : Et quant elle croist et abunde Plus que dame qui soit ou munde En tout ce qu'on puet bon nommer, Tu ne te dois pas las clamer, Se tu l'aimmes bien, n'esmaier Qu'elle ne te doie paier Plus mille fois que ne dessers En ce que tu l'aimmes et sers. (MACH., R. Fort., c.1341, 59). Cuides tu, se prosperité Est en li, que felicité Avec la boneürté vraie Y soient ? De ce ne t'esmaie [var. tesmoie] ; Car c'est chose qui ne se puet Joindre. (MACH., R. Fort., c.1341, 90). Si n'est pas bon que plus demeures, Que vers ta dame ne te traies. Mais garde bien que ne t'esmaies ; Car ja ne te sera si fiere Qu'elle te laidenge ne fiere, Se ce n'est de ses trés dous yeus Rians, attraians et soutieus. (MACH., R. Fort., c.1341, 104). Mais je te pri, quoy qu'on te die, Pren la milleur chevalerie De quoy tu porras recouvrer Ne qu'on porra pour or trouver. Soit pres, soit long, fai que tu l'aies, Et se tu l'as, pas ne t'esmaies Qu'avoir puisses confusion. Pren toutes gens d'election Et ne te charge de merdaille... (MACH., C. ami, 1357, 117). Ta dame est sage et parcevant, Et si t'a bien dit cy devant Que tu dois estre tous seürs Qu'elle t'aime (...). Si que, doulz amis, ne t'esmaie Se tu as l'amoureuse plaie, Qu'elle congnoist bien ton martire Et comment s'amour te martire (MACH., Voir, 1364, 224). Riches seras, se tu es moie ; Se ma fame ies, ja ne t'esmoie Que [tu] n'aies avoir assez (MACH., Voir, 1364, 636). ...or ne t'esmaie : Tu n'en iras pas escondit (Mir. femme, 1368, 222). Je say bien qu'il te faut veillier Assez plus que je ne voudroie, Mais tu ne t'en dois merveillier, Qu'il n'est nuit qu'en tel point ne soie ; Et se durs temps as, ne t'esmaie Que sens ton corps trop asservir : Je metray paine au desservir. (MACH., App., 1377, 652). Or sus, Michiel, a elle iras Et de par moy tu li diras Que plus ne s'esmaie ne doubte (Mir. fille roy, c.1379, 88). De laquelle nouvelle le pattron fut tresjoyeulx. Lors se vira a nous trestous en disant : messeigneurs, ne vous esmayez plus de vivres ; car se le cappitaine est vif, nous en aurons assez. (LA SALE, Salade, c.1442-1444, 148). ...ne vous esmaiez ja de ce que je vous diray que le quaresme est ainsi venu tard. (C.N.N., c.1456-1467, 514).

III. -

Part. passé en empl. adj. "Inquiet, troublé" : Et si faisoient tel tempeste Que j'en eus grant mal en la teste, Et au lion trop desplaisoit ; Car si maise chiere faisoit Que, s'il fust en cent lieus plaiez, Ne fust il pas si esmaiez. Car je le vi deus fois ou trois Qu'il estoit si forment destrois Que par un po qu'il ne moroit. (MACH., D. Lyon, 1342, 174). "...Jamais ne feras que jangler ; Maus aigles te puist estrangler ! Va t'en, de ma court [de Phébus] iés banis ; Se plus y viens, tu iés honnis !" Ainsi fu li corbiaus paiés ; Si s'en vola tous esmaiés Et devint lerres, c'est la somme ; Et si le scevent bien maint homme Qu'en tous les lieus ou il repaire Il ne fait que jangler et braire. (MACH., Voir, 1364, 704). Las ! Adrien, je me pensoie Que sy heureuse je seroie Que d'estre femme d'ung martir, Et je suys dolente et esmaye. Lasse ! que morte estre vouldroye Quant de Dieu te vois pervertir ! Tu ne m'es riens, je te regny ! (Myst. st Adr. P., c.1450-1485, 119). Voicy la plus belle montjoye De poissons qui oncques fut veue, Et sy n'est pas la raiz rompue, Dont bien devons estre esmayéz. (Myst. Pass. Troyes B., a.1482, 965). Se ne suis forvoyé. De moy seras payé Et envers et a dens. Ton corps sera ployé, N'en soyes esmoyé. Or tien ! maistre Laurens. (Myst. st Laur. S.W., 1499, 232).

-

Part. passé en empl. subst. "Étonné" : Certes, Moussé, ne te doy rien, Se Deu t'ayt : bien t'ay paié. N'en fais ores si l'esmaié (Mir. march. juif, c.1377, 213).