I. -

Empl. intrans.

A. -

[Dans le temps]

1.

[D'une chose]

a)

"S'étendre dans le temps, continuer d'être, continuer d'avoir lieu, durer" : ...il se resuscita Par la vertu de sa nature Divine, qui dura et dure Sanz fin et sanz conmencement (Mir. Barl. Josaph., c.1363, 267). Or weul je monstrer apres que c'est chose possible, quant est de soy et a ymagynacion sanz contradiction, que aucun mouvement ait commencement et dure sanz fin. (ORESME, C.M., c.1377, 200). ...memoire [de Griseldis] en sera Tant com li mondes durera. (Gris., 1395, 2). Et cil lui compte comment ilz avoient encontré Gieffroy tout seul, et le dommage que il leur avoit fait, et comment il avoit convenu Giron, son frere, remonter le cavain par force, et que encore dure la bataille. (ARRAS, c.1392-1393, 201). Entr'eulx parlerent longuement, Et moult dura leur parlement (CHR. PIZ., Chem. estude P., 1402-1403, 130). Orgueul, avarice, - luxure, Sy ne me covre ta lordure - Duré ont en moy et envie (Pass. Semur D.M., c.1420 [1488], 135). Et, cependant que ces parlemens duroient, il escoutoit jusques ad ce qu'il fut prest. (BUEIL, II, 1461-1466, 223). La naturelle impuissance temporele, qui est en l'enfant, empesche tant qu'elle dure et ne puet contraire mariage. (Sacr. mar., c.1477-1481, 76). ...car long temps avoyent esté ces seigneuries en paix, et depuis le traicté d'Arras avoient veu peu de guerre qui eust duré. (COMM., I, 1489-1491, 13).

-

Durer + adv. ou compl. de temps : Nous entrames l'un dedens l'autre. Là ot grant poussieu et boutois de lances, et renversé des nostres et des leurs, et dura la bataille ung grant temps sans branler ne d'une part ne d'aultre. (FROISS., Chron. M., XIV, c.1375-1400, 7). La feste fu moult grant et moult noble, et dura XV. jours tous entiers. (ARRAS, c.1392-1393, 42). Puis commenca la feste qui dura tout jusques au soir. (ARRAS, c.1392-1393, 122). La jouste dura long temps, et assez tost après failli et fu temps et heure de soupper. (ARRAS, c.1392-1393, 191). Et dura ledit murmure et commocion toute la nuyt et le jour ensuivant (FAUQ., I, 1417-1420, 150). ...question : Puet on acquerir pardons pour les mors ? Response : Je tiens que non, car pardons sont ordonnez a ceulz qui se soubmettent a la court de misericorde qui est icy et qui dure jusques a la mort, non pas aprés la mort. (GERS., Déf., 1400, 237). Et dura ceste paix jusque a environ l'an mil IIJc et XXIIJ (JUV. URS., T. crest., c.1446, 109). Ceste amour ainsin loiale et secrete dura XVJ ans (LA SALE, J.S., 1456, 64). La queste de ce dyamant dura longuement (C.N.N., c.1456-1467, 44). ...ne dura pas ceste maniere ung moys ou deux seullement (C.N.N., c.1456-1467, 87). Et ne dura ceste conqueste que ung an et ung jour. (BUEIL, I, 1461-1466, 29). Et, en autres lieux, il est advenu que les plus foebles combateurs, pour longuement durer et endurer et saigement eux conduire, ont vaincu leurs ennemiz, comme nagueres devant Basle les Françoys desconfirent les Suisses, et dura la bataille depuis le soleil levé jusques au soleil couchié. (BUEIL, II, 1461-1466, 228). Et pour faulte de foy et de bonne amour sont les guerres et questions qui tousjours durent (BUEIL, II, 1461-1466, 258). Las, doleureuse, las, que farey ? Dieu, je morrey Si ces cops durent longuement. Je voy que mon enfant varrey Tout sarré En celle croix onteusement. (Pass. Auv., 1477, 198). Ceste feste dura huit jours, car à l'huytiesme jour la ville fut prinse, que nul ne se desarma ne ledict duc ne autre. (COMM., I, 1489-1491, 153). Quatre cens ans nostre discort A duré, et m'avez a tort Pour la vie tenu frontiere, Mais nous avons present matiere, En ceste cene tresplaniere De tenir convy triumphant. (Cene dieux, c.1492, 125). Autres dient qu'il fut familier de Lucio Marcio le consul, et qu'il prenostica l'orrible et grosse gresle qui dura VII jours continuelz. (SIMON DE PHARES, Astrol., c.1494-1498, f° 67 r°). ...et dura la gelée jusques ou milieu de mars, et recite aussi que, l'an ensuyvant, l'yver dura six sepmaines sans degeler et s'ensuivit une famine, dont plusieurs perirent, tant hommes que femmes. (SIMON DE PHARES, Astrol., c.1494-1498, f° 115 v°). Cestui predist longtemps devant la grande cherté du sel, qui fut à l'occasion des pluies qui durerent près de six mois en esté (SIMON DE PHARES, Astrol., c.1494-1498, f° 132 v°).

.

Durer + adv. ou compl. de lieu : ...et dura la chace jusques à Saint-Mor-sus-Loirre (FROISS., Chron. M., XIV, c.1375-1400, 7).

-

[Du temps, du jour...] : ...lesquelx sergens lui dirent qu'il estoit bany de l'evesché de Paris, et que le temps dudit ban duroit encore. (Reg. crim. Chât., I, 1389-1392, 81). Mais sachiez qu'elle [Mélusine] dist que a tousjours et a jamais, tant que le siecle durroit, s'apparroit trois jours devant que ceste forteresce devroit muer seigneur, ou que l'un des hoirs devroit mourir, icy et ou lieu ou il devroit prendre fin. (ARRAS, c.1392-1393, 289). ...passerent le temps querans les lievres et les perdriz tant que le jour dura (C.N.N., c.1456-1467, 475). Si le temps dure... (LA VIGNE, S.M., 1496, 267).

-

[D'une chose] Durer à qqn : Or commence leur dure departie. Or commence la doulour qui durra a Remond tout son vivant. Or commence la penitence qui durra a Melusigne jusques a la fin du monde. (ARRAS, c.1392-1393, 254). Chils vens contraires lor dura deus jours. (FROISS., Chron. D., p.1400, 72). Et ne mengierent li ceval, toute la nuit ne le jour devant, d'avainne ne de fourage, fors de l'erbe de la pree en pasturant, qui petit leur dura. (FROISS., Chron. D., p.1400, 133). Oudit mois et an mourut aussi madame Marguerite de Bourbon, femme de Phelipe monseigneur de Savoye, contesse de Bresse, de maladie qui longuement luy dura ; et d'icelle maladie on n'y peut mettre remede qu'elle n'en mourust etique, dont fut grant dommaige, car elle estoit en son vivant moult honneste et bonne dame et pleine de grans biens et vertus. (ROYE, Chron. scand., II, 1460-1483, 131). Ceste joye ne leur dura guères, mais par là povez veoir quelz sont les broulliz en ce royaulme à toutes mutacions. (COMM., I, 1489-1491, 41).

.

"Devenir pesant à qqn (du fait de la durée)" : Ce disner dura beaucop a Conrard, esperant après d'avoir de bonnes devises avec son serviteur (C.N.N., c.1456-1467, 173).

.

Le temps m'en dure. "Je trouve le temps long, je m'inquiète" : Helas ! que Sebastient demeure. Le tenps m'en dure en verité. (Myst. st Sébast. M., c.1450-1500, 36).

b)

"Subsister, rester" : ...notez de celui qui pria pour I riche malade, que sa maladie durat etc. ; notez du clerc qui pria que le bourgois eust mal encores en son autre jambe etc. (GERS., Pent., p.1389, 78). Helas, ceste plaie a jà longuement duré sanz remede, et si n'y a ancor aucun qui l'ait confortée (BAYE, I, 1400-1410, 103). ...royaulme en soy divisé, ou cité, ne durera point longuement. (JUV. URS., T. rever., 1433, 70). ...le Parlement et les officiers (...) ne souloient durer que ung an (JUV. URS., Nescio, 1445, 541). Le saufconduit doit tenir tant que la teneur en dure, aussi bien le Roy mort que vif ou l'officier desappoincté comme appoincté, ou rendre aux marchans les deniers qu'ilz en auroient baillez. (BUEIL, II, 1461-1466, 30).

-

"Rester, se maintenir" : ...un grand trabs ardent en l'air, courant après le Soleil, qui jà tendoit à son coucher et tumba en terre, duquel les vestiges se monstrerent longtemps après, plus grant que celui que nous disons portant, qui tumba le IIe jour de mars, ung peu devant Soleil couchant, vers occident, l'an 1497, duquel les vestiges durerent en l'air bien deux heures. (SIMON DE PHARES, Astrol., c.1494-1498, f° 109 r°).

-

"Rester dans tel ou tel état, en partic. demeurer pendant un certain temps le lieu de séjour d'une personne, d'un groupe qui se déplace" : ...le roy les fist tous deffrayer en tant que son royaume dura (LA SALE, J.S. E., 1456, 216).

-

"Subsister (pour couvrir la dépense)" : ...Alemans sont durement convoiteux ; si ne faisoient guerre pour luy fors si avant que son argent courroit et duroit. (FROISS., Chron. M., XIV, c.1375-1400, 155). Et du surplus de vostre depense de aler, de demeurer et du retourner ne vous esmayez (...) ne vous en soussiez tant que X^M escuz pourront durer. (LA SALE, J.S., 1456, 79).

-

"Résister" : Tousdiz seroit jour celle part Où il [le Soleil] lanceroit sans [l. son ?] regart Et les choses qui là seroient, Vivre ne durer n'y pourroient Pour la force de trop grant chault, Qui les brusleroit sans défault (LA HAYE, P. peste, 1426, 6). ...jamais n'eusse cuidié que tant longuement me deussiez avoir duré [au combat] (Percef. III, R., t.1, c.1450 [c.1340], 131).

.

[D'une construction] "Résister à l'usure du temps" : Et adont demanda Gieffroy de laquelle tour c'estoit que le pommel coustoit tous les ans X. s. Ne le povez vous faire si fort qu'il durast plus de X. ans ou de XX., afin que on ne le comptast pas si souvent ? (ARRAS, c.1392-1393, 295).

c)

Durer à + inf. "Rester, demeurer, tarder à"

-

Empl. impers. : ...desquelles [causes] (...) n'en duroit ancores à cognoistre la court (Ch. VI, D., t.1, 1412, 347).

-

Le temps dure à qqn que. "Il s'écoule du temps avant que" : ...[le marchand] fist tresbonne chere et prenoit grand plaisir avec sa belle et doulce femme. Mais le temps ne luy dura gueres que saoul et tanné en fut. (C.N.N., c.1456-1467, 558).

2.

[D'une pers.]

a)

"Vivre, rester en vie, continuer à vivre, survivre" : Cilz meschans soz yci presens Reçoit tant de cops et d'ordure Que je ne scé conment il dure. (Mir. parr., 1356, 17). Et volentiers l'eussent condempné à mort, se nulle juste cause peussent avoir trouvé en luy, mais nul n'en y veoient ne trouveoient ; si le laisserent vivre tant que il peut durer. (FROISS., Chron. M., XII, c.1375-1400, 232). "Cuidez tu que jamais je le voie ? Cuides tu que je dure jusquez a sa venue ?" (GERS., Annonc., a.1400, 229). ...chils rois d'Engleterre, liquels ot a fenme la fille au biau roi Phelippe, se gouvrena, ce que il dura et resgna, moult diversement et crei trop legierement mauvais consel. (FROISS., Chron. D., p.1400, 47). Le regart de celle [la femme que j'aimais] m'a prins Qui m'a esté felonne et dure ; Sans ce qu'en riens j'aye mesprins, Veult et ordonne que j'endure La mort et que plus je ne dure. Si n'y vois secours que fouïr ; Rompre veult la vive soudure Sans mes piteulx regretz ouïr. (VILLON, Lais R.H., c.1456-1457, 13). Ainsi finirent leurs jours (...) sans percevoir rien du joieux plaisir ou ilz cuidoient ensemble vivre et durer tout leur temps. (C.N.N., c.1456-1467, 553). ...combien que tant que la femme durera et vivera, elle ne se porra marier, car le mariage tient et dure. (Sacr. mar., c.1477-1481, 64). Tarentinus comicus fut disciple d'icellui Janus, lequel fut principié en astrologie très bien, mais il ne dura gueres. (SIMON DE PHARES, Astrol., c.1494-1498, f° 64 r°). LUCIFFER. Durer ne puis, tant me va boursoufflant (...) Le villain cueur qui est dedens ma pence. (LA VIGNE, S.M., 1496, 350).

-

Durer à qqn. "Survivre à qqn" : ...car c'est une merveilleuse nation qui ne peult durer a soy meismes. (JUV. URS., T. crest., c.1446, 165).

b)

"Persister" : Or sommes nous par eulx [les moines] gastez et deshonorez. Et encore feront ilz pis s'ils durent longuement. (C.N.N., c.1456-1467, 221).

-

Durer en. "Persister en" : ...tousjours est il guerre en quelque païz que ce soit, et ne puent tous ces seigneurs longuement durer en paix. (BUEIL, I, 1461-1466, 42).

-

Durer en + inf. "Persister à" : Car il a en soy beneficence en ce que il fait bien a soy. Item, benivolence en ce que il veult durer en bien vivre. (ORESME, E.A.C., c.1370, 466).

c)

"Résister, tenir" : ...icelle Jehennete lui dist que ledit Jaquotin l'amoit de très-grant et parfaite amour, et qu'il ne povoit durer s'il n'avoit compaignie à elle. (Reg. crim. Chât., I, 1389-1392, 265). ...la dessus dite Marion (...) vint en sondit hostel moult dolante, corrociée et desconfortée, disant que sondit amy Hainsselin estoit fiancé de nouvel, et que elle ne povoit vivre ne durer de la grant ardeur d'amour que elle avoit à lui (Reg. crim. Chât., I, 1389-1392, 354). ...icelle Macete dist à elle deposant que elle estoit moult fort et grandement enamourée du chapellain du curé d'icelle ville de Guerart, ne ne povoit durer se elle ne le veoit, et que son entente, et aussi la voulenté dudit curé, estoit d'eulx en aler ensamble par le pays et bien loings (Reg. crim. Chât., II, 1389-1392, 305). Et lors commenca la bataille forte et fiere, mais neantmoins Sarrazins ne porent durer, et s'en fuirent vers la porte de Triples, qu'ilz firent ouvrir. (ARRAS, c.1392-1393, 225). Gieffroy appercoit, un pou aprez soleil levant, que on ouvry la barriere, et le pont, et la porte (...). Et l'escuier qui savoit le langaie [l. langaige] en prist un, et se mist devant, et Gieffroy aprez, embrunchiez sur son fardel. Lors vindrent a la barriere. L'escuier crie : Ouvrez, ouvrez, nous avons si grant sommeil que nous ne povons durer, nous ne finasmes en nuit de chevauchier. Et ceulx leur oevrent et leur demandent que c'est qu'ilz portent. Par foy, dist l'escuier, c'est robe que nous avons gaignie, et les venons vendre. (ARRAS, c.1392-1393, 285). ...merveille est comment y puent demourer les gens, car par continuation de telx tailles ne pourroient durer et faudra que s'en fuyent bien brief (BAYE, II, 1411-1417, 12). Vienne, qui en sa chambre estoit, saly ors, ainsi que adventure la menoit, car tant avoit de desir a veoir Paris, qu'elle ne povoit durer (LA CÉPÈDE, Paris Vienne K., 1432, 136). PATHELIN. Se peussiez esclarcir ma merde, Maistre Jehan ! Elle est si tresdure Que je ne sçay comment je dure Quant elle yst hors du fondement. (Path. D., c.1456-1469, 112). Mes amies et voisines, quant vous alez au retrait, gardez vous de torchier vostre derriere de fueilles et pour aussi vray que euvangile, jamais ne serez malade du mal de sainct Loup de Fueilloy. Glose. Calle Court Talon dist qu'elle le fist une fois, mais elle ne povoit durer d'escopine qui le poingnoit : "je croy que le dyable estoit en l'erbe". (Ev. Quen., I, c.1466-1474, 103).

-

Prov. Qui dure vainc : ...quant deux puissances approuchent l'une de l'autre, ilz se doivent loger en lieu le plus fort et le plus avantaigeux qu'ilz pevent et le mieulx garniz de vivres qu'il leur est possible ; car, en ce cas, qui dure vaincq. (BUEIL, II, 1461-1466, 235).

d)

Durer à qqn/qqc. "Résister à" : ...aux assaulx nous n'y poions longuement durer, car ilz estoient tant de belles et de bonnes gens d'armes que oncques je n'en vey tant (FROISS., Chron. M., XIV, c.1375-1400, 37). "Encores appert bien qu'il font peu de compte de nous, quant ensi il nous envoient chi devant pour combatre et escarmuchier et commenchier la bataille, qui ne sons qu'une puignie de povres gens, qui riens ne durrons à ces François." (FROISS., Chron. R., VIII, c.1375-1400, 112). La vile n'estoit pas si forte que elle fu bien desfendue, car li gentilhonme qui dedens estoient, le soustinrent un grant temps. Trop s'esmervilloient li Hainnuier de ce que elle lor duroit tant a la desfense, car elle n'estoit close ne fremee que de palis. (FROISS., Chron. D., p.1400, 360). Le Saine, comme tout foursené, plain d'ire et de couroux de ce que tant Gerart luy duroit, s'approcha de Gerart pour le ferir, mais Gerars, quy estoit appers et abille et bien introdus du fait des armes, guency ung pou arierre. (Gérard de Nevers M., c.1451-1464, 190). ...si ma complexion et condicion n'estoient gouvernées selon l'exigence de leurs naturelz principes, gueres ne luy pourroye durer (C.N.N., c.1456-1467, 573). ...les roys de France et de Sicile, les roynes, princesses et dames le commencèrent à louer et priser, en eux esmerveillant, vu sa grande jeunesse, comme il avoit pu durer à deux si vaillants hommes et les avoit pu souffrir, et sembloit chose incroyable, qui ne l'eust vue. (Faits Lalaing K., c.1470, 56).

-

Durer contre : ...si ne porent durer contre ces arbalestriers genevois et ces gens d'armes. Si fu la ville conquise (FROISS., Chron. D., p.1400, 495). ...celle contesse a la longe ne puet durer contre la poissance de France. (FROISS., Chron. D., p.1400, 511).

-

Durer encontre : ...et [Geoffroy] escrie au chevalier : Encore n'as tu pas la bourse ne l'argent ; il t'aura aincois cousté du sang de ton corps, mais certes je m'esmerveil comment tu te pues tant tenir a moy. Par foy, fait ce le chevalier, encore ay je plus grant merveille comment tu pues tant durer encontre ma puissance. Je te donne journee a demain, car il est huy mais trop tart. (ARRAS, c.1392-1393, 299).

e)

Durer à qqn. "Supporter qqn, endurer de qqn" : Je suis trop courouciés et aussi est ma femme de ce que nous povons durer à Henry, mon pere, pour une garsse appellée Jehannete, la plus diffamée et la plus mauvaise ribaude que l'en sache, car elle est toute commune (Trés. Reth. S.L., t.2, 1388, 350).

-

Estre durant à qqn. "Ne pas faire défaut à qqn" : Je sui Mesure mesurée, En tous bons fais amesurée, Et aussi sui je mesurans, Ferme, seüre, et bien durans A ceuls qui vuelent sans ruser Justement de mesure user ; Et qui non, aveingne qu'aveingne, De son damage li souveingne. (MACH., J. R. Nav., 1349, 259).

B. -

[Dans l'espace] "S'étendre dans l'espace"

1.

Durer une mesure, une distance... "S'étendre sur telle longueur, telle distance" : ...ilz estoient rentré en la trace de leur chemin, qui bien duroit troix lieues (FROISS., Chron. M., XIV, c.1375-1400, 191). Et loua Jhesucrist quant il se trouva a l'entree de la forest qui bien duroit deux lieues, et prent son chemin vers Montfrin quanqu'il puet randonner. (ARRAS, c.1392-1393, 206). ...chil signeur de France aviserent et comsidererent bien le pont et le fort passage qui dure bien le quart de une lieue et conment li pons de Nulais estoit gardés (FROISS., Chron. D., p.1400, 829). ...il y a de belles approuches par le moyen d'une butte, qui est devant l'arrière fossé ; et, pour venir à la butte, il y a la haye d'un jardin, qui dure jusques à moins d'une lance d'elle. (BUEIL, I, 1461-1466, 79). Si dura bien le pays adommaigié de l'un bout à l'aultre VIIxxIX milles de terres (CHASTELL., Chron. IV, D., c.1461-1472, 100). ...et convenoit au roy fere bruller tous les boys qui duroient plus de XXX lieux et encore ne seroit ce fin, car icelui Maquemorre et ses Yrlandois chevauchoient chevaux sans selle, contre val les montaignes, d'aussi grant cours que l'on sauroit fere en plaine champaigne et usoient de dars brullez au bout, de terrible puissance et penetracion (SIMON DE PHARES, Astrol., c.1494-1498, f° 145 r°). ...et dure ung quart de lieue de long. (LA VIGNE, V.N., p.1495, 264).

2.

Durer de/dès + subst. désignant un lieu + jusqu'à + subst. désignant un lieu. "S'étendre de tel lieu à tel autre" : ...et Lothaire, l'ainsné filz, fust Impereur ; et duroient lez mettes de son Empire de la riviere de Mose juques a la riviere de Rym, et estoit son Empyre assis conme ou millieu dez royaumes de sez freres (Songe verg. S., t.1, 1378, 152). Ses pays [du duc de Bourgogne] durent dés le Rin jusqu'a la mer d'Engleterre (CHASTELL., Chron. IV, D., c.1461-1472, 59).

-

Tant comme il dure à la ronde : L'EMPEREUR. Au demeurant, grant feste faire Debvons, et bien regracier Les dieux de la loy, et prisier, Qui nous tiennent en telle haultesse Que nous sommes, car de noblesse Plus grant de nous n'a en cest monde, Tant comm'il dure a la ronde. (Myst. st Adr. P., c.1450-1485, 67).

II. -

Durant

A. -

Part. prés. en empl. adj. "Qui dure, qui est résistant, fort" : ...neiz en bataille les mains d'un laboureur sont plus durans et fortes que d'aultre quelconque homme (PREMIERFAIT, Vieillesse M., 1405, 125). Si dis les amours pastourelles Estre plus seures, plus prochaines, Plus durans et plus naturelles Et de plus haulte joye plaines, Les citoyennes et mondaines Mortes de crainte et de soussy, Car jamais ne sont si certaines Que tousjours il n'y ait ung sy. (MARTIN LE FRANC, Champion dames III, D., 1440-1442, 95). ...et tout sera moustré au poing et a l'espee, a l'eschine forte et roide en son estant, aux cuisses et aux jambes fortes et durans en estriers et lyans au besoing au ventre du cheval par grant aspreté. Or monstre chascun endroit de soy sa vaillance, car trop avons plaidoyé ! (Percef. IV, R., c.1450 [c.1340], 447).

B. -

Prép. V. durant