A. - | "Meuble en forme de buffet bas, surmonté d'étagères où l'on place, dans la salle des festins, les grandes pièces d'orfèvrerie et toutes choses à montrer, mais pouvant aussi, dans les autres chambres, conserver des vêtements, le vin..." (synon. dresseur) : Et y avoit en la dite sale cinq dayz (...) et trois dressouers à vin, tres richement parez et garniz de vaissele. ([Chron. Jean II Ch. V, D., t.2, c.1378, 237]). ...en la sale de l'abbesse dudit lieu de Nostre-Dame de Soissons, ainsy comme à heure de soupper, vit et apperceut que ladite vaisselle d'argent, de laquelle il a esté trouvé saisy, estoit mise et estendue sur le dreçoir de ladite sale ([Reg. crim. Chât., II, 1389-1392, 28]). ...[il] trouva sur le dressouir qui estoit en ladite sale la tasse d'argent dont cy-dessus est faite mencion, laquelle il print et embla, et la mist et mussa en son sain. Et dit que sur ledit dressouer n'avoit autre chose que ladite tasse. ([Reg. crim. Chât., II, 1389-1392, 350]). ...ilz trouverent sur un dressouer trois tasses pesans chascune demi marc ou environ, six cuillers d'argent, une houppelande à homme, fourrée de faynes et deux robes à femmes, fourrées de gros ver, et vint et deux letices, deux nappes, quatre draps de lit, quatre aulnes de drap de Bruisselles et deux escroes de autre drap, montans à trois quartiers ou environ ([Doc. Poitou G., t.6, 1396, 259]). ...à Sandom le huchier, demourant à Arras, pour ung drechoir fermant à clefs, lequel a esté mis en la chambre de nostre très chier et très amé fils Anthoyne ([Comptes Lille L., t.2, 1399, 205]). ...les grans drecoieurs couvers de flacons d'or, coupes et goubelles et autre vaisselle d'or à pierrerie ([CHR. PIZ., Faits meurs Ch. V, S., II, 1404, 86]). ... dreçoir roial avoit-on fait peupler De nobles vaissiaus d'or c'on y fist aporter Trestout nouviellement ; en vot-on retrouser Ou trésor Montagu c'on avoit esfondré. ([Geste ducs Bourg. K., c.1410-1419, 369]). ...350 piez d'aisselles molles, emploiez tant au planquiz du retrait de la chambre de monseigneur, à la refeccion de ladicte gyole, au dreçoir en la cuisine, pour un nouvel huis servant à la privee en la basse court, comme pour reparer et restouper pluseurs traux es planquits de pluseurs chambres et loges dudit hostel ([Comptes Etat bourg. M.F., t.3, 1418-1420, 586]). Item, un dreschouer à double fons, fermant à un guichet, de IIJ piez et demi de long ou environ ([FAUQ., III, Pièces diverses, 1438, LXXIII]). Item, un petit dreschouer en maniere de aulmaire pour mettre le vestemens, fermant à un guichet ([FAUQ., III, Pièces diverses, 1438, LXXVII]). Item, un dreschouer à double fons, fermant à un guichet, faisant table ([FAUQ., III, Pièces diverses, 1438, LXXVIII]). Adont le connestable appella ung de ses gentilzhommes qui avoit le tabler si lui fait developer et l'apporte devant le roy et le mett dessus ung dressouer, devant les fenestres. Le roy regarde le tabler, les eschés et tables qui estoient si merveilleusement beaulx ([Cleriadus Z., c.1440-1444, 339]). ...alors damp Abbés, sur son col une serviecte, s'en va au dressoir au vin et fait servir Madame de toctees a l'ypocras blanc et aussi toutes les tables, puis les figues de caresme avec le sucre rosties. ([LA SALE, J.S., 1456, 249]). ...se tourna vers le dressouer et versa du vin en une grande tasse qui y estoit ([C.N.N., c.1456-1467, 214]). ...ung dressoir ataché au mur. ([Comptes roi René A., t.2, 1461, 300]). Item, ung dresois ou buffet de boix ferré, et bon. Item, ung gardefeu de bois. ([Comptes roi René A., t.2, 1461-1462, 225]). En l'escriptoire du roy Une lictière de fuste basse. Un dresoiz couvert de drapt vert. ([Comptes roi René A., t.2, 1461-1462, 225]). Et d'emprès ladicte haulte table estoit ung très hault dressoir fait à trois quarrés con dist losengue, chascune quarré de quinze piés de large et IX degrez de hault en estroicissant jusques à pointe. Sur lesquelz degrez estoit vaisselle d'or et d'argent garnie de riche pierrie (...). Et sur le sommeron dudit dressoir faisant la fin, une très grande et très rice couppe d'or ([LA MARCHE, Mém., IV, Pièces annexées, p.1468, 107]). |
