"A partir de maintenant, à l'avenir" : ...a avoir, prendre, joïr, expletter, [recev]oir et par droit hereditaire paisiblement et franchement posseoir les soixante soulz par.. de crois de cenz ou rente dessus venduz, dorenavant perpetuelment chascun an, aus termes, sur le lieu, aprés la charge et en la maniere dessus devisez (Chartes Abb. St-Magl. T.F., t.3, 1333, 54). ...vous mandons et commandons (...) que continuellement dorenavant vous entendez chascun jour devant disner et après a oyr et clore lesdits comptes par quoy il puissent estre delivrez hastivement (PHIL. VI VALOIS, Lettres closes C., 1349, 139). Lesquelx compaignons lui conseillerent, afin d'eschever la prinse et punicion de la justice temporelle, qu'il feist fere sa couronne, et que dores en avant il portast ycelle. (Reg. crim. Chât., I, 1389-1392, 69). ...ilz prindrent complot ensamble de venir demourer à Paris, pour servir et gangnier leurs vies, ilz promistrent doresenavant estre compaignons et amis, et que de tout ce qu'ilz pourroient avoir et gangnier ensamble à servir, ilz feroient bon, vray, juste et loyal compte par entre eulx (Reg. crim. Chât., I, 1389-1392, 499). Dorenavant elle vouldra voiager et estre tourjours par chemins, puis que el y a commencé. (Quinze joies mar. R., c.1390-1410, 70). La peussiez oïr et veoir grant pitié, car, si tost que les moines sentirent le feu, ilz commencierent a faire piteux criz et tres amers et doulereux plains ; mais ce ne leur vault riens. Ilz reclament Jhesucrist et le prient devotement qu'il ait mercy des ames d'eulx, car des corps est doresenavant neant. (ARRAS, c.1392-1393, 251). Et defend en oultre ladicte Court que, doresenavant, aucun boulengier ne soit musnier ou fermier, ne compagnon de fermier de molin (FAUQ., I, 1417-1420, 378). ...et seroit bien fait que doresenavant quant les offices vaqueront que on les face par election (JUV. URS., Nescio, 1445, 543). Item que tous gaiges ordinaires aussi feussent moderez (...) et doresenavant l'argent des aides fut employé au fait de la guerre (JUV. URS., Nescio, 1445, 551). ...et que pour ce faire [iceulx seigneurs de Bourbon] seroient envoiez de par lesdiz quatre seigneurs certains ambasseurs devers le roy à Paris, dedens le jour feste de myaoust ensuivant, pour traicter de ladicte paix, et que, où lesdiz autres seigneurs ne vouldroient entendre à icelle paix, ilz promirent et jurerent que dorenavant à jamais ilz ne s'armeroient contre le roy et qu'ilz vivroient et mourroient pour lui et son royaume. (ROYE, Chron. scand., I, 1460-1483, 54). Tiercement et finablement mettray en termes d'establir et constituer ung chief qui puisse desoremais porter la paine et le travail de nos entreprinses. Car en bonne foy je suis doresenavant viel, usé et lassé et fort debillité pour pourveoir à exercer les armes. (BUEIL, I, 1461-1466, 94). "Il me semble qu'il seroit bon maintenant de commander le povoir de mon filz ; car je sçay bien que, aprez disner, il s'en veult aller devers ses gens, et doresnavant il faut qu'il ait auctorité d'ordonner par tout ce royaume tout ce qu'il verra estre bon à faire ; et tel povoir lui vueil-je donner." (BUEIL, II, 1461-1466, 184). Vous dictes : "Ce sang soit sur nous Et puis sur nous enfans trestous." Dorenavant vous cognoistrés Ce sang sur vous, quant vous varrés L'ire de Dieu sur vous venir Et vostre lignhee gemir, Car Dieu vous batré aigrement. (Pass. Auv., 1477, 268). Hola, ho, soustiens toy devant. J'ay ouy (dire) que doresnavant Une femme aura trois espoux, Chy a, mais trois boysseaux de poux Pour faire de l'uylle en karesme. Comment peult on faire la cresme Qui vient du ventre de la vache ? (S. fol, c.1480-1490, 6).