I. -

Empl. trans. Dessaisir qqn de qqc.

A. -

"Déposséder qqn de qqc. (d'une terre, d'un domaine, d'une possession...), dessaisir qqn de qqc."

-

[Avec l'accord de celui qui est dépossédé (qui cède son bien)] : Et pour dessaisir les diz mariez, ou nom et pour les diz enfans, de la dicte maison ascensee, comme dit est, et en faire saisir le dit Jàques de Saint Benoit, yceulz mariez firent, ordenerent et establirent leur procureur general, sanz rappel, Perrin le Feutrier, auquel, seul et pour le tout, il donnerent auctorité et mandement especial de ce faire et tout ce qui en tel cas appartient a faire (Chartes Abb. St-Magl. T.F., t.3, 1365, 288). Jugement (...) que dit coment une femme qui ait enffans de son premier mariaige ne puelt mie vandre son heritaige pour enherteir lour dairien enffans, se donque n'est qu'elle soit bien dessaixie on temps de son vafvez. Segneur Piere Noirel, Collignon Reingnillon, Jehan Reingnillon l'annei. (Jug. maître-échev. Metz S.M.S., t.1, a.1494, 1367], 435-436).

-

[De force] : ...et lui prenostica les grans guerres qui viendroient entre lui et Henri, duc de Normandie, qui print la femme dudit roy Loys qu'il avoit repudiée, pour ce qu'elle estoit sa cousine, à cause de quoy ledit duc de Normandie pretendit la duché de Guienne qui appartenoit à elle, et en fut desaisi ledit roy Loys. (SIMON DE PHARES, Astrol., c.1494-1498, f° 117 v°). Florentins, qui se veoient destruitz, si par quelque grant inconveniant ne se ressourdoient, pour estre dessaisiz de Pise et aultres places dont il a esté parlé, fournissoyent huyt cens hommes d'armes et cinq mil hommes de pied, et cela à leur despence (COMM., III, 1495-1498, 275). Laquelle seignoirie de Cleremont, dont ledit conte Dampmartin avoit jouy et dont il avoit esté receu en foy et hommaige par ledit Phelippe, duc de Savoye, luy fut ostée après le decès dudit roy Charles VIIe, et en fut dessaisy par force et violance, et remise en la main du duc de Savoye, son fils, lequel, non recognoissant les services que luy avoit faitz ledit conte de Dampmartin, qui n'estoient pas de petite estimacion, remist en ses mains ladicte baronnie de Cleremont (LE CLERC, Interp. Roye, c.1502, 146).

-

En partic. "Déposséder un tribunal d'une affaire" : ...on ne veult point que les subgés du roy soyent dessaisis de ce dont on les treuve saisis sans les ouyr (JUV. URS., Verba, 1452, 375).

B. -

P. ext. Dessaisir qqn de qqn/de qqc. "Enlever qqn/qqc. à qqn" : Et tantost que Logres fu descendu, il prinst ..ZZZX.. de ses plus souffisans chevaliers et les envoya aux Rommains et leur commanda qu'il dissent a Berinus qu'il avoit grant merveille et desdaing de ce que telx homs qu'il estoit avoit emprise si grant hardiece comme de lui desaisir de s'amie et lui desheriter, et moult avoit fait grant oultrage quant il osa penser a si haulte chose que au royaume de Blandie (Bérinus, I, c.1350-1370, 156). Et quant Berinus vit que Logre estoit dessaisi de s'espee, sy cueilli cuer et voult referir, quant Logre lui cria mercy et dist qu'il estoit mat et conquis (Bérinus, I, c.1350-1370, 175). Folle largesse pour croire faux semblant M'a dessaisi du miex de ma chevance Par doulz regart qui va maint cuer emblant Où fausseté s'embat par decevance Avec biauté qui est de s'aliance Dont povreté m'a fait donner congé. (MACH., App., 1377, 644). Aux nobles la mamelle dextre Sechoient, mais de la senestre Les non nobles dessaisissoient (...) Affin que ne leur fist contraire A legierement de l'arc traire (CHR. PIZ., M.F., III, 1400-1403, 10). Mais l'escuyer ne perdit point la prinse, et quant le juge vit l'escuyer desembastonné, il gecta le baston, et furent prins, Jaques d'Avanchies dessaisi de sa hache, et tenant et empeschant à deux mains celle de messire Jaques (LA MARCHE, Mém., II, c.1470, 187). Arrivé que fut ledit Pierre à Florence, congneüt que tout homme luy fit mauvais visaige et non sans cause: car il les avoit desaisis de toute leur force et puissance et de tout ce qu'ilz avoient conquis en cent ans et sembloit que leur cueur sentist les maulx qui depuis leur sont advenuz. (COMM., III, 1495-1498, 62).

II. -

Empl. pronom. Se dessaisir de qqc.

A. -

"Renoncer volontairement à la possession de qqc." : ...pour quoi et parmi le quel pris, le dit vendeur, pour faire la dessa[i]sine et soi dessaisir de la dicte rente dessus vendue et pour en faire saisir les diz acheteurs pour euls et pour leurs hoirs, fist, ordena et establi, pour lui et en son nom, son procureur especial et certain messagé, sanz aucun rappel, Jehan le Begue, monstrant ces lettres, au quel procureur le dit vendeur donna povoir et mandement especial de ce faire (Chartes Abb. St-Magl. T.F., t.3, 1339, 85). ...et d'icelle rente se dessaisi en nostre main comme en main souveraine pour le roy (Chartes Abb. St-Magl. T.F., t.3, 1340, 98). Savoir faisons que, au jour d'ui, Phelippot de Nevers, procureur ou nom de Emeline de Nevers, sa mere, se dessaisi en nostre main comme en main de seigneur foncier de huit solz par.. de crois de senz ou de rente (Chartes Abb. St-Magl. T.F., t.3, 1355, 210). ...les dictes cité et chastel de Poitiers, terre et païs de Poitou, avec les appartenances et appendences d'icelles, en saisine et proprieté, et d'icelles nous desvestons et desaisissons, et en vestons et saisissons nostre dit frere, et les transportons en lui avec tous les fiez, jurisdicions, seigneuriez, hommagez, vassaux, vassallagez, obeissancez et subjections, recognossancez, reverencez, gardes, advoissons, patronnages mere et mixte, droitures, rentes, revenuez et tout ce que nous avions et povions avoir ez choses dessus dictes (Doc. Poitou G., t.3, 1361, 313). ...douaire ès terres que elle disoit que le dit messire Bertran tenoit en Espaigne et en Arragon au temps de leurs espousailles, le dit messire Bertran s'en estoit dessaisi et les avoit transportées en autres mains paravant leurs dites espousailles (Cartul. Laval B., t.2, 1384, 308).

B. -

P. ext. "Abandonner qqc., renoncer à qqc." : ...mais il se resvigora et prist cuer, et lui fu advis que mieulz lui valoit mettre sa vie en aventure que de lui dessaisir de sa proveance qu'il avoit trouvee, car sanz ce ne puet il aussi vivre ne durer longuement, et pour ce la vouloit il emporter. (Bérinus, I, c.1350-1370, 253). Comment, Cersuelle, vous qui avez esté en tant de bonnes places, avez vous paour de celle serpente ? Certes, c'est la dame de ceste forteresse, et qui la fist fonder. Et sachiez qu'elle ne vous fera ja mal. Elle vous vient monstrer comment il vous fault dessaisir de ceste place. (ARRAS, c.1392-1393, 309). Ce que il se doit garder se ennemis l'assaillent, que sa cité ne soit vuidee, c'est que le bon esperit se doit tous jours tenir saisi et rempli de vertus. Et de ce cy dit saint Augustin que, ainsi comme ou temps de guerre les gens d'armes ne se dessaisissent point de leurs armes ne ne les despoullent point ne jour ne nuit, aussi durant le temps de la vie presente ne doit point estre despouillié de vertus (CHR. PIZ., Ep. Othea L., c.1400-1401, 243). Choisisse qui vouldra choisir. Je suis france et france vueil estre, Sans moy de mon cuer dessaisir Pour en faire un autre le maistre. (CHART., B. Dame, 1424, 341). ...et je ne me dessaisiray de la selle se ce n'est par force (Percef. I, R., t.2, c.1450 [c.1340], 856).