| | - | Marchander/acheter/vendre à/en detail : Et ne puet nuls, ne doit vendre ne faire vendre dedens le halle dras a detail huers des 4 renghes des detailleurs, tant qu'il ait en nulle des 4 renghes nul estal wit, se ce ne sont aucun u aucunes qui se mellent de vendre a detail dras u couvretures, qui ont estet fait et drapet en Valenchiennes et qui aient estet au rewart de le halle. ([Drap. Valenc. E., 1344, 268]). ...tout le poisson fres de mer qui sera apporté a Paris jusques a la Saint Remy sera vendu le jour qu'il vient, soit en gros soit en détal ([Mét. corp. Paris L., t.1, 1351, 13]). Du XIIIe des vins venduz en gros et à destail en la dicte ville et viconté ([Compte Navarre I.P., 1367-1371, 27]). Item touz homs qui ara vins en tonnel en ladicte ville et bourgoisie, et le vourra vendre à detail, il le pourra plus vendre I denier chascune quarte que celui qui istra et se vendra des barrilz. (...) Item nulz qui vende vin de Montlusson en ladicte ville et franchise à taverne ne le peut vendre que pour le pris qu'il le achate sur le lieu, si non deux deniers plus le sextier, pour ce que la mesure de Montlusson est plus grant que celle d'Euvahon, et se il faisoit le contraire il seroit amendables au seigneur jusques à soixante solz. ([Titres Bourbon L., t.2, 1385, 19]). ...ceux et celles qui le font en acquierent non mie pris, mais despris, car quoy que ilz prennent les estas des haultes dames ou des princepces, si ne le sont elles mie, ne on en les y appelle ; ains ne perdent point le nom de marchandes ou femmes de marchans (...) puisqu'ilz vendent a detail. ([CHR. PIZ., Trois vertus W.H., c.1405, 186]). ...il a tierçoyé sur aucuns habitans de Melle ou dit pays de Poictou les fermes du IIIIe du vin vendu à detail et de l'imposicion du vin vendu en gros en la ville et ès forbours du dit lieu de Melle ([Doc. Poitou G., t.7, 1418, 332]). ...pour contraindre les gens d'eglise indirectement à paier et contribuer à l'ayde à eulz octroié pour la fortification de la ville et cité d'Amiens, c'est assavoir de LX solz pour chascun tonnel de vin vendu à detail en ladicte ville ([FAUQ., II, 1421-1430, 103]). Samblablement, de la part du Roy seront transportées et bailliées à monditseigneur de Bourgongne et à son hoir dessusdit après luy, tous les prouffis des aydes. C'est assavoir des greniers à sel, quatriesmes de vins vendus à détail, imposicions de toutes denrées, tailles, fouages, aydes et subvencions quelconques qui ont ou auront cours, et qui sont ou seront imposées ès élections de Mascon, Chalon, Eston et Langres ([Doc. 1435. In : MONSTRELET, Chron. D.-A., t.5 c.1444-1453, 162-163]). ...et puis en vendenges achettoient [des ecclésiastiques] des laboureux l'aultre moictié, de laquelle ilz vendoient les vins en detail ou en gros ([JUV. URS., Nescio, 1445, 511]). Item nuls marchans forains admenans denrées et marcheandises d'espicerie a Paris ne pourront icelles vendre a detail a Paris, synon par trois jours entresuyvans seullement, a compter du jour que icelles denrées auront esté visittées par lesdits jurez, ad ce que le peuple en puist avoir pour son user seullement et non pour revendre ([Mét. corp. Paris L., t.1, 1450, 507]). Item, tient encor de moy en fief, foy, hommage et ressort noble homme Jacquez d'Orjo, a cause de sa femme, les choses qui s'ensuivent : Et premiers, la motte ou souloit estre assize la forte maison d'Autheville, les fossez et pecheries d'entour ladicte motte, la basse court et les masnagez, jardins et places, ainsi que tout se comporte, qui de present sont en ruyne. (...) Item, les afforages des vins et autres bruvagez vendus a debtail, qui se doivent afforer par justice sur peinne d'amende de LX s. Parisis, dont ledit seigneur doit avoir pour son droit d'afforage de chascune piece ou vaissiel deux loz, mesure d'illec ([Comté Porcien R., 1459, 310]). Et le samedi, tiers jour d'aoust, oudit an LXV, le roy, aiant singulier desir de faire des biens à sa ville de Paris et aux habitans d'icelle, remist le IIIIe du vin vendu à detail en ladicte ville au VIIIe, et voult que tous privilegiez peussent joyr de leurs privileges tout ainsi qu'ilz avoient fait durant la vie dudit defunct roy Charles. ([ROYE, Chron. scand., I, 1460-1483, 76]). ...que les dis eschevins et leurs enffans, marles et femelles, puissent marchander en gros et en detail, tenir bouticques et ouvrouers ([Hist. dr. munic. E., t.1, 1481,,, 464]). ...pour achetter en gros et en detail ([Mét. corp. Paris L., t.1, 1498, 346]). |
