"Au dépourvu, à l'improviste, inopinément" : ...et elle [la vertu de fortitude] se monstre plus en ceulz qui sont senz paour et senz perturbacion es choses terribles qui viennent soudainement et despourveüement que se teles choses estoient sceües et manifestees devant. (ORESME, E.A., c.1370, 216). ...pour eschiver la mort, [icellui Jouan] sacha un petit coustel trenche pain qu'il portoit à sa sainturre, et de chaude cole et despourveement en soy defendant, en feri le dit son oncle un seul cop ou corps, dont mort s'ensuy (Doc. Poitou G., t.5, 1384, 218). Ma dame la royne Presine, vostre femme, vous a apporté les trois plus belles filles qui oncques feussent veues. Sire, venez les veoir. Ly roys Elinas, a qui il ne souvenoit de la promesse qu'il avoit fait a Presine, sa femme, dist : Beau filz, si feray je. Et s'en vint despourveuement et entra en la chambre ou Presine baignoit ses trois filles. (ARRAS, c.1392-1393, 9). Beaulx seigneurs, quelle noise est ce ? Par foy, sire, ce dit un chevalier, ce sont gens d'armes qui se sont despourveuement feruz en vostre ost et crient : Lusignen, et vous ont ja fait grant dommage, et se le guet de nuit ne feust, ilz le vous eussent fait greigneur (ARRAS, c.1392-1393, 160). Lors yssy des logeis a Xm. Sarrasins et sieut Gieffroy et sa gent moult asprement, et après lui viennent Sarrasins qui mieulx mieulx. Gieffroy en commande a fuir ses gens vers l'ost. Et il se boute ou boys avec ceulx qui estoient demourez, pour eulx ordonner. Et le soudant chace moult despourveement et a force de chevaulx, et passe par devant le bois ou l'embusche estoit. (ARRAS, c.1392-1393, 229). Octalius, qui ne vault mesprisier le dit du transfuge, sy mist en aguet une partie de ses gens sur le chemin, qui despourveuement assaillirent les Galz qui oultre leur voullenté se deffendirent ; sy furent tous mors et prins. (LA SALE, Salade, c.1442-1444, 60).

Rem. Consol. Boèce C., c.1350, gloss. ; Percef. I, R., c.1450 [c.1340], gloss. ; Mabrien V., 1462, gloss. ; MAMEROT, Romuleon D., 1466, gloss. Forme despourvutement : Et quant ilhs apprepont la vilhe de Perweis, veichi leurs anemis de Namur qui estoient responise en bois, qui diligemment avoient porjetteit leur nombre et leur puissanche, subitement et desporveyutement à pluseurs costeis les corurent sus (STAVELOT, Chron. B., a.1447, 253).