A. -

Au propre "Faire que qqc. ne soit plus couvert"

1.

[L'objet désigne ce qui est couvert]

a)

[Ce qui couvre est un vêtement, une coiffure, une armure] Descouvrir (une pers., une partie du corps) "Ôter (un vêtement, une coiffure...) à qqn" : Descouvre moi bien tout son vis, Que je voie gorge et poitrine. (Mir. femme, 1368, 200). Quant mon pere le vit gesir jus, et qu'il ne se remuoit, si lui descouvry le visaige, et le congnut. (ARRAS, c.1392-1393, 58). ...elle (...) descouvry de dessoubz son mantel l'un de ses bras, couvert et paré de fleurs de lis (CHART., Q. inv., 1422, 9). Lors prend, sans plus mot dire, ses verges de garnison, et descouvre madamoiselle et l'en batit tresbien et dos et ventre (C.N.N., c.1456-1467, 300). ...l'oste print sa femme par la teste et la descouvrit (C.N.N., c.1456-1467, 376).

-

"Ôter (un bandage)" : Il vint a l'heure accoustumée veoir cest oeil malade, et quand il l'eut descouvert fist bien de l'esbahy (C.N.N., c.1456-1467, 504).

-

Se descouvrir

.

"Ôter un vêtement" : ...une dame de haulte renommee vint a l'encontre de ses enfans qui d'une bataille s'enfuyoient et pour confundre leur vituperable honte et lacheté laissa la commune vergoigne feminine, car elle se descouvry par devant en leur disant, puis que fouir vouloient, qu'ilz rentrassent ou ventre qui les avoit portez et que autre lieu n'avoit pour les sauver, comme s'elle voulsist dire que mieulx leur vaulsist n'avoir oncques esté nez que estre yssuz de son ventre au reprouche d'eulx et de leur lignee (CHART., Q. inv., 1422, 61).

.

"Ôter une coiffure" : Oste ton chappeau par honneur Devant le souverain seigneur (...). (Lors se desqueuvre Octovien et regarde au ciel...) (Myst. Viel test. R., t.6, c.1450, 211).

-

Descouvert. "Sans vêtement qui couvre, nu, dénudé" : Son chief, sa fa(i)ce Sont descouvert en toute place (MACH., Voir, 1364, 652). Pour ce sont si piét descouvert Aussi, que chausse ne soler Ne doit attendre pour aler Vers son ami, s'abesongnier A de li (MACH., Voir, 1364, 654). ...ung petit fossé virent, De glace et gelee couvert, Soubz laquelle, quant la rompirent, Perceurent son corps descouvert. (DU PRIER, Songe past. D.-M., c.1477-1508, 128). LE PREMIER. Ilz frappent a cul descouvert, S'en donne garde qui vouldra. (Rapp., c.1480, 64).

.

"Sans couvre-chef" : Son chief avoit tout descouvert Fors que d'un chapellet tout vert Qui estoit moult bel et moult gent (MACH., Voir, 1364, 648). Et passe temps sepmaine aprés sepmaine Et ne lui chault en quel point tout se maine -- Qui soit perdu ne qui soit recouvert -- Et veult que on soit devant lui descouvert Et que on die qu'il est noble a merveille ? (CHART., B. Nobles, c.1424, 404).

.

"Sans armure, sans protection" : Et le coup qui descendi de grant ravine, avec la force du bras de quoy il fu feruz, ly uns des cloux de la maisselle rompy, et Remondin tire a lui fort, et la visiere lui demeure pendant d'un lez, si que il ot le visaige tout descouvert. (ARRAS, c.1392-1393, 63). Ledit conte de Romont avoit, celle journée, ung bras descouvert, excepté sa chemise qui estoit dessus ; et aussi avoient dix ou douze gentilzhommes de sa bande. (LE CLERC, Interp. Roye, c.1502, 392).

.

À descouvert. "Sans l'armure" : Les quatre roys menerent lors le chevalier en une moult belle chambre pour le faire desarmer (...) ...tantost qu'ilz le veirent a descouvert, ilz recogneurent que c'estoit le Chevallier au Noir Lupart (Percef. III, R., t.2, c.1450 [c.1340], 5).

.

À visage descouvert. "Sans heaume" : ...sy en cuida férir messire Jacques au visage, qui se combattoit sans visière et à visage découvert (Faits Lalaing K., c.1470, 175). ...et demoura ladicte visiere desclouée et pendante à l'aultre clou, et avoit le conte le visage descouvert. (LA MARCHE, Mém., I, c.1470, 326).

-

Le descouvert (de qqn). "La partie du corps qui n'est pas protégée par l'armure" : Et, quant nous serons pesle-mesle avec eulx, [que] chascun face dilligence de leur serchier les aisselles et la gorge et le descouvert. (BUEIL, I, 1461-1466, 145).

.

À/en descouvert : Je voys et cognoys que amours vous ont feru de son arc en descovert (LA CÉPÈDE, Paris Vienne K., 1432, 132). ...les cops estoient atains a descouvert (...) ...et ne se sçavoient sy bien garder que bien souvent ilz n'ataindissent l'un l'autre a descouvert, dont le sang salloit a tel effort que la terre en estoit toute rouge. (Percef. III, R., t.2, c.1450 [c.1340], 304).

-

FAUCONN. Descouvrir un oiseau de proie. "Enlever le chaperon à" : Adonc desquevrent leur faucons Et leur moustrent les deulx herons (LA BUIGNE, Rom. deduis B., 1359-1377, 432).

.

Inf. subst. : Chascun apperçut son heron Au descouvrir du chaperon (LA BUIGNE, Rom. deduis B., 1359-1377, 168).

b)

[Ce qui couvre est un couvercle] Descouvrir un récipient, un cercueil... "Ôter (le couvercle) de, ouvrir" : Descouvrez moi tost celle biére, Et son suaire en tel maniére Descousez que veoir le puisse (Mir. femme, 1368, 199).

-

[D'un récipient] Descouvert. "Sans couvercle" : ...un homme qu'il ne cognoist, qui tenoit en sa main, tout descouvert, le hanap d'argent dont cy-dessus est faite mencion (Reg. crim. Chât., II, 1389-1392, 345). ...ung maisnage garny en manière d'une esguière large, descouverte, six tasses, six culliers, et trois sallières plactes (Comptes Lille L., t.2, a.1467, 80). Et quant le prince tend la main, l'eschanson luy baille le gobellet descouvert, et met la tasse soubz le gobellet, jusques à tant que le prince ait beu, pour garder l'honnesteté du prince, de ses habiz, et pour magnificence que l'on doibt au prince plus que aux autres. (LA MARCHE, Mém., IV, Pièces annexées, 1474,,, 38).

-

Loc. Descouvrir le pot. "Mettre à jour le secret" : Par lesquelz dessusditz fut le pot descouvert ; et, quant ledit de Cominges presenta lesdits abbé et de la Roche au duc, dist telles ou semblables parolles (LE CLERC, Interp. Roye, c.1502, 286).

-

[Cont. métaph.] : Tu as le tresor de clemence Tout descouvert (GRÉBAN, Pass. J., c.1450, 49).

c)

[Ce qui couvre est une couverture au sens le plus large]

-

Descouvrir un bâtiment, une installation... "Ôter (le revêtement, la couverture, la toiture...) de" : ...pour avoir estayé le mur des estables d'entre la chambre du concierge et de l'uis de la vigne à l'ostel de Monseigneur à la Ville-l'Evesque, pour ce que les murs cheent ; pour avoir fait descouvrir ladite maison et oster la tuille, pour doubte que le mur ne cheust (RAPONDE, Comptes La Trémoille L.T., 1396-1406, 82). ...et li Valenchiennois (...)fusterent toute la ville et le parardirent, et abatirent et destruisirent biaucop des offecines et mantions de l'abeie, et descouvrirent le moustier qui tout estoit couvers de plonc, et rompirent le clochier et abatirent et brisierent les cloces qui estoient excellentement bonnes, et tout cargierent sus chars et sus charetes. (FROISS., Chron. D., p.1400, 428).

.

Descouvrir un bâtiment de qqc. : De Guillaume Bloc, concierge de l'ostel de monseigneur appellé le Walle à Gand, huit poises quatre perres trois livrez de viez plonq venant d'une petite tourelle estant sur la chappelle qui a esté descouverte dudit plonc et recouverte d'escaille, et une parpoise dix perres et deux livres d'autre viez plonc ramassé et assemblé des gottieres qui furent arses au feu qui nagaires fu audit hostel, sont ensemble neuf poises et demie venduz par ledit receveur à Jehan ser Gherarts, plommier (Comptes Etat bourg. M.F., t.3, 1418-1420, 484).

.

Empl. abs. "Ôter la toiture d'un bâtiment" : ...ledit Paluyau monta sur ladicte maison et commença à descouvrir pour vouloir entrer dedans. (Doc. Poitou G., t.9, 1453, 322).

.

Empl. pronom. [D'un bâtiment] "Perdre sa couverture" : Leur monstier chiet (...) ; Leurs maisons toutes se descoeuvrent (Renart contref. R.L., t.2, 1328-1342, 89). DESGOUTTÉ. C'est bon temps pour couvrir de tuille Quant les maisons si se desceuvrent. (Est., p.1460, 22).

.

[D'un bâtiment, d'une installation] Descouvert. "Sans revêtement, sans toiture" : Cy après s'ensuivent les eschiffles et les bastides estans sur les murs de Paris, sur les fossez plains d'eaue, par devers la porte Saint Denis en France, à commencer au Chateau de bois, en venant tout autour jusques à la porte des Barrés devant les Celestins, avecques les loges et maisons, tant couvertes que descouvertes, estans en icelles bastides. (Comptes Paris V.L.D., t.1, 1424-1425, 15). Si estoit la loge de l'eschauguette descouverte et moult ventilleuse (BUEIL, I, 1461-1466, 20).

-

[D'une terre] Descouvert. "Sans plantation ou peu planté, non boisé" : Eaue nete, légière et pure, Sans mixtion ou mesléure, De plaisant et bonne fontaine, Ou de rivière clere et saine, Courante, sur sablon ou pierre, Par descouverte et nete terre (LA HAYE, P. peste, 1426, 101). Sur la terre n'a herbe ne plante, A chault et froit la laissent descouverte, Faulx et courtes parmy la terre on plante. (Cene dieux, c.1492, 109).

Rem. Sens attesté ds FEW : «seit Rich 1680».

.

Le descouvert (d'un lieu). "La partie (d'un lieu) non boisée, où l'on est à découvert" : Le roy vint a ses gens et les ordonna, et s'en vint en belle bataille rengie, les archiers et arbalestriers sur les eles, et vindrent au descouvert de la montaigne et virent l'ost des payens. (ARRAS, c.1392-1393, 137).

.

Se descouvrir d'eau : ...laquelle isle avoit esté couverte de eaue par long temps et se estoit de nouvel descouverte (Commerce marit. Rouen F., Pièces justif., 1423, 300).

.

Descouvert (d'eau). "Qui n'est pas couvert d'eau" : Et pour ce que il n'est pas ainsi, il s'ensuit que la terre est dessamblable selon ses parties telement que en la partie qui est descouverte d'eaue n'est pas si grant pesanteur comme en l'autre pour ce, par aventure, que ce n'est pas terre pure, mais a en elle mixtion d'autres elemens. (ORESME, C.M., c.1377, 568). Et Dieu et nature ont ordené que elle [la terre] soit descouverte afin que honmes et bestes y puissent habiter. (ORESME, C.M., c.1377, 568).

-

[Du ciel, d'un astre...] Descouvert. "Sans couverture nuageuse" : Raconte que en son temps, le tiers des ydes de decembre, environ la mynuit, les estoilles cleres et descouvertes, le XIIIe jour de la Lune, fut eclipse (SIMON DE PHARES, Astrol., c.1494-1498, f° 115 v°).

Rem. Attest. à ajouter à FEW II-2, 1147a : cooperire où l'on trouve seulement : «Nfr. couvert "nuageux, sombre (du temps)" (seit Mon 1636) - Nfr. se découvrir "devenir clair et serein (du temps)"».

-

[D'un os] Descouvert. "À nu" : ...quant l'oz est descouvert et nu (SAINT-GILLE, Comment. A.Y. L., 1362-1365, 258).

d)

[Ce qui couvre est une protection] "Enlever de qqc. ce qui le protège"

-

DRAP. Descouvrir les draps. "Retirer la protection couvrant (les draps) au début de la mise en vente (dans la halle)" : Et que nuls ne puist prendre denier-Dieu ne vendre, devant chou que on aroit descouviert, ne depuis que on aroit recouviert, ne nul markiet livrer a conteck ne a scanche ; ains convient que li markiés soit tout nuement fais, pris et ensengniés, depuis que on aroit descouviert, anscois con fache recouvrir. (Drap. Valenc. E., 1344, 304). ...a celle heure, li prevos u li mayres de le halle deveront faire descouvrir par l'un de leur siergans ; et adont, cascuns et cascune qui dras ara en le ditte halle, devera aler a sen estal et ses dras descouvrir et mettre a moustre ; et ne se doivent, depuis celle heure, partir ne mouvoir de leur estaus jusques a dont que li orloges ait laissiet le sonner ; ne jusques adont aussi, il ne pueent leurs dras loiier ne couvrir. (Drap. Valenc. E., 1344, 307).

-

[D'un livre] Descouvert. "Sans couverture" : Confortant ainsi Verite la royne la cite de Venise, soudainement entra ou palays en la presence de la royne une vieille dame, toute decyree et de ses gris cheveulx toute deschevelee. Elle portoit en sa main ung baton appuyal, et en l'autre un petit livret, descouvert et toute rongie de raz. (MÉZIÈRES, Songe vieil pèl. C., t.1, c.1386-1389, 257).

-

À armes descouvertes. "Les armes sorties du fourreau, les armes à la main" : ...et ont les dessus diz Germon, Joffroy et Thibaut, en la compaignie de Aymeri de Thouars, chevalier, chevauchié à armes descouvertes par pluseurs foys et en pluseurs parties de nostre dit royaume sur noz bons et loyaux subgez (Doc. Poitou G., t.3, 1369, 367).

-

"Dégarnir les flancs (d'une armée ennemie)" : Item, forgier armes, faire engins, descouvrir les ennemis, etc., tout est pour avoir victoire. (ORESME, E.A.C., c.1370, 117).

-

Descouvert de. "Hors de la protection de" : Et moy estant en mon siege et les dessus nommez ou champ tous armés, et jà ledit Trolop descouvert de sa tente, garny de toutes ses poinctes, et bastons prestz à assembler, entra oudit champ Loys de Clere (LE CLERC, Interp. Roye, c.1502, 355).

-

[Cont. métaph.] : ...Embusche qui le cuer hardie Et qui descoeuvre Le cuer et fiert, et puis recoeuvre Et le clot (CHART., L. Dames, 1416, 268).

2.

[L'obj. désigne ce qui couvre] "Ôter (ce qui couvre)" : Item pour avoir aidie a descouvrir le tieule estant sur le porte qui maine de le rue de beauquesne a leglise de saint franchois (Comptes Doullens W., 1470, 22).

3.

Part. passé en empl. subst. À / au descouvert. "Sans rien qui couvre, qui protège" : Lors sans delay Je me levay et devers eaus alay Tout le couvert Parmi l'erbe qui estoit drue et vert ; Et quant je vins si près d'eaus qu'en apert Les pos vëoir et tout a descouvert, Le petit chien Prist a glatir... (MACH., J. R. Beh., c.1340, 102). ...il n'est pas en toit couvert, Ainçois est tout a descouvert, N'il n'a maisons, chambres ne sales, Fors cavernes ordes et sales (MACH., Voir, 1364, 622). Vezci le temple tout ouvert, Et sur l'autel a descouvert A des reliques. (Mir. roy Thierry, c.1374, 331). A descouvert vous vueil offrir Ma face et a vous touz ensemble. Sui j'Osanne ? que vous en semble ? (Mir. roy Thierry, c.1374, 337). Sy leva l'espee, puis en fery Julicés sus le comble de son heaume comme a descouvert [sans que Julicés soit protégé par son bouclier], tellement que l'espee, qui estoit trenchante, en emporta une tres grant piece. (Percef. III, R., t.1, c.1450 [c.1340], 374). Le bourgois fut content que luy montrast a descouvert le derriere de sa femme (C.N.N., c.1456-1467, 26). ...[les médecins] veullent veoir la patiente ensemble, et les parties du corps au descouvert ou ce maudit mal de broches s'estoit, helas ! longuement embusché. (C.N.N., c.1456-1467, 33). Elle fut tantost desarmée de sa faille (...) ; et comme son espousé la vit a descouvert, et les aultres qui la estoient, creez qu'ilz furent (...) souprins (C.N.N., c.1456-1467, 339).

B. -

P. anal. "Faire que qqn ou qqc. qui était caché, protégé, apparaisse, soit perceptible, rendre perceptible qqn ou qqc. ; percevoir ce qui ne se percevait pas, qui était caché ; [d'une chose] laisser paraître ce qui ne se percevait pas, qui était caché"

1.

Descouvrir qqn / qqc. "Faire que qqn ou qqc. qui était caché, protégé, apparaisse, soit perceptible, rendre perceptible qqn ou qqc. ; débusquer qqn, le placer dans une position exposée, vulnérable"

a)

Descouvrir qqn. "Faire sortir qqn du lieu où il est, débusquer qqn (en partic. l'ennemi)" : Le roy Selodus fut moult courroucié de la response, et fait escarmouchier souvent et assaillir la cité et les descuere et griefve quanqu'il puet, car il voit et appercoit que ceulx de dedens se deffendent lentement (ARRAS, c.1392-1393, 182). Qant li seneschaus de Hainnau vei que chil François prendoient le cemin dou bois, si fist doubte que li François n' euissent la jetté une enbusqe, et que chil qui pris estoient et qui fuioient, n'euissent esté la envoiiet tout de fait pour descouvrir et pour faire sallir hors de Valenchiennes auquns gentils honmes qui s'i tenoient. (FROISS., Chron. D., p.1400, 387).

b)

Empl. pronom. ou intrans. (Se) descouvrir (de qq. part). "Sortir (du lieu où l'on était caché, embusqué), se montrer, s'exposer" : Et lors monta chascuns, et furent acreuz qu'ilz furent bien VIIJc. combatans, et se mirent au chemin par my la forest, a l'encontre de Remondin, et passerent par devant l'embusche ou estoient ceulz que Hervy et ses parens avoient envoyez devant, lesquelx les laissierent passer sans eulx descouvrir, puis se mirent aprez eulx au chemin. (ARRAS, c.1392-1393, 71). Lequel monsr du Liege, inclinant à leur requeste, saillit de ladicte cité du Liege et ala avecques eulx aux champs, tout droit où estoit ledit de la Marche, lequel, quant il vit ledit evesque, se descouvrit de l'embusche où il estoit et s'en vint tout droit audit monsr l'evesque (ROYE, Chron. scand., II, 1460-1483, 119). ...il jetta ses yeulx vers Thebes et vey Perseus et sa bataille qui descouvrirent (LEFÈVRE (R.), Hist. Troyes A., c.1464, 262). Noz ennemis tantost se descouvrirent, Car contre nous estoient ja marchans (LA VIGNE, V.N., p.1495, 280).

-

[Cont. métaph.] "S'exposer" : Car, certes, la memoire de la mort est comme un frain refrenant et corrigeant l'omme affin qu'il ne se habandonne trop et descoeuvre par les voyes de convoitise et libidinosité. (COLART MANS., Dial. créat. R., 1482, 274).

-

Estre descouvert. "Être exposé, être attaquable"

.

Au fig. "Prêter le flanc à la critique" : Dame [Ymagination, qui doit rendre la justice s'impatiente de l'exposé trop long de l'avocat], ce dist li advocas, Entendre vous fault a tous cas : Ne soiiés pas si descouverte (FROISS., Dits Débats F., 1363-1393, 200). [Note de l'éd. p.242]

c)

Part. passé en empl. subst.

-

"Terrain exposé à la vue de l'ennemi" : Le roy vint a ses gens et les ordonna, et s'en vint en belle bataille rengie, les archiers et arbalestriers sur les eles, et vindrent au descouvert de la montaigne et virent l'ost des payens. (ARRAS, c.1392-1393, 137).

-

À/au descouvert. "En position exposée, vulnérable" : [Lors d'un siège] en trouvoient à le fois à descouviert, dont ils ne prendoient nulles raenchons (FROISS., Chron. R., X, c.1375-1400, 62). Mandons de noz amis et nous tenons secretement ensemble, et verrons quel conroy ilz prendront, afin que, se ilz viennent sur nous, que ilz ne nous treuvent point a descouvert, et aussi, se Remondin se part, que il ne soit pas souspriz d'eulx, car, se ilz ont entencion de lui mal faire, ce n'est que de lui oster sa vie. (ARRAS, c.1392-1393, 70). Et pour ce que Hector occist Patroclus en la bataille, vint la grant hayne d'Achiles sus Hector et tres lors jura sa mort. Mais pour ce que trop redoubtoit sa grant force, oncques puis ne fina de lui gaitier pour le surprendre a descouvert et en trahison. (CHR. PIZ., Ep. Othea L., c.1400-1401, 269). Si le gaittera, soir et main, Pour le trouver a descouvert. (CHR. PIZ., M.F., III, 1400-1403, 77). Le Malvoix quil est trop covert M'a forment pris a descovert, Sy ay bien mestier de ta grace Quil tous pechiers tolz et efface. (Pass. Semur D.M., c.1420 [1488], 186). ...comme il rentra dedans la place, il estoit trève à cause de sa saillie, et estoient ceulx de dedans tout à descouvert sur la muraille sans que on leur tirast. (COMM., I, 1489-1491, 227). ...incontinent qu'ilz sortirent au decouvert impetueusement (LA VIGNE, V.N., p.1495, 287).

.

Coucher au descouvert. "Coucher à la belle étoile" : ...et demorent dedans gens sans nombre, en tant qu'il n'ont pas assés d'ostelx que sont dedans la ville, que ancores ilz couchent sur les rues au descovert, et si grande quantité qu'elle seroit incredible ... le dire. (Passage Terre Sainte Piloti D., 1441, 23).

d)

Descouvrir qqc. (des paroles). "Rendre qqc. perceptible, laisser paraître qqc., proférer (des paroles)" : ...il [le loyal amant] est si espris et paoureux et doubteux de dire ou faire chose qui lui deplaise, que il n'est mie si hardi de dire ne descouvrir un seul mot, et, se il ayme bien, je pense qu'il sera .III. ans ou .IIII. avant que il lui ose dire ne descouvrir. (LA TOUR LANDRY, Livre pour l'enseign. de ses filles, éd. A. de Montaiglon, 1371, 251).

2.

Descouvrir qqn / qqc.

a)

"Percevoir, remarquer, apercevoir qqn / qqc." : Après tira vers la forteresse le plus celeement qu'il peut. Mais touteffois il fut descouvert ; car les escoutes des ennemys le ouyrent bien par le froissis des branches et trepeiz des chevaulx. (BUEIL, I, 1461-1466, 69).

-

"Surprendre qqn (dans ce qu'il fait)" : ...continua ceste maniere de faire une grand espace de temps, sans qu'il fust descouvert [Un berger rend visite, chaque nuit, à sa "dame"] (C.N.N., c.1456-1467, 359).

b)

"Scruter, épier qqn ou qqc."

-

[Domaine militaire] "Explorer (le terrain, les positions ennemies..., en éclaireur)" : Ung pou delez le bois (...) Estoient embuché la sarrasine gent. "Gaudïon, dist Gallaffre, amys, a moy entant. Allés en descouvrir trestout priveement..." (Tristan Nant. S., c.1350, 179). ...[il] aloit descouvrir et chevaucher le pays quant lesdiz Gieffroy et Merigot vouloient chevauchier, et aussi leur rapportoit où ilz povoient mieulx faire leur prouffit. (Reg. crim. Chât., II, 1389-1392, 179). Et furent ordonné .CC. lances de coureurs pour descouvrir le pais, tous appers chevaliers et esquiers, et en estoient conduiseur et meneur, li Galois de la Baume, mesires Milles de Mirepois, messires Tiebaus de Moruel... (FROISS., Chron. D., p.1400, 378). ...qui doivent soubitement envoier a dextre et a senestre bons et souffissans hommes de bien a cheval, pour descouvrir les contrees, les passaiges et le pays. (LA SALE, Salade, c.1442-1444, 236). Il y a ung fumier devant le boullevert, assés à costé du chemin, que je scay bien qu'ilz ne descouvrent point et n'y ont nul regard, comme ilz ont aux fossez et aux hayes, qui sont environ eulx ; car sceurement ilz descouvriront tout, excepté cela. (BUEIL, I, 1461-1466, 115). Vous savez assez la manière de descouvrir le païs, d'avoir gens devant et derrière et sur les costez, de ne passer nulz pas estroitz ne nulles embusches que tout ne soit descouvert (BUEIL, II, 1461-1466, 34). Et duquel lieu de Lezé ledit conte de Dampmartin s'en partit au matin dès deux heures et fist chevaucher devant, pour descouvrir le païs, ung page assez entendu, pour aller à Sancerre savoir des nouvelles (LE CLERC, Interp. Roye, c.1502, 176).

-

Empl. abs. : ...et luy fut dit par ses coureurs, qui avoient descouvert sus le pays, que ses ennemis chevaulchoient. (FROISS., Chron. M., XIV, c.1375-1400, 163). Or puet bien dire le roy d'Ausay qu'il comparra la fole emprise et le dommage qu'il a fait a nostre pucelle et a son pays. En cestuy party furent longtemps, tant que les coureurs orent par tout descouvert et furent repairiez en l'ost. Et dirent qu'ilz n'avoient riens ouy ne veu, dont tous se donnent merveille qui avoit fait cel effroy. (ARRAS, c.1392-1393, 156). Qant il furent oultre, messire Wauflars de le Crois ordonna mesire Guillaume de Bailluel et sa baniere a demorer au pont et la atendre au pasage, et dist : "Nous quatre chevaliers, Rasses de Monchiaus, Jehans de Sorre, Jehans de Wargni et je, irons descouvrir. ..." (FROISS., Chron. D., p.1400, 434).

-

"Épier (en partic. l'ennemi)" : Dont brochent les chevaus (...), S'en vont pour descouvrir les hardis campions. (Bât. Bouillon C., c.1350, 191). Ordonné fu que (...) chil troi vaillant chevalier et usé d'armes iroient pour descouvrir et aviser de priès les Flamens. (FROISS., Chron. R., XI, c.1375-1400, 48).

3.

[D'une chose]

a)

"Laisser voir qqc." : ...ainsi comme l'entele Qui en yver sa verdeur cuevre Et en temps d'esté la descuevre ; Ainsi l'amour, qui est couverte, Doit estre au besoing descouverte. (MACH., Voir, 1364, 652).

b)

Descouvrir sur. "Ouvrir sur" : ...entre les desirez et loez edifices, sa maison descouvroit sur pluseurs rues (C.N.N., c.1456-1467, 23). ...je seray demain en la chambre d'en hault, qui descouvre sur la rue (C.N.N., c.1456-1467, 259).

c)

Part. passé en empl. subst. Le descouvert de. "L'extérieur de (la partie visible de)" : Alors Tiburtina le mena au descouvert de son palaix et luy monstra dedens le cuer du très luisant soleil celle Vierge qui tenoit son petit enfant nu entre ses bras. (LA SALE, Sale D., 1451, 21).

C. -

Au fig. "Rendre perceptible à l'esprit, faire disparaître ce qui cache qqc. à l'esprit, révéler, dévoiler ; apprendre qqc. ; [d'une chose abstr.] se manifester à l'esprit"

1.

Descouvrir qqn/qqc.

a)

Descouvrir qqn. "Révéler, démasquer qqn" : Vostre fait est si apparant Que m'y treuve trop cognoissant ; Qui est descouvert, mal se cache (CH. D'ORLÉANS, Rond. C., 1443-1460, 376).

-

[D'une attitude, d'un comportement] : ...il sont mauvais trahiteur, et leur fait les descouveront temprement. (FROISS., Chron. L., IV, c.1375-1400, 179).

-

Empl. pronom. "Révéler qui on est, se faire reconnaître" : Sire, dist il, je suis filz a l'un des senateurs de Romme et suis nommé Luces. (...). Quant Luces le chevalier rommain se fut descouvert au roy... (Percef. IV, R., c.1450 [c.1340], 61). ...bon mary, qui de dueil se creve et fend, ne scet que faire de soy descouvrir [Sous l'habit du prêtre, le mari confesse sa propre femme] (C.N.N., c.1456-1467, 464).

b)

Descouvrir qqc. (à qqn)

-

"Révéler, dévoiler qqc. (à qqn)" : Mais de ces nobles damoisiaus Qui jouent parmi ces praiaus, Et de ces damoiselles gentes Qui mettent toutes leur ententes A moy honnourer et servir Te vueil je les noms descouvrir, Car ja ne te seront celé. (MACH., D. verg., a.1340, 33). Mais de tout ce riens ne savoit, Ne comment elle pris m'avoit ; Car pour riens ne li descouvrisse L'amour de mon cuer, ne deïsse, Ne descouvrir ne li peüsse, Se je vosisse ne sceüsse (MACH., R. Fort., c.1341, 14). De toute l'onneur que j'aray Serez vous de la moitié dame, Mais que celer vueillez mon blasme Sanz descovrir. (Mir. femme roy Port., c.1342, 176). Les lettres pris et les ouvry, Mais a tous pas ne descouvry Le secret qui estoit dedens, Eins les lisoie entre mes dens. (MACH., Voir, 1364, 100). Encor y ot une cautelle Qui est de traïson ancelle, Pour mieux la fausseté couvrir, Que je vueil dire et descouvrir. (MACH., P. Alex., p.1369, 185). ...qui bien savoit Comment on le voloit tuer ; Si que pour sa mort eschuer, Si tost comme il fu revenus, Il ne se fust jamais tenus Qu'il ne li heüst descouverte La mortel traïson couverte. (MACH., P. Alex., p.1369, 248). Je vous ay touz jours mes secrez Descouvert et dit, Esglantine (Mir. Oton, c.1370, 339). Certes je vous ay descouverte Verité pure. (Mir. Berthe, c.1373, 220). Mais ou alez vous a ceste heure, se vous le me povez bonnement descouvrir ? Et se vous ne savez le chemin, je vous vous y aideray a assenner, car il n'a voie ne sentier en ceste forest que je ne saiche bien ou ilz vont, et vous fiez tout seurement en moy. (ARRAS, c.1392-1393, 25). Monseigneur, que vous fault il ? Estes vous malade ? Et quant Remond oït qu'elle ne lui parle de rien, si cuide qu'elle ne sache rien de ce fait. Mais pour neant le cuide, car elle scet bien tout. Mais pour ce qu'il ne l'ot descouvert a nullui, elle s'en souffry et n'en monstra semblant. (ARRAS, c.1392-1393, 244). Qui les autrui vices desceuvre tost orra parler des siens. (CHR. PIZ., Paix W., 1412-1413, 171). Or ça, comme bon crestien et gentil homme que vous estes, vous me promectez (...) que, de chose que je vous die, a personne qui puisse vivre ne morir, par quelque façon que ce soit, vous ne direz, descouverrez ne ferez savoir ce que je vous diray presentement ne autrefoys (LA SALE, J.S., 1456, 36). Monseigneur, pour vostre honneur et celuy de la fille aussi, il me semble qu'il vault mieux que je lui descouvre l'embusche de vostre vouloir (C.N.N., c.1456-1467, 154). Cest advis descouvrit a sa dame pour en avoir son oppinion (C.N.N., c.1456-1467, 439). Or s'approucha le temps que icelle pucelle deut estre donnée a ce seigneur ancien, et le marché et traictié luy fut par son pere descouvert (C.N.N., c.1456-1467, 546). ...sans nulle doubte, il descouvreroit et publicqueroit a la volée vostre secret. (C.N.N., c.1456-1467, 563). Cestui descouvrit au roy Henry de Lanchestre une conspiracion faicte contre lui d'aucuns seigneurs (SIMON DE PHARES, Astrol., c.1494-1498, f° 149 r°). ...l'infame Ne descouvroit sa desloyale affaire. (LA VIGNE, V.N., p.1495, 176).

.

[De Dieu] : Or est depuis Dieu devenu homme, et par communication de deité a humaine nature nous a faitz parçonniers des conseilz divins, et descouvers lez secretz de paradis (CHART., L. Esp., c.1429-1430, 99).

.

Descouvrir (à qqn) que : ...quant il les amoient, Einsois humblement les servoient, Sans descouvrir qu'il les amassent. (MACH., D. Lyon, 1342, 206).

.

Descouvrir (à qqn) + interr. indir. : Or me soit de vous descouvert Que voulez dire. (Mir. chan., c.1361, 154). Et en ce party vagant, vint a Hervy, le filz Alain, un homme trespassant, qui venoit de Guerrande, et avoit passé par le recept ou ly chastellains estoit, et avoit entendu par aucuns des varlez d'icellui chastellain qu'ilz actendoient gens a qui ilz ne vouloient point de bien. Mais il ne lui avoit pas descouvert qui ilz aguettoient. (ARRAS, c.1392-1393, 69).

.

Descouvrir plus avant de qqc. à qqn. "En dire davantage à qqn" : Et atant leur povez dire seurement que vous prenez une fille de roy, mais plus avant ne leur en descouvrez, si chier que avez l'amour de moy. Dame, dist Remondin, ne vous en doubtez. (ARRAS, c.1392-1393, 35).

.

Descouvrir (à qqn) des sentiments intimes / des secrets personnels... : Mais je vous jur et promet par ma foy, S'a moy volez descouvrir vostre anoy, Que je feray tout le pooir de moy De l'adrecier. (MACH., J. R. Beh., c.1340, 60). ...a mes regrez, Que cy vous bee a descouvrir, Deignez vos oreilles ouvrir (Mir. enf. ress., 1353, 5). ...je croi que le cuer me fust crevés ou ventre, se je n'eusse descouvert mon meschief a aucune personne (MACH., Voir, 1364, 748). Car s'à vous puis ma dolour descouvrir, Espoir qu'en vous pour moy sera pités (MACH., Bal., 1377, 537). Mais oncques ne descouvri mon penser à la tres bele au dous viaire cler, Qui ha mon cuer, ne ja ne le sara, Tant que Pités ou Amour li dira. (MACH., L. dames, 1377, 18). Car, quant je voy son dous viaire cler Et je li vueil descouvrir ma dolour, Honte m'assaut, paour me fait trambler... (MACH., L. dames, 1377, 19). ...tristour est d'une tel oeuvre Qu'elle descroist, qui la descoeuvre Ou il affiert, Et qui trop la coeuvre, elle fiert Le cuer et dedens se refiert (CHART., L. Dames, 1416, 213).

.

Descouvrir son affaire à qqn : Si appellai mon secretaire Et li descouvri mon affaire, Comment fort estoie entrepris Et du mal amoureus espris. (MACH., Voir, 1364, 200).

.

[D'une science, d'une pratique] "Faire connaître qqc." : ...puisqu'ilz veullent oster et eslongner de vostre royaume celle des sept ars liberaulx qui desqueuvre toutes traffiques et qui vous est la plus utille assavoir et à avoir et qui plus vous peut servir au besoing (SIMON DE PHARES, Astrol., c.1494-1498, f° 7 r°).

.

Empl. abs. "Faire des révélations" : ...vostre honneur vouldroye garder comme le mien mesmes ; et ameroye mieulx a morir qu'il en fust nouvelles. Et n'ay amy ne personne en ce monde, tant soit mon privé, a qui je vouldroye en nulle maniere descouvrir (C.N.N., c.1456-1467, 388).

-

"Révéler plus ou moins involontairement ce que l'on cachait" : ...comparez sont au paon [les hypocrites] qui pour monstrer sa beauté aux regardans descoeuvre les parties darriennes qui signifient la fin de la mort. (GERS., Concept., 1401, 416). Veez cy les dissolucions que tu nous reproches et mes au devant pour palier tes couvertes machinations de bouche, que tu as assez descouvertes de fait. (CHART., Q. inv., 1422, 41). ...jaçoit que, de toute ancienneté, ignorance soit ennemie de science, neantmoins jamais ignorans ne oserent tant descouvrir et monstrer si plainement leur ignorance, comme puis nagueres ont fait ses detracteurs, mes ennemis, plus que bergiers ignorans la science de astrologie. (SIMON DE PHARES, Astrol., c.1494-1498, f° 9 r°).

.

[D'une attitude, d'un comportement] "Révéler qqc." : Mais quant le cuer n'est au semblant semblable, C'est fictïon plaine de mauvais art, Qui descueuvre sa fraude tost ou tart Et dont ne vient a soy n'a autry bien. (CHART., B. Nobles, c.1424, 401).

c)

Empl. pronom. Se descouvrir (à qqn). "S'ouvrir, se confier (à qqn)" : Et aussi, mon tresdoulz cuer, j'ai bien veu, oÿ et consideré tout ce que li porteres de ces lettres m'a dit de par vous, par la creance qui estoit en ces lettres. Si me plaist moult de ce que [vous] vous estes descouverte a li, car il m'a dit et moustré (par) pluiseurs choses si bien et si sagement que mes cuers est tous rapaisiés. (MACH., Voir, 1364, 770). Puis qu'il fault que je me descuevre, Devant vous touz diray de fait L'enormité de mon meffait (Mir. emper. Romme, 1369, 307). ...en quoy il appert que icellui notaire qui se descouvroit ainsi au juge, par la confession meismement du dit juge ou lieutenant, ne avoit pas entencion de corrupcion, faulseté, dol, ne malvaistié. (Doc. Poitou G., t.6, 1399, 340). Tant subtilia et pensa a sa besoigne, qu'elle s'avisa qu'elle se descouvreroit a une sienne voisine qui estoit sa seur d'armes (C.N.N., c.1456-1467, 521). ...sa craincte estoit si grande qu'il ne se osa suffisamment descouvrir à eulx (COMM., II, 1489-1491, 84).

-

Se descouvrir de qqc. (à qqn). "S'en ouvrir (à qqn)" : Et dit, sur ce requis, que sondit frere ne savoit riens dudit larrecin, fors quant il s'en descouvry à lui. (Reg. crim. Chât., I, 1389-1392, 19). ...fist le roy cueillir son paveillon, et entra en mer, et s'en va le plus droit qu'il puet en son pays, pensant de triste cuer aux paroles que Melior, la dame du chastel de l'Esprevier, lui ot dictes. Et moult se doubta d'avoir perdu son bon eur. Mais il se garde bien de soy en descouvrir a sa gent. Et nonpourquant depuis s'en descouvry il a un sien frere, quant il fu es articles de la mort. (ARRAS, c.1392-1393, 306). Et ne s'osa, de ces lettres ne de ces mandemens, la roine d'Engleterre descouvrir a son frere le roi de France, ne a baron qui fust en France. (FROISS., Chron. D., p.1400, 55). Vous me bailliez bien a penser Et vos parolles garderay En mon corage sans cesser Ne point ne m'en descouvriray Jusques a tant que je verray Venir le temps que vous me dittes, Et adoncques j'esclarciray Toutes les choses dessus dittes. (MARCADÉ, Myst. Pass. Arras R., a.1440, 52). Si advint que elle, pour veoir son maintien et son parler, pluseurs foiz publiquement de pluseurs choses l'araisonna, dont tant plus a lui elle parloit, et tant plus lui venoit a plaisir. Mais d'autre chose que d'amours touchast ne s'en osoit ou ne vouloit descouvrir. (LA SALE, J.S., 1456, 6). Si pensa le chevalier par quel train et moien il perviendroit a la joissance de son hostesse, et s'en descouvrit a ung de ses serviteurs (C.N.N., c.1456-1467, 432). Si advient que (...) ne sçay de quel adventure ne de quel lieu lui fut apportee une petite lettrelle faisant mension qu'il avisast devant ly et preist bien garde, car infailliblement sa mort estoit preparee en poison. Si s'en teut, durement merancolieux, et bouta dedens ung trou de son pourpoint la lettrelle sans s'en descouvrir a ame. (CHASTELL., Chron. IV, D., c.1461-1472, 309). Et quant ledit Voyaul vit que ledit Reilhac luy tenoit si bons termes, si se pensa en luy mesmes qu'il se descouvreroit du tout à luy et que, en tant qu'il estoit secretaire du roy, qu'il luy pourroit dire quelque bonne nouvelle. (LE CLERC, Interp. Roye, c.1502, 148).

d)

Part. passé en empl. subst. À/au descouvert. "Visiblement, au grand jour, manifestement" : Et m'esperence est morte sans retour, Qu'en souvenirs me monstre à descouvert Qu'en lieu de bleu, dame, vous vestez vert. (MACH., L. dames, 1377, 219). Ne me depert Pour mal qu'aie grant ne petit, Comment qu'il ne m'ait pas couvert, Eins m'a ouvert A descouvert Que de ma mort a appetit. (MACH., Les lays, 1377, 291). Se jamais jour au descouvert, Je vous puis en ung meffait prendre, Je vous feray trainer et pendre. (GRÉBAN, Pass. J., c.1450, 408). Vous devez savoir qu'a l'emblee, En lieu secret et a couvert, En publique et a descouvert, Jhesus, se meschant seducteur, Est de tant grans abus acteur Que, se les gens n'avoient puissance, Les pierres crieroient vengence Contre luy pour le despoincter. (Myst. Pass. Troyes B., a.1482, 529).

-

Tout à descouvert : Or vous ay desclos et ouvert, Ce m'est vis, tout a descouvert, De chief en chief, vostre priere. (MACH., D. Lyon, 1342, 229).

2.

Descouvrir qqc. "Apprendre l'existence de qqc. (qui était caché)" : Et pour toutes ces causes ne me chaut il se nos amours sont descouvertes (MACH., Voir, 1364, 432). ...tant s'amerent d'amour fine Que leur amour, dont ce fu perte, En fu sceüe et descouverte ? (MACH., Voir, 1364, 582). Et dist qu'il cognoisoit et cognoist bien tous les sept compaignons ; et fu la chose de ce descouverte à Mildebourt (Reg. crim. Chât., I, 1389-1392, 388). ...laquelle conjuration a esté, ledit jour saint de Pasques, detegée et descouverte d'aventure. (BAYE, II, 1411-1417, 252). ...nostre fait est descouvert, je suis femme perdue. (C.N.N., c.1456-1467, 250). ...n'eust esté, espoir, leur cas jamais descouvert (...) si n'eust esté le mary (C.N.N., c.1456-1467, 433). ...car par le moïen de ceste science de astrologie et principallement en ses dictes parties, plusieurs choses secrectes sont souvent descouvertes et precongneues (SIMON DE PHARES, Astrol., c.1494-1498, f° 5 v°).

-

"Démasquer qqc." : ...il est la verité qui descuevre toute fausseté (Mir. st Ign., 1366, 73).

-

Descouvrir + interr. indir. : Adont se departirent de l'oost par l'ordenance dou roi et des marescaus .Vc. honmes d'armes et doi mille archiers pour descouvrir et savoir se il trouveroient ne veoiroient auquns François qui se vosissent requellier. (FROISS., Chron. D., p.1400, 737).

3.

Empl. pronom. à sens passif [D'une chose abstr.] "Se révéler, se manifester à l'esprit" : Vous mentez. Le fait se descuevre, Car elle est preste d'acouchier. Conment l'osastes approuchier ? (Mir. st J. Cris., c.1344, 274). Mais quant vient jusqu'au repentir, Lors se descouvre sa fierté. (CHART., B. Dame, 1424, 342). La seconde enseigne du jugement divin se descouvre quant les hommes cheent en non chailance de remede en adversité (CHART., L. Esp., c.1429-1430, 79). Et avecques ce est fort a doubter, se ne faittes guerre, que en vostre royaulme ne ait divisions civiles, et espoir y a il aulcunes haines intrinseques qui se pourroyent descouvrir, par le moyen desquelles on venroit a guerre, qui seroit pire que celle que avez contre voz ennemis. (JUV. URS., T. crest., c.1446, 165). ...elle [cette pierre] se decouvre Si riche (...) Qu[e]... (GRÉBAN, Pass. J., c.1450, 225).

-

"Se révéler, être connu" : Il i a des grans haïnes couvertes dedens Gand sur nous et qui se descouveront temprement (FROISS., Chron. R., XI, c.1375-1400, 311). ...et convenoit que il i euist entre ceuls qui de ce mariage s'estoient ensonniiet, auqune cautelle secree qui se descouveroit, qanq que ce fust. (FROISS., Chron. D., p.1400, 171).