"Méconnaissable" : Car comme la face de son mari par l'enroulleure des armes moitié mengiée et toute emplie de puanteur toute ensanglantée, pouldreuse, chargiée et tachée d'ordure, toute palle et noircie qui ja estoit comme descongnoissable ne pot estre muciée à celle femme, tant ardamment l'amoit ne la punaisie du corps ne l'ordure du vïaire n'ont peu empescher qu'elle ne le baisast et embrassast estroitement, ne le edit et commandement du roy Creonce ne la pot retraire qu'elle ne criast à haulte voix : lasse, lasse, j'ay trouvé cellui que j'amoie, et qu'elle ne plourast par grant abondance, car comme elle eust quis par plusieurs baisiers de bouche se en lui estoit plus l'ame et eust lavé de ses larmes les membres ja tous puans et souvent par grans cris pleurs et gemissemens l'eust appellé. (CHR. PIZ., Cité dames L., c.1404-1407, Harley Ms 4431, 331d).