A. -

[Dans un contexte militaire] "Fait de déconfire (l'ennemi, une armée, une troupe...), d'être déconfit, défaite, déroute" : Et quant li Grigois virent que Gharsillez se rent, Dont tournerent fuiant trestous comunaulment Et la desconfitture dura moult longhement... (Flor. Rome W., c.1330-1400, 234). Pour les despens du dit Pierre Davy, Vincenot du Homme, Robin Le Fevre (...) faiz du 9e jour de juing 340 qu'il demourerent sur les frontieres de la mer tant au Crotay, a Boulongne comme a Calays, pour secourre monseigneur l'amiral, sire Nicolas Behuchet et les genz de la dite armee d'argent se il en avoient besoing, jusques au 15 de juillet qu'il retournerent a Paris apres la desconfiture de la dite armee (Clos galées Rouen M.-C., t.2, 1341-1342, 63). Or revenons à le desconfiture de Creci et à l'ordenance des Englès. (FROISS., Chron. L., III, c.1375-1400, 185). Et en fisent messires Jehans de Chalon et li contes de Joni et leur route tèle desconfiture, que onques piés n'en escapa que tout ne demorassent sus le place. (FROISS., Chron. L., V, c.1375-1400, 171). "Ainsi obtinrent la place et desconfiture de rencontre messire Jehan Ferrant Percok et ses compaignons sur les Cateloings qui estoient largement trois contre deux." (FROISS., Chron. M., XII, c.1375-1400, 276). ...c'est une rieule general, que le grosse pertes se traient sus les desconfitures. (FROISS., Chron. M., XIV, c.1375-1400, 166). Aiglentine, la pucelle, fu moult liee de la desconfiture des Sarrasins et aussi de la victoire et venue de son oncle. (ARRAS, c.1392-1393, 185). En son temps orent ! les filz de Israel une grande bataille et forte desconfiture (CHR. PIZ., M.F., II, 1400-1403, 158). ...le roy des Lombars et cilx de sa tenu[r]e Vinrent en Arragon faire desconfiture. (Huon Bordeaux B., c.1400-1450, 460). ...et avoit esté present à l'assault et desconfiture des Anglois qui tenoient les bastides devant Orleans (FAUQ., II, 1421-1430, 343). Vous grevez et guerroiez voz ennemis de souhaiz. Vous desirez leur desconfiture par prieres et parolles, et ilz pourchacent la vostre par entreprinse de fait. (CHART., Q. inv., 1422, 13). Apres laquelle desconfiture, pluseurs de nosdis ennemis, qui s'estoient retraiz et demourez es ville et chastel dudit Vernuel, tindrent encores iceulx ville et chastel (Chancell. Henri VI, L., t.1, 1424, 104). Et au moix de may fu ledit conte combatu des Engloix, et furent toutes ses gens pris et desconffis, et y fut la desconffiture moult grande des gens de Picardie. (Chron. anon. Ch. VI, D.-A., c.1431, 193). Mais la bataille des gens a cheval dura tres longuement, et eust assez plus duré, pour le tresgrant nombre qu'ilz estoient, se l'arrieregarde ne se fust avancee, qui fut cause de leur desconfiture plus briefve, et a ce cop furent leurs banieres portees a terre et desconfictes (LA SALE, J.S., 1456, 220). Et fut ledit Bourguignon contraint de se retraire avecques ung peu de gens de guerre de son armée qui se sauverent. Et depuis sondit parc s'enfouy sans arrester, et souvent regardoit derriere lui, jusques à Joigne, qui est bien distant dudit lieu de la desconfiture de XV à XVI lieues françoises. Et ilec perdi tout son vaillant qui estoit ilec, comme or, argent, vaisselle, joyaulx, tapicerie, toute son artillerie, tentes, paveillons et tout ce qu'il y avoit mené. (ROYE, Chron. scand., II, 1460-1483, 21). Si n'est point memoire que, puis ceste bataille merveilleuse entre lui et Pompée, son gendre, advint ou siècle aussi grant effusion de sang et aussi terrible desconffiture de lignaige humain pour uneffois. (BUEIL, I, 1461-1466, 53). ...comment ceulx de dedens ledit chasteau ouyrent la nouvelle de la destruction et desconfiture du Jouvencel, rendirent le chasteau et l'artillerie au duc Baudouin, leurs vies et leurs biens saulfz (BUEIL, II, 1461-1466, 115). Or l'armée que le roy avoit envoyée en Bourgongne avoit desconfit toute la puissance de Bourgongne, qui estoit saillye aux champs, et prins plusieurs prisonniers. Le nombre des morts n'estoit pas grand, mais la desconfiture y estoit. (COMM., I, 1489-1491, 186). Assemblées que furent lesdictes deux armées, la sienne qui jà avoit esté desconfitte par deux foys, et qui estoient peu de gens et mal en point, furent incontinent tournéz en desconfiture et tous mors et en fuytte. (COMM., II, 1489-1491, 152). Predist aussi l'occision de Flavius et la desconfiture de son excercite qui estoit nombré à XXVm hommes. (SIMON DE PHARES, Astrol., c.1494-1498, f° 63 r°). Fut aussi à la desconfiture de XXXV navires, que fist icelui de Guesclin. (SIMON DE PHARES, Astrol., c.1494-1498, f° 142 r°). Cestui surnomé de Saint Branchier fut expert en la partie des ellections de astrologie pour bailler et eslire jours propres à guerroyer son ennemy ou à differer, fut aussi à la desconfiture et deffecte de XXXm Anglois que menoit Jehan de Monfort, filz aisné du duc de Bretaigne (SIMON DE PHARES, Astrol., c.1494-1498, f° 142 r°).

-

La desconfiture (est) sur une armée, une troupe : Or regardez la grant desconfiture sus eulx, et sans coup ferir (FROISS., Chron. M., XIV, c.1375-1400, 112). ...il avoient entendu que la desconfiture estoit sus les François (FROISS., Chron. D., p.1400, 744).

-

À la desconfiture. "Au moment de la déroute" : ...trop petit s'en sauverent, car a la desconfiture, il ne porent. (FROISS., Chron. D., p.1400, 408).

-

Estre à desconfiture. "Être vaincu" : Se tu t'armes, en aventure Seras d'estre a desconfiture ; Car teles gens ne doubtent honte Et si ne scevent qu'onneur monte. (MACH., C. ami, 1357, 118).

-

Livrer/mettre/tourner à/en desconfiture. "Mettre en déroute" : Li jours vint, la gaite s'escrie Dedens un cor sarrasinois : "Seigneurs, li Alexandrinois Sont tuit mis à desconfiture ; Armez vous tuit grant aleure, Et ociez le remenant, Qui sont en la ville manant." (MACH., P. Alex., p.1369, 97). Lors a chascuns sa lance prise, Si que li roys leur couru seure Si fierement, qu'en petit d'eure Furent mis à desconfiture. (MACH., P. Alex., p.1369, 215). ...les payens furent mis à desconfiture (WAUQUELIN, Belle Hélène Const. C., c.1448-1452, 207). ...il y sourvendroit a toute sa bataille et, fait l'assault, il les livreroit a desconfiture. (Percef. I, R., t.1, c.1450 [c.1340], 25). ...le roy et Floridas avoient les deux chevaliers tellement menez qu'ilz estoient tournez a desconfiture. (Percef. I, R., t.1, c.1450 [c.1340], 629). ...et, avant qu'ilz eussent loysir de eulx joindre ne mettre ensemble, leur courrurent sus et les mirent en desconfiture et en chace. (BUEIL, II, 1461-1466, 116).

-

La desconfiture (con)tourne sur une armée, une troupe : Mès quant il vei que la desconfiture se contournoit dou tout sus les François, il se parti et se sauva au mieus qu'il peut. (FROISS., Chron. L., V, c.1375-1400, 45). La leur oïst on souvent reclamer leurs dieux. Et neant moins ilz furent tous mors et desconfiz. Lors, quant ly admiraulx, qui estoit maistre de l'artillerie, vit la desconfiture tourner sur paiens, si fist gecter hors de la grant nef une petite galleote a VIIJ. runs, et y entra, o lui de ses plus privez environ XX., et prindrent l'avanture du vent. (ARRAS, c.1392-1393, 129).

B. -

P. métaph. au fig. "Anéantissement, ruine de qqn ou de qqc."

1.

"Anéantissement de qqn ou de qqc." : ...Ne Doulz Penser në Esperance Ne pooient avoir victoire Encontre li [Desir], c'est chose voire, Ainsois nous .III. desconfissoit, Dont souvent mes cuers gemissoit. Quant je vi la desconfiture, Je fis tantost ceste escripture Et si l'envoiai a ma dame (MACH., Voir, 1364, 410). Si me merveil comment Raisons endure Si longuement à durer ceste errour, Car les vertus sont à desconfiture Par les vices qui regnent com signour. (MACH., L. dames, 1377, 171). Là pren je envoiseüre, Et pas ne me dueil, Se mesdisant en ont dueil, Car c'est leur desconfiture. (MACH., L. dames, 1377, 186).

-

Mener à desconfiture : Et que sa belle porteüre Toute mettre a desconfiture Vit Ecuba, qui fu royne, Et Polixena la meschine Mettre a mort et sacrefier... (MACH., F. am., c.1361, 201). Refus qui d'espoir osté M'a la norriture, Et Dangiers qui despité M'a sans cause et si grevé Qu'il m'a par desdaing mené A desconfiture. (MACH., Motés, 1377, 512).

-

Mettre à desconfiture. "Anéantir qqn" : N'est creature, S'il veÿst le mal qu'il [Céphale] endure, Son brait, son plaint, sa grietté dure (...), Qui n'en plorast a larme sure : Tant fu mis a desconfiture Que Neron de ceste aventure Eüst pitié. (MACH., Voir, 1364, 532). Les cytoiens de Argie estoient ignorans du fait des guerres, si encontrerent a cas d'aventure larrons expers en telz fais, qui les mistrent a desconfiture bien tost (ORESME, E.A.C., c.1370, 216). Il ne m'est pas tant dou mal que j'endure Come de ce que je voy loyauté Mise au dessous et à desconfiture, Car en dame, pleinne de grant biauté, Meint traïson et toute fausseté, Foy, loy, raison, droit n'i a ne mesure (MACH., L. dames, 1377, 174). Il ne m'est pas tant dou mal que j'endure Comme de ce que je voy loyauté Par traïson mise à desconfiture ; Car j'ay long temps parfaitement amé, Loyaument, en bonne foy, Celui que plus au jour d'ui haïr doy Et qui mon cuer tient en plus grant soussi, Pour ce qu'il m'a mauvaisement tray. (MACH., L. dames, 1377, 230).

2.

"Malheur, désastre, ruine" : Et puis qu'il est de mon mal si joieus Qu'il prent deduit en ma desconfiture, Onques amans ne fu si eüreus Com je seray, se cilz maus que j'endure M'ocist pour vous, ne ja mort ne m'iert dure, Se par vo gré puis definer einsi En desirant vostre douce merci. (MACH., Bal., 1377, 543). Eürs me fuit, Pitez n'a de moy cure, Joie me faut, Scens, Raisons et Mesure, N'il ne m'est riens remés, fors seulement Un souvenir qui dolereusement Est engendrés pour ma desconfiture. (MACH., L. dames, 1377, 58).

-

Estre à desconfiture : Aymi ! dame. Et tout par enmesure, Gentil dame, pleinne d'onnour, Sui je à desconfiture ; Car onques ne quis deshonnour Vers vous, ains ay sans sejour Fait vo dous plaisir Et feray sans mauvais tour Jusques au morir. (MACH., Ch. bal., 1377, 583). S'en sui à desconfiture, S'Amours par sa grant douçour De mon desir n'amesure La desmesurée ardour... (MACH., L. dames, 1377, 33). Comment ose creature Dire qu'amour pure Li est si tres sure Qu'à desconfiture Ou en desespoir sera, S'elle ne le prent en cure ? (MACH., Les lays, 1377, 453). Tous les mondains qui, par compas, Sont formez de Dame Nature, Tous les jours, le trop ou le pas, Approchent leur desconfiture. (LA VIGNE, S.M., 1496, 557).

-

Tourner/venir à desconfiture : Avoir, beaultey, riche fortune, Tout viendra a desconfiture (DUPIN, Mélanc. L., c.1324-1340, 159). Et quant li villein einsi sont Vaincu par leur male aventure Et tourné a desconfiture, Ces damoiselles devant mi Viennent et m'ameinnent l'ami, Et aussi tuit cil damoisel Qui sont juene, gent et isnel. (MACH., D. verg., a.1340, 48).

C. -

[P. affaiblissement] "Fait d'être déconfit, découragé, découragement" : Mieus t'en ameront ti amy ; Aussi feront ti anemy, S'on te voit sans desconfiture ; Car c'est grant honte et grant laidure A prince qui se desconforte. (MACH., C. ami, 1357, 63).

-

Se mettre à desconfiture. "Se désoler, se décourager" : Et pour ce tu ne te dois mie Einsi mettre a desconfiture, Car Pitez est dessus droiture, Qui jamais ne porroit souffrir Toy vëoir a la mort offrir Pour amer, c'est chose certeinne... (MACH., R. Fort., c.1341, 61).