I. -

Adj. [Idée d'habitude]

A. -

[D'une pers.] Coutumier de qqc. "Qui a l'habitude de qqc." : ...chil Normant et chil Genevois estoient tout esqumeur et coustumier de la mer, et trop bien en pooient la painne, car en tout lor vivant il n'avoient fait aultre cose que poursievir les aventures d'armes sus la mer. (FROISS., Chron. D., p.1400, 406).

-

(Estre) coutumier de + inf. "Avoir l'habitude de faire telle ou telle chose, d'être dans tel ou tel état" : Li chevaliers Qui sages fu, courtois, et biaus parliers, Grans, lons, et drois, biaus, et gens, et legiers, Et d'onneur faire apris et coustumiers, Sans plus atendre, Courtoisement me vint mon salut rendre. (MACH., J. R. Beh., c.1340, 103). Mais li portiers La porte ouvri de cuer et volentiers. Je qui hurtay et qui fui li premiers Et de laiens estre assez coustumiers Parlay einsi... (MACH., J. R. Beh., c.1340, 111). J'estoie juenes et petis, Nices, enfes et enfantis, Nus de scens et pleins d'innocence, D'assez petite congnoissance, D'estre en oiseuse coustumiers, Dame, quant je vous vi premiers, Ja soit einsi qu'encor en soie Mieus garnis que je ne vorroie. (MACH., R. Fort., c.1341, 131). Et ne dormoit que sus fumiers, Et de ce estoit coustumiers (MACH., J. R. Nav., 1349, 215). Un jour estoit Susenne alee En vergier en tele maniere Comme elle en estoit coustumiere, O deus pucelles seulement, Car en vergier secretement Pour la chaleur qui grande estoit Baingnier et laver se voloit. (MACH., C. ami, 1357, 6). Li dux parla tous li premiers, Car il en estoit coustumiers, Et vraiement bien afferoit. (MACH., P. Alex., p.1369, 44). ...les bourgois (...) n'estoient mies bien coustumier de guerriier. (FROISS., Chron. L., IV, c.1375-1400, 12). ...un appellé Lucas Rochier, qui estoit homme de petite conscience et coustumier de prendre à loier buefs, vaches et autres bestaux des granz seigneurs du païs (Doc. Poitou G., t.5, 1377, 23). De tous biens est coustumiere ; N'est doubliere, Mais entiere (MACH., Les lays, 1377, 393). ...un nommé Jehan Bouchart demourant au dit Cherveux, qui estoit homme coustumier de mener vie dissolue, maintenoit la femme du dit Gilet (Doc. Poitou G., t.6, 1394, 167). ...Couvoitise est tousjours coustumiere D'amer honneur assez escharcement Et tout a coup par son aveuglement Entrerompre l'ordre de bon ouvrage. (CHART., B. Nobles, c.1424, 400). Considere la petite conclusion des grans faitz de Hanibal, et cest exemple te pourra suffire pour tous. Car celuy duc, redoubtable patron de chevalerie et maistre dez victores, fust si constumier de vaincre, qu'il luy sembloit avoir surmonté fortune et desconfit maleur, et que Dieu et les destineez fussent jureez avecquez luy. (CHART., L. Esp., c.1429-1430, 141). ...sitost que maistre cyrurgien vit cest oeil il le jugea comme perdu, ainsi par adventure qu'ils sont coustumiers de juger des maladies (C.N.N., c.1456-1467, 503). ...les jeunes galans, luy present, estoient coustumiers de passer souvent devant son huys pour la veoir [la jeune femme] (C.N.N., c.1456-1467, 559). Maintenant, quant nous sommes clers en la science, devons-nous lesser l'euvre ? Que vauldroit ce que nous aurions aprins à si grant peril, se nous n'en faisions l'exercite ? Nous l'oublierions et apparesserions nos coeurs, qui maintenant prisent petit une grant chose et feroyent de une petite grant. Car par l'usance de la guerre, que nous avons menée, nous sommes coustumiers de gaingner et ne craignons rien fors Dieu. Et j'ay grant paour que, se nous sejournons plus, nous pourrons changier coustumes. (BUEIL, I, 1461-1466, 150). ...or ne m'en puis je assez venger, veu le desplaisir que elle m'a fait, et qu'elle est coustumiere de faire (Charles de Hongrie C., c.1495-1498, 155).

B. -

[D'une chose] "Qui devient une habitude, qui s'acquiert par l'habitude" : Et philosophie morale, combien que elle enseigne de acquerir vertus coustumieres comme fortitude, prudence, justice (...), toutevoies point n'enseigne comment on doibt et puet acquerir charité (Somme abr., c.1477-1481, 98).

II. -

DR.

A. -

Adj.

1.

[D'une pers.] "Qui est soumis aux redevances appelées coutumes" : Femme coustumière a la moitié en doaire de la terre son seigneur espoux, et la moitié ès meubles ; et paie la moitié des debtes. Mes elle ne met riens en l'aumosne de son seigneur. Et doit tenir son doaire en bonne estance. Et doit metre la moitié en toutes les coustumes et devers que les choses deivent ou nom de héritiers. (Cout. instit. Anjou Maine B.-B., t.1, 1385, 339). Et einsi n'a home coustumier bail d'enfant coustumier se il n'est son père ou sa mère, puis que il scet bien dire à qui il vieult aler. (Cout. instit. Anjou Maine B.-B., t.1, 1385, 341).

Rem. Doc.1415 ds DU CANGE II, 525c : femmes (...) tant nobles que coustumieres.

-

[Marquant le mépris dans la bouche des scribes et des pharisiens] : Rabi, fait nous ung jugement De ceste femme costumiere, Prinse l'avons en adultere. Dy nous ce la lapiderons Ou se grace nous ly ferons ; Nous voulons que chascun le saiche [Réf. à l'épisode de la femme adultère, Jean 8, 3-11]. (Pass. Semur D.M., c.1420 [1488], 162).

2.

[D'une pers., d'une communauté, d'un lieu] "Qui est soumis au droit coutumier" : ...ilz pevent prendre et abattre le boiz vert en forest coustumiere par amende sans perdre le ferement, mes qu'ils le puissent abattre par sec. (HECTOR DE CHARTRES, Cout. R., 1398-1408, 9-10). Les habitans de la ville de Rossay, ville coustumiere en la forest de Lions, ont autel usage en ladicte forest comme les villez du ramage de ladicte forest (HECTOR DE CHARTRES, Cout. R., 1398-1408, 14).

B. -

Subst.

1.

"Celui qui est sujet aux redevances appelées coutumes, qui est soumis au droit coutumier" : Et par telle voie est entre les coustumiers quant aux chosses tenues noblement. Et quant aux chosses rousturières, se partent rousturièrement. (Cout. instit. Anjou Maine B.-B., t.1, 1385, 186). Et pour chacun feu des habitans et coustumiers, paient chacun an au roy notre dit sire un pot de vin, II d., et III oeux par an au terme de Pasques (HECTOR DE CHARTRES, Cout. R., 1398-1408, 41).

-

Franc coutumier. "'Coutumier qui ne paie pas le droit de coutume" (synon. usager) : Item, ont droit de demander en ladicte forest de Lions (...) le vert boiz en gesant et le sec en estant ; boiz pour maisonner et faire ediffice, par livrée du verdier, sans en païer amende ; hochier le glan au pié et à la main ; fiens blanc et fiens noir, avecques toutes les autres franchises, libertés et usages qui ont et pevent avoir les frans coustumiers d'icelle forest. (HECTOR DE CHARTRES, Cout. R., 1398-1408, 4).

-

Menu coutumier. "Celui qui a des droits et usages limités" : Item, la branche de plain poing et de mains pour clorre et ramer les lins, ovecques toutes les menuez coustumes que les menus coustumiers ont en ladicte forest, par païant semblable rente comment les menus coustumiers paient pour iceulx menuz drois. (HECTOR DE CHARTRES, Cout. R., 1398-1408, 175).

-

Gros coutumier. "Celui qui a des droits et usages étendus" : Le seigneur du Fontenil a en la forest d'Eavy, comme gros coustumiers, la branche et le tiers fourq, franc herbage, pasturage et franc pasnage pour ses pors et à toutes ses bestez de son hostel dudit lieu de Fontenil. (HECTOR DE CHARTRES, Cout. R., 1398-1408, 174).

2.

"Celui qui est versé dans la connaissance des coutumes, spécialiste du droit coutumier" : Le dit conte proposant et disant à son desblasme, que des dites renunciacions et acort ce qui en avoit esté fait avoit esté fait à la requeste de sa dite mere et en la presence de pluseurs de ses amis charnels, et par leur conseil, c'est assavoir du vidame de Chartres, (...) et de pluseurs autres sages et coustumiers du païs d'Anjou (Doc. Poitou G., t.2, 1347, 377). Et puis fisent toutes manières de gens, petis et grans, partir ; et ne retinrent que trois hommes, un prestre et deux aultres anciiens hommes, bons coustumiers des lois et ordenances de Calais, et fu pour rensegnier les hiretages. (FROISS., Chron. L., IV, c.1375-1400, 63). Cheste roïne de Navare morte, murmurations se eslevèrent en France entre les sages et les coustumiers, que la conté d'Ewrues, qui sciet en Normendie, estoit, par droite hoirrie de succession de leur mère, revenue as enfans dou roi de Navare qui estoient desoubz sage et ou gouvernement dou roi Charle de France, leur oncle. (FROISS., Chron. R., IX, c.1375-1400, 47). Samblablement, un philosofe moral scet bien lez principes, en general et en confus, de toutes loys et de toutes constitucions, mez, pour tant, il ne scaroit descendre, ne jugier de cas particuliers, car ce appartient a un Juriste ou bon coustumier qui a la practique et l'experience dez cas particuliers. (Songe verg. S., t.1, 1378, 410). Et pour ce parlerons nous de coustumes verifiées par les bons coustumiers de France, selon ce qu'il en ont veu user es chastellenies qui se gouvernent par coustumes de France. Si demande le roy nostre seigneur aux coustumiers qui lui responderoit sur ce comment il en ont veu user es chastellenies qui se gouvernent aux coustumes de France. (Cout. bourg. glosé P.M., c.1380-1400, 214). ...et estoit cellui Gaiget un moult subtil homme, et bon coustumier. (CABARET D'ORV., Chron. Loys de Bourb. C., 1429, 163). ...et que sur le dit cas nous eusmes eu advis à plusieurs saiges et notables coustumiers et assistens estans es dictes assises (Chron. Mt-St-Mich. L., t.2, Pièces div., 1452, 247). ...depputons par ces présentes, appellez avecques [vous] les officiers des barons et chastelains, anciens coustumiers, et autres expérimentez de nostredit païs d'Anjou que verrez estre à faire, à interpréter et déclairer lesdites coustumes, par manière que pour le temps advenir ne puisse avoir ambiguïté ou différance (Roi René vie L., 1458, 287).

3.

"Collecteur des coutumes" : ...aucuns fermiers, peagiers, coustumiers et autres pourroient faire difficulté ou revocquer en doubte se les dis marchans et mesnagiers sont ou seront cy apres demourans et residens en nos dite ville (Hist. dr. munic. E., t.1, 1481,,, 473).