"Avec fermeté, avec énergie, avec vaillance, avec courage" : Et avecques ce, ceuls qui ont ceste vertu de fortitude il emprennent vigueureusement et courageusement les perilz es quelz est tele vertu, ou la ou c'est bien de morir. (ORESME, E.A., c.1370, 206). Mais le roy Selodus avoit fait armer ses gens, et faisoit fort assaillir la cité, car il avoit grant desir de la prendre, et faisoit moult asprement assaillir, et ceulx de dedens se deffendoient moult laschement. Bien s'en appercoivent Sarrasins et assaillent tant plus courageusement. (ARRAS, c.1392-1393, 182). ...li sires de Cliçon et mesires Hervis de Lion et li aultre chevalier de lor costé plus corageusement s'en aventuroient. La i furent faites tant de belles apertises d'armes que mervelles seroit a recorder. (FROISS., Chron. D., p.1400, 583). Et sur ce, tous ces barons, d'un couraige, vont contre ces Sarrazins et les hurtent et desrompent en bataillant sy courageusement qu'ilz vuiderent la place et les firent reculer pour une grant piece. (BAGNYON, Hist. Charlem. K., c.1465-1470, 117). ...et ledit Gerard soubstint froidement les premiers coups, et couraigeusement, et rabatoit les copz et le chevaleureux assault de messire Jaques de Lalain, par moult grande asseureté (LA MARCHE, Mém., II, c.1470, 166). ...et leur semble qu'ilz en seront priséz et estiméz et que on dira que ilz auroient courageusement parlé. (COMM., I, 1489-1491, 205).