A. - | "Angle, coin, bout" : ...et d'ileques s'en monte par les terres de la dite maison droit à la corniere du grant bois appellé le Bois Abriou ([Doc. Poitou G., t.2, 1341, 195]). Encores, par les quatre cornieres du tref blanc puet estre entendue la sainte doctrine des quatre evangelistes. ([MÉZIÈRES, Songe vieil pèl. C., t.1, c.1386-1389, 556]). Moralisant doncques et parlant par figure, la forme du petit eschequier estoit telle, c'est assavoir, des quatre poins principaulx des cornieres, le premier si estoit tout de un fin rubis d'orient et representoit en esperit la Riche Precieuse, Verite la royne ; le second point de la seconde corniere estoit tout d'un fin balais et representoit Justice, Bonne Adventure appellee ; le tiers point de la tierce corniere estoit tout d'une fine esmeraude et representoit Misericorde, l'Amoreuse appelle ; mais le quart point de la derniere corniere estoit tout d'un fin saphir oriental et representoit vraye Paix, Allegresse appellee. ([MÉZIÈRES, Songe vieil pèl. C., t.2, c.1386-1389, 478]). ...si diray du nepveu du cappitaine qui fort s'en va vers Famagouste, et a tant exploictié qu'il vint en droit heure de my nuit a la corniere d'un bois sur une petite montaigne, et regarde en la valee, et voit l'ost des Sarrasins ([ARRAS, c.1392-1393, 95]). Le merquedi cinquiesme jour d'aoust ensuivant, à dix heures de nuyt, fut apporté le corps dudit roy Charles à Paris, et laissé hors la ville en l'église Nostre-Dame des Champs, où il reposa jusques au lendemain, qu'il fut porté à l'église de Notre-Dame de Paris. Et y ot quatre seigneurs de la court de parlement qui tenoient les quatre cornières du pouelle, vestuz en manteaulx d'escarlache, et plussieurs autres seigneurs de ladite court vestuz de vermeil tenans ledit pouelle. ([CHART. J., Chron. Ch. VII, V., t.3, c.1437-1464, 114]). Si fut commandé à Toyson d'or de par le duc et de par son marissal de faire les bans et cris acoustuméz en tel cas, lequel les fit prestement sur les quattre cornieres des lisces. ([CHASTELL., Chron. IV, D., c.1461-1472, 163]). |
