A. -

"Imiter"

1.

Contrefaire qqc. "Imiter qqc." : ...ceulx des pays estrangers aucunesfoiz contrefont semblable monnoie (ORESME, Monnoies W., c.1365, LX). ...le palais, Qui n'estoit trop biaus ne trop lais. Fais est en fourme d'une eglise, Et de l'ancienne devise, A pilers et à votes fais ; Et si n'estoit pas contrefais, Car tous d'uevre sarrazinoise Estoit, contraire à la françoise. (MACH., P. Alex., p.1369, 195). ...nul service ne luy est destourné ne desconvenable et se vest des contenances des personnes de tous estas et de tous mestiers et les singoie et contrefait leur services (FOUL., Policrat. B., III, 1372, 216). Et briefment, elle [la toison d'or] est telle que nulz n'en peust oncques parfaitement la coulour contrefaire. (EVR. CONTY, Eschez amour. mor. G.-T.R., c.1400, 392). ...une emeraulde contrefaicte, trois grosses perles et un grenat, et autour du cercle a treze roses de six perles chascune et un grenat ou millieu (Ch. VI, D., t.2, 1418, 350). ...il en y eut aucuns des nostres qui contrefirent l'abillement du roy (LA VIGNE, V.N., p.1495, 287).

-

Contrefait de qqc. "Imitant qqc." : ...pour II pieces de baudequins de pluseurs soyes, lune en champ azuré et lautre contrefait de dapmas en bleu à lettres (Compte Navarre I.P., 1367-1371, 181).

2.

Contrefaire qqn (son comportement, son langage...). "Imiter qqn, copier son comportement, son langage (souvent dans une intention de tromperie)" : N'en monde n'a si soutil homme, Tant soit apers, qui sans meffaire Sceüst un amant contrefaire, Qu'il n'i eüst trop a reprendre ; Ne riens ne me feroit entendre Que il peüst soudeinnement Sa couleur muër proprement En quatre manieres diverses, Blanches, rouges, noires ou perses. (MACH., R. Fort., c.1341, 64). Car nulle amer, ne tant ne quant, Ne vosissent ; et nompourquant L'amant savoient trop bien feindre, Sans mal sentir gemir et pleindre, Et si savoient trop bien faire Faus samblant et eaus contrefaire, Com mauvais desloial truant. (MACH., D. Lyon, 1342, 198). ...Symon Goin et pluseurs autres leur complices, meus de male volenté, eux faisans comme Angloys et contrefaisans leurs lengages, s'en vindrent audit lieu d'Englers et prinrent pluseurs personnes et les batirent molt vilainement, disanz que il les metroient à mort, se il ne se raençonnoient (Doc. Poitou G., t.3, 1351, 50). ...[ils] ont desrobé X ou XIJ personnes sur les fossez de Paris, depuis IIJ sepmaines ençà, et d'iceulx larrecins ont eu IIJ ou IIIJ frans (...) ; et dist que, en ce faisant, ilz contrefaisoient les sergenz. (Reg. crim. Chât., I, 1389-1392, 377). Ilz [les ecclésiastiques] vuelent contrefaire les galans, et portent robes courtes (JUV. URS., Aud. celi, 1435, 243). Et n'a pas Dieu bon temps, dist elle, quant telz gens veullent devises porter, et contrefaire l'amoreux ? (LA SALE, J.S., 1456, 55). Car plusieurs gens vuellent contrefaire les vaillans et vous diront : "Monseigneur, faittes cecy ; monseigneur, faittes cela," et beaucoup de choses qu'ilz ne sauroient ne n'oseroient faire. Et encores ne saivent se elles sont bonnes ou mauvaises ; mais le dient seullement pour dire : "J'en ay parlé ;" et, si on le fait, pour se vanter : "Qui eust fait ce que j'avoye dit, il en fut bien alé..." (BUEIL, II, 1461-1466, 32). En disant ces parolles, pour cuyder complaire au roy, ledict Loys de Ceville commança à contrefaire le duc de Bourgongne et à frapper du pied contre terre et jurer sainct George et qu'il appelloit le roy d'Angleterre Blayborgne (COMM., II, 1489-1491, 50). ...vous vueil bien faire sçavoir que si aucuns invocateurs, nigromanciens, abuseurs ou divins, pour couvrir leurs mauvais ars, ont contrefait et contreffont les astrologiens et se aident d'aucune consideracion des corps celestes, il ne s'ensuit pas pourtant que la très noble et excellante science de astrologie et les purs astrologiens en doyent estre blasmés ou en valloir mains (SIMON DE PHARES, Astrol., c.1494-1498, f° 2 r°).

-

Contrefaire le +subst. désignant celui qui est dans tel ou tel état (le fou, le malade...). "Jouer, faire le..." : Oiez, comme elle se chevit : Quant failli li ot dou couvent Qu'eü li avoit en couvent, Einsi com pluseurs amans font Qui l'amant loial contrefont, La desesperée, la fole, Qu'amours honnist, qu'amours afole, L'espée d'Eneas trouva Et en son corps si l'esprouva Qu'onques ne se pot espargnier... (MACH., J. R. Nav., 1349, 209). Et quant j'eus oy sa raison, Sans trop contrefaire le sage, Li respondi par tel langage : "Monsigneur, se Dieus me doint joie, A vëoir plus vous desiroie Que signeur qui fust en ce monde Pour le bien qui en vous habunde..." (MACH., F. am., c.1361, 187). ..tu li diras Qu'il fault que le fol contreface (Mir. Rob. Dyable, c.1375, 44). ...et contrefaisoit le mort, et tant qu'il fut aporté en la voye sur les quarreaulx. (Reg. crim. Chât., I, 1389-1392, 502). [Premier bergier] J'aimme mieux amer Marotele, Et la faire au fresteau danser, Que moy faire fol ressembler Pour contrefaire l'omme d'armes. (Gris., 1395, 44). ...elle fit despouiller sa voisine et coucher en sa place, en la chargeant expressement que elle ne responde mot a son mary quand il viendra, mais contreface la muette et la malade. (C.N.N., c.1456-1467, 264). TESTE. Chacun contrefait le seigneur, Chacun fait maintenant du sage. (Sots triumph., c.1475, 39). ...est il borgne d'ung oeil ? Il semble que ouy, dont j'ay grant dueil, Ou s'il contrefait cy le lousche. (Copp. lard., a.1488, 175).

.

Contrefaire du : Cil qui jangloit veult songier et soy taire, Et le songeart du joyeux contrefaire, Et si cuide chascun d'eulx le mieulx faire. (CHART., D. Fort., 1412-1413, 159). Se voullez aller a cheval Et estre homme de grant affaire, Premier il nous fault contrefaire Du saige et du bon entendeur, Dire le mal et le bien taire Et estre tresparfait menteur, Bourdeur, mensongeur, raporteur, Jurant fort d'estoc et de taille. (Sots triumph., c.1475, 45).

.

Contrefaire un animal : ...le bon escuier qui ou lit estoit commença grouller, contrefaisant le chien (C.N.N., c.1456-1467, 212).

-

"Se faire passer pour" : En la fasson que vous oyez fut puny nostre pouvre Escossois qui la femme contrefist. (C.N.N., c.1456-1467, 304).

-

Contrefaire (son comportement, son apparence...) de : Mes semblans sont de joye contrefaiz, Tout au rebours du penser et des faiz, Et ne me plaist riens de ce que je faiz S'il ne sortist a doulours et a plains. (CHART., Compl., 1424, 326).

-

Empl. pronom. Se contrefaire. "Feindre, faire semblant" : La traÿson de mon couraige Ne ce peut oster ne refraindre : Le brasier n'en saroient estaindre Toutes les gouttes de la mer. Il le me convient consommer, Je ne me puis plus contrefaire. (Myst. Pass. Troyes B., a.1482, 660).

B. -

En partic.

1.

"Imiter, reproduire qqc. frauduleusement (un sceau, un document, la monnaie...)" : ...si deffendons à tous de par le Roi, notre dit seigneur, et de par nous, sur quanques mesfaire se peuvent vers icelui seigneur, aucun ou aucuns, de quelconque estat ou condition que il soit ou soient, ne soient si hardi ne oze que il contrefachent ne fachent contrefaire mercque ne saing semblable à celluy dessusdits (Hist. industr. drapière Flandre E.P., t.3, 1360, 401). ...chilz furent justiciet du gibet, pour ce qu'il avoient fait contrefaire le seel de le perche dez draps melléz, et leur draps seellé d'yceulx seelx contrefais... (Hist. industr. drapière Flandre E.P., t.3, 1363, 647). ...ils avoient usé et mis en fait de change et en autres manieres par marchandise, de monnoie d'autre coing et aloy que de celle de Guienne, taillée et marquée du coing du dit prince, et que celle monnoie estoit false et contrefaite (Doc. Poitou G., t.4, 1372, 256). Estienne Josson, prisonnier detenu illec pour souspeçon d'avoir fait ou contrefait un faulz briefvet et les seings manuelz de Andrieu Le Preux et Oudart Culdoë, notaires du roy nostre sire oudit Chastellet (Reg. crim. Chât., II, 1389-1392, 487). ...mais il mesmes qui parle contrefist de sa main les seings manuelz d'iceulz notaires, et y mist la date (Reg. crim. Chât., II, 1389-1392, 494). ... lequel Hugonin signa et contreffit ledit seing et l'escriptvit en ladicte cedulle et accort ainsi reffait (Titres Bourbon L., t.2, 1405, 153). ...ledit argent blanc ainsi fondu et alayé et transporté ausdiz Sarrazins par ledit Jacques Cuer ou sesdiz gens et servicteurs ne fust de pareille loy comme cellui qui avoit et a cours en nostredit royaume, mais de moindre loy beaucop ; (...) pour le mieulx vendre (...) ledit Jacques Cuer de son auctorité privée l'avoit signé ou au moins permis et souffert signer par sesdiz gens, facteurs et servicteurs, à une fleur de lis contrefaicte, en falsisfiant et contrefaisant nostre marque, dont grant deshonneur estoit avenu à nous et à noz subgiez (Doc. 1453. In : Aff. Jacques Coeur M., 1453-1457, 7). Lesquelles [lettres] ainsi contrefaictes et contrescellées par lesdiz paintres furent par eulx baillées et rendues ausdiz Nicolas (Doc. Poitou G., t.11, 1470, 243). ...et cuyda ledict duc, pour ce qu'il estoit passé par le roy, qu'il eust contrefait ces lettres. (COMM., I, 1489-1491, 124).

2.

"Falsifier, fausser qqc." : Et pour ce que n'estoie mie Toudis en un point, m'estudie Mis en faire chansons et lais, Balades, rondiaus, virelais Et chans, selonc mon sentement, Amoureus et non autrement ; Car qui de sentement ne fait, Son ouevre et son chant contrefait. (MACH., R. Fort., c.1341, 15). Si me bailla un rondelet Qui n'estoit pas rudes ne let, N'il n'estoit mie contrefais, Ainçois estoit si tresbien fais (...) Que nulz amender n'i savoit. (MACH., Voir, 1364, 52). ...je ne fis onques puis riens qui ne fust pour vous. Car je ne sai et ne veuil faire de sentement d'autrui fors seulement dou mien et du vostre, pour ce que, qui de sentement ne fait, son dit et son chant contrefait. (MACH., Voir, 1364, 170). Et pour ce sont mi chant de rude affaire, Qu'il sont tuit fait d'un cuer plus noir que meure, Triste, dolent, qui larmes de sanc pleure. S'en sui repris et blasmez durement. Mais je ne say mon ouevre contrefaire, Eins moustre ce que mes cuers scet et sent (MACH., Bal., 1377, 557). Fleur de Lis Ou Dieu mist pieça ses delis, Ainsi comme en escript le lis, Ton nom n'est pas ensevelis Ne n'es deffaicte Par Deshonneur ou contrefaicte, Car ceulx de ta maison te ont faicte Honneur par vaillance parfaicte, Dont ja en cendres Sont les uns. (CHART., L. Dames, 1416, 283). Vecy chose bien contrefaicte Contre le dict des ancïens (Myst. Pass. Troyes B., a.1482, 484). Faulse sentence contrefaicte Fusse tu sans estre refaicte Rompue ou laissée imparfaicte, Car maint qui de toy ne se guette Occiras en ces premiers ans. (Cene dieux, c.1492, 124).

-

Contrefaire le long. "Jouer au retard, faire semblant d'être en retard, tarder" : Pencez que pas le long ne contreffois (LA VIGNE, S.M., 1496, 215).

-

Sans contrefaire. "Sans feindre, sans simuler" : Et si bel salu li offri, Comme je pooie et savoie, Et comme faire le devoie, Einsi comme j'avoie apris A honnourer gens de tel pris. Et elle aussi, sans contrefaire, Sceut moult bien le seurplus parfaire, En respondant par amisté, Gardant honneur et honnesté. (MACH., J. R. Nav., 1349, 163).

-

Part. passé en empl. adj. "Faux" : Pour ce te vueil je donner a congnoistre quelles sont les contrefaites esperances, qui les personnes mainent a confusion lez bras au col, et en riant, par consolation faintive, et folle fiance mal fondee, lez tirent a gemissemens et a lermes. (CHART., L. Esp., c.1429-1430, 101).

3.

Inf. subst. "Fait de donner le change" : Des autres choses vous diray Se diligemment les querés, Sans faillir vous les trouverés Aveuques les choses notees Et es balades non chantees ; Dont j'ay mainte pensee eü Que chascuns n'a mie sceü, Car cilz qui vuet tel chose faire, Penser li faut ou contrefaire (MACH., Voir, 1364, 76).

V. aussi contrefait