B. - | "Sans cesse, de manière ininterrompue, durablement" : ...ilz ont a vivre et habiter continuelment ensemble. ([Mir. femme roy Port., c.1342, 149]). Et meisme selon la philosophie de Aristote, toutes sont conservees et gardees en estre par l'influence de Dieu aussi come, par le solail, la lumiere est continuelment causee et maintenue. ([ORESME, C.M., c.1377, 54]). ...elle, puis six ans ençà, a continuelment demouré en la compaignie dudit feu Drion Anceau, son mary, et servy Jehan Ferry, laboureur de vignes et hostellier (...) et aussy demouré continuelment, puis la Saint-Jehan derrenierement passée jusques environ XV jours avant la Toussains ensuïant, en l'hostel dudit Ferry ([Reg. crim. Chât., II, 1389-1392, 56]). Avecques lequel Perrinet il, puis ledit temps, a continuelment beu, mengié et couché ensamble, puis VIIJ jours jusques à aujourd'ui ([Reg. crim. Chât., II, 1389-1392, 173]). Premierement amez et doubtez et servez Dieu vostre Createur, continuelment. Tenez les commandemens de nostre mere Saincte Eglise et tous les degrez et commandemens de nostre foy catholique. ([ARRAS, c.1392-1393, 152]). Ceste povreté d'esperit, ou fut elle doncques enracinee plus parfondement que en la saincte ame de saint Pol qui se reputoit le premier entre les pecheurs, qui estoit continuellement en paour et en tremeur, qui mesprisoit toute richesse terrienne, et les reputoit fiens ou boe ([GERS., P. Paul, a.1394, 509]). Si ne se esbahirent point li Hainnuiers, quoique li enghien jetaissent continuelment qui lor rompirent tous les tois dou dit manage. ([FROISS., Chron. D., p.1400, 395]). ...attendu les grans mortalitez qui des IIIJ ou cinq ans en ça ont esté et sont ancores en pluseurs lieux de ce royaume, et aussy les grans charges que le pueple a eu et ancores a continuelment à soustenir ([BAYE, I, 1400-1410, 35]). Et par ainsi le faire et continuellement justice tenir, si te promet tant estoit cremus que chascun se gardoit de mesprendre. ([CHR. PIZ., Paix W., 1412-1413, 100]). ...pour doubte des ennemis qui continuelment couroient et s'embuschoient sur eulz pour les grever et destruire. ([FAUQ., II, 1421-1430, 279]). Charlemainne ordonna que les prestres priassent et ennortassent le peuple a prier continuelement pour les plaies diverses ([JUV. URS., T. rever., 1433, 85]). Quant ung chevalier ou escuier noble de toutes ses quatre lingnes a la terre de dix chevaliers ou escuiers bachelliers et se vuelt faire banerez, fault par droit de honneur que premier ait de son patrimoyne ou acquis pour estre acompaignié du moins de IIII ou V nobles hommes continuellement a XII ou XV chevaulz. ([LA SALE, Salade, c.1442-1444, 233]). Lequel fist drécier entour d'ycelle forteresce plusieurs engiens continuellement jettans, lesquelz dommagèrent moult fort la muraille. ([MONSTRELET, Chron. D.-A., t.4, c.1444-1453, 368]). ...il leur sembloit que le roy le devoit marier en son royaume a quelque fille de haulte lignee qui fust seule heretiere ou a quelque autre fille de son sang, et luy donner quelque belle terre ou province, que seroit cause de le faire demeurer ou royaume plus continuelment. ([Rambaux Frise S., c.1450-1475, 65]). ...fut nostre homme mis, troussé et lyé sur la charrette, et, tenant sa musette, dont il jouoit continuellement ([C.N.N., c.1456-1467, 451]). ...ilz ne sont pas pour attendre les longs procès, pour ce qu'il fault qu'ilz servent continuellement à la chose publique. ([BUEIL, II, 1461-1466, 27]). Exemple de Saint Pol, qui estoit tempté continuelement de l'esperit malvais de vaine glore pour les miracles et les choses merveilleuses qu'il faisoit ([Somme abr., c.1477-1481, 177]). Fist deux cierges et une lampe ardant continuellement de feu inextinguible qu'il encloyt en terre. ([SIMON DE PHARES, Astrol., c.1494-1498, f° 70 v°]). "J'ay ung anel qui a deux sculptures, lequel je porte et n'en suis point plus joyeux, et si ung autre le porte, il rit continuellement et ne peut cesser à rire jusques ledit anel lui soit osté". ([SIMON DE PHARES, Astrol., c.1494-1498, f° 77 v°]). |
