I. -

Empl. trans. Communiquer qqc. "Transmettre qqc."

A. -

Communiquer qqc. à qqn. "Transmettre, faire connaître qqc. à qqn" : Ce jour ont esté receue par les esleuz, les lettres du Roy (...) apportées par Guillaume le Clerc, chevaucheur de son escurie ; lesquelles ilz ont communicqués aux gouverneurs de la ville, dont la teneur s'ensuit.... (Fr. arch. Compiègne B.H., 1486, 203). Il estoit de cler et bon engin, bien devost et repputé sainte personne et de sa grace me communiquoit ce que de bon il avoit, par especial livres de divers ydyomatz et sciences. (SIMON DE PHARES, Astrol., c.1494-1498, f° 163 r°). ...il aporta à Paris la nativité de la royne, la communiqua à monseigneur le chancellier Rocheffort, mon calumpniateur, lui remonstrant qu'il faisoit mal de vouloir calumpnier astrologie (SIMON DE PHARES, Astrol., c.1494-1498, f° 164 r°).

-

"Faire partager qqc. à qqn, en étendre le bienfait à qqn" : Aux impotens je communique Le mien. (BAUDE, Dictz moraulx S., p.1450, 122). Aux trespassez je faiz ce laiz [l'absolution demandée pour les morts] Et icelluy je communicque A regens cours, sieges, palaiz, Hayneurs d'avarice l'inicque, Lesquelz pour la chose publicque Se seichent les oz et les corps : De Dieu et de saint Dominicque Soient absolz, quant seront mors ! (VILLON, Test. R.H., 1461-1462, 135).

-

Qqc. est communiqué à qqn. "Qqc. est donné en partage à qqn" : Sy comme estre et vivre est communiqué et donné de Dieu aus honmes plus clerement et plus parfaitement que aus bestes. (ORESME, C.M., c.1377, 164).

-

[D'une chose] Se communiqure en plusieurs pers. "Se diffuser, se partager entre plusieurs" : Et non obstant que grant felicité est d'estre en la consolacion de vraie amour, toutevoiez trop plus grant felicité et beatitude est quant en plusieurs telles agreables et delectables amours sont communiquees, car de tant il est plus ample en la joye de charité et en la joye de suavité : car adont l'amour sperituelle a ung chascun singullierement est milieur quant a tous elle est commune. (CRAP., Cur Deus, De arrha B.H., c.1450-1460, 270).

-

[De Dieu] "Faire partager" : Aucuns noms et tiltres sont attribués principaument et essencialment a Dieu, et aux hommes en aprés par participation et disposition. Bonté et sapience premierement appartienent a Dieu, et il en communique aux hommez telle part comme la foible condition en peult recevoir. (CHART., L. Esp., c.1429-1430, 157). Pour communiquer sa bonté, [Dieu] Forma l'omme de pourriture, Et luy donna la couverture De purité et d'ignoscence, Et puis luy bailla demeurance Ou lieu terrestre paradis (Myst. st Adr. P., c.1450-1485, 93). ...le verbe diuin estoit au commencement de toutes choses, cest au pere qui par telle congnoissance communique ce qui est en son entendement et produit une mentale parolle ou concepcion du tout equale et semblable a soy (CIB., p.1451, 202). Il puet, il scet et veult communiquier soy mesmes, c'est a dire donner a aultrui la plentureuseté et la plenitude de sa majesté. Et pour tant Dieu le Pere eternelement a engendré son Filz pareil a lui, auquel il a communiquiet et participé l'estre, la substance et essence de sa divinité. (Somme abr., c.1477-1481, 107). Toutevoies nous pouons dire que le Pere par la vertu et pouoir de son essence enfant en lui engendre, pour ce que au Filz par generation communique et donne essence comme au Saint Esperit par procession (Somme abr., c.1477-1481, 109). A cause de la premiere excellence, le Filz est apellé le mot ou la parole du Pere, car parfaitement il parle et prononce la bonté et la souveraine largesse et liberalité du Pere, qui ne veult avoir aucune chose que ne donnast et communiquast en la faisant commune au filz. (Somme abr., c.1477-1481, 113).

B. -

Communiquer qqc. à qqn. "Faire connaître qqc. à qqn, informer qqn de qqc." : ...et est sa volenté et veult que de cy en avant on lui communique ce que fait sera et avendra par deça. (FAUQ., I, 1417-1420, 257). ...lesdiz Baronnatz se tireront par devers maistre Pierre Granier, à son retour de Languedoc, où il est alé et lui communiqueront les ouvertures dessus dictes (Aff. Jacques Coeur M., 1453-1457, 376). "...Et (...) vous pry que soyez à Crathor à tant de gens que vous pourrez finer au XVe jour de ce moys, ouquel lieu je vous communiqueray aucunes choses lesquelles, par la grace de Dieu et o vostre bon conseil, nous mettrons peine de executer." (BUEIL, II, 1461-1466, 84). Et dist celuy de Dunois que le roy incontinent luy envoya l'evesque de Constance pour luy tout communiquier (CHASTELL., Chron. IV, D., c.1461-1472, 56). ...où, saichant la prinse dudict Sifron, se y voulut bien trouver, doubtant qu'il ne deïst de luy ce qu'il savoit, car il entendoit tout le demené dudict conte, tant d'un costé que d'autre, et luy avoit esté tout communiqué et estoit ce qu'il vouloit dire. (COMM., II, 1489-1491, 138).

C. -

Empl. pronom.

1.

[De Dieu] "Se faire connaître" : Le Pere puet doncques ceste representacion de soy mesmes, et de sa Deité, et de toutes choses, mettre en congnoissance personnele, comme en soy disant, en soy communicant et diffundant (GERS., Trin., 1402, 167). La raison si est que on porroit cuidier que Dieu ne se peusist souverainement communiquier et soy participer a aultre, et par ainsi nyeroit la puissance de Dieu. Et qui cuideroit que Dieu se porroit communiquier, mais que pas ne scavroit, il nyeroit en lui estre sapience (...). Par quoy s'ensiut que Dieu le Pere pouoit, scavoit et vouloit soy communiquier souverainement. (Somme abr., c.1477-1481, 123). Pareillement on porroit dire que Dieu se moeut naturelement, pour tant que par sa bonté accoustumee et naturele il se communique et rend doulz par pitié selon leur pouoir et capacité a tous et a ung chascun. (Somme abr., c.1477-1481, 145).

2.

[D'une chose] Se communiquer à. "Se transmettre à" : ...naturelle vertu procree communement ses effectz semblables a leur cause, et lez bons peres engendrent raysonnablement lez bons filz. Lez sens et crainte dez vaillans parens se espart et communique a leur generation par usage de bien endoctriner, et par frequentation de haultes oeuvres. (CHART., L. Esp., c.1429-1430, 69).

II. -

"Entrer en relation, entretenir des relations, discuter"

A. -

Empl. trans.

1.

Communiquer qqn. "Entrer en relation avec qqn, joindre qqn" : Et pour mes ennemys deffaire, Le grant dieu Mars tousjours invoque Et affin que nul ne m'estoque Robe, bonnet, chappeau ne toque, Apollo veulx communiquer (LA VIGNE, S.M., 1496, 432).

-

[D'un homme] "Avoir des rapports avec une femme" : AGAR. Je sui ençainte, ma maistresse ; Je ne le vous puis plus celler. SARRAY. C'est Dieu qui nous veult consoller Et nous oster dehors d'esmoy. Quant mon mary n'a sceu de moy Avoir lignée, j'ay ien voulu, Affin que ne luy fut tollu Le droit de engendrer, qu'il allast A toy et te communicast, Te faisant quasi ma compaigne. (Myst. Viel test. R., t.1, c.1450, 343).

2.

Communiquer qqc. (avec qqn). "Discuter de qqc. (avec qqn), s'entendre sur qqc. (avec qqn)" : ...à la requeste des prevost des marchans et eschevins de la ville de Paris, requerans avoir aucuns des conseilliers de ceans pour conferer avec eulz et communiquer leurs affaires (FAUQ., II, 1421-1430, 316). Aprés celle conjuroison, quant ces miserables traytres se furent retrais en leurs maisons, ilz communiquerent avec leurs voisins la mort d'Appollo et leur promirent grans nombres de peccunes s'ilz parvenoient a leur intencion. (LEFÈVRE (R.), Hist. Jason P., c.1460, 185). [Maistre Jehan de Clugny, ambassadeur du duc de Bourgogne, au roi de France :] ...nous vous supplions, sire, que vostre plaisir soit deputer aulcuns de messieurs de vostre conseil avec lesquels communiquerons et dirons familiarement la voulenté de monsieur nostre maistre (CHASTELL., Chron. IV, D., c.1461-1472, 40). ...affin que le roy cogneust par effect le bon voloir de leur maistre le duc, requirent avoir gens du conseil du roy pour communiquer aveuques eulz ce qui avoit esté fait (CHASTELL., Chron. IV, D., c.1461-1472, 55). ...disant (...) au surplus que devant le conte du Maine et luy ledit de Clugny deist sa creance en faisant narration de toutes les choses communiquees aveuc les deputéz. (CHASTELL., Chron. IV, D., c.1461-1472, 56).

-

Communiquer de qqc. à qqn. "S'entretenir de qqc. avec qqn" : ...pour ce que le mareschal de Bourgongne estoit là et auquel ne vouloit communiquer de son droit secré, le renvoia devers le dauphin et devers tous ceulx de son hostel, leur dire que de luy ne fussent en soing (CHASTELL., Chron. K., t.3, c.1456-1471, 278).

B. -

Empl. intrans. ou pronom.

1.

"Établir ou entretenir des relations (avec d'autres pers.), discuter (avec d'autres pers.)" : Il entent de ceulz qui de lointain pays vont et communiquent ou conversent ensemble pour marcheandise et pour gaaing. (ORESME, E.A.C., c.1370, 418). ...le prince doit voulentiers communiquer entre les siens. (CHR. PIZ., Paix W., 1412-1413, 115). Pendant le temps que telz courses se faisoient, les marchans de estranges nations, qui ont acoustumé, de sy long temps qu'il n'est memore du contrairre, de communicquier et marchander en la ville de Bruges, lesquelz on appelloit les Nations, et qui pas n'estoient de la guerre, rendoient chascun jour grant painne de y mettre la pais et reduirre lesdis de Gand en la bonne grace dudit duc, et qui de ceste guerre estoient comme neuttres, se conclurrent de aler en ladicte ville de Gand, et eulx remonstrer le grant abuz en quoy ilz estoient (ESCOUCHY, Chron. B., t.1, c.1453-14, 407). ...il puisse licitement aller, frequanter, communiquer et demourer en nostredit duché de Lorraine (Lettres rémission René II P.D.H., 1477, 96).

-

Communiquer à/avec qqn/communiquer ensemble. "Avoir, entretenir des relations avec qqn, fréquenter qqn, discuter avec qqn" : Et en teles amistiéz sont faites accusacions mesmement quant les amis ne veulent communiquer l'un a l'autre selon une meïsme amistié, et par ce se departent les amistiéz. (ORESME, E.A., c.1370, 447). Et si se doit ung juge bien garder de trop conmunicquer a boire, mengier ou autrement avec aucune des partiez qui avoient afaire devant luy (JUV. URS., Aud. illos, 1432, 39). ...Charretier, en son vivant prebstre et curé de la dicte parroisse, communiquoit avec sa femme et la maintenoit charnellement (Doc. Poitou G., t.8, 1446, 257). ...sur quoy, très hault et puissant prince, j'ay communiqué par plusieurs foiz avecques iceulx voz ambassadeurs (ESCOUCHY, Chron. B., t.3, Pièces justif., 1448, 201). En ces Espaignes, et en Arragon a grant multitude de Sarrazins et de Juifs, qui tiennent terres, maisons et possessions, et communiquent avecques les crestians. (LE BOUVIER, Descript. pays H., p.1451, 132). Après ces choses vont communiquer ensemble en quelle maniere ilz le feroient savoir au conte et a la contesse (Belle Maguel. C., 1453, 55). ...et communicquoient marchans ensamble de touttes marches (ESCOUCHY, Chron. B., t.1, c.1453-14, 447). ...et fut ung peu d'espace de temps avecques le roy, et puis s'en party de Senlis pour aler à Clermont. Oudit moys d'aoust, le roy ot ambaxade de par le roy d'Angleterre qu'il s'estoit venu loger à Lihons en Sancters, qui communiquerent avecques le roy d'aucunes matieres. (ROYE, Chron. scand., I, 1460-1483, 341). Et dudit Sainct-Denis s'en ala au pays de Picardie et Flandres, pour cuider communiquer avecques les Flamens et Picars et essaier de faire aucun accord entre le roy et eulx sur leurs differens (ROYE, Chron. scand., II, 1460-1483, 102). ...les gens de bas et de petit estat (...) s'ilz sont saiges en communicant et conversant avec leurs semblables et avec autres gens, ilz pevent apprendre et congnoistre leur condicion ; et pour ce viennent à la congnoissance du gouvernement d'autruy, et ainsi sont prins et esleuz pour estre par dessus les autres. (BUEIL, I, 1461-1466, 58). Et quant aux dix commandement, Tu as mesprins, comme je croy, Et aux articles de la foy, Et se tu as communiqué Avec nul excommunié, Ainsi confesser tu te doys. (C. Riffl., c.1480-1520, 60). Quant ces Gantoys et autres depputéz eurent veü ceste lettre, ilz en furent fort marriz, et ceulx qui communiquèrent avec eulx les y aydoient bien. (COMM., II, 1489-1491, 195). Et commencèrent secrètement et de nuyt à communicquer ensemble, et premier par leurs secrétaires, et n'osoient encores en publicque se declairer contre le roy (COMM., III, 1495-1498, 118).

.

Communiquer de/sur qqc. (avec qqn). "S'entretenir de qqc., au sujet de qqc. (avec qqn)" : ...et interim communiqueront de ceste matiere avec aucuns du Grant Conseil du Roy (FAUQ., III, 1431-1435, 48). [Si] communiqua avecques ledit seigneur de Foix de questions joieuses et amoureuses (ROYE, Chron. scand., I, 1460-1483, 222). Et, le mardi ensuivant [3 septembre], furent nommez et esleuz ambaxeurs pour le roy et lesdiz seigneurs pour communiquer sur leurs differens (ROYE, Chron. scand., I, 1460-1483, 99). ...car estoient deux chevaliers en l'ordre de grant parement, et sur lesquelz on s'attendoit beaucop de conseil et d'avis sur les matieres dont on voloit communiquier audit lieu. (CHASTELL., Chron. IV, D., c.1461-1472, 274). [Messire Pierre de Goux, ambassadeur du duc de Bourgogne auprès du roi de France :] Sire, touchant le fait de Lucembourg (...), [monseigneur de Bourgoingne], pour satiffaire a vous en ceste question, vous supplie humblement et requiert qu'il vous plaise lui ottroier journee et lieu ouquel vos gens puissent communiquier avecques les siens de ceste matere (CHASTELL., Chron. IV, D., c.1461-1472, 300). [Messire Pierre de Goux, ambassadeur du duc de Bourgogne auprès du roi de France :] Sire, touchant aussi la desobeïssance faitte a vostre Parlement (...), mondit seigneur de Bourgoingne vous fait prier et supplier humblement que, touchant ceste matere aussi, il vous plaise lui accorder jour de convention en quel voz gens puissent communiquier sur ce point cy avecques les siens (CHASTELL., Chron. IV, D., c.1461-1472, 300). Item, lesquelz conservateurs particuliers, qui ainsi seront commis pour la part du Roy et pour la part de mondit seigneur de Bourgoingne, ou leurs subrogués ou commis, s'ilz avoient legitime excusacion de non y vacquer en personne, c'est assavoir les deux de chascune marche pour les deux costez, seront tenuz d'eulx assembler chascune sepmaine le jour de mardi (...) pour communiquer illec de toutes les plaintes et doleances qui seront survenues d'ung costé et d'aultre touchant lesdictes tresves (LA MARCHE, Mém., III, c.1470, 224-225). ...j'envoye par delà Anthoine Postel pour vous dire mon vouloir touchant les vivres, affin aussi que soiez mieulx obey si l'on vous y faisoit quelque reffus pour communicquer avecques vous de ceste matiere. (Lettres Ch. VIII, P., t.1, 1487, 215).

-

Empl. impers. : Et tellement fut communiqué par lesdictes parties, tant d'ung costé que d'aultre, qu'ilz firent et traicterent ladicte paix, en laquelle faisant se debvoit faire le mariage de mons. le daulphin et de la fille du duc en Auteriche (ROYE, Chron. scand., II, 1460-1483, 123).

-

Empl. pronom. "S'entretenir" : Au dict chasteau en grant triumphe entra Pour soy loger, auquel lieu rencontra Ma dicte dame et le duc son beau filz, Qui le receut ainsy qu'on luy monstra Si haultement que l'ordre penetra Du monde entier tous les honneurs prefix ; Et furent tant en lïesse confitz, Que toutes haynes et discors desconfitz, Lors se monstrerent pour eulx communiquer. (LA VIGNE, V.N., p.1495, 162).

2.

"Être en relation avec, avoir des relations d'affinité avec..." : Il appert donques que actrempance et desactrempance sont en teles et vers teles delectacions en quelles les autres bestes communiquent aveques homme. (ORESME, E.A., c.1370, 221). Mais teles delectacions ne sont pas communes as bestes et est certain que eulz ne communiquent ou participent avecques nature humaine en nulle delectacion sensible tant comme il font en touchier et en gouster. (ORESME, E.A.C., c.1370, 221). N'as [var. n'a] pas l'omme communication de son estre communicant avecquez les pierres, son vivre avecquez lez plantes, sentir avecquez lez bestes, et entendre avecquez lez anges ? (CHART., L. Esp., c.1429-1430, 92). Pense que cest que ton ame, comment cest une substance immaterielle et intellectuelle qui contient en soy toutes les perfections des autres creatures : elle communique auec les choses insensibles et qui ne sont pas viues, auec les bestes, et auec les angeliques esperis, comme il a este dit. (CIB., p.1451, 186).

-

Communiquer à qqc. "Participer à qqc." : Or convient il plus avant enquerir de ceste chose quant as mors, assavoir se il communiquent ou participent au bien ou as maulz qui adviennent a leur amis vivans. (ORESME, E.A., c.1370, 138). ...cilz subsolanus ne communique pas ainsi as vens chaus et frois (...) combien qu'il soit ou milieu d'eulx (EVR. CONTY, Probl. Aristote, 1380, XXVI, 54, 242 r°). ...en recepvant souvent ce precieux corps et sacrement, on communicque a la passion de Jhesus, on est comme ensepvely avec luy en la mort par souverainement desirer d'estre tousjours avec luy (Traité S. Sacr. B., c.1450-1500, 176).

-

Communiquer en qqc. "Partager qqc., participer à qqc." : Et non pas pour communiquer en mangier et en boire comme font les bestes d'une pasture. (ORESME, E.A., c.1370, 488). Et si convient recevoir aucune autre musique et en user se ainsi est que ceulz qui ont communiqué en excercitations de philosophie et de la discipline qui est vers musique la nous aient approvee. (ORESME, Pol. Arist. M., c.1372-1374, 357).