A. -

Au propre

1.

"Moyens de subsistance, vivres, gain, ce qui permet de se chevir, de vivre" : ...ordenons que toutes les forfaitures, et biens muebles et heritages, qui nous avenront et escherront en notre royaume, (...) soit baillées et distribuées à chascun des dessus dis bourgois et habitans souffissamment pour leur vivre, soustenance et chevance d'eulz (Hist. dr. munic. E., t.2, 1347, 345). ...Et entre gens estrangez ta chevance querras [var. ta uie requerras]. (Vie st Eust. 1 P., c.1350-1400, 140). ...le dit suppliant qui pour le temps gaignoit sa chevance simplement et loyalment, en menant vivres à la Rochelle et ailleurs (Doc. Poitou G., t.3, 1359, 277). Si comme se il est mestier de une quantité de peccune et il n'est pas possible de faire en chevance, et se il leur semble que ce soit possible et ainsi des autres moiens a ce requis, adonques il commencent a ouvrer et a besoingnier. (ORESME, E.A., c.1370, 192). ...il, tout le temps de sa vie, a gaignié par sa peine, audit mestier de charpentier, sa chevance, et c'est vescu et gouverné au mieulx qu'il a peu et sceu. (Reg. crim. Chât., II, 1389-1392, 394). ...il lors estant en très grant neccessité et povreté de son estat et chevance, et pour avoir et recouvrer finance, fist, semblablement que dit est dessus, passer en son nom par Jehan de La Noë et Pierre Le Guïant, notaires dudit Chastellet, une quittance (Reg. crim. Chât., II, 1389-1392, 494). ...sy voit ung vilain (...) qui aloit au bois atout une aisne pour porteir leingnez en la ville pour ses chevance [var. son chevanche]. (JEAN D'OUTREM., Myr. histors G., a.1400, 126). ...et par ce ne puet ledit receveur estre paié de ce que on lui doit, ne aussi paier ce qu'il doit. Et font ainsi chevaucher années sur autres, et tellement tous consumés vostre chevance demi an ainçois que le terme soit venu, et mangez vos vignes et verjus. (Doc. 1413. In : H. Moranvillé, Bibl. Éc. Chartes 51, 1890, 429). ...les ouvriers estoient de present moult diminuez tant de leur chevance ["de leur gain"] comme en nombre de personnes (Mét. corp. Paris L., t.2, 1440, 765).

-

Avoir (sa) chevance : ...or vivray je en mescheance Quant les membres dont ma chevance Par honneur je souloie avoir Pers ainsi. (Mir. nat. N.S.J.C., c.1343, 215). Li aucun ont povre chevanche Par deffaute de pourveance Et de sens (LA BUIGNE, Rom. deduis B., 1359-1377, 467). À Messire Raoul de la Greve, clerc de Monseigneur, pour don à li fait par Monseigneur d'Avrenches, lieutenant de Monseigneur le Captal, de XII frans par mois pour aide à soustenir son estat, pour ce que pour le temps ses benefices estoient de si petite value quil nen povoit avoir sa chevance ne son estat soustenir (Compte Navarre I.P., 1367-1371, 119). Item, une autre maniere de peuple est qui vit du labeur de ses mains, et ont petite chevance en tant qu'il ne pevent vaquer. (ORESME, Pol. Arist. M., c.1372-1374, 173). Il n'a ne doubte ne esmay Qu'il n'ait grandement sa chavance (FROISS., Joli buiss. F., 1373, 83). ...sans la marceandise de la mer il ne pueent avoir cavance ne savent vivre (FROISS., Chron. D., p.1400, 273).

2.

"Moyens en argent ; prêt"

a)

"Argent, fonds, prix" : Et, certes, je voudroie que le Roy, qui a a present grant besoingz de chevance pour sa guerre soubstenir, meïst la main en telle finance, ainssi mise et deposee par lez Crestians en la garde dez Juys (Songe verg. S., t.1, 1378, 357). Quant lez officiaux veulent extorquier chevance d'aucune personne honeste et de bonne conversacion, pour ce que ilz ne treuvent que redire sur luy, il luy mettent suz que il soit usurier (Songe verg. S., t.2, 1378, 191). ...nul besoing ne lui estoit d'emprumpter l'argent dessus dit, car il avoit en garde toute la plus grant partie de la chevance dudit sire de Roussay, pour faire la despence de son hostel. (Reg. crim. Chât., II, 1389-1392, 134). M'amye, par vostre ouvraige, j'ay receu une belle chevance ["un bon prix"] (Cleriadus Z., c.1440-1444, 318). ...ilz ont donné aussi à mondit seigneur le duc et autres de sa compaignie aucuns chapeaulx couvers de grosses perles de compte, valissans grant chevance ["de grande valeur"], en especial cellui de mondit seigneur le duc (ESCOUCHY, Chron. B., t.3, Pièces justif., 1454, 445). Alé s'en est [le temps de ma jeunesse], et je demeure, Povre de sens et de savoir, Triste, failly, plus noir que meure, Qui n'ay ne cens, rente n'avoir. Des miens le mendre, je dy voir, De me desavouer s'avance, Oubliant naturel devoir Par faulte d'un peu de chevance. (VILLON, Test. R.H., 1461-1462, 34). ...lequel Juif il fist rançonner pour chacune de ses dens ravoir à cent mille royaulx d'argent, et, quant eut toute sa chevence, il lui fist crever les yex, copper la langue, puis tenailler, puis escarteller et pendre. (SIMON DE PHARES, Astrol., c.1494-1498, f° 142 v°).

-

Chevance de finance : ...par neccessité convenoit trouver hastives chevances de finance (CHR. PIZ., Faits meurs Ch. V, S., I, 1404, 69).

-

[Pour désigner des gages] : ...ne vous desplaise Se m'avez dit vostre mesaise : A mon pouoir la celeray, Et querre ailleurs chevance yray. (Mir. march. juif, c.1377, 188).

b)

"Prêt, avance" : ...es diz pays les marchans dient, quant l'en leur demande argent a emprunter, qu'ilz ne sont pas usuriers et qu'ilz n'ont point d'argent. Mais ilz feront bien chevance de marchandise a celluy qui en a besoing (BOUVET, Appar. Meun A., 1398, 66).

-

Faire chevance de tant à qqn. "Prêter tant sur gages à qqn" : ...au temps que (...) le Roy estoit a Everwik en alant sur son viage vers Escoce, ils firent chevance a nostre dit seignur le Roy de CC. livres, de laquelle somme quant ilz estient assignéz d'ent avoir allouance sur l'escripson de lour lains en vostre port, ne pourroient ils avoir deliverance devant que l'un de vous ent pristez XXIIJ nobles (Lettres agn. L., c.1401, 415).

-

Faire chevance avec qqn. "Faire un emprunt à qqn"

Rem. Lettres agn. L., p.1412, 117 (pur chevance fait ovesque J.P.).

3.

"Biens, richesses ; patrimoine"

a)

"Biens, richesses ; patrimoine (de qqn)" : Aprés il fut garnis de bonne pourvoiance, C'est ce qui multiplie les biens et la chavance (Gir. Ross. H., c.1334, 195). ...il eust seant ou duchié de Guienne huit vins livrées de terre ou environ, qui estoit la greigneur partie de sa chevance (Doc. Poitou G., t.3, 1369, 391). Il ont bien des signeurs le tiers De tout ce qu'il ont de chavance (FROISS., Joli buiss. F., 1373, 54). Folle largesse pour croire faux semblant M'a dessaisi du miex de ma chevance Par doulz regart qui va maint cuer emblant Où fausseté s'embat par decevance Avec biauté qui est de s'aliance Dont povreté m'a fait donner congé. (MACH., App., 1377, 644). Mais quant uns petis homs prent en gré sa chevance, Si qu'elle li souffist, on dit en audiance Qu'il est aussi riches comme est li rois de France. (MACH., Lays, 1377, 338). ...et aussi de tout le bien qu'elle li porroit faire, elle, de tout son povoir et chevance, le aideroit à gouverner, et la feroit gaignier le plus qu'elle porroit et sauroit. (Reg. crim. Chât., I, 1389-1392, 340). Sire chevaliers, la vostre mercy, vous m'avez donné un don, voire par tel que du vostre, ne de vostre chevance, ne vous demanderay je rien. (ARRAS, c.1392-1393, 120). ...on lui doit la somme de IIIc frans et plus, et pour ce a despendu grant partie de sa chevance (Paris domin. angl. L., 1422, 30). ...où il trouva coffres, bahuz et si grant chevance que tout ce que il trouva valloit ung royaume (Cleriadus Z., c.1440-1444, 325). Je n'ay chivance nullemant Que myeulx n'amasse a vouer [l. n'amasse avouer] perdue Que tantoust ne fut sa venue Sen actendre par devers nous. (Myst. st Sébast. M., c.1450-1500, 21). ...je parleray aulcunement de la grant pitié et amour que naturellement aulcuns orrent a leur pays et a la chose publicque dont il est né et ou il a chevance honnourablement... (LA SALE, Sale D., 1451, 102). ...quelque courroux que le seigneur eust de prinsault a sa belle meschine, si l'ayda il depuis de sa parolle et de sa chevance a marier. (C.N.N., c.1456-1467, 119). ...jasoit ce que povre fut de venue et de chevance, noble homme toutevoyez (CHASTELL., Chron. IV, D., c.1461-1472, 83). ...de ly mesmes il [le duc de Clèves] estoit fier et puissant (...). Estoient aussi tous ses nobles, par especial ceulx qui estoient de court, gens de grant parement et puissans en chevance pour faire honneur a leur maistre. (CHASTELL., Chron. IV, D., c.1461-1472, 235). On ne doit point eslire juge et garde de justice par sort, par chevance, par faveur et par crainte, par amitié ; mais grant prudence et pourveance de saige conseil (Cout. instit. Anjou Maine B.-B., t.4, 1464, 304). ...ledit conte de Dunois pour lesdiz aultres princes et seigneurs leur avoient respondu que le lundi ensuivant ilz bauldroient assault contre la ville de Paris le plus fort et le plus criminel dont ilz ce pourroient adviser, et que il cousteroit les vies de cent mille hommes et de chascun prince la chevance jusques à la chemise avant que ilz ne obtinsent à leur intencion (MAUPOINT, Journ. paris. F., p.1465, 69). Il n'est or, argent ne chevance Que ne laissasse pour gualer. (Pass. Auv., 1477, 148). Tres hault Roy et tres puissant En terre et en paradis, Qui es venuz pour tes amys : Je te viens faire obaissance Et te donner de ma chevance, En te faisant loyal hommaige (BOSCO, Jeu Neuch. M., c.1481-1503, 83). Jugement (...) coment ung peire ait mieulx a avoir la chevance de son fil en sa main que nul autrez, ne n'en ait nulle congnissance a ffaire, et tenir l'eritaige qui est escheus a l'enffans et leveir les prouffits pour lui et l'enffant gouverner, combien que li amis li enffans diënt qu'il l'en rendront prouffis et lui bien gouverner. (Jug. maître-échev. Metz S.M.S., t.1, a.1494, [1332], 95). Et n'auras vaillant une noys De son bien ne de sa chevance (LA VIGNE, S.M., 1496, 531). LE GENDARME. Je vous bailleray mon tresor, Mon or, mon argent, ma chevance Et vous maineray a l'essor Tous les jours a vostre plaisance. (P. moyne, a.1500, 47). Et, pour respondre, vous sçavez que, par les traictiez faictz à Conflans, desquelz vous n'avés pas eu moindre fruit et prouffit que de voz vie, estat et chevance, le roy nous bailla, ceda et transporta laditte ville d'Amyens et autres villes et terres (LE CLERC, Interp. Roye, c.1502, 258).

-

[P. opp. à corps / membre / vie / honneur...] V. corps : ...en grant peril (...) De corps, de membre ou de chevance (MACH., Voir, 1364, 616). Apres fu le roy de Hongrie, Qui promist confort et aïe Au passage, et y mettera, Quant li poins et li tamps sera, Son corps, sa chevance et dou sien Autant comme autre roy crestien. (MACH., P. Alex., p.1369, 41). Là vuet il mettre et esprouver Cuer, corps, vigour, vie et puissance, Son tans et toute sa chevance. (MACH., P. Alex., p.1369, 132). Sire, vueilliez penre l'amende, Et tout mon meffait pardonner De cuer, et vo grace donner, Car je met en vostre ordenance Mon corps, mon honneur, ma chevance. (MACH., P. Alex., p.1369, 244). Vo noms, vos fais destruit et mine Corps et ame, honneur et chevance (DESCH., M.M., c.1385-1403, 356). Et lors [Mélusine] appella Remond a part et les plus haulx barons du pays, et leur dist : Beaulx seigneurs, gardez, si chier que vous avez vostre honneur et vostre chevance, que, si tost que je seray partie, que vous faciez tant que Eudes, nostre filz, qui a trois yeulx, dont l'un est ou front, soit mort priveement, car sachiez en verité, que il feroit tant de maulx que ce ne seroit pas si grant dommage de la mort de telz XXm. que de la perte que on auroit par lui (ARRAS, c.1392-1393, 258). Pertes peut donner et victoires, Honneur, chevance et le contraire (CHR. PIZ., M.F., I, 1400-1403, 10). Qui bon conseil croit et quiert, Honneur et chevance acquiert. (CHR. PIZ., Faits meurs Ch. V, S., I, 1404, 42). ...il vouloit mettre cuer, vie et chevance de toute sa puissance a soustenir leurs justes causes et querelles (Bouciquaut L., 1406-1409, 162). ...il s'estoit offert de soy emploier et exposer corps, amis et chevance pour secourir ladicte ville de Paris à touz ses besoings (FAUQ., I, 1417-1420, 238). ...prest a soy emploier de son corps et de sa chevance a l'encontre de noz ennemis (Rouen temps Jeanne d'Arc L., 1423, 50). ...en lui promectant qui lui seroit vray et loyal subgiet et le serviroit de corps et de chevance (LE BOUVIER, Chron. Ch. VII, C.C.J., c.1451-1455, 123). Quant a moy, dessy je proppose A partir tout incontinant, Ne je ne requiers autre chose Que voir les Anglois combatant. Je me sens, Dieu mercy, puissant De corps, d'armes et de chevance, Pour m'y employer en tous sens (Myst. siège Orléans H., c.1480-1500, 326). Il se devoit bien myeulx dire de luy qu'il perdit honneur et chevance, ce jour, que l'on ne feït du roy Jehan de France, qui vaillamment fut prins à la bataille de Poictiers. (COMM., II, 1489-1491, 104).

-

Amasser chevance. "Amasser des richesses" : ...pour chevance amasser (DESCH., Oeuvres Q., t.1, c.1370-1407, 128). Mais aujourduy plus grant honneur On fait a chevance amassee Que a science bien compassee (RIVIÈRE, Nef folz D., 1497, 122).

-

Donner chevance à qqn : Les heraulx pareillement le mercierent aussi de la grant chevance et des riches robbes que il leur avoit fait delivrer et donner. (Cleriadus Z., c.1440-1444, 674). Le roy eut pitié d'eulx les douze frères, leur donna chevance, pour eulx remettre en chastel (Nouvelles inéd. L., p.1452, 111).

-

Prov. : Nul n'est riche par grant chevance ; Mais riche est qui a suffisance. (ALECIS, Passe temps P.P., 1480, 175).

.

Meilleur fait amis acquerre que chevance conquerre. V. ami : ...Dont millour fait amis acquerre Que nulle chevance conquerre. (Pastor. B., c.1422-1425, 122).

-

"Domaine, propriété" : Et pour Dieu advisez et metez peine que sa chevance et son demainne ne soient gouvernez ainsy que ilz sont de présent. (Ch. VI, D., t.1, 1401, 213). ANNAS. En quel partie L'a il mis et de quel licence ? SIRUS. En sa possession et chevance Au monument neuf qu'il y a fait. (Pass. Auv., 1477, 266).

b)

"Biens, richesses d'un pays, d'une contrée..." : ...le royaulme d'Angleterre en estoit grandement affoiblis en chevance. (FROISS., Chron. M., XIV, c.1375-1400, 40). Et le remede pour le repeupler, et aussi faire revenir et remectre chevance sus, c'est paix. (JUV. URS., Loquar, 1440, 429).

c)

Au plur. "Richesses" : Esquelz jour fut aussi ordonné à Paris par le conseil royal que les fleurettes qui avoient cours pour IIII d. p. seroient mises à deux, et l'escu d'or qui avoit couru pour dix francs fut mis à XVIII s. p.. Pour lesquelles mutacions ensuivant ceulx dont dessus est faicte mencion, moult de gens furent fort troublez, voians que leurs chevances qu'ilz avoient ès monnoies dessusdictes, les huit pars estoient diminuées. (MONSTRELET, Chron. D.-A., t.4, c.1425-1440, 71). Lez chevances mal acquises mettent l'acquerent en mesaise et en peril (CHART., L. Esp., c.1429-1430, 50). ...et gangnerent en ladite ville moult de biens et de richesses, car les Englois y avoient tout leur retrait et leurs chevances (LE BOUVIER, Chron. Ch. VII, C.C.J., c.1451-1455, 174). Icy [au cimetière des Innocents] n'y a ne riz ne jeu. Que leur valut avoir chevances N'en grans liz de paremens jeu, Engloutir vins, engrossir pances, Mener joyes, festes et dances, De ce fere prest a toute heure ? Toutes faillent telles plaisances, Et la coulpe si en demeure. (VILLON, Test. R.H., 1461-1462, 133). ...ses chevances et richesses (Jehan d'Avennes F., c.1465-1468, 122).

4.

"Prospérité" : ...Fortune (...) qui ennemye et desplaisante estoit de leur bonne chevance, fist tant que le mary trouva la brigade en present meffait (C.N.N., c.1456-1467, 418). Et mon corps pour luy Dieu prira Que chevance et santé luy donne. (MICHEL, Myst. Pass. J., 1486, 169).

-

[Dans des formules de souhait] : Haquin, se Diex me doint chevance ["aussi vrai que je souhaite que Dieu m'accorde la prospérité"], Prez de cy voy .i. garnement Que je mescroy trop mallement Des desciples Jhesu ne soit. (Myst. Pass. N.S. R., c.1350-1370, 146). LE VILLAIN. (...) Dieu gard, maistre ! LE PAINCTRE. Et à vous chevance. (ARCEL., Vieill. C., c.1480-1520, 604).

B. -

P. anal. [À propos d'une chose] "Moyen de résister à l'usage" : Il s'aresta sus le rivage et regarda volentiers le convenant et la chavance de che bacquet. Adont dist li sires de Saimpi : "Sire, il vous plaist que nous passons ?" (FROISS., Chron. R., XI, c.1375-1400, 11).

C. -

Au fig.

1.

[Empl. métaph.] "Ce qui est précieux pour qqn" : Ung cueur, ung veuil, une plaisance, Ung desir, ung conscentement, Ung reconfort, ung pansement, Fermez en loyale fiance, Dieu que bonne en est l'acointance ! Tenir la doit on chierement (...). Contre Dangier et sa puissance, Qui les het trop mortelement, Guardons les bien et sagement : N'est ce toute nostre chevance (...) ? (CH. D'ORLÉANS, Rond. C., 1443-1460, 307). Las, doulente, Mon nepveu [Jésus] pers que tant amoys ! Or suis je la pouvre meschante, Que n'ay plus chavance ne rente. (Pass. Auv., 1477, 182). C'est tout mon bien et ma chevance, Avec les anges, mes amis, Vous [Dieu] veoir en divine assistance, Et varrey avec vous mon filz [Jésus]. (Pass. Auv., 1477, 279). Il vaut mieux que je me repose, Car je suis trestout travaillié Et de grant joye bien resveillé. Pour Dieu faites en [de l'enfant Jésus] bonne garde ! (...) C'est trestoute nostre chevance, Autre chose n'avont vaillant (BOSCO, Jeu Neuch. M., c.1481-1503, 91). ...i n'est au monde tel tresor ne chevance Milleur pour femme que bonne contenanche. (LA MARCHE, Triumphe dames K.-B., p.1488, 55).

2.

[Idée d'issue]

a)

"Issue de qqc." : De son sang souillé le trouverent [me roi] Et mort par divine vengeance. Le moine de ceste chevance N'avoit unques oï parole (Tomb. Chartr. Souvain S., c.1337-1339, 35).

-

"Issue heureuse, accomplissement de qqc." : Mais Diex l'en fist noble chevance, Qui tout bien comence et achieve. (Cycle myst. prem. mart. R., c.1430-1440, 69).

b)

"Moyen de se tirer d'affaire, de venir à bout de qqc." : Tant arestai en che sejour Que ma pensee vint a jour Et que je vi heure et chavance. (FROISS., Joli buiss. F., 1373, 203).

-

Faire chevance. "Accomplir qqc." : Nichodemus, moult bien sera Que je voise chevance faire, Commant j'aray .i. bon suaire Pour ce corps la ensevelir. (Myst. Pass. N.S. R., c.1350-1370, 225).