A. -

"Papier résistant, mais flexible, carton" : Soubz grans robes fourrez de martres, Noz bourgoises tiennent ces termes De façonner leurs culz de cartes - Affin qu'ilz en semblent plus fermes ! (COQUILL., Oeuvres F., 1478-p.1494, 215).

B. -

"Feuille de papier, de toile... sur laquelle est représentée une portion de la surface terrestre, des mers, du ciel"

-

[Pour la navigation] : Dit encore le Philosophe que ainsi comme ceulz, qui vont par mer et bien ne scevent les perilz et passages de mer, les se font peindre en une carte pour les eschiver, ainsi faire doit le capitaine et conduiseur d'un ost, savoir les passages et montaignes, eaues, rivieres, destrois et autres passages, par où il doit passer (CHR. PIZ., Faits meurs Ch. V, S., I, 1404, 219). Et aussi les adresches de tous les ports et passages et bien soient congnoissans en la carte et es signes et es estoilles du ciel ou mariniers prendent leur regart (CHR. PIZ., Fais armes cheval., 1410, 71 v°). ...ceulx qui par mer veullent aller (...) Des perilz de mer saichent les destours et voyes et aussi les adresses de tous les portz et passaiges, et bien soient congnoissans en la carte et ès signes et estoilles du ciel où mariniers prennent leur regart et qui les adressent. (BUEIL, II, 1461-1466, 55).

.

Carte de naviguer. "Carte marine" : ...et faire ainssy que les bons maronniers qui portent avec eulz leur carte de navigier, pour eschiever les roches de la mer (LA SALE, Salade, c.1442-1444, 243). ...toute la mer et la terre est descripte, c'est assavoir toutes regions, villes el citez, pors, destrois, (...) chacune chose selon sa longitude, altitude et latitude et profondité, et de ce extraict en rondeur la meppemonde et la quarte de naviguer (SIMON DE PHARES, Astrol., c.1494-1498, f° 85 r°). Maistre Robert de Cazel, residant avecque le très adventurier Coullon, vicez admiral de la mer en Normandie. Cestui sceut le secrect de la quarte de naviguer et avecques sçavoit bailler de si bonnes ellections pour naviguer audit Coullon, qu'il a plus fait en son temps que ne fist homme en mer (SIMON DE PHARES, Astrol., c.1494-1498, f° 161 r°).

-

Carte celestielle. "Configuration du ciel" : Car ses vouloirs et ses décrèz Sont plus parfons et plus secrèz Que n'est abisme en nul endroit, Maiz le Seigneur, toudiz benoit, Telz grans effectz monstre et révèle Par la carte célestiele, Comme jadis, par amité, Démonstra sa nativité Par une clère et noble estelle (LA HAYE, P. peste, 1426, 61). Carte célestielle, c'est le ciel o ses planètes et autres estoilles, comme est déclaré dedens le mètre. (LA HAYE, P. peste, 1426, 183).

C. -

JEUX "Ensemble de cartons de couleurs et de valeurs diverses, permettant de jouer, carte à jouer" : ...en mains de trois heures ou de quatre eussiez veu plus de cent feux, en quoy les hommes ardoient tables et tabliers, dés, quartes, billes, billars, nurelis et toutes choses à quoy on se povoit courcer à maugréer à jeu convoiteux. (Journal bourgeois Paris T., 1429, 235). ...tabliers, eschequiers, cartes, quilles, dez et aultres instrumens dont on pouvoit jouer à quelque jeu de plaisance (MONSTRELET, Chron. D.-A., t.4, c.1444-1453, 305). HANNEQUIN LE HASARDEUR. (...) J'ay perdu tout le myen aux dez, J'ay perdu aux cartes et quilles (LA VIGNE, S.M., 1496, 386).

-

Jeu de cartes : Au religieulx qui fait la vaisselle d'albastre, florin I, pour une livre d'ivoire qu'il a achecté en Avignon pour le roy, I fo. À luy, V florins troys gros, par commandement du roy, que ledit religieulx avoit mis pour émery, la garnison de deux cuillers en argent, pour la plombée d'un cadran qu'il a fait pour le roy, et autres choses, V fo III go. Pour ung jeu de cartes de Lyon, pour Hellène, II go. (Roi René vie L., 1476, 375).

-

Jouer aux/es cartes : ...et vindrent a Romme et trouverent les unes devisans, les autres jouans au bric, les autres a qui fery, les autres a pincemerille, les autres jouans aux cartes et aux autres jeux d'esbatement avecques leurs voisines. (Ménagier Paris B.F., c.1392-1394, 53). Ou quel hostel il trouva ung appellé Mathé Barbier, qui, (...) l'assailli de jouer aux cartes pour passer la serée. Lequel suppliant, après ce qu'il l'eut pluseurs fois refusé, se y acorda et jouerent ensemble telement qu'il gangna l'argent dudit Mathé ; mais icellui Mathé en ala querir de l'autre, et dist audit suppliant qu'il lui tendroit jeu, et finablement se remistrent à jouer (Doc. Poitou G., t.8, 1442, 136). Il ont eu deux grosses pertes, Compris la journee des harans ; Mieulx leur vaulsist jouer es cartes Que d'eulx estre mis si avant. (Myst. siège Orléans H., c.1480-1500, 404).

-

Joueur de cartes : Et vous qui estes noiseux et joueurs de cartes et de dez, et suivez deshonnestes gens, tavernes et cabarez (LA SALE, J.S., 1456, 70).

-

P. métaph. Valet de cartes. "Personnage insignifiant" : Hé ! pouvre glorïeux couart, Il est bien glorïeux a certes, Il semble ung droit varlet de cartes. (P. Jouh. D.R., a.1488, 18).