A. -

"État de chetif, état de misère" : Mais ly mauvais couwars, recréans et fallis Doit en cativité avoir de pis en pis (Hugues Capet L., c.1358, 145). Lequel mondit seigneur de Bourbon dist et respondit audit de l'Escluse qu'il n'en feroit riens et qu'il aimeroit mieulx estre mort et avoir perdu son vaillant et devenir en aussi grant captivité et povreté que fut onques Job, que de consentir faire ne estre fait quelque chose que ce feust qui fust au dommage ou prejudice du roy (ROYE, Chron. scand., I, 1460-1483, 364).

B. -

"État de prisonnier (d'une pers., d'un peuple)" : Et, combien que vertu ne cognoisse point les injures de captivité ne de prison, ou que vertu ne puisse estre boutee hors et privee de son office... (FOUL., Policrat. B., VII, 1372, 280). Jugurte, qui par force et engin avoit seigneury en Auffrique, s'avança la mort es prisons de Rome, voullant abregier le douloureux temps de sa captivité (CHART., L. Esp., c.1429-1430, 19). De rechief Jeremie et Ysaïe prophetiserent de la servitude et captivité des Jufz, et annoncierent la restitution de leur liberté et restablissement a leur pays. (CHART., L. Esp., c.1429-1430, 108). ...les petis enfans sont menés en captivité par les ennemis, et Dieu scet quans en sont menés en Angleterre (JUV. URS., Loquar, 1440, 362). Les infeaux s'en merveillient que nous appellons ceste liberacion redempcion, et demandent en quelle captivité ou en quelle prison ou en quelle puissance des annemis estoit l'umain lignage detenus (CRAP., Cur Deus, De arrha B.H., c.1450-1460, 170). ...et vindrent mettre à pleine delivrance ledit roy Henry, qui par long temps avoit esté detenu en captivité de prison par ledit Edouart (ROYE, Chron. scand., I, 1460-1483, 247). Lesquelz je delaisse pour le present pour venir au très vaillant et courageux Jouvencel, qui, durant sa captivité, n'avoit pas esté esbahy ne deffaillant de couraige (BUEIL, I, 1461-1466, 76). ...le Roy Jaques qui moult bel chevalier estoit et en fleur d'eaige se ennuyoit de celle prison, et avoit regrect de user sa vie en telle captivité. (LA MARCHE, Mém., I, c.1470, 192). Polidor fut en ce temps moult aprecié en Jherusalem. Cestui predist la captivité des Juifz sur la signifficacion de la conjunction qui fut en la triplicité de l'air, ou signe de Gemini (SIMON DE PHARES, Astrol., c.1494-1498, f° 40 v°). Bien dist que après seroient delivrez de leur captivité et que le resne de Nabugodonosor et ses filz ne povoit durer que 70 ans (SIMON DE PHARES, Astrol., c.1494-1498, f° 44 r°). LE SECOND. Martin, mon filz, maintenant je t'aporte La delivrance de ta captivité. (Icy le portier mect dehors de la prison sainct Martin.) (LA VIGNE, S.M., 1496, 255). "...par gens voisins, noz ennemys, suis mis en mesme dangier et captivité que mon frere..." (ANTITUS, Poés. P., c.1500, 75).

C. -

[À propos d'un lieu] "Prise, servitude, oppression" : Amalios, le souverain astrologien à Romme, predist la venue des Sennois en France et la captivité de Romme, excepté Capitolium, et les grandes miseres qui advindrent aux Rommains environ ce temps. (SIMON DE PHARES, Astrol., c.1494-1498, f° 51 r°).