A. -

"En peu de temps, rapidement" v. tost : Qui il peut estre, ne dont vient, Se je puis, bientost le saray, Car par deça guettier l'iray En ce chemin. (Mir. Rob. Dyable, c.1375, 63). ....si vous mettrons nous touz Bientost a merci, n'en doubtez. (Mir. ste Bauth., c.1376, 140). Ton grant orgueil est bientost ravalé : Il m'est advis tu deusses avoir honte Si de legier quant Beauté te surmonte Et a mes piez t'a abatu a terre (CH. D'ORLÉANS, Ret. am. C., 1414, 9). ...et tantost que je pourray eschapper je feray ma diligence de me trouver bientost vers vous. (C.N.N., c.1456-1467, 307). "Et le chastel ?" dist le Jouvencel. - "Le Mareschal y est et y a beaucoup de prisonniers ; et luy semble bien et à moy aussi que se nous avions prins la ville, que nous aurions bientost le chastel ; car nous les garderions bien de nous faire comme ilz nous firent à Cotre." (BUEIL, II, 1461-1466, 123).

Rem. CUVELIER, Chron. Guescl. C., t.1, c.1380-1385, v.21215 (GDC VIII, 323c).

B. -

"Dans un laps de temps rapproché, dans peu de temps, sous peu" : Et, quand il voit le curé refusant d'oyr ses peschez, il mect la main a sa grand coustille, et de sa gayne la tira, et dist au curé qu'il l'en tuera si bientost il n'escoute sa confession. (C.N.N., c.1456-1467, 61). "...Dieu ne m'a pas fait tant de grace de venir jusques à la veue de ceste belle dame, qu'il ne m'ait donné voullenté de la servir tellement que vous et ses autres amis serez bien contens de moy ; et Dieu me doint povoir de ce faire ou la mort bientost." (BUEIL, II, 1461-1466, 179). Puis, apprés, vous me conduyrez Jusques sur ma couche de cendre, Car en effect bientost verrez Mon corps a la mort condescendre. (LA VIGNE, S.M., 1496, 559). Et a esté luy mesmes [Galyot] depuis peu de temps fort oultraigé, rebouté et rechassé dedens la ville et fort blecé. Il n'est pas à Valenciennes, et dit on qu'il est allé devers le duc d'Autriche et qu'il a eu congié de s'en aller. Bientost vous saurez nouvelles de ce qu'il en sera. (LE CLERC, Interp. Roye, c.1502, 374).

-

Bientost après : Et bientost après monseigneur le mareschal de Bretaigne fist crier que tous ceulx qui n'estoient deliberez d'attendre le siege s'en allassent (GRUEL, Chron. Richemont L., c.1459-1466, 56). Et, bientost après, vint ung herault à la porte Saint-Anthoine, qui requist avoir ledit corps mort, ce qui lui fut octroyé, et le fist porter à Saint-Anthoine des Champs hors Paris, où ilec fut inhumé et son service fait. (ROYE, Chron. scand., I, 1460-1483, 87). Et, bientost après, le roy ordonna certaine quantité de gens d'armes de son ordonnance et frans archers avecques partie de son artillerie, pour aler faire guerre audit duc de Bretaigne et à ses pays (ROYE, Chron. scand., I, 1460-1483, 234). Bientost après, ledit connestable estant à Gisors, rescripvit audit grant maistre qu'il luy sembloit que les Bourguignons ne tyroient point vers Gournoy ne vers Beauvais (LE CLERC, Interp. Roye, c.1502, 307).

-

[Dans le déroulement du texte] : ...toutesfois n'est point le vray sournom de vos prochains ancestres, comme je declaireray en ce present volume et pourquoy, mais c'est le cry vray et notoire de ceste maison de Bourgoingne, et à ce propos je reviendray bientost. (LA MARCHE, Mém., I, c.1470, 48).