A. -

[Qualité esthétique]

1.

"Qualité, état de ce qui est beau" : Et la sainte Escripture de la biauté et hautesce du ciel dist que elle est en vision de gloire (ORESME, C.M., c.1377, 280). ...elle estant avec lesdites dames, vit et apperceut une petite sainture d'or assise sur un tixu de soie noire que avoit sainte la dame de Saumon (...) et que pour la beauté et plaisance que elle ot en icelle sainture, elle fist tant que par icelle dame lui fu baillé et prestée icelle sainture (Reg. crim. Chât., II, 1389-1392, 363). Maiz, quelque beaulté apparente que demonstre l'ediffice, neantmoinz il s'encline et tent de son premier estre a dechiet et a ruine. (CHART., L. Esp., c.1429-1430, 46).

-

[À propos d'un lieu] : Et selon ce disoit Ovide d'un lieu dont il avoit descripte la biauté (ORESME, C.M., c.1377, 280). Lors musa Gieffroy grant temps, tant sur le tablel comme sur la beauté du lieu (ARRAS, c.1392-1393, 266). Toute la beauté de France s'en est alee et partie, et sont fais les princes aussi esbahis comme moutons qui ne treuvent point de pasture (JUV. URS., Loquar, 1440, 362).

-

[À propos de la nature] : Pour tant a la beauté et digne clarté des choses espirituelles, qui resplendissoyent continuellement en son ame et en son esperit, effacoit toute la beauté et clarté de ce monde plus que escarlatte vermeille ou le soleil les estoiles (GERS., P. Paul, a.1394, 514).

-

[À propos du temps qu'il fait] : ...mais pourtant que audit jour saint Andrieu les jours sont cours et le temps non seur en beauté, translata icelle feste audit jour [au 2mai]. (ESCOUCHY, Chron. B., t.1, c.1453-14, 346).

-

Loc. C'est (grande) beauté à/de voir/que de voir/du regarder... "C'est un (magnifique) spectacle de voir" : ...appliqué à un fait d'arme : Et traïst une belle longhe espée de Bourdiaux que il portoit, et vous commenche à estoriier et à faire place autour de li, que ce estoit grans biautés dou veoir, ne nuls ne l'ossoit aprochier. (FROISS., Chron. R., X, c.1375-1400, 116). La veissiez bannieres, pennons et estendars sur les vaisseaux au vent, et sonner trompetes et instrumens, et ces chevaux hennir et braidier, que c'estoit grant beauté a veoir. (ARRAS, c.1392-1393, 84). Et lors vint le navire ferir ou havre, et trairent chevaulx et ce qu'il leur plot hors des nefs, et se logent aux champs au dehors de la ville, en tentes, en trefs, en paveillons (...). Et fu grant beauté de veoir l'ost quant il fu tout logié. (ARRAS, c.1392-1393, 92). ...c'estoit beautés a veoir. (ARRAS, c.1392-1393, 160). ...au spectacle d'une armée rangée : Ce estoit une grande biauté que de euls veoir, les armes, hiaumes de quoi on s'armoit adont, banieres et pennons resplendir au solel. (FROISS., Chron. D., p.1400, 383). ...et lez remerchioit toutez ensamble de cest honneur sy humblement que grant beaulté estoit du regarder (Comte Artois S., c.1453-1467, 15).

-

P. iron. : C'est mon cry. SOTOUART. Vela grant beaulté. (Vig. Trib., c.1480, 225).

2.

"Qualité, état d'une personne belle (ou qualité de son corps, d'un aspect de son corps)" : Gens corps en biauté parfaiz (Mir. emp. Julien, 1351, 195). Nennil, car vo beauté si fort me loie Langage et coer, que se parler voloie, Se n'en est il noient en ma puissance. (FROISS., Orl., 1368, 102). Et delectacion parfait operacion non pas comme un habit parfait son subject en quoy il est, mais comme une fin seürevenante en la maniere que beauté est perfeccion de joenesce. (ORESME, E.A., c.1370, 508). Et, a l'approuchier de la fontaine apperceut la tres plus belle dame qu'il eust oncques jour veu, a son adviz. Lors s'arresta tous esbahiz de la grant beauté qu'il perceut en celle qui tousjours chantoit si melodieusement que oncques seraine, faee, ne nuimphe ne chanta tant doulcement. Lors s'arresta ly rois tous esbahiz tant de la beauté et du noble atour de la dicte dame comme de son doulz chant. (ARRAS, c.1392-1393, 6). Et cellui lui compte comment Anthoine a le grip d'un lyon en la joe, et la grant fierté et la grant puissance de lui et de Regnault son frere, qui n'avoit que un oeil, et de la beauté des corps et des membres des freres, dont elle se donne grant merveille, et dist que c'est grant dommage quant il a faulte es figures de si nobles hommes. (ARRAS, c.1392-1393, 159). Et, d'autre part, belle niepce, sachiez que vous n'estes pas trop bonne pour avoir si noble homme a mary comme Regnault de Lusegnen, car il est bien digne d'avoir la plus grant dame du monde, tant soit de noble ligne, tant de beauté, de bonté et de haulte prouesce. (ARRAS, c.1392-1393, 189). Le roy, qui estoit en sa droicte fleur de beauté et de vigour et en son cuidier, dist que pour certain il yroit et ne demanderoit que le corps d'elle. (ARRAS, c.1392-1393, 302). Ceulz au monde sont bieneureux Qui les cuers ont doloreux. Helas ! veez que leur tourne maintenant a prouffit plaisir mondain, fut en richesses, fut en beauté, fut en delices, fut en vengence faire, fut en honneur recevoir. Plaisir mondain a joué a eulz du jeu de la fausse compaignie, il les a laissiez au besoing en purgatoire ou en enfer (GERS., Déf., 1400, 244). ...moult desira a parler Et veoir roÿne Candasse, Qui de sens et beaulté grant masse Avoit. (CHR. PIZ., M.F., IV, 1400-1403, 55). Tu as beauté corporelle mais vieillesce tost la te muera. Tu as beauté corporelle mais une petite maladie tost la te ostera. Tu as beauté corporelle mais tantost les vers la rongeront. Tu as beauté corporelle, prens toy doncques garde que elle ne soit arse et bruie du feu pardurable, car dommaige seroit. (GERS., Concept., 1401, 417). Moult y pensay a par moy hier Et me merveille, Veu le dueil qu'elle s'appareille, Que sa grant beauté non pareille Et sa couleur fresche et vermeille Puet demourer (CHART., L. Dames, 1416, 229). Lors Saintré print congié, et messire Anguerrant avec pluseurs chevaliers et escuiers retint au soupper, dont tout ce soir et pluseurs jours aprés ne cessa le devisier de la beauté et gracieuseté de Saintré et de tous les siens. (LA SALE, J.S., 1456, 109). Est Flora la belle Romaine, Archipïadés ne Thaÿs, Qui fut sa cousine germaine, Echo parlant quant bruyt on maine Dessus riviere ou sur estan, Qui beaulté ot trop plus qu'umaine. Mais ou sont les neiges d'anten ? (VILLON, Test. R.H., 1461-1462, 44). Mes bonnes compaignes et voisines, il n'est aucune de vous qui ne sace que je pris mon mari Josselin plus pour sa beauté que pour sa richesse, car povre compaignon estoit (Ev. Quen., I, c.1466-1474, 82). Comme sapience et science et vertu sont habits de l'ame, force, vigueur, beaulté des membres et la disposition d'iceulz et la composition du corps sont habits corporelz. (Somme abr., c.1477-1481, 165). Le beau maintien, la maniere et faconde, La grant beaulté... (LA VIGNE, V.N., p.1495, 167).

-

Prov. : Mais de sa laideur ne me chault, Car biauté sanz bonté poy vault. (Mir. st J. Cris., c.1344, 268). Amis, bontez vault mieulx que beautez. (ARRAS, c.1392-1393, 104).

3.

P. méton. "Personne belle, belle femme" : Faulse beaulté qui tant me couste chier, Rude en effect, ypocrite doulceur, Amour dure plus que fer a macher (...) ne veult droit de rigueur, Sans empirer, ung povre secourir ? (VILLON, Test. R.H., 1461-1462, 83).

-

[Terme d'affection] : O beauté pure, Vostre figure - est alaidie. (Pass. Auv., 1477, 255). M'amour, Marie, mon doulx lis, Ma beauté, ma coloumbe amoreuse, Remplés de moy voz esperis ! (Pass. Auv., 1477, 279).

4.

[P. personnification] : Entroes que Biautés et Plaisance, Desirs, Maniere et Congnissance (...) Entendoient as noms donner, Ensi qu'on les doit ordonner Et que le requiert li reviaus (...) J'avoie ailleurs mis mon entente (FROISS., Joli buiss. F., 1373, 152-153). [Toi, la vieillesse] Tollu m'as la haulte franchise Que Beaulté m'avoit ordonné Sur clers, merchans et gens d'Eglise, Car lors il n'estoit homme né Qui tout le scien ne m'eust donné, Quoy qu'il en feust des repentailles, Mais que lui eusse abandonné Ce que reffusent truandailles. (VILLON, Test. R.H., 1461-1462, 53).

B. -

[Qualité spirituelle ou morale] "Qualité, état de ce qui est beau spirituellement, moralement"

1.

[À propos d'une pers. ou de ses attributs] : ...qui (...) ot ces deux vertuz en elle, c'est a dire force en pacience et biauté de continence. (Mir. st Val., c.1367, 123). Après elle ot biauté de continence, qui est une biauté sainte desirée de Dieu (Mir. st Val., c.1367, 123). Pour tant a la beauté et digne clarté des choses espirituelles, qui resplendissoyent continuellement en son ame et en son esperit (GERS., P. Paul, a.1394, 514). Desvestir vous fault et parer De ceste escarlate vermeille, Car vostre beauté nonpareille Serra mieux en ce noble habit Qu'elle ne feroit en petit (Gris., 1395, 39). Dame, quant je bien considere La grant beauté de ces enfans Moult suis esbahys et pensans, Dont et de quel païs ilz viennent, Qu'a mon avis ils se contienent Comme enfans de prince ou de roy. Si m'en dites voir, car bien croy Que de treshault lieu soient nez. (Gris., 1395, 69). Moy merveil de la belle chiere Et de la beauté de la belle, La tresdouce vierge pucelle Que mon seigneur doit prendre a femme. (Gris., 1395, 91). ...c'est moult belle dame Et de merveilleuse beauté. (Gris., 1395, 92). Or vousist Dieu que tout ainsy diligemment comme nous sommes icy assemblez pour ouyr parler de la toute belle amie de Dieu, nous eussions peine et diligence de ensuyr son exemple, sa vie, ses meurs et saincte conversacion en beauté et bonté espirituelle ! (GERS., Concept., 1401, 427).

2.

[État, manière d'être des âmes auprès de Dieu] : Pense la magnificence de dieu en gloire a la quelle compagnie tu es appele. Pense la grant beaulte et le bel ordre qui est entre les sains, la ioye, la melodie, les doulx cantiques des sains glorieux. (CIB., p.1451, 189). ...lame contemplatiue est esleuee sur soy en une autre maniere, cestassauoir par grandeur de admiracion quant elle est irradiee et enluminee de la lumiere diuine et quelle a sa meditacion sur la beaulte et pulcritude de lestat glorieux (CIB., p.1451, 191).

-

En partic. RELIG. "Un des attributs de la Trinité" : ...en la conservation et la beauté bien aornee des choses reluist la bonté du Saint Esperit. Item en chascun suppost on treuve verité qui apartient au Pere, beaulté formele qui est appropriee au Filz, et utilité qui est attribuee au Saint Esperit. (Somme abr., c.1477-1481, 125).