A. -

"Action de battre qqn ou qqc."

1.

"Action de battre qqn"

a)

"Action de battre qqn, fait d'être battu, action de donner des coups à qqn, fait d'en recevoir ; blessure qui en résulte" : ...car, quant la passion, si comme seroit la bateüre, est mesuree et prisee ou contrepesee, donques ce que un a souffert est appelé damage et ce que l'autre a fait est appellé proffit quant a lui. (ORESME, E.A., c.1370, 289). Item nulz ne doit amende sans clameur, se il n'est pris par justice en present forfait de sang ou de grief bature sanz enmoilure [sic] soixante solz d'amende et au blacié ses domaiges et interests selon le cas. (Titres Bourbon L., t.2, 1385, 18). ...laquelle il batirent enmy la rue et geterent à terre, et la navrerent en la main et un peu ou visage, mais elle n'en es diffigurée, ne mutilée en riens, et est garie ladicte bature (Trés. Reth. S.L., t.2, 1388, 351). ...et sur les circonstances et despendances de ce, l'an mil CCCIIIJxx et neuf, le mardi XXIJe jour de mars et ès jours ensuïant, de laquelle bature mort se est enssuie le jeudi ensuïant. (Reg. crim. Chât., I, 1389-1392, 257). ...sondit feu mary (...) bati et feri de coups orbes moult durement ladite deposant. Pour lesqueles bateures afin de soy faire guerir et garder mieulx que elle n'eust esté en sa maison, pour ce qu'il estoient très-povres gens, elle qui parle se fist mener et porter à l'Ostel-Dieu de Paris (Reg. crim. Chât., I, 1389-1392, 270). ...et dudit baston de rondin lui donna cinq ou six coups, et sondit compaignon Guillot samblablement le fery plusieurs coups, le abatirent à terre, et illec le laisserent. Ne scet qui de ladite place l'emporta, maiz environ VIIJ jours après ce que dit est advenu, il qui parle oy dire que desdites bateures sondit serourge ala de vie à trespassement. (Reg. crim. Chât., II, 1389-1392, 18). Qui est la mere, je vous demande, qui vouldroit soustenir les perilz et les travaux pour nourrir ses enfans, lesquelz soustint saint Pol pour les hommes sauver, pour les tirer a l'amour de Dieu, par mer, par terre, par froit, par chaut, en fain, en soif, en prison, en chaines, en bateures, en reprouches jusques a la mort soustenir ? (GERS., P. Paul, a.1394, 510). Ne soyons pas si folz que nous refusons la verge, et eslisons la mort. Ung enfant meismement, qui refuit tant bature, ne feroit pas telle election, aincoys bailleroit il la verge, et prieroit que on le batist, que il ne receust la sentence de la mort, laquelle il escheveroit par ceste bature. (GERS., Déf., 1400, 242). ...et pour ce que Montagu, vidame de Laon, et grant maistre de l'Ostel du Roy (...) se disoient avoir la cognoiscence du delict et crime dessus dit (...) si faisoit le prevost de Paris, attendu que la bateure avoit esté faicte hors de l'ostel du Roy (BAYE, I, 1400-1410, 54). ...les doivent plus corrigier par bons exemples et paroles introduisans à bonnes meurs que par verberacions ou bateures maistriseuses (CHR. PIZ., Faits meurs Ch. V, S., I, 1404, 28). A Jehan Le Voir, varlet servant en patisserie de madicte dame la duchesse de Bourgoingne, la somme de dix frans (...) comme pour lui aidier à paier sa rançon envers les traictes armignaz et guerir la bateure qu'ilz lui firent lors ou visaige (Comptes Etat bourg. M.F., t.2, 1419, 411). ...pour cause de la dicte bateure et coup a lui donné par le dit suppliant... (Chron. Mt-St-Mich. L., t.1, Pièces div., 1426, 241). Cuer, trés faintis et trés volage, A tous mal pensez et toute ordure ; A l'escole tu fais la rage, Si te donray ceste bature. (Coeur sens M., a.1433, 80). ...o creatures Regardez ung peu les batures Que le filz de Dieu a porté. (MARCADÉ, Myst. Pass. Arras R., a.1440, 195). "...la dame estoit toutte couverte de sanc des batures qu'ilz luy avoyent faittes" (Gérard de Nevers L., c.1451-1464, 97). ...il a fait comme les jeunes enfans, qui voulent emploier leur bature quand ilz ont deservy le punir. (C.N.N., c.1456-1467, 204). Quiconques est batu de bastons de bois d'ausne vert ou secs, et aprés jettera les bastons en ung puis, se ilz demeurent en l'eaue, cellui sentira en douleur sa bature tant comme il vivra. (Ev. Quen., II, c.1466-1474, 124). Il nous livre griefves bateures Et plusieurs grans maulx et injures (Myst. Pass. Troyes B., a.1482, 508).

-

Batture à sang. "Coup avec effusion de sang" : ...se en la bateure a sang, coupx ourbes de quoy la char soit quassée, se il sont nobles, chascun paiera LXV livres et, se il sont non nobles, chascun ne paiera que LXV solz (Cout. bourg. glosé P.M., c.1380-1400, 228).

-

Batture sans sang. "Coups sans effusion de sang" : Item d'autre simple delit et bature sanz sang sept solz d'amende. (Titres Bourbon L., t.2, 1385, 18).

b)

P. ext. "Sévices corporels, mauvais traitements infligés à qqn" : Et en oultre fut faite ordonnance de la tauxacion des drois des aultres bateures et malfaichons qui ensieuvent, c'est assavoir : De coup de baston sans sanc et sans cable, X s. De playe a test descouvert, LXXII s. D'un coup d'espée de plat et de taille, XVIII s. Et s'il y a sanc muldry, XVIII s. De test fendu, VII l. IV s. De jambe et de bras rompus, sans mehaing, VII l. IIII s. D'un coup de pié, X s. De prinse a la gorge a deux mains, X s. Pour chacune main, V s. De bengnis, V s. De fouller a deux genoux, X s. De train, XVIII s. De barbousquet, V s. De une dent rompue, VII l. IIII s. (Echiq. Normandie S., 1386, 49-50). Et en oultre fut faite ordonnance de la tauxacion des drois des aultres bateures et malfaichons qui ensieuvent, c'est assavoir : De tirer les levres, sans sanc, V s. Et s'il y a sang, X s. De heurter un homme, le poing clos, V s. Et se les IIII dens de devant sont rompues, il fu jugé que c'estoit mehaing. (Echiq. Normandie S., 1386, 50). Le mien seigneur et prince redoubté, Floron de lis, roialle geniture, Françoys Villon, que Travail a dompté A coups orbes, a force de batture, Vous supplie par ceste humble escripture Que luy faciez quelque gracïeux prest. (VILLON, Poèmes variés R.H., c.1456-1463, 50). Item, m'appartiennent aussi a ladicte cause une justice, autrement dit gibet, près de ma ville de Chastel, a quatre pillers et festiers, a laquelle et autrement par divers tourment de mort par bonne justice faire executer gens selon leurs demeritez jusques a mort, prendre les drois de confiscations, actraiers, espavez, amendes de batures arbitraires et aultrement. (Comté Porcien R., 1459, 258). Sy vueil qu'ilz [mes trois orphelins, mes trois vieux usuriers] soient informez En meurs, quoy que couste basture. (VILLON, Test. R.H., 1461-1462, 106).

c)

Au fig. "Coup moral, châtiment, punition" : ...la bateure pour mon pechié est telle que je ne puis souffrir le soleil. (Percef. VI, R., c.1450 [c.1340], 370).

2.

"Action de battre, d'écraser qqc." : Tout aussi com par bateure Fait l'enfant de (la) pomme dure Issir le jus et hors saillir Et l'amolïe par ferir, Tout aussi par mon ferir fas Lermes issir et crier (GUILL. DIGULL., Pèler. vie hum. S.C., c.1330-1331, 270).

B. -

En partic. "Action de battre (au sens d'attaquer par les armes à feu), attaque à l'artillerie" : ...et mit la ville en tel estat par la batteure de ses engins et assaults, qu'elle ne se povoit plus tenir. (CABARET D'ORV., Chron. Loys de Bourb. C., 1429, 209). Et tant par mynes que par faulte de vivre et bateure de murs, ceulx de dedens furent contrains se rendre à lui. (RAOULET, Chron. Ch. VII, V., c.1461-1467, 151). ...car à ce siege furent les rivieres destournées, comme j'ay dit, et faictes grandes baptures de bombardes, grans mines pour approucher la muraille, tranchiz roullans et angins, bastilles et bastillons, et toutes choses dont on se peult deviser ou adviser pour mectre une ville à subgection (LA MARCHE, Mém., III, c.1470, 98).

-

Batture d'artillerie : ...et par les batures d'artillerie commença a monter tant et si bien, qu'il se trouva tantost au plus haut (...) et fut le cinquiesme monté. (LA VIGNE, V.N., p.1495, 251).

-

P. ext. "Attaque" : Chascun se logea coyement et sans bruyt, et le noble archiduc se logea au Cerf, et tint ses gens d'armes en telle discipline, qu'il n'y eust pillaige, bature ne murdre fait en icelle prinse (LA MARCHE, Mém., III, c.1470, 271).

C. -

"Suite de notes de musique (cf. battre la mesure) ; en partic. air militaire" : Puis ne demoura guèrez que, par le porte de l'entrée de la salle, entra ung cheval à rebous qui aloit en recullons, richement couvert de soye vermaille, et sur icellui cheval avoit deux trompettes assizes dos contre dos et sans selle, vestus de journardes de soye grise et noire, qui avoient chappeaux en leurs testes, et faulx visages. Et les mena et ramena ledit cheval, tout du long de la salle, à reculons, parmi laquelle ilz juèrrent de leurs trompettes une batture. (ESCOUCHY, Chron. B., t.2, a.1465, 142-143). ...et [la guette] appella ses trompettes, qu'ilz vinssent faire une sonnade devant la compaignie ; et prestement se ouvrirent quatre fenestres au plus hault de la tour, et de chascune fenestre saillit ung gros sanglier, à tout trompettes, à grans bannieres de monseigneur de Bourgoingne, et sonnerent une longue basture (LA MARCHE, Mém., III, c.1470, 152). Le duc de Bourgoingne a douze trompettes de guerre, les meilleurs qu'il a sceu finer, et sont iceulx trompettes gouvernez par l'ung d'eulx qui est leur chief. Et le matin que le prince doit partir, ilz doivent tous ensamble venir faire une basture devant les fenestres du prince pour [le] resveiller à l'heure qui leur est baillée (LA MARCHE, Mém., IV, Pièces annexées, 1474,,, 70).

Rem. Cf. GD I, 600c-601a.

D. -

"Métal battu, réduit en feuilles minces (qu'on emploie en découpure sur les étoffes, en dorure sur les matières solides ou étiré et aplati et enroulé sur un fil de soie pour les broderies)" : ...2 couvertures à chevaux, l'une de bateure pour le tournoy, et l'autre de couture pour la guerre (Comptes argent. rois Fr. D.-A., I, 1352, 184). ...1 eschequier de bateure et de cristal, à perles dedens, garny des jeux de cristal et de marbre vermeil (Comptes argent. rois Fr. D.-A., I, 1353, 323). Item, une chambre que la ville de Paris donna au Roy, brodée sur cendal vermeil à fermaulx, à rozes et à perles ou ciel, ou dossier et en la coultepointe en cinq compas qui y sont, et sont les courtines de cendal vermeil, de bateure de mesmes la chambre, avec huit carreaulx, desquelz les deux sont longs, et les autres six sont petiz. (Invent. mobilier Ch. V, L., 1379, 363). ...huit chevaliers (...) portoient huit banières des armes de Flandres, dont il y avoit quatre de bateure pour le tournay et quatre pour la guerre. (Chron. St-Den. P., c.1383-1385, 45). A Hue de Boulongne, pour XLV grant escus d'ouvraige de basture, aux armes du dit feu seigneur (Comptes Lille L., t.2, 1427, 383).