"Petite bannière, petit drapeau monté et utilisé comme une bannière" : ...L banierettes pour les mettre à plusieurs pignons du chastel de Ruppelmonde (Comptes Lille L., t.1, 1386-1387, 10). ...et les petits enfans alloient devant, portans en leurs mains bannerètes de fleurs de lis, et crians : Noël ! vive le roi ! (CABARET D'ORV., Chron. Loys de Bourb. C., 1429, 217). Et tant plus que, pour avoir congnoissance de vrays crestiens, partans de leurs hostelz, de pas en pas, de leurs mains droictes se saigneront ou porteront le crucifix en banerettes petites, ou seront pourtrais Nostre Seigneur et Nostre Dame (LA SALE, Salade, c.1442-1444, 212). Et ce maistre-logeur portoit une petite bannerette comme d'ung pié et demy en carré, en quoy estoit la livrée de son cappitaine. Et, incontinent qu'ilz partoient des battailles pour aller prendre les logeiz, il ne fut osé partir ung chevaucheur pour aller au logeiz sur peine de la mort, sinon ceulx qui avoient une bannerette au poing. Ainsi n'y alloit que les logeurs, et n'avoient point les cappitaines de peine à tenir leurs gens. Et, quant les logeurs estoient arrivez au logeiz, fut-en en ville, villaige ou aux champs, chascun mettoit sa bannerette, qui estoit en ung baston ou en une petite gaullette, à la fenestre de son logeiz ou sur ung buisson, si aux buyssons estoit. Et, quant la puissance arrivoit, chascun regardoit amont et aval, et, là où ilz véoient l'enseigne de leur logeur, ilz y alloient tout droit, et leur logeur leur monstroit où ilz se devoient bouter. (BUEIL, I, 1461-1466, 179). Les rues estoient tendues et parees aussi bien ou mieulx que auparavant (...) et parmi les fenestres, portes, et autres lieux des maisons avoit banerettes ou escussons, semez de fleurdeliz. (LA VIGNE, V.N., p.1495, 275).