"Désir, chose après laquelle on aspire" : ...Aprez Ambicion le suit Qui souvent coeur et corpz lui cuit, C'est a dire fole beance, Ce qu'il a ne lui a seance (Renart contref. R.L., t.2, 1328-1342, 124). ...cils qui vit de si douce pasture Vie d'onneur puet bien et doit mener, Car de tous biens a a comble mesure, Plus qu'autres cuers ne saroit desirer, Ne d'autre merci rouver N'a desir, cuer, ne bëance, Pour ce qu'il a souffissance (MACH., R. Fort., c.1341, 72). Et s'ensi est qu'il te couviegne Variier par trop sejourner, Si me fes prendre et ajourner Ou que tu voes et de par toi, Se briefment ne te ramentoi Ce que tu as de pourveance, Ou tu n'as gaires de beance. (FROISS., Joli buiss. F., 1373, 63).

-

Avoir beance à qqc. /à, de + inf.. "Aspirer à" : De homme avoir n'avoit beance ; De chaste vouloit estre vie. (Propr. choses Rosarius Z.S., c.1330, 153). Les plumes et les penes dont il vole et s'eslance Mostrent que ciex qui a ferme et forte creance Doit estre viguereus et avoir sa beanche D'adiès lui eslever entre haute honorance (BRIS., Restor paon D., a.1338, 96). ...je sçay bien qu'il a béance, Grant voulenté et grant désir D'acomplir tout vostre plaisir (JACQUES BRUYANT, Voie pauvreté richesse P., 1342, 35). Quant Robiers li Frisons seut le mort le conte Baudouin sen frère, il ala en Flandres et atraist pluiseurs barons de le terre à son accord ; car il avoit béance de retenir le contet pour li (Hist. chron. Flandres K., t.1, c.1342-1383, 20). Toutdis devés avoir beance A estre devote et piteuse Et a povres gens gratieuse (FROISS., Dits Débats F., 1363-1393, 123). Mais, quant une riens vient hors bort, Un cas soubdain, qui tire a mort, Par moult estrange escheance Ou, sanz avoir quelque beance A aucun bien, et il survient, Ou de legier a bien on vient, Telz cas dis je que de Fortune Viennent, oultre guise commune (CHR. PIZ., M.F., II, 1400-1403, 86). ...ce comte de Saint-Pol estoit un fier homme durement et de grand coeur ; avoit toute sa béance à gloire et à exaltation de sa maison (CHASTELL., Chron. K., t.5, c.1456-1471, 216).