I. -

[Empl. prép.]

A. -

[Marque la présence simultanée]

1.

[Par concomitance] "En même temps que" : Et est tele concupiscence aveques tristece, combien que de prime face il semble inconvenient avoir tristece pour delectacion. (ORESME, E.A., c.1370, 225). Amours vuet par sa rigour Que perde vigour Et que mi bon jour Avuec ma baudour Finent sans sejour. (MACH., Les lays, 1377, 326). Tu espa[r]dras la belle erbe vert de bonnes pensees avecque les flouretes de sainctes meditacions. (GERS., Pent., p.1389, 84). ...pourquoy [en raison de quoi], avecque autres raisons astrollogalles, il predist la venue de quelque faulx prophete, et tantost après vindrent nouvelles à Romme de Machometh, comme dit est. (SIMON DE PHARES, Astrol., c.1494-1498, f° 102 v°).

-

"Ainsi que" : ...et rappareillier a leurs propres cous et despens laditte granche, et ycelle mettre en estat tel et si souffissant que les diz religieus y peussent mettre deuement et sauvement leurs dittes dismes pour le temps present et a venir, et a hoster l'empeschement qu'il y mettoient et avoient mis, avecques les despens de la cause, la tauxacion reservee d'yceulz pardevers nostre dit devancier ou pardevers nous (Chartes Abb. St-Magl. T.F., t.3, 1330, 26). En oultre je vueil que l'en sache Que proffitable est la bourrache, Et espinoches nouvelletes, Persil mesmes avecque bletes (LA HAYE, P. peste, 1426, 94).

.

"Tout comme, au même titre que" : ...il est d'une meismes nature avec le Pere (JEAN GOLEIN, Rational B.D., c.1370-1372, 328). ...comment que la bonté personnele y face bien a prisier avec la bonté prestral (JEAN GOLEIN, Rational B.D., c.1370-1372, 709). [Traité du sacre]

-

"Compte tenu de, étant donné" : Car c'estoit une chose chiere, Voire d'une double chierté, Car aveques l'auctorité De l'oisel estoit il gardez Et songneusement resgardez En lien d'onnourable hautesse (MACH., D. Aler., a.1349, 309). De trop petit je me resjoïroie, Avoec l'espoir que par usage j'ai, Se plus souvent ma dame je veoie (FROISS., Rond. B., c.1365-1394, 78).

.

Avec ce que : ...avec ce que la mort le pressoit, lui certiffioient ces mires qu'il n'en eschapperoit point. (WAUQUELIN, Belle Hélène Const. C., c.1448-1452, 142).

2.

[Par adjonction, par ajout]

a)

"Outre, en plus de" : Avuec l'anel ara mon doy, Car ja par moy n'en partira. (MACH., J. R. Nav., 1349, 236). Le tamps perdu ne poet on recouvrer, Avoec le honte y a damage au perdre (FROISS., Rond. B., c.1365-1394, 60). Et ceulz ici meïsmes proffitassent plus asséz en telles besoingnes se, aveques la bonne habilité de nature que ilz ont, ilz eüssent la doctrine. (ORESME, E.A., c.1370, 99).

-

Avec ce. "En outre, de surcroît" : Et avec ce, gaigierent yceulz mariés et promistrent, chascun pour le tout, metre et emploier en ladite maison adcencee, de dens six ans prochains venans a compter de la date de ces lettres, en nom et pour amendement, neuf livr.. par.., aus us et aus coustumes de Paris (Chartes Abb. St-Magl. T.F., t.3, 1339, 83). ...si le presenterez au seneschal et, aveques ce, lui donrez dix mars d'or (Bérinus, I, c.1350-1370, 53). ...et nonpourquant ilz chevaucherent en moult grant doubte jusques au jour, car ilz doubtoient moult les amiz du chevalier qu'ilz avoient occiz, et avec ce ilz ne savoient mie bien ou ilz aloient. (Bérinus, II, c.1350-1370, 102). Et semblablement, l'en doit eslire pour soy les choses qui sont bonnes et aveques ce que [il faut que] elles soient expedientes pour soy meïsme. (ORESME, E.A., c.1370, 277). ...et certes la duchesse valoit bien que l'on fist d'elle grant extime, car elle estoit fille de Roy, une très grande et puissante duchesse, et avec ce l'une des plus belles dames de tout le monde. (LA MARCHE, Mém., I, c.1470, 259). Jehan Daunoy estoit armé de toutes pieces, avec ce avoit ung sayon de cramoisy, decouppé bien menu sur son dit harnois, monté sur ung grant coursier de Peuylle, bien bardé de riches bardes (LA VIGNE, V.N., p.1495, 266).

-

Avec ce que. "Outre ceci à savoir que..., en plus de ceci que..." : Nous y avons si exploité Qu'en avons a noble conroy Amené la fille du roy Pour ce qu'elle soit vostre femme, Qui est voir la plus belle dame Qu'on sache, avec ce qu'est bien née, Voire, et la mieulx moriginée Et en ses faiz la plus apperte. (Mir. Berthe, c.1373, 161). Nous le tenons si doulz et si pacient, et avec ce que vous estes de son sang, qu'il orra voulentiers vostre escusance (FROISS., Chron. M., XIV, c.1375-1400, 14). Ces parolles engendrèrent grand hayne dudict conte de Charroloys au roy, avec ce qu'il n'y avoit guères que le roy avoit rachapté les villes de dessus la rivière de Somme (COMM., I, 1489-1491, 8).

-

N'a gueres avec un an. "Il n'y a guère plus d'un an (litt. en plus d'un an)" : Or advint, n'a gaires avecq ung an, que... (Percef. V, R., c.1450 [c.1340], 395).

b)

[Dans diverses constr. verbales]

-

Ajouter avec qqc. "Ajouter à" : Chiers et grans amis, j'ai recheü de par vous unes lettres qui moult me donnent a penser pour tant que vous me tenés a vostre compagnon et appellés a vostre consel et adjoustés avoec vos joieuses et amoureuses aventures, et me nommés sage et discré et digne de ce valoir et faire (FROISS., Pris. am. F., 1372-1373, 60).

-

Compter avec. "Assimiler à" : Car je seroie trop honteus S'on me comptoit avoec les deus Qui onques d'amer ne dagnierent Ne nulles dames n'adagnierent (FROISS., Pris. am. F., 1372-1373, 41).

-

Participer avec qqc. : Donques puisque ceste puissance ou partie d'ame participe aveques raison, il convient dire que elle est racionele aucunement. (ORESME, E.A., c.1370, 144).

-

Raccorder avec qqc. : ...et le toit d'icelle montée racortier et raccorder avec les autres tois (Trés. Reth. S.L., t.2, 1409-1410, 626).

c)

[Dans une constr. subst.] Subst. + avec + subst. "Comportant" : Un trop riche arc portoit o li, Trop bien fait et trop bien poly, Avec des fleches barbelees, Trop joliement empanees. (MACH., F. am., c.1361, 210). ...une houpelande courte, fourrée d'escurieux, avec un pourpoint de fustenne (Reg. crim. Chât., I, 1389-1392, 169).

B. -

En partic.

1.

[Marque l'accompagnement, la présence d'une personne auprès d'une autre ou bien d'une chose auprès d'une personne]

a)

"Auprès de, en compagnie de" : Tant dura la guerre et l'outrage Entre les dux de hault parage Qu'ovec grant gent de sa contree Ceste cité a Dieu donnee Vint li dux Estorge assegier (Tomb. Chartr. Trois contes S., c.1337-1339, 76). Chier frére et amis, Dieu vous mande, Que vous aveques nous veigniez. (Mir. enf. diable, c.1339, 53). Tu me desis Que tous jours aroie avoec mi Espoir et Souvenir ossi Et Douls Penser. (FROISS., Par. am., c.1361-1362, 43). Avoec moi menrai Atemprance (FROISS., Par. am., c.1361-1362, 58). ...Ou mis aveques les dampnés, En prison ou en chartre obscure, Sans jamais veoir creature. (MACH., P. Alex., p.1369, 252). Et doit avoir un ou deux compaignons aveques soy, chascun ses levriers en sa main. (GAST. PHÉBUS, Livre chasse T., 1387-1389, 288). Mes treschier amis, venés Avecque moy prier (Pass. Autun Roman F., c.1400-1500, 179). Toutevoiez, le conte d'Artois aloit souvent a la court du roy et de la royne et passoit le plus de son tempz avecquez lez damez ez chambres et souverainement avecque la fille du roy (Comte Artois S., c.1453-1467, 111). Martin, mon filz, n'as tu pas volunté D'avecques moy chevaulcher jusqu'a Romme ? (LA VIGNE, S.M., 1496, 168).

-

[Dans un grand nombre de constr. verbales]

.

S'allier avec qqn : Et depuis le filz et ses aliés ont achevé ce que le pere avoit commencé, et se sont aliés avecque les Anglois (JUV. URS., Aud. celi, 1435, 227).

.

Converser / parler avec qqn : Puis qu'avoec euls voel converser, Il ne me pueent traverser Que je ne les mette a merchi. (FROISS., Par. am., c.1361-1362, 52). Item, il parle et converse differentment et autrement aveques ceulz qui sont en dignes et grans estas (ORESME, E.A., c.1370, 265).

.

Coucher avec qqn (sexuellement) : ...car bien est verité que couchier aveques la femme son voisin et ferir son prouchain et donner de sa main argent pour faire homicide, teles choses sont faites de legier et sont en la puissance des gens. (ORESME, E.A., c.1370, 321). Dit avec ce que en ycelui temps que elle coucha avec un carme de ladite ville de Rouen, au partir qu'elle fist de sadite chambre, elle mal print une grant nape de table, laquele elle vendi en ladite ville de Rouen (Reg. crim. Chât., II, 1389-1392, 435).

.

Danser avec qqn : ...et après ce qu'elle ot danssé un petit esdites dansses avec un nommé Thomas Le Borgne... (Reg. crim. Chât., I, 1389-1392, 341).

.

Se radouber avec qqn. "Se réconcilier avec qqn" : Ledict conte de Charroloys se radoba avec son père le mieulx qu'il peut. (COMM., I, 1489-1491, 11).

.

Traiter avec qqn : Et li messagier là estoient, Qui aveques le roy traitoient (MACH., P. Alex., p.1369, 122).

-

[Avec une idée de coopération] : ...de ester et seoir en assises et jugier aveques ses pers et compaignons (Chartes Abb. St-Magl. T.F., t.3, 1348, 158).

.

Dispenser sur qqc. avec qqn. "Régler qqc. avec qqn" : Item, durant le temps que ledit frere Mathieu tendra la ditte prevosté ou que il aura chambre en la ditte eglise ou que il demourra en ycelle, il sera tenu servir a l'eglise et fere son office, a son tour, comme un des autres religieux prestes qui sont tenuz a chanter la grant messe et autres messes ; et quant aus autres services ou offices que les diz religieux sont tenuz fere en laditte eglise, ledit monseigneur l'abbé dispensera sur ce ovecques lui, toutes fois que il plera audit monseigneur l'abbé. (Chartes Abb. St-Magl. T.F., t.3, 1386, 567).

-

[Marque la présence d'une chose auprès d'une personne] : Et je te promés, par ma foy, Que m'amour et le cuer de moy Aras toudis aveques toy (MACH., F. am., c.1361, 222). ...et paix seroit avecque vous (JUV. URS., Aud. celi, 1435, 250).

b)

"Auprès de, chez"

-

[Avec un verbe impliquant une direction] : Fuions en, je vous pry, bon erre, Frerë, avec le bon saint Pierre [en sorte d'être auprès de] Et ovrerons de son conceil. (Myst. st Clément Metz D., p.1439, 168). ...je obeiray a la requeste de la pucelle, qui me fait tresgrant honneur quant elle me daigne appeler avecq elle (Percef. V, R., c.1450 [c.1340], 264).

c)

"À l'égard de" : Comment (...) sont les gens des trois estas avecques le roy de Visses (HENRI FERR., Modus et Ratio, Livre deduis T., c.1354-1377, 150).

d)

[Avec une idée d'opposition, d'hostilité] "À l'encontre de" : A la parfin, bataille est commencié avecquez les Sabins, laquele fut trop plus grant que n'orent esté les autres dessus dictes, car les Sabins ne vorrent point aler avant par courrous ou par couvoitice ne ne moustrerent point qu'il voulissent faire guerre jusquez a tant que il la firent (BERS., I, 1, c.1354-1359, 11.5, 18). Et le peuple appellé Scite, en la guerre qu'il eut avecques le roy Daire de Perse, se mist tousjours en fuyte jusques ad ce qu'il vint au lieu ou estoient les sepultures de leurs peres et predecesseurs, et illec se combatirent jusques a la mort (CHART., Q. inv., 1422, 12).

2.

[Marque la manière d'être ou d'agir] : Tres chiers et grans amis, avoec toutes recommendations donnees et envoiies dou tamps passé, je me recommande a present a vous com li tous vostres (FROISS., Pris. am. F., 1372-1373, 163). La secunde condicion si est que oroison se face avecque douleur et pleinte (JUV. URS., Aud. celi, 1435, 274). Et la, toute sa vie, en grant humilité et povreté, avec une tressainte vie, passa ses jours jusques au mois d'aoust, l'an de Nostre Seigneur mil IIIcXLV, que Dieu la prist en son tresglorieux regne. (LA SALE, Salade, c.1442-1444, 176).

3.

[Marque le moyen (concr. ou abstr.), l'instrument (qui suppose la présence simultanée du moyen ou de l'instrument en cause et ce sur quoi il opère)] "Moyennant" : Et fay conclusion finable Sur le mariage louable, Car l'espiritel par celli Puez tu acquerre avecque li. (DESCH., M.M., c.1385-1403, 338). Prenez dou vin tiede, et avec un biau drap a tout vostre doy li lavez l'oreille trois ou quatre foiz le jour (GAST. PHÉBUS, Livre chasse T., 1387-1389, 119). ...et fit monter gens de pied derrière tous ses hommes d'armes et avec une lime sorde seyer une barrière à quoy lesditz Bourguignons se fioient (TRING., c.1477-1483, 272). ...se elle [la machoire] est rompue, soyt ramenee avec les doys mis dedans la bouche du malade et soyt reduite a son devoir. (PANIS, Guidon, 1478, tr.V, doct.1, chap.2). Aprés que la ventouse est appliquee une foys ou deux la ou est necessité, en l'espasse comprinse soyent faictes plusieurs scarifficacions ordonnees et profondes selonc le cuir avec lancetes ou rasoers. (PANIS, Guidon, 1478, tr.VII, doct.1, chap.1).

4.

[Précédé de de marquant la rupture d'une concomitance, d'un accompagnement...] D'avec : ...car il a plus de trois ans qu'il se parti d'avec moy et de cest enfant que je tien (Bérinus, I, c.1350-1370, 50). Cy conmence un miracle de Nostre Dame de la fille d'un roy qui se parti d'avec son pére pour ce qu'il la vouloit espouser (Mir. fille roy, c.1379, 3). ...tantost se parti Et d'avec moy se departi Et s'en ala. (Mir. st Alexis, 1382, 309). Coupe le coul tout entour, res a res des espaules, par le bout de la hampe, et face tenir a un homme les costés et tourne le coul a force, si rompra d'avec les costés. (GAST. PHÉBUS, Livre chasse T., 1387-1389, 180). Et s'enfuient d'avecques eulx Comme couars (LA HAYE, P. peste, 1426, 76). ...pour discerner les indignes d'avec les dignes (CHART., L. Esp., c.1429-1430, 28). Et ennuy D'avec son cueur bannira (CH. D'ORLÉANS, Songe compl. C., 1437, 108). Vous cuidiez bien y estre le plus fort et que voz gens ne vous habandonnassent point ne ne bougeassent d'avec vous. (BUEIL, II, 1461-1466, 239). Je viens d' [avecque] ta femelle, J'ay tant scellé que plus n'en puis. (Sots, c.1480-1500, 263).

-

Hors d'avec : Mére, ne souffrez nullement Que hors d'avecques nous s'en voit (Mir. Berthe, c.1373, 197). Et einsi demuerent toute la sayson de l'esté les boucs hors d'avec les chievres jusques atant que le temps de leur ruit vient (GAST. PHÉBUS, Livre chasse T., 1387-1389, 71). Et Espoir mon chier amy tiens, Qui a maintesfois, par proesse, Bouté hors d'avec moy Destresse (CH. D'ORLÉANS, Ball. C., c.1415-1457, 48). Tous ses souspirs hors d'avec vous boutez Et plus ainsi en dueil ne radoubtez Et ne craignez soucy ne ne doubtez (Chasse am. W., a.1509, 59).

II. -

[Empl. adv. ; marque la présence simultanée] "En même temps, de surcroît" : A ce point estoit le glout sire du païs ou nous demourions, car il l'avoit acheté du grant avoir que on me donna, et avecques, cellui qui le vendi lui donna a moullier une sienne fille (Bérinus, II, c.1350-1370, 15). Mais je vous di bien qu'i convient Qu'il me serve set ans entiers, Et dix livres de voz deniers Avoir avec. (Mir. st Panth., 1364, 313). ...et avec [les damnés brûlés en enfer] ont vers qui touz jours rungent avec le feu (JEAN GOLEIN, Rational B.D., c.1370-1372, 56). ...que nous deist verité où il avoit prins ledit chapperon, et qu'il avoit fait des autres choses qu'il avoit prinses avec. (Reg. crim. Chât., I, 1389-1392, 17). Si vous supply que vous lui veulliez prier que il la veulle prendre a moillier et le royaume d'Armenie avec. (ARRAS, c.1392-1393, 141). Item, ayez ung drappel moullié en viez oint, et mectez ou font du pié, et de la fiente avec. (Ménagier Paris B.F., c.1392-1394, 140). Et, en la chambre de ses comptes Ot evesques et archevesques, Cardinaulx et papes avecques (CHR. PIZ., M.F., I, 1400-1403, 65). Si dis que tel serviteur n'est ne bon ne loyal, car il aide son maistre à tresbuchier en enfer et lui meismes avec. (CHR. PIZ., Paix W., 1412-1413, 87). Je sçay bien qu'il y appert largement, et aux draps de nostre lit avecques. (C.N.N., c.1456-1467, 266). Foy ne luy doy n'ommaige avecque, Je ne suis son serf ne sa biche. (VILLON, Test. R.H., 1461-1462, 24). Et que on mecte cuire l'ognon, s'il n'y a assez gresse, et qu'on y mecte ung petit de boullon de beuf avec. (Recueil Riom L., c.1466, 76). Salomon son filz soigneusement Feit son sepulcre et obseques Et y meit pour decorement Oudeurs et grans tresors avecques. (MART. D'AUV., Mat. Vierge L.H., c.1477-1483, 31). Vous aurez une region Et ung moult grant pays avecque Et de gens une legion (LA VIGNE, S.M., 1496, 406).

-

"Dans la même voie, de la même manière" : ...et quant je veoie qui mal en disoit, je me mectoie et aloie avec, et me consentoie au mal dire et affermer, a mon pouoir, du cuer, de la bouche et du corps. (Ménagier Paris B.F., c.1392-1394, 27).

-

"Parmi les présents" : Lors se arriverent et ancrerent au port, et manderent a l'abbaye que ilz ne se doubtassent pas, car c'estoient amis, et estoit le maistre de Rodes avec. (ARRAS, c.1392-1393, 91).