I. -

Prép. "Autour"

A. -

Autour de qqn : Mais le soudant, qui fu plain de grant cuer et de grant vaissellage, ralie sa gent autour de lui, et livre assault a noz gens moult fierement. (ARRAS, c.1392-1393, 112). Messires Jehans de Hainnau (...) manda as chevaliers et esquiers autours de li ["de son entourage"], desquels il pensoit a estre acompagniés et servis, tant en Hainnau, en Braibant, en Flandres et en Hasbaing, tout furent apparilliet a sa priere et ordenance. (FROISS., Chron. D., p.1400, 112). Prince, soyez moy debonnaire Car je suis tout espoventé, La mort autour de moy repaire : Dieu en face sa voulenté ! (RÉGN., F.A., 1432-c.1465, 126).

B. -

(Tout) autour de qqc. : Par mon chief, dist l'escuier, vecy bonne contenance de gens d'armes ; ilz ne sont pas apprentiz de leur mestier. Telz gens font fort a ressoingnier et a doubter. Lors regarde a dextre, sur une petite montaigne, et voit le guet ou il ot bien Vc. hommes d'armes et voit les coureurs descouvrir tout autour de l'ost. (ARRAS, c.1392-1393, 178). Mais Gieffroy avisoit de venir pourveu de manteaulx et de cloies pour les pierres de faiz. Et ainsi qu'il s'amusoit en ce pensant, il entra en une estroicte charriere qui remontoit la montaigne, a revenir autour de la forteresse, pour repairer a son logeiz. (ARRAS, c.1392-1393, 199). Et Gieffroy et Thierry s'en partent, et leurs gens, et emportent le cuer de leur pere. Et en toutes les villes la ou ilz gisoient, font autour du cuer beau luminaire et dire toute la nuit par religieux, s'ilz en pevent finer, pseaulmes et vigilles. (ARRAS, c.1392-1393, 293). Lors [Mélusine] se transfigura en guise de serpente comme devant, et s' en ala debatant de sa queue autour du lit et sur leurs piez, sans nul mal faire (ARRAS, c.1392-1393, 309).

-

D'autour + subst. : ...en plusieurs maisons assises en divers villages d'autour Paris (ROYE, Chron. scand., I, 1460-1483, 70).

-

Autour (d'une tour). "À la ronde" : Et ceulx l'y mainent [Geoffroy] tant qu' ilz virent en une montaigne une grosse tour qui sourveoit V. lieues de pays autour de lui. (ARRAS, c.1392-1393, 244).

II. -

Adv. (Tout) autour : Karle voit le castel qui tant fist a loer, Il fist aler autour voir et regarder (Renaut Mont. B.N. V., c.1350-1400, 218). Les nouvelles en vindrent au matin aux seigneurs qui aprouchoient Saint-Fagon et qui estoient logiez tout autour (FROISS., Chron. M., XIV, c.1375-1400, 129). ...et [Remondin] regarde dedens, et voit Melusigne qui estoit en une grant cuve de marbre, ou il avoit degrez jusques au fons. Et estoit bien la grandeur de la cuve de XV. piez de roont tout autour en esquarrie, et y ot alees tout autour de bien V. piez de large. Et la se baignoit Melusigne en l'estat que vous orrez cy aprez en la vray histoire. (ARRAS, c.1392-1393, 241). Et fu la tour bien fossoye et les fossez bien curez, et bonnes, fortes et haultes brayes ; et autour, dehors les fossez, bons murs ; et fu la tour bien gueurlandee, et y ot deux paire de bons fors pons leveiz. (ARRAS, c.1392-1393, 244). Et droit environ soleil levant, vindrent sur une petite montaigne, et appercoivent la forteresce de Porrentru et le siege tout autour. (ARRAS, c.1392-1393, 286). Et estoit le corps en bonne toile ciree, et gesoit en sa biere sur deux haulx treteaulx devant le maistre autel de layens, et y avoit grant luminaire, et tousjours VIIJ. des freres de layens autour, jour et nuit, qui disoient pseaulmes et vigilles de mors. (ARRAS, c.1392-1393, 290). Dont se leva il et prist congiet au roi et as prelas et hauls barons qui la estoient, et les enclina tous autour et euls li. (FROISS., Chron. D., p.1400, 486). A quans coups ilz se leveroient, Devers le matin, s'ilz n'avoient (...) de varlés grant tas autour, Pour les servir ? (CHR. PIZ., M.F., II, 1400-1403, 34).

-

Subst. + d'autour : Ly enfes jut a tierre laidement adenté. Lors ont li gent d'autour eüt grande pité. (Chev. cygne P., c.1356, 89). ...ces gens d'armes (...) coururent tout le pais d'autour (FROISS., Chron. D., p.1400, 650).

-

Aller autour. "Faire le tour des présents, pour quelque acte de politesse à leur égard" : ...[Charles de Blois et son frère, après avoir obtenu l'appui du roi, désirant celui de ses vassaux] alerent autour priier lors amis, premierement lor oncle le conte d'Alençon, et puis lor cousin germain le duch de Normendie, le duch Oede de Bourgongne et mesire Phelippe de Bourgongne son fil, le duch Piere de Bourbonn et messire Jaqueme de Bourbon conte de Pontieu son frere, le conte d'Eu et de Ghines (FROISS., Chron. D., p.1400, 490). Adont se traist la dame a mesire Gautier et l'enbraça moult doucement et le baisa, et puis apriés tous les aultres. Et qant elle ot alé tout autour et fait celle requelloite, elle les enmena amont ou chastiel, pour euls aisier et rafresqir (FROISS., Chron. D., p.1400, 526).

-

Cheminer autour. "Contourner (un obstacle)" : ...entre euls et les Englois il i avoit grans mares, montagnes et desers, lesquels on ne pooit passer a l'adrece. Mais convenoit ceminer autour (FROISS., Chron. D., p.1400, 130).

III. -

Empl. subst. "Environnement" : En l'autour ont trouvé des armeures assez [ou lire en la tour ?] (Hern. Beaul. D.B., c.1350-1400, 39).